26 July 2019

ਬਾਦਲਾਂ ਦੇ ‘ਮੇਜਰ’ ਨੇ ਚੌਟਾਲਿਆਂ ਦੇ ਗੜ੍ਹ ਦਾ ‘ਸਿਆਸੀ ਮੇਜਰ’ ਬਣਨ ਲਈ ਤਾਲ ਠੋਕੀ

                                              ਇਕਬਾਲ ਸਿੰਘ ਸ਼ਾਂਤ
ਲੰਬੀ: ਬਾਦਲਾਂ ਦੇ 'ਮੇਜਰ' ਭੁਪਿੰਦਰ ਸਿੰਘ (ਢਿੱਲੋਂ) ਬਾਦਲ ਨੇ ਚੌਟਾਲਿਆਂ ਦੇ ਗੜ• ਡੱਬਵਾਲੀ ਹਲਕੇ ਦਾ 'ਸਿਆਸੀ ਮੇਜਰ' ਬਣਨ ਲਈ ਤਾਲ ਠੋਕ ਦਿੱਤੀ ਹੈ। ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਚਚੇਰੇ ਭਰਾ ਅਤੇ ਭਾਰਤੀ ਫੌਜ਼ ਵਿਚੋਂ ਬਤੌਰ ਮੇਜਰ ਸੇਵਾਮੁਕਤ ਹੋਏ ਭੁਪਿੰਦਰ ਸਿੰਘ ਢਿੱਲੋਂ ਆਗਾਮੀ ਵਿਧਾਨਸਭਾ ਚੋਣਾਂ 'ਚ ਡੱਬਵਾਲੀ ਹਲਕੇ ਤੋਂ ਅਕਾਲੀ-ਭਾਜਪਾ ਟਿਕਟ 'ਤੇ ਆਪਣੀ ਸਿਆਸੀ ਕਿਸਮਤ ਅਜਮਾਉਣ ਦੇ ਰੌਂਅ 'ਚ ਹਨ। ਡੱਬਵਾਲੀ ਸ਼ਹਿਰ 'ਚ ਡੱਬਵਾਲੀ
ਟਰਾਂਸਪੋਰਟ ਤੋਂ ਸਫ਼ਲ ਸਿਆਸੀ ਜੀਵਨ ਸ਼ੁਰੂ ਕਰਨ ਵਾਲੇ ਬਾਦਲ ਖ਼ਾਨਦਾਨ ਦੇ ਇਸ 71 ਸਾਲਾ ਰੌਸ਼ਨ ਚਿਰਾਗ ਦੀ ਬਤੌਰ ਵਿਧਾਇਕ ਆਪਣੀ ਜਨਮ ਭੂਮੀ ਡੱਬਵਾਲੀ ਹਲਕੇ ਦੀ ਸੇਵਾ ਕਰਨਾ ਦੀ ਵੱਡੀ ਇੱਛਾ ਹੈ। 1948 'ਚ ਜਨਮੇ ਅਤੇ  ਸਾਬਕਾ ਮੈਂਬਰ ਪਾਰਲੀਮੈਂਟ ਗੁਰਰਾਜ ਸਿੰਘ ਬਾਦਲ ਦੇ ਸਪੁੱਤਰ ਭੁਪਿੰਦਰ ਸਿੰਘ ਨੇ ਜਨਮ ਤੋਂ ਲੈ ਕੇ ਜਵਾਨੀ ਦੇ 22-23 ਸਾਲ ਡੱਬਵਾਲੀ ਸ਼ਹਿਰ ਵਿੱਚ ਲੰਘਾਏ ਹਨ। ਉਹ ਡੱਬਵਾਲੀ ਸ਼ਹਿਰ ਦੇ ਜ਼ਰੇ-ਜ਼ਰੇ ਨਾਲ ਵਾਕਫ਼ ਹਨ। ਉਨ•ਾਂ 1965 ਤੋਂ ਭਾਰਤੀ ਫੌਜ਼ 'ਚ ਲਗਪਗ ਪੌਨੇ ਦੋ ਦਹਾਕੇ ਦੇਸ਼ ਦੀਆਂ ਸੇਵਾ ਕੀਤੀ ਹੈ। 1971 'ਚ ਭਾਰਤ-ਪਾਕਿ ਜੰਗ ਦੌਰਾਨ ਸਾਂਭਾ ਸੈਕਟਰ (ਜੰਮੂ ਕਸ਼ਮੀਰ) ਵਿੱਚ ਦੁਸ਼ਮਣ ਨਾਲ ਲੋਹਾ ਲੈ ਚੁੱਕੇ ਹਨ। 1979 ਤੋਂ 1983 ਤੱਕ ਰਾਜਪਾਲ ਪੰਜਾਬ ਦੇ ਏ.ਡੀ.ਸੀ. ਵੀ ਵਜੋਂ ਸੇਵਾ ਨਿਭਾਈਆਂ ਹਨ। ਉਹ ਡੱਬਵਾਲੀ ਨਾਲ ਖਹਿੰਦੇ ਮੰਡੀ ਕਿੱਲਿਆਂਵਾਲੀ 'ਚ ਸਥਿਤ ਮਹਾਂ ਪੰਜਾਬ ਵੇਲੇ ਦੇ ਗੁਰੂ ਨਾਨਕ ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਹਨ। ਸੂਤਰਾਂ ਅਨੁਸਾਰ ਬਾਦਲ ਪਰਿਵਾਰ ਉਸਦੇ ਮੇਜਰ ਦੀ ਇੱਛਾ ਨੂੰ ਸਿਰੇ ਚਾੜ•ਨ ਲਈ ਭਾਜਪਾ ਹਾਈਕਮਾਂਡ ਦੇ ਸਿਖ਼ਰਲੇ ਆਗੂਆਂ ਦੇ ਸੰਪਰਕ ਵਿੱਚ ਹੈ। ਜਦਕਿ ਰਾਸ਼ਟਰੀ ਸਵੈ-ਸੇਵਕ ਸੰਘ ਨਾਲ ਜੁੜਿਆ ਇੱਕ ਧੜਾ ਵੀ ਉੱਚ ਪੱਧਰ 'ਤੇ ਭਾਜਪਾ ਦੇ ਸਿਆਸੀ ਅਖਾੜੇ 'ਚ ਮੇਜਰ ਭੁਪਿੰਦਰ ਸਿੰਘ ਦੇ ਪੈਰ ਟਿਕਾਉਣ ਲਈ ਜ਼ਮੀਨ ਤਿਆਰ ਕਰ ਰਿਹਾ ਹੈ। ਬੀਤੇ ਲੋਕਸਭਾ ਚੋਣਾਂ 'ਚ ਭਾਜਪਾ ਨੂੰ ਚੌਟਾਲਿਆਂ ਦੇ ਗੜ• ਡੱਬਵਾਲੀ ਵਿਚੋਂ 8800 ਵੋਟਾਂ ਦੀ ਬੜ•ਤ ਮਿਲੀ ਸੀ। ਡੱਬਵਾਲੀ ਹਲਕੇ 'ਚ ਅਕਾਲੀ ਦਲ ਨਾਲ ਜੁੜੀਆਂ ਸਿੱਖ ਬੈਲਟ ਦੀਆ ਹਜ਼ਾਰਾਂ ਵੋਟਾਂ ਹਨ, ਜਿਹੜੀਆਂ ਮੇਜਰ ਦੀ ਸਿਆਸੀ ਇੱਛਾ ਲਈ 'ਰਾਮ ਬਾਣ' ਸਾਬਤ ਹੋ ਸਕਦੀਆਂ ਹਨ। ਡੱਬਵਾਲੀ ਹਲਕੇ ਤੋਂ ਭਾਜਪਾ ਟਿਕਟ ਲਈ ਪਹਿਲਾਂ ਹੀ ਸੀਨੀਅਰ ਭਾਜਪਾ ਆਗੂ ਦੇਵ ਕੁਮਾਰ ਸ਼ਰਮਾ, ਅਦਿੱਤਿਆ ਦੇਵੀ ਲਾਲ, ਬਲਦੇਵ ਸਿੰਘ ਮਾਂਗੇਆਣਾ ਅਤੇ ਵਿਜੈ ਵਧਵਾ ਵਗੈਰਾ ਪ੍ਰਮੁੱਖ ਦਾਅਵੇਦਾਰਾਂ ਵਿੱਚ ਸ਼ਾਮਲ ਹਨ। ਮੇਜਰ ਕੋਲ 'ਬਾਦਲ' ਵਾਲਾ ਵੱਡਾ ਸਿਆਸੀ ਬਰਾਂਡ ਅਤੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਉੱਚ ਭਾਜਪਾ ਲੀਡਰਸ਼ਿਪ ਨਾਲ ਗੂੜ•ੀ ਸਾਂਝ ਬਾਕੀ ਦਾਅਵੇਦਾਰੀਆਂ 'ਤੇ ਭਾਰੀ ਪੈ ਸਕਦੀ ਹੈ। ਉਂਝ ਡੱਬਵਾਲੀ ਤੋਂ ਪਿਛਲਾ ਵਿਧਾਨਸਭਾ ਚੋਣ ਲੜ ਚੁੱਕੇ ਦੇਵ ਕੁਮਾਰ ਸ਼ਰਮਾ ਦੀ ਵੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਸੰਘ ਨਾਲ ਨੇੜਤਾ ਜੱਗਜਾਹਰ ਹੈ। ਜਦਕਿ ਸਾਬਕਾ ਉਪ ਪ੍ਰਧਾਨ ਮੰਤਰੀ ਚੌਧਰੀ ਦੇਵੀ ਲਾਲ ਦੇ ਪੋਤਰੇ ਅਦਿੱਤਿਆ ਦੇਵੀ ਲਾਲ ਦੇ ਸਿਰ 'ਤੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦਾ ਹੱਥ ਮੰਨਿਆ ਜਾਂਦਾ ਹੈ। ਅਦਿੱਤਿਆ ਨੂੰ ਲੋਕਸਭਾ ਚੋਣਾਂ ਤੋਂ ਐਨ ਪਹਿਲਾਂ ਹਰਿਆਣਾ ਸਹਿਕਾਰੀ ਖੇਤੀਬਾੜੀ ਅਤੇ ਵਿਕਾਸ ਬੈਂਕ ਦਾ ਚੇਅਰਮੈਨ ਬਣਾਇਆ ਗਿਆ ਸੀ। ਅੱਜ ਗੁਰੂ ਨਾਨਕ ਕਾਲਜ ਮੰਡੀ ਕਿੱਲਿਆਂਵਾਲੀ ਵਿਖੇ ਮੇਜਰ ਭੁਪਿੰਦਰ ਸਿੰਘ ਢਿੱਲੋਂ ਨੇ ਪ੍ਰੈਸ ਕਾਨਫਰੰਸ ਵਿੱਚ ਆਖਿਆ ਕਿ ਉੁਨ•ਾਂ ਡੱਬਵਾਲੀ ਹਲਕੇ 'ਚ ਉਨ•ਾਂ ਦੇ ਸਮਰਥਕਾਂ ਤੇ ਸ਼ਹਿਰ ਵਾਸੀਆਂ ਵੱਲੋਂ ਉਨ•ਾਂ ਨੂੰ ਚੋਣ ਲਈ ਆਖਿਆ ਜਾ ਰਿਹਾ ਹੈ। ਪਰ ਉਹ ਅਕਾਲੀ ਦਲ (ਬ) ਦੇ ਵਫ਼ਾਦਾਰ ਸਿਪਾਹੀ ਹਨ। ਜੇਕਰ ਅਕਾਲੀ-ਭਾਜਪਾ ਹਾਈਕਮਾਂਡ ਵੱਲੋਂ ਡੱਬਵਾਲੀ ਹਲਕੇ ਤੋਂ ਉਨ•ਾਂ ਨੂੰ ਆਪਣਾ ਉਮੀਦਵਾਰ ਬਣਾਇਆ ਤਾਂ ਉਹ ਤੀਹ ਹਜ਼ਾਰ ਵੋਟਾਂ ਨਾਲ ਸੀਟ ਜਿੱਤਣਗੇ। ਉਨ•ਾਂ ਆਖਿਆ ਕਿ ਡੱਬਵਾਲੀ ਵਿੱਚ ਮੁੱਖ ਮੁਕਾਬਲਾ ਕਾਂਗਰਸ ਨਾਲ ਹੋਵੇਗਾ। ਇਨੈਲੋ ਦੁਫਾੜ ਹੋਣ ਕਰਕੇ ਉਹ ਵੋਟਾਂ ਗਿਣਤੀ 'ਚ ਕਮਜੋਰ ਪੈ ਗਈ ਹੈ। ਇਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦੀਆਂ ਕਾਰਜਪ੍ਰਣਾਲੀ ਨੂੰ ਲੋਕਪੱਖੀ ਅਤੇ ਵਿਕਾਸ ਪੱਖੀ ਦੱਸਿਆ। ਉਨ•ਾਂ ਹਰਿਆਣੇ ਨੂੰ ਵਿਕਾਸ ਪੱਖੋਂ ਅਤੇ ਸਰਕਾਰੀ ਨੀਤੀਆਂ ਪੱਖੋਂ ਪੰਜਾਬ ਨਾਲੋਂ ਕਾਫ਼ੀ ਬਿਹਤਰ ਦੱਸਿਆ। ਮੇਜਰ ਅਨੁਸਾਰ ਉਹ ਡੱਬਵਾਲੀ ਦੀਆਂ ਸਮੱਸਿਆਵਾਂ ਅਤੇ ਵਿਕਾਸ ਦੀਆਂ ਜ਼ਰੂਰਤਾਂ ਤੋਂ ਭਲੀ-ਭਾਂਤ ਜਾਣੂ ਹਨ। -93178-26100

20 July 2019

'ਆਲਸੀ ਮਹਾਰਾਜੇ' ਦੇ ਸੂਬੇ 'ਚ ਸੁਣਵਾਈ ਜਾਂ ਇਨਸਾਫ਼ ਲਈ ਧਰਨਾ ਜਾਂ ਸੜਕੀ ਜਾਮ ਬਣਿਆ ਇਕਲੌਤੀ ਰਾਹ

* ਮੁੱਖ ਮੰਤਰੀ ਦੀ ਆਲਸੀ ਕਾਰਗੁਜਾਰੀ ਕਾਰਨ ਪੰਜਾਬ 'ਚ ਸਲੀਪ ਮੋਡ 'ਤੇ ਚੱਲ ਰਿਹਾ ਪ੍ਰਸ਼ਾਸਨਕ ਕੰਮਕਾਜ਼
* ਜਵਾਹਰੇਵਾਲਾ ਗੋਲੀ ਕਾਂਡ 'ਚ ਮੁਲਜਮਾਂ ਦੀ ਗ੍ਰਿਫਤਾਰੀ ਲਈ ਸੜਕਬੰਦੀ ਲਈ ਲਾਮਬੰਦੀ ਸ਼ੁਰੂ


                                                ਇਕਬਾਲ ਸਿੰਘ ਸ਼ਾਂਤ
        ਸ੍ਰੀ ਮੁਕਤਸਰ ਸਾਹਿਬ/ਲੰਬੀ/ਡੱਬਵਾਲੀ: ਪੰਜਾਬ ਦੀ ਆਲਸੀ ਸਰਕਾਰ ਜਾਂ ਪੁਲਿਸ-ਸਿਵਲ ਪ੍ਰਸ਼ਾਸਨ ਤੋਂ ਸੁਣਵਾਈ ਕਰਵਾਉਣ ਜਾਂ ਇਨਸਾਫ਼ ਲਈ ਆਮ ਅਤੇ ਪੀੜਤ ਲੋਕਾਂ ਕੋਲ ਧਰਨੇ-ਮੁਜਾਹਰੇ ਅਤੇ ਸੜਕੀ ਜਾਮ ਵਾਲਾ ਸੰਘਰਸ਼ ਇੱਕੋ-ਇੱਕ ਰਾਹ ਰਹਿ ਗਿਆ ਹੈ। ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਕਾਂਗਰਸ ਸਰਕਾਰ ਦੀ ਸ਼ਹਿ ਕਾਰਨ ਜਵਾਹਰੇਵਾਲਾ ਕਾਂਡ ਦੇ ਮੁਲਜਮਾਂ ਦੀ ਗ੍ਰਿਫ਼ਤਾਰੀ ਨਾ ਹੋਣ ਕਾਰਨ ਐਕਸ਼ਨ ਕਮੇਟੀ ਵੱਲੋਂ ਜਾਰੀ ਸੰਘਰਸ਼ ਦਾ ਤਾਅ ਵਧਾਉਣ ਲਈ  22 ਜੁਲਾਈ ਨੂੰ 24 ਘੰਟਿਆਂ ਲਈ ਮੁਕਤਸਰ ਵਿਖੇ ਸੜਕੀ ਆਵਾਜਾਈ ਠੱਪ ਕਰਨ ਦਾ ਸੱਦਾ ਦਿੱਤਾ ਗਿਆ ਹੈ। ਜਿਸ ਵਿੱਚ ਹਲਕਾ ਲੰਬੀ ਵਿਚੋਂ ਵੀ ਵੱਡੀ ਗਿਣਤੀ 'ਚ ਖੇਤ ਮਜ਼ਦੂਰ ਮਰਦ-ਔਰਤਾਂ ਸ਼ਾਮਲ ਹੋਣਗੇ। 
       22 ਜੁਲਾਈ ਨੂੰ ਸੜਕ ਬੰਦੀ ਲਈ ਲਾਮਬੰਦੀ ਸਬੰਧੀ ਸਬੰਧੀ ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਦੀ ਬਲਾਕ ਕਮੇਟੀ ਵੱਲੋਂ ਸਿੰਘੇਵਾਲਾ ਵਿਖੇ ਕੀਤੀ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਯੂਨੀਅਨ ਦੇ ਸੂਬਾ ਜਨਰਲ ਸਕੱਤਰ ਲਛਮਣ ਸਿੰਘ ਸੇਵੇਵਾਲਾ ਨੇ ਦੋਸ਼ ਲਾਇਆ ਕਿ ਪਿੰਡ ਜਵਾਹਰੇਵਾਲਾ ਵਿਖੇ ਮਜ਼ਦੂਰ ਕਿਰਨਦੀਪ ਸਿੰਘ, ਉਸਦੀ ਭਰਜਾਈ ਮਿੰਨੀ ਰਾਣੀ ਨੂੰ ਕਤਲ ਕਰਨ ਅਤੇ ਕਈ ਹੁਰਾਂ ਨੂੰ ਜ਼ਖਮੀ ਕਰਨ ਵਾਲੇ ਦੋਸ਼ੀਆਂ ਨੂੰ ਹੁਕਮਰਾਨ ਕਾਂਗਰਸ ਪਾਰਟੀ ਦੀ ਸ਼ਹਿ ਹੋਣ ਕਾਰਨ ਇੱਕ ਹਫ਼ਤਾ ਬੀਤ ਜਾਣ ਦੇ ਬਾਵਜੂਦ ਅਜੇ ਵੀ ਦੋਸ਼ੀਆਂ ਨੂੰ ਪੁਲਿਸ ਗ੍ਰਿਫਤਾਰ ਨਹੀਂ ਕਰ ਰਹੀ। ਇਸ ਮੌਕੇ ਮੈਂਗਲ ਸਿੰਘ, ਕਾਲਾ ਸਿੰਘ, ਗੁਰਤੇਜ ਸਿੰਘ, ਜਸਵਿੰਦਰ ਸਿੰਘ, ਰਾਮਪਾਲ ਸਿੰਘ ਗੱਗੜ, ਜਸਵੀਰ ਸਿੰਘ ਮਹਿਣਾ, ਗੁਰਮੇਲ ਕੌਰ ਨੇ ਮਜ਼ਦੂਰਾਂ ਦੇ ਕਾਤਲਾਂ ਨੂੰ ਗ੍ਰਿਫਤਾਰ ਕਰਵਾਉਣ, ਪੀੜਤ ਪਰਿਵਾਰ ਨੂੰ ਅਜੇ ਵੀ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇਣ ਵਾਲਿਆਂ 'ਤੇ ਕੇਸ ਦਰਜ ਕਰਵਾਉਣ ਅਤੇ ਪੀੜਤ ਪਰਿਵਾਰਾਂ ਨੂੰ ਮੁਆਵਜ਼ਾ ਤੇ ਨੌਕਰੀ ਦੀ ਮੰਗ ਕੀਤੀ । 
       ਜ਼ਿਕਰਯੋਗ ਹੈ ਕਿ ਸੂਬੇ ਵਿੱਚ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੀ ਆਲਸੀ ਕਾਰਗੁਜਾਰੀ ਕਾਰਨ ਸੂਬੇ ਦਾ ਪ੍ਰਸ਼ਾਸਨ ਕੰਮਕਾਜ਼ ਸਲੀਪ ਮੋਡ ਜਾਂ ਮੱਠੀ ਰਫ਼ਤਾਰ ਨਾਲ ਚੱਲ ਰਿਹਾ ਹੈ। ਮੁੱਖ ਮੰਤਰੀ ਦੇ ਪੱਦਚਿੰਨ•ਾਂ 'ਤੇ ਵੇਲਾ ਲੰਘਾਊ ਨੀਤੀ ਤਹਿਤ ਪ੍ਰਸ਼ਾਸਨਕ ਤਾਣਾ-ਬਾਣਾ ਆਪਣੀ ਫਰਜ਼ਾਂ ਨੂੰ ਰਾਜਸੀ ਅਹੁਦੇਦਾਰੀਆਂ ਵਾਂਗ ਵਿਹਾਅ ਰਿਹਾ ਹੈ ਅਤੇ ਆਮ ਜਨਤਾ ਖੱਜਲ ਖੁਆਰ ਹੋ ਰਹੀ ਹੈ। ਸ੍ਰੀ ਮੁਕਤਸਰ ਸਾਹਿਬ ਜ਼ਿਲ•ੇ 'ਚ ਖਾਕੀ ਤੰਤਰ ਦੀ ਕਾਰਜਪ੍ਰਣਾਲੀ ਸਿੱਧੇ-ਅਸਿੱਧੇ ਤੌਰ 'ਤੇ ਮੁਲਜਮਾਂ ਪੱਖੀ ਜਾਪ ਰਹੀ ਹੈ। ਪੁਲਿਸ ਵੱਲੋਂ ਕਾਗਜ਼ਾਂ ਦਾ ਢਿੱਡ ਭਰਨ ਅਤੇ ਪੀੜਤਾਂ ਦੀਆਂ ਅੱਖਾਂ ਪੂੰਝਣ ਲਈ ਹਲਕੀਆਂ ਧਾਰਾਵਾਂ ਲਗਾ ਦਿੱਤੀਆਂ ਜਾਂਦੀਆਂ ਹਨ ਅਤੇ ਮੁਕੱਦਮਾ ਦਰਜ ਕਰਨ ਮਗਰੋਂ ਮੁਲਜਮਾਂ ਨੂੰ ਗ੍ਰਿਫ਼ਤਾਰ ਕਰਨ 'ਚ ਮਹੀਨੇ ਲਗਾ ਦਿੱਤੇ ਜਾਂਦੇ ਹਨ। 
        ਆਮ ਜਨਤਾ ਆਖਦੀ ਹੈ ਕਿ ਪ੍ਰਸ਼ਾਸਨ ਸਿਰਫ਼ ਕਾਹਲੀ ਨਾਲ ਉਨ•ਾਂ ਮਾਮਲਿਆਂ ਵਿੱਚ ਹੀ ਛੇਤੀ ਕਾਰਵਾਈ ਕਰਦਾ ਹੈ ਜਿਨ•ਾਂ 'ਚ ਹੁਕਮਰਾਨ ਧਿਰ ਅਤੇ ਪ੍ਰਸ਼ਾਸਨਕ ਅਧਿਕਾਰੀਆਂ ਦੇ ਨਿੱਜੀ ਮੁਫ਼ਾਦ ਜਾਂ ਸਿਆਸੀ ਸਿੱਝਦੇ ਹੋਣ। ਇਸੇ ਤਰ•ਾਂ ਕਰੀਬ ਦੋ ਹਫ਼ਤੇ ਪਹਿਲਾਂ ਲੰਬੀ ਅਤੇ ਸ੍ਰੀ ਮੁਕਤਸਰ ਸਾਹਿਬ ਦੇ ਵਿਚਕਾਰਲੇ ਸ਼ਹਿਰ ਵਿੱਚ ਦੋ ਦੁਕਾਨਦਾਰਾਂ ਦੇ ਆਪਸੀ ਝਗੜੇ 'ਚ ਤਿੰਨ ਖਾਕੀ ਸਰਕਾਰੀ ਸਾਨ• 95 ਹਜ਼ਾਰ ਰੁਪਏ ਖਾ ਗਏ ਸਨ। ਸਰਕਾਰੀ ਸਾਨ•ਾਂ ਨੇ ਰੁਪਏ ਹਜ਼ਮ ਕਰਨ ਉਪਰੰਤ 95 ਹਜ਼ਾਰੀ ਆਸਾਮੀ ਨੂੰ ਵਿਰੋਧੀ ਪਾਰਟੀ ਤੋਂ ਗਲਤੀ ਮੰਨਣ ਲਈ ਆਖ ਦਿਤਾ ਗਿਆ ਸੀ। ਜਿਸ 'ਤੇ ਮਾਮਲਾ ਭੜਕ ਗਿਆ ਅਤੇ ਮੀਡੀਆ ਦੇ ਦਬਾਅ ਸਦਕਾ ਪੈਸੇ ਵਾਪਸ ਕਰਕੇ ਸਰਕਾਰੀ ਸਾਨ•ਾਂ ਨੇ ਆਪਣੀ ਜਾਨ ਛੁਡਵਾਈ। 13 ਜੁਲਾਈ ਨੂੰ ਵਾਪਰੇ ਜਵਾਹਰੇਵਾਲਾ ਕਾਂਡ ਦੇ 12 ਨਾਮਜਦ ਮੁਲਜਮਾਂ ਵਿਚੋਂ ਤਿੰਨ ਮੁੱਖ ਮੁਲਜਮ ਸਮੇਤ ਸੱਤ ਦੀ ਗ੍ਰਿਫ਼ਤਾਰੀ ਨਾ ਹੋਣ ਪਿੱਛੇ ਵੀ ਪੁਲਿਸ ਦੀ ਮਨਸ਼ਾ ਜਥੇਬੰਦਕ ਸੰਘਰਸ਼ ਦਾ ਤਾਰਪੀਡੋ ਕਰਨ ਦੀ ਜਾਪਦੀ ਹੈ। ਸਾਰੇ ਮੁਲਜਮ ਗ੍ਰਿਫ਼ਤਾਰ ਨਾ ਹੋਣ ਕਰਕੇ ਪਿਛਲੇ ਸੱਤ ਦਿਨਾਂ ਤੋਂ ਦੋਵੇਂ ਮ੍ਰਿਤਕਾਂ ਦੀ ਦੇਹਾਂ ਸਿਵਲ ਹਸਪਤਾਲ ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਰੁਲ ਰਹੀਆਂ ਹਨ। ਐਕਸ਼ਨ ਕਮੇਟੀ ਦੇ ਆਗੂਆਂ ਦਾ ਕਹਿਣਾ ਹੈ ਕਿ ਜ਼ਿਲ•ਾ ਪੁਲਿਸ ਵੱਲੋਂ ਆਪਣੇ ਫਰਜ਼ ਨਿਭਾਉਣ ਦੀ ਬਜਾਇ ਪੀੜਤ ਪਰਿਵਾਰ ਨੂੰ ਲਾਸ਼ਾਂ ਦੀ ਬੇਅਦਬੀ ਦਾ ਦੋਸ਼ ਠਹਿਰਾ ਕੇ ਕਾਨੂੰਨੀ ਕਾਰਵਾਈ ਦੀਆਂ ਗੁੱਝੀਆਂ ਧਮਕੀਆਂ ਦਿੱਤੀਆਂ ਹਨ। ਜਥੇਬੰਦੀਆਂ ਦਾ ਕਹਿਣਾ ਹੈ ਕਿ ਇਸ ਮਾਮਲੇ 'ਚ ਬਲਾਕ ਯੂਥ ਕਾਂਗਰਸ ਦਾ ਪ੍ਰਧਾਨ ਨਾਮਜਦ ਹੋਣ ਅਤੇ ਮੁਲਜਮਾਂ ਦੀ ਸਿਆਸੀ ਅਤੇ ਆਰਥਿਕ ਪਹੁੰਚ ਕਰਕਕੇ ਕਾਂਗਰਸ ਸਰਕਾਰ ਕਾਰਵਾਈ ਤੋਂ ਪਾਸਾ ਵੱਟ ਰਹੀ ਹੈ। ਸਰਕਾਰਾਂ ਅਤੇ ਪ੍ਰਸ਼ਾਸਨ ਦੀ ਮਾੜੀ ਕਾਰਗੁਜਾਰੀ ਕਾਰਨ ਆਮ ਜਨਤਾ ਦਾ ਰੁਝਾਨ ਸਿਆਸੀ ਪਾਰਟੀਆਂ ਨਾਲੋਂ ਵੱਧ ਜਥੇਬੰਦਕ ਘੋਲਾਂ ਦੇ ਮੁੱਦਈ ਸੰਗਠਨਾਂ ਵੱਲ ਵਧੇਰੇ ਹੋ ਰਿਹਾ ਹੈ। ਲੋਕਾਂ ਅਨੁਸਾਰ ਹੁਣ ਹੱਕ ਅਤੇ ਸੁਣਵਾਈ ਲਈ ਸੰਘਰਸ਼ ਹੀ ਜੀਵਨ ਵਾਲੀ ਰਾਹ ਸੁਵੱਲੀ ਜਾਪਦੀ ਹੈ । M. No. 93178-26100

07 May 2019

ਹੁਕਮ ਵੀ ਆਪਣੇ ਅਤੇ ਅਦੂਲੀ ਵੀ, ਫਿਰ ਡਰ ਕਾਹੇ ਕਾ....

                               ਇਕਬਾਲ ਸਿੰਘ ਸ਼ਾਂਤ
ਲੰਬੀ/ਡੱਬਵਾਲੀ: ਪੰਜਾਬ ’ਚ ਸੱਤਾ ਪੱਖੀ ਪਰਛਾਵੇਂ ਵਾਲੇ ਲਿਫ਼ਟਿੰਗ ਠੇਕੇਦਾਰਾਂ ਵੱਲੋਂ ਖਰੀਦ ਏਜੰਸੀਆਂ ਨਾਲ ਕਥਿਤ ਮਿਲੀਭੁਗਤ ਤਹਿਤ ਗੈਰ-ਕਮਰਸ਼ੀਅਲ ਟਰੈਕਟਰ-ਟਰਾਲੀਆਂ ’ਤੇ ਕਣਕ ਲਿਫ਼ਟਿੰਗ ਕਰਵਾ ਕੇ ਮਾਣਯੋਗ ਹਾਈਕੋਰਟ ਦੇ ਨਿਰਦੇਸ਼ਾਂ ਅਤੇ ਸਰਕਾਰੀ ਨੋਟੀਫਿਕੇਸ਼ਨ ਦੀ ਜਾਣ-ਬੁੱਝ ਕੇ ਉਲੰਘਣਾ ਕੀਤੀ ਜਾ
ਰਹੀ ਹੈ। ਗੈਰ-ਕਮਰਸ਼ੀਅਲ ਟਰੈਕਟਰ-ਟਰਾਲੀਆਂ ’ਤੇ ਨਿਯਮਾਂ ਤੋਂ ਦੁੱਗਣਾ ਵਜ਼ਨ ਕਣਕ ਲੱਦ ਕੇ ਓਵਰ ਲੋਡਿੰਗ ਸਬੰਧਤ ਅਦਾਲਤੀ ਕਾਇਦੇ ਨੂੰ ਛਿੱਕੇ ਟੰਗਿਆ ਜਾ ਰਿਹਾ ਹੈ। ਗੈਰ-ਕਮਸ਼ਰੀਅਲ ਟਰੈਕਟਰ-ਟਰਾਲੀਆਂ ਰਾਹੀਂ ਖਰੀਦ ਕੇਂਦਰਾਂ ਤੋਂ ਵੇਅਰ ਹਾਊਸ ਅਤੇ ਹੋਰਨਾਂ ਏਜੰਸੀ ਗੋਦਾਮਾਂ ’ਚ ਧੜੱਲੇ ਨਾਲ ਕਣਕ ਲਿਫ਼ਟ ਕੀਤੀ ਜਾ ਰਹੀ ਹੈ। ਨਿਯਮਾਂ ਅਨੁਸਾਰ ਕਮਰਸ਼ੀਅਲ ਟਰੈਕਟਰ-ਟਰਾਲੀ ’ਚ 70 ਗੱਟੇ ਕਣਕ ਲਿਫ਼ਟ ਕੀਤੀ ਜਾ ਸਕਦੀ ਹੈ ਪਰ ਗੈਰ ਕਮਰਸ਼ੀਅਲ ਟਰੈਕਰ-ਟਰਾਲੀਆਂ ’ਚ 150 ਤੋਂ 200 ਗੱਟੇ ਲੱਦੇ ਜਾ ਰਹੇ ਹਨ। ਠੇਕੇਦਾਰਾਂ ਵੱਲੋਂ ਖਰੀਦ ਅਮਲੇ ਦੀ ਆਪਸੀ ਮਿਲੀਭੁਗਤ ਸਦਕਾ ਉਲੰਘਣਾਵਾਂ ਖਿਲਾਫ਼ ਸਮੁੱਚੇ ਕਾਨੂੰਨੀ ਦਾਅ ਖੇਰੰੂ-ਖੇਰੂੰ ਹੋ ਰਹੇ ਹਨ। ਖਰੀਦ ਏਜੰਸੀਆਂ ਨੇ ਕਾਗਜ਼ੀ ਬੁੱਤਾ ਸਾਰਨ ਲਈ ਅਦਾਲਤੀ ਨਿਰਦੇਸ਼ਾਂ ਦੇ ਹਵਾਲੇ ਤਹਿਤ ਲਿਫ਼ਟਿੰਗ ਠੇਕੇਦਾਰਾਂ ਨੂੰ ਗੋਲ-ਮੋਲ ਪੱਤਰ ਲਿਖ ਦਿੱਤੇ ਹਨ, ਜਿਨ੍ਹਾਂ ਦਾ ਜ਼ਮੀਨੀ ਹਕੀਕਤ ਨਾਲ ਕੋਈ ਵਾਅ-ਵਾਸਤਾ ਨਹੀਂ। ਪੰਜਾਬ ’ਚ ਕਣਕ ਲਿਫ਼ਟਿੰਗ ਵਗੈਰਾ ਦੇ ਬਹੁਗਿਣਤੀ ਟੈਂਡਰ ਸੱਤਾ ਪੱਖੀ ਕਾਂਗਰਸੀਆਂ ਕੋਲ ਹਨ। ਕਾਨੂੰਨੀ ਨਿਯਮਾਂ ਨਾਲ ਖਿਲਵਾੜ ਸਿਰਫ਼ ਮੰਡੀ ਕਿੱਲਿਆਂਵਾਲੀ (ਹਲਕਾ ਲੰਬੀ) ’ਚ ਵੇਅਰ ਹਾਊਸ ਦੇ ਗੋਦਾਮਾਂ ’ਚ ਨਹੀਂ ਚੱਲ ਰਿਹਾ ਬਲਕਿ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ, ਮਲੋਟ, ਬਠਿੰਡਾ, ਮਾਨਸਾ, ਗਿੱਦੜਬਾਹਾ ਸਮੇਤ ਸਮੁੱਚੇ ਪੰਜਾਬ ’ਚ ਖੁੱਲ੍ਹੇਆਮ ਕੀਤਾ ਰਿਹਾ ਹੈ।

         ਹੈਰਾਨੀ ਵਾਲੀ ਗੱਲ ਹੈ ਕਿ ਕਣਕ ਲੋਡਿੰਗ ’ਚ ਜੁਟੀਆਂ ਗੈਰ-ਕਮਸ਼ਰੀਅਲ ਟਰੈਕਟਰ-ਟਰਾਲੀਆਂ ਟਰਾਂਸਪੋਰਟ ਨਿਯਮਾਂ ਤਹਿਤ ਬੁਨਿਆਦੀ ਰਜਿਸਟਰੇਸ਼ਨ ਨੰਬਰ, ਨੰਬਰ ਪਲੇਟ, ਬੀਮਾ ਅਤੇ ਹੋਰਨਾਂ ਲੋੜੀਂਦੇ ਦਸਤਾਵੇਜ਼ ਵੀ ਨਹੀਂ ਹੁੰਦੇ। ਬਹੁਤ ਗਿਣਤੀ ਡਰਾਈਵਰਾਂ ਕੋਲ ਲੋੜੀਂਦੇ ਡਰਾਈਵਿੰਗ ਲਾਇਸੰਸ ਵੀ ਨਹੀਂ ਹਨ। 
ਇਨ੍ਹਾਂ ਸਬੰਧੀ ਸਰਕਾਰੀ ਨੋਟੀਫਿਕੇਸ਼ਨ ਅਤੇ ਅਦਾਲਤੀ ਹੁਕਮਾਂ ਨੂੰ ਲਾਗੂ ਕਰਵਾਉਣ ’ਚ ਪੰਜਾਬ ਸਰਕਾਰ, ਟਰਾਂਸਪੋਰਟ ਵਿਭਾਗ, ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਪੁਲਿਸ ਵਿਭਾਗ ਦੀਆਂ ਅੱਖਾਂ ਬੰਦ ਹਨ। 
      ਸਰਕਾਰੀ ਨਿਯਮਾਂ ਮੁਤਾਬਕ ਟਰੈਕਟਰ-ਟਰਾਲੀ ਨੂੰ ਕਮਰਸ਼ੀਅਲ ਕੰਮਕਾਜ਼ ਲਈ ਨਹੀਂ ਵਰਤਿਆ ਜਾ ਸਕਦਾ ਹੈ। ਉਸ ਕੋਲ ਗੁਡਜ਼ ਕੈਰੀਅਰ ਪਰਮਿਟ ਹੋਣ ਦੀ ਸੂਰਤ ’ਚ ਦਾਣਾ ਮੰਡੀ/ਖਰੀਦ ਕੇਂਦਰਾਂ ਤੋਂ ਗੋਦਮਾਂ ਤੱਕ ਫ਼ਸਲ ਲਿਫ਼ਟਿੰਗ ਕਰ ਸਕਦੇ ਹਨ। ਜਿਸਦੀ ਦੂਰੀ ਕਿਸੇ ਵੀ ਸੂਰਤ ਵਿੱਚ 25 ਕਿਲੋਮੀਟਰ ਤੋਂ ਵੱਧ ਨਹੀਂ ਹੋ ਸਕਦੀ। ਜਦੋਂਕਿ ਸਟੇਟ ਹਾਈਵੇ/ਨੈਸ਼ਨਲ ਹਾਈਵੇ ’ਤੇ ਇਹ ਦੂਰੀ ਦਾਇਰਾ ਮਹਿਜ਼ 12 ਕਿਲੋਮੀਟਰ ਤੱਕ ਹੈ। ਪੀਲੀ ਨੰਬਰ ਪਲੇਟ ਲਗਾਉਣਾ ਲਾਜਮੀ ਹੈ। ਜ਼ਿਕਰਯੋਗ ਹੈ ਕਿ ਟਰੈਕਟਰ-ਟਰਾਲੀ ਕੋਲ ਪੰਜਾਬ ਮੋਟਰ ਵਹੀਕਲ ਨਿਯਮ-1989 ਤਹਿਤ ਰਜਿਸਟਰਡ ਹੋਵੇ ਅਤੇ ਉਸਦੇ ਕੋਲ ਮੋਟਰ ਵਹੀਕਲ ਨਿਯਮ-1988 ਦੇ ਗੁਡਜ ਕੈਰਿਜ਼ ਦਾ ਪਰਮਿਟ ਹੋਣਾ ਚਾਹੀਦਾ ਹੈ। ਇਸ ਸਬੰਧੀ ਪੰਜਾਬ ਸਰਕਾਰ ਵੱਲੋਂ ਨੋਟੀਫਿਕੇਸ਼ਨ ਨੰਬਰ 10/11/2017-1ਟੀ2 (ਪੀ.ਐਫ਼.)/1219673/1 ਮਿਤੀ 25-04-2018 ਜਾਰੀ ਕੀਤਾ ਹੋਇਆ ਹੈ। ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ ਵੀ ਇੱਕ ਪਟੀਸ਼ਨ ’ਤੇ ਫੈਸਲੇ ’ਚ ਬੀਤੀ 8 ਮਾਰਚ 2019 ਨੂੰ ਟਰੈਕਟਰ-ਟਰਾਲੀਆਂ ਨੂੰ ਕਾਰੋਬਾਰੀ ਵਰਤੋਂ ਲਈ ਨਿਯਮਾਂ ਬਾਰੇ ਪੰਜਾਬ ਸਰਕਾਰ ਨੂੰ ਉਸਦੇ ਨੋਟੀਫਿਕੇਸ਼ਨ ਸਬੰਧੀ ਪ੍ਰਚਾਰ ਕਰਨ ਲਈ ਆਖਿਆ ਹੈ, ਤਾਂ ਜੋ ਕਿਸਾਨ ਵਗੈਰਾ ਇਸਦਾ ਲਾਹਾ ਲੈ ਸਕਣ। 
         ਪਤਾ ਲੱਗਿਆ ਹੈ ਕਿ ਪੰਜਾਬ ’ਚ ਵੱਖ-ਵੱਖ ਜਗ੍ਹਾ ਪਾਬੰਦੀਸ਼ੁਦਾ ਟਰੱਕ ਯੂਨੀਅਨਾਂ ’ਤੇ ਕਾਬਜ਼ ਤੰਤਰ ਵੱਲੋਂ ਅਦਾਲਤੀ ਹੁਕਮਾਂ ਦਾ ਦਬਾਅ ਬਣਾ ਕੇ ਲਿਫ਼ਟ ਠੇਕੇਦਾਰ ਨਾਲ ਅੰਦਰੂਨੀ ਤੌਰ ’ਤੇ ਆਰਥਿਕ ਸੈਟਿੰਗਾਂ ਹੋ ਚੁੱਕੀਆਂ ਹਨ। ਜਿਸ ਮਗਰੋਂ ਗੈਰ-ਕਮਰਸ਼ੀਅਲ ਟਰੈਕਟਰ-ਟਰਾਲੀਆਂ ’ਤੇ ਓਵਰਲੋਡ ਕਣਕ ਲਦਵਾ ਕੇ ਲੱਖਾਂ ਰੁਪਏ ਦੇ ਵਾਰੇ-ਨਿਆਰੇ ਕੀਤੇ ਜਾ ਰਹੇ ਹਨ। 
           ਵੇਅਰ ਹਾਊਸ ਸ੍ਰੀ ਮੁਕਤਸਰ ਦੇ ਜ਼ਿਲ੍ਹਾ ਪ੍ਰਬੰਧਕ ਪੁਸ਼ਪਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਖਰੀਦ ਏਜੰਸੀਆਂ ਦਾ ਕਾਰਜ ਫ਼ਸਲ ਦੀ ਖਰੀਦ ਕਰਨਾ ਹੈ। ਮੰਡੀਆਂ ’ਚੋਂ ਲਿਫ਼ਟਿੰਗ ਦੀ ਜੁੰਮੇਵਾਰੀ ਠੇਕੇਦਾਰ ਦੀ ਹੈ। ਕਣਕ ਲਿਫ਼ਟਿੰਗ ’ਚ ਗੈਰ ਕਮਰਸ਼ੀਅਲ ਟਰੈਕਟਰ-ਟਰਾਲੀਆਂ ਦੀ ਵਰਤੋਂ ਰੋਕਣ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਸਮੱਰਥ ਹੈ। ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਡਿਪਟੀ ਕਮਿਸ਼ਨਰ ਐਮ. ਕੇ ਅਰਵਿੰਦ ਦਾ ਕਹਿਣਾ ਸੀ ਕਿ ਪਹਿਲਾਂ ਮਾਮਲਾ ਉਨ੍ਹਾਂ ਦੇ ਧਿਆਨ ਵਿੱਚ ਨਹੀਂ ਸੀ, ਉਹ ਹੁਣੇ ਕਾਰਵਾਈ ਕਰਵਾਉਂਦੇ ਹਨ। 

06 May 2019

ਸੁਆਲ ਪੁੱਛਣ 'ਤੇ ਮਾਰ-ਕੁੱਟ ਦੇ ਸ਼ਿਕਾਰ ਸਹਾਇਕ ਪ੍ਰੋਫੈਸਰ ਦੀ ਸ਼ਿਕਾਇਤ ਪਈ ਵੱਟੇ ਖਾਤੇ !

* ਪੁਲਿਸ ਅਨੁਸਾਰ ਕੋਈ ਪੱਗ ਨਹੀਂ ਲੱਥੀ, ਨਾ ਰਾਜੇ ਨੇ ਧੱਕਾ ਮਾਰਿਆ, ਸਿਰਫ਼ ਮਾਮੂਲੀ ਤਕਰਾਰ ਹੋਈ
* ਇਨਸ਼ਾਫ਼ ਨਾ ਮਿਲਣ ’ਤੇ ਸਹਾਇਕ ਪ੍ਰੋਫੈਸਰ ਵੱਲੋਂ ਡੀ.ਸੀ. ਦਫ਼ਤਰ ਮੂਹਰੇ ਧਰਨੇ ਦੀ ਚਿਤਾਵਨੀ 

                                                                                              ਇਕਬਾਲ ਸਿੰਘ ਸ਼ਾਂਤ
ਲੰਬੀ: ਬੀਤੇ ਕੱਲ੍ਹ ਪਿੰਡ ਕੋਲਿਆਂਵਾਲੀ ’ਚ ਰਾਜਾ ਵੜਿੰਗ ਤੋਂ ਸੁਆਲ ਪੁੱਛਣ ਸਮੇਂ ਕਾਂਗਰਸੀਆਂ ਵੱਲੋਂ ਕੁੱਟੇ ਗਏ ਸਹਾਇਕ ਪ੍ਰੋਫੈਸਰ ਗੁਰਜੀਤ ਸਿੰਘ ਦੀ ਸ਼ਿਕਾਇਤ ਵੱਟੇ ਖਾਤੇ ਪੈਂਦੀ ਦਿਸ ਰਹੀ ਹੈ। ਪੁਲਿਸ ਨੇ ਇਸ ਨੂੰ ਮਾਮੂਲੀ ਤਕਰਾਰਬਾਜ਼ੀ ਦੱਸਣ ਦੇ ਨਾਲ ਵਿਧਾਇਕ ਵੱਲੋਂ ਧੱਕੇ ਮਾਰਨ ਅਤੇ ਦਸਤਾਰ ਲੱਥਣ ਦੇ ਦੋਸ਼ਾਂ ਨੂੰ ਬੇਬੁਨਿਆਦ ਦੱਸਿਆ ਹੈ। ਕਬਰਵਾਲਾ ਪੁਲਿਸ ਨੇ ਚੋਣ ਕਮਿਸ਼ਨ ਨੂੰ ਰਿਪੋਰਟ ਭੇਜ ਦਿੱਤੀ ਹੈ। ਉਂਝ ਇਸ ਮਾਮਲੇ ’ਚ ਪੀੜਤ ਸਹਾਇਕ ਪ੍ਰੋਫੈਸਰ ਵੱਲੋਂ ਲਿਖਤੀ ਸ਼ਿਕਾਇਤ ’ਚ ਖੁਦ ਨੂੰ ‘ਪੱਤਰਕਾਰ’ ਦੱਸਣ ਕਰਕੇ ਪੁਲਿਸ ਉਸਤੋਂ ਬਤੌਰ ਪੱਤਰਕਾਰ ਸ਼ਨਾਖ਼ਤ ਪੁੱਛ ਰਹੀ ਹੈ। ਸੂਤਰਾਂ ਅਨੁਸਾਰ ਪੁਲਿਸ ਨੇ ਇਸ ਮਾਮਲੇ ਨੂੰ ਲਗਪਗ ਬੇਬੁਨਿਆਦ ਕਰਾਰ ਦੇ ਕੇ ਦਫ਼ਤਰ ਦਾਖਲ ਕਰ ਦਿੱਤਾ ਹੈ। ਹਾਲਾਂਕਿ ਇਸਦੀ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ। ਇਸ ਮਾਮਲੇ ਬਾਰੇ ਥਾਣਾ ਕਬਰਵਾਲਾ ਦੇ ਮੁਖੀ ਗੁਰਦੀਪ ਸਿੰਘ ਨੇ ਆਖਿਆ ਕਿ ਸ਼ਿਕਾਇਤਕਰਤਾ ਗੁਰਜੀਤ ਜੇਕਰ ਪੱਤਰਕਾਰ ਹੈ ਤਾਂ ਉਹ ਸਬੂਤ ਪੇਸ਼ ਕਰੇ। ਤਾਂ ਜੋ ਮੀਡੀਆ ਦੇ ਹਿਸਾਬ ਬਣਦੀ ਕਾਰਵਾਈ ਕੀਤੀ ਜਾ ਸਕੇ। ਜਦੋਂ ਉਹ ਪੱਤਰਕਾਰ ਹੀ ਨਹੀਂ ਤਾਂ ਕਾਹਨੂੰ ਪੰਗਾ ਲੈਂਦਾ ਹੈ ਬਿਨ੍ਹਾਂ ਗੱਲ ਤੋਂ। ਥਾਣਾ ਮੁਖੀ ਨੇ ਆਖਿਆ ਕਿ ਚੋਣ ਕਮਿਸ਼ਨ ਨੂੰ ਰਿਪੋਰਟ ਬਣਾ ਕੇ ਭੇਜ ਦਿੱਤੀ ਹੈ। ਪੜਤਾਲ ’ਚ ਸਾਹਮਣੇ ਆਇਆ ਹੈ ਥੋੜ੍ਹੀ-ਬਹੁਤ ਤਕਰਾਰ ਹੋਈ ਸੀ, ਹੋਰ ਕੋਈ ਗੱਲਬਾਤ ਨਹੀਂ ਹੋਈ। ਨਾ ਉਸਦੀ ਕੋਈ ਪੱਗ ਲੱਥੀ ਹੈ ਨਾ ਹੋਰ ਐ। ਥਾਣਾ ਮੁਖੀ ਨੇ ਆਖਿਆ ਕਿ ਮੁੱਦਈ ਅਕਾਲੀ ਦਲ ਨਾਲ ਸਬੰਧ ਰੱਖਦਾ ਹੈ। ਖਰਲ ਪਾਉਣ ਬਾਬਤ ਗਿਆ ਸੀ। ਥਾਣਾ ਮੁਖੀ ਅਨੁਸਾਰ ਗੁਰਜੀਤ ਸਿੰਘ ਵੱਲੋਂ ਲਿਆਂਦੇ ਗਵਾਹਾਂ ਨੇ ਲਿਖਵਾਇਆ ਕਿ ਉਨ੍ਹਾਂ ਉਥੇ ਕੋਈ ਧੱਕਾ ਮਾਰਦੇ ਨਹੀਂ ਵੇਖਿਆ ਰਾਜੇ ਵੜਿੰਗ ਨੂੰ। ਉਹ ਆਏਂ ਨਹੀਂ ਆਖ ਸਕਦੇ ਕਿ ਕਿਹੜੇ ਬੰਦੇ ਨੇ ਕੁੱਟ-ਮਾਰ ਕੀਤੀ ਹੈ। ਥਾਣਾ ਮੁਖੀ ਅਨੁਸਾਰ ਗਵਾਹਾਂ ਨੇ ਇਹ ਗੱਲ ਬਿਆਨ ਕੀਤੀ ਕਿ ਇਹਦੀ ਕੋਈ ਪੱਗ ਨਹੀਂ ਲੱਥੀ। ਦੋ ਨੇ ਕੋਈ ਬਿਆਨ ਲਿਖਾਇਆ ਨਹੀਂ। ਇੱਕ ਨੇ ਦੋ-ਤਿੰਨ ਬੰਦਿਆਂ ਬਾਰੇ ਲਿਖਵਾਇਆ ਹੈ।
     ਦੂਜੇ ਪਾਸੇ ਗੁਰਜੀਤ ਸਿੰਘ ਨੇ ਪੁਲਿਸ ’ਤੇ ਦਬਾਅ ਪਾਉਣ ਦੇ ਦੋਸ਼ ਲਾਉਂਦੇ ਆਖਿਆ ਕਿ ਅੱਜ ਸਵੇਰੇ ਥਾਣਾ ਕਬਰਵਾਲਾ ਦੇ ਮੁਖੀ ਦਾ ਫੋਨ ਆਇਆ ਸੀ। ਉਹ ਕਹਿ ਰਹੇ ਸਨ ਕਿ ਤੁਸੀਂ ਸ਼ਿਕਾਇਤ ’ਚ ਪੱਤਰਕਾਰ ਲਿਖਿਆ ਹੈ। ਤੁਸੀਂ ਪੱਤਰਕਾਰ ਨਹੀਂ ਹੋ। ਤੁਹਾਡੇ ’ਤੇ 420 ਦੀ ਕਾਰਵਾਈ ਹੋ ਸਕਦੀ ਹੈ। ਗੁਰਜੀਤ ਸਿੰਘ ਨੇ ਆਖਿਆ ਕਿ ਉਹ ਧਰਮ ਵਿਸ਼ੇ ਦਾ ਸਹਾਇਕ ਪ੍ਰਫੈਸਰ ਹੈ ਅਤੇ ਮੁਹਾਲੀ ਤੋਂ ਛਪਦੇ ਇੱਕ ਅਖ਼ਬਾਰ ’ਚ ਪੱਤਰਕਾਰੀ ਕਰ ਰਿਹਾ ਹੈ ਪਰ ਕੁਝ ਸਮੇਂ ਤੋਂ ਖ਼ਬਰਾਂ ਨਹੀਂ ਭੇਜ ਪਾ ਰਿਹਾ। ਉਸਦੇ ਕੋਲ ਸ਼ਨਾਖ਼ਤੀ ਕਾਰਡ ਅਤੇ ਅਥਾਰਿਟੀ ਲੈਟਰ ਵੀ ਹੈ। ਉਸਨੇ ਬਤੌਰ ਪਿੰਡ ਵਾਸੀ ਅਤੇ ਧਰਮ ਦੇ ਪ੍ਰੋਫੈਸਰ ਵਜੋਂ ਰਾਜਾ ਵੜਿੰਗ ਤੋਂ ਮਰਿਆਦਾ ਨਾਲ ਸੁਆਲ ਪੁੱਛਿਆ ਸੀ। ਉਸਨੇ ਕਿਹਾ ਕਿ ਜੇਕਰ ਪੁਲਿਸ ਅਤੇ ਪ੍ਰਸ਼ਾਸਨ ਨੇ ਉਸਦੀ ਕੋਈ ਸੁਣਵਾਈ ਨਾ ਕੀਤੀ ਤਾਂ ਉਹ ਡਿਪਟੀ ਕਮਿਸ਼ਨਰ ਸ੍ਰੀ ਮੁਕਤਸਰ ਸਾਹਿਬ ਦੇ ਦਫ਼ਤਰ ਮੂਹਰੇ ਧਰਨੇ ’ਤੇ ਬੈਠੇਗਾ ਅਤੇ ਇਨਸਾਫ਼ ਲਈ ਸਿਖ਼ਰ ਤੱਕ ਅਵਾਜ਼ ਉਠਾਏਗਾ। ਗੁਰਜੀਤ ਸਿੰਘ ਨੇ ਕਿਹਾ ਕਿ ਉਸਨੇ ਕਦੇ ਪਾਰਟੀਬਾਜ਼ੀ ’ਚ ਹਿੱਸਾ ਨਹੀਂ ਲਿਆ ਅਤੇ ਨਾ ਕਿਸੇ ਪਾਰਟੀ ਨਾਲ ਉਸਦਾ ਸੰਬੰਧ ਹੈ। ਜ਼ਿਕਰਯੋਗ ਹੈ ਕਿ ਬੀਤੇ ਕੱਲ੍ਹ ਕੋਲਿਆਂਵਾਲੀ ਪਿੰਡ ’ਚ ਰਾਜਾ ਵੜਿੰਗ ਤੋਂ ਸੁਆਲ ਪੁੱਛਣ ਦੌਰਾਨ ਮਾਰ-ਕੁੱਟ ਦਾ ਸ਼ਿਕਾਰ ਹੋ ਗਿਆ ਸੀ। ਉਸਨੇ ਥਾਣਾ ਕਬਰਵਾਲਾ ’ਚ ਸ਼ਿਕਾਇਤ ਕਰਕੇ ਪੱਗ ਲੱਥਣ, ਮਾਰ-ਕੁੱਟ ਸਬੰਧੀ ਦੋਸ਼ ਲਗਾਏ ਸਨ। 

29 April 2019

ਦੂਲੋ ਨੂੰ ਕਾਂਗਰਸ ਅਤੇ ਰਾਜ ਸਭਾ ਮੈਂਬਰੀ ਤੋਂ ਲਾਂਭੇ ਹੋਣ ਲਈ ਆਖਿਆ

* ਦੂਲੋ ਦੀ ਖੁੱਲੇਆਮ ਬਗਾਵਤ ਨੇ ਪਾਰਟੀ ਦੇ ਹਿੱਤਾਂ ਨੂੰ ਸੱਟ ਮਾਰੀ

ਚੰਡੀਗੜ: ਸ਼ਮਸ਼ੇਰ ਸਿੰਘ ਦੂਲੋ ਦੀ ਬਗਾਵਤ ਦੀਆਂ ਰਿਪੋਰਟਾਂ ਦੌਰਾਨ ਪੰਜਾਬ ਕਾਂਗਰਸ ਚੋਣ ਮੁਹਿੰਮ ਕਮੇਟੀ ਦੇ ਚੇਅਰਮੈਨ ਲਾਲ ਸਿੰਘ ਨੇ ਸ੍ਰੀ ਦੂਲੋ ਨੂੰ ਕਾਂਗਰਸ ਅਤੇ ਰਾਜ ਸਭਾ ਮੈਂਬਰ ਵਜੋਂ ਅਸਤੀਫਾ ਦੇਣ ਲਈ ਆਖਿਆ ਹੈ। ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਸ੍ਰੀ ਦੂਲੋ ਦੀ ਪਤਨੀ ਤੇ ਪੁੱਤਰ ਆਮ ਆਦਮੀ ਪਾਰਟੀ (ਆਪ) ਵਿੱਚ ਸ਼ਾਮਲ ਹੋ ਗਏ ਹਨ। 
ਦੂਲੋ ਨੂੰ ਕਾਂਗਰਸ ਪਾਰਟੀ ’ਤੇ ਧੱਬਾ ਕਰਾਰ ਦਿੰਦਿਆਂ ਲਾਲ ਸਿੰਘ ਨੇ ਕਿਹਾ ਕਿ ਉਸ ਦੇ ਜਾਣ ਨਾਲ ਪਾਰਟੀ ਨੂੰ ਫਾਇਦਾ ਹੋਵੇਗਾ। ਉਨਾਂ ਕਿਹਾ ਕਿ ਸੰਸਦ ਮੈਂਬਰ ਲਈ ਪਾਰਟੀ ਵਿੱਚ ਕੋਈ ਥਾਂ ਨਹੀਂ ਹੈ ਜਿਸ ਦੀ ਪਤਨੀ ਅਤੇ ਪੁੱਤਰ ਆਪ ਵਿੱਚ ਸ਼ਾਮਲ ਹੋ ਗਏ ਜਦਕਿ ਉਸ ਨੇ ਖੁਦ ਵੀ ਐਲਾਨ ਕੀਤਾ ਹੈ ਕਿ ਉਹ ਕਾਂਗਰਸ ਦੇ ਹੱਕ ਵਿੱਚ ਪ੍ਰਚਾਰ ਨਹੀਂ ਕਰੇਗਾ। 
ਦੂਲੋ ਨੇ ਮੀਡੀਆ ’ਚ ਦਿੱਤੇ ਬਿਆਨ ਦਾ ਹਵਾਲਾ ਦਿੱਤਾ ਗਿਆ ਹੈ ਜਿਸ ਉਹ ਕਹਿ ਰਿਹਾ ਹੈ ਕਿ ਨਾ ਤਾਂ ਉਸ ਨੂੰ ਇਹ ਪਤਾ ਹੈ ਕਿ ਫਤਹਿਗੜ ਸਾਹਿਬ ਤੋਂ ਕਾਂਗਰਸੀ ਉਮੀਦਵਾਰ ਕੌਣ ਹੈ ਅਤੇ ਨਾ ਹੀ ਉਹ ਉਸ ਲਈ ਪ੍ਰਚਾਰ ਕਰੇਗਾ।
ਦੂਲੋ ਦੇ ਸਟੈਂਡ ਨੂੰ ਸ਼ਰਮਨਾਕ ਅਤੇ ਜਾਬਰ ਕਦਮ ਦੱਸਦਿਆਂ ਲਾਲ ਸਿੰਘ ਨੇ ਕਿਹਾ ਕਿ ਕਾਂਗਰਸ ਨੇ ਉਸ ਨੂੰ ਬਹੁਤ ਕੁਝ ਦਿੱਤਾ ਪਰ ਉਹ ਘਟੀਆ ਸਲੂਕ ਕਰ ਰਿਹਾ ਹੈ। ਲਾਲ ਸਿੰਘ ਨੇ ਕਿਹਾ ਕਿ ਦੂਲੋ ਸਾਲ 1992 ਅਤੇ 1999 ਵਿੱਚ ਬੇਅੰਤ ਸਿੰਘ ਦੀ ਸਰਕਾਰ ਦੇ ਮੰਤਰੀ ਮੰਡਲ ’ਚ ਮੈਂਬਰ ਸੀ ਅਤੇ ਕੈਪਟਨ ਅਮਰਿੰਦਰ ਸਿੰਘ ਨੇ ਉਸ ਨੂੰ ਲੋਕ ਸਭਾ ਦੀ ਟਿਕਟ ਦਿੱਤੀ ਜਿਸ ਤੋਂ ਉਸ ਨੇ ਜਿੱਤ ਹਾਸਲ ਕੀਤੀ। ਉਸ ਵੇਲੇ ਉਸ ਨੂੰ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦਾ ਪ੍ਰਧਾਨ ਬਣਾਇਆ ਪਰ ਇਹ ਹੋਰ ਗੱਲ ਹੈ ਕਿ ਉਹ ਇਸ ਨੂੰ ਸਹਿਜੇ ਹੀ ਭੁੱਲੀ ਬੈਠਾ ਹੈ।
ਇੱਥੋਂ ਤੱਕ ਪਾਰਟੀ ਨੇ ਵਿਧਾਨ ਸਭਾ ਚੋਣਾਂ ਲਈ ਉਸ ਦੀ ਪਤਨੀ ਨੂੰ ਸਾਲ 2002, ਅਤੇ ਮੁੜ ਸਾਲ 2007 ਅਤੇ 2012 ਵਿੱਚ ਟਿਕਟ ਦਿੱਤੀ। ਉਸ ਨੂੰ ਸੰਸਦੀ ਸਕੱਤਰ ਵੀ ਬਣਾਇਆ।
ਲਾਲ ਸਿੰਘ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਨੂੰ ਸਾਲ 2007 ਦੀਆਂ ਵਿਧਾਨ ਸਭਾ ਚੋਣਾਂ ’ਚ ਵੀ ਦੂਲੋ ਕਰਕੇ ਹਾਰ ਦਾ ਮੰੂਹ ਦੇਖਣਾ ਪਿਆ ਸੀ ਜਿਸ ਨੇ ਇਕ ਵਿਸ਼ੇਸ਼ ਭਾਈਚਾਰੇ ਖਿਲਾਫ ਬੁਰਾ-ਭਲਾ ਕਿਹਾ ਸੀ ਜਿਸ ਕਰਕੇ ਉਸ ਨੂੰ ਆਪਣੀ ਖੁਦ ਦੀ ਹਾਰ ਦੇ ਨਾਲ-ਨਾਲ ਪਾਰਟੀ ਨੂੰ ਹਾਰ ਸਹਿਣੀ ਪਈ ਸੀ। ਇਸ ਦੇ ਬਾਵਜੂਦ ਉਸ ਨੂੰ ਪਾਰਟੀ ਨੇ ਰਾਜ ਸਭਾ ਦਾ ਮੈਂਬਰ ਬਣਾਇਆ।
ਲਾਲ ਸਿੰਘ ਨੇ ਕਿਹਾ ਕਿ ਇਨਾਂ ਸਾਰੀਆਂ ਗੱਲਾਂ ਦੇ ਬਾਵਜੂਦ ਹੁਣ ਉਹ ਆਪਣੇ ਪੁੱਤ ਲਈ ਟਿਕਟ ਭਾਲਦਾ ਸੀ ਅਤੇ ਜਦੋਂ ਇਸ ਲਈ ਇਨਕਾਰ ਕੀਤਾ ਤਾਂ ਉਸ ਨੇ  ਪਾਰਟੀ ਦੇ ਵਫ਼ਾਦਾਰ ਸਿਪਾਹੀ ਵਜੋਂ ਕੰਮ ਕਰਨ ਦੀ ਬਜਾਏ ਪਾਰਟੀ ਵਿਰੁੱਧ ਖੁੱਲੇਆਮ ਬਗਾਵਤ ਕਰ ਦਿੱਤੀ।
ਚੋਣ ਕਮੇਟੀ ਦੇ ਚੇਅਰਮੈਨ ਨੇ ਦੂਲੋ ਦੇ ਰਵੱਈਏ ’ਤੇ ਗੁੱਸਾ ਜ਼ਾਹਰ ਕਰਦਿਆਂ ਕਿਹਾ ਕਿ ਸੰਸਦ ਮੈਂਬਰ ਪਾਰਟੀ ਵਿੱਚ ਰਹਿਣ ਦਾ ਹੱਕ ਗਵਾ ਚੁੱਕਾ ਹੈ ਅਤੇ ਉਹ ਪਾਰਟੀ ਨਾਲ ਮਾੜਾ ਸਲੂਕ ਕਰ ਰਿਹਾ ਰਿਹਾ ਹੈ। ਉਨਾਂ ਕਿਹਾ ਕਿ ਇਕ ਪਾਸੇ ਪਾਰਟੀ ਵੱਲੋਂ ਇਨਾਂ ਲੋਕ ਸਭਾ ਚੋਣਾਂ ਵਿੱਚ ਆਪਣੇ ਉਮੀਦਵਾਰਾਂ ਦੀ ਜਿੱਤ/ਹਾਰ ਲਈ ਮੰਤਰੀਆਂ ਅਤੇ ਵਿਧਾਇਕਾਂ ਸਮੇਤ ਸੀਨੀਅਰ ਨੇਤਾਵਾਂ ਦੀ ਜੁਆਬਦੇਹੀ ਤੈਅ ਕੀਤੀ ਜਾ ਰਹੀ ਹੈ ਤਾਂ ਦੂਜੇ ਪਾਸੇ ਦੂਲੋ ਵਰਗੇ ਲੋਕ ਹਨ ਜੋ ਕਾਂਗਰਸੀ ਉਮੀਦਵਾਰਾਂ ਦੇ ਯਤਨਾਂ ਅਤੇ ਹਿੱਤਾਂ ਨੂੰ ਨੁਕਸਾਨ ਪਹੁੰਚਾਉਣ ਦੇ ਯਤਨਾਂ ਵਿੱਚ ਲੱਗੇ ਹੋਏ ਹਨ।
ਲਾਲ ਸਿੰਘ ਨੇ ਮੰਗ ਕੀਤੀ ਕਿ ਦੂਲੋ ਨੂੰ ਸਿਆਸੀ ਪੈੜਾਂ ਪਾਉਣ ਲਈ ਰਸਤਾ ਦਿਖਾਉਣ ਵਾਲੀ ਪਾਰਟੀ ਵਿਰੁੱਧ ਭੁਗਤਣ ਦੀ ਬਜਾਏ ਤੁਰੰਤ ਲਾਂਭੇ ਹੋ ਜਾਣਾ ਚਾਹੀਦਾ ਹੈ।

28 April 2019

‘ਰਾਜੇ’ ਨੂੰ ਦੇਣਾ ਪੈ ਰਿਹਾ ‘ਮਹਾਰਾਜੇ’ ਦੀਆਂ ਅਣਦੇਖੀਆਂ ਦਾ ‘ਹਿਸਾਬ’

* ਵੱਡੀਆਂ-ਵੱਡੀਆਂ ਸਹੁੰਆਂ ਖਾ ਕੇ ਦਰਸਾਉਣੀ ਪੈ ਰਹੀ ਭਵਿੱਖੀ ਵਫ਼ਾਦਾਰੀ

                                                          ਇਕਬਾਲ ਸਿੰਘ ਸ਼ਾਂਤ
ਲੰਬੀ: ‘ਮਹਾਰਾਜੇ’ ਦੀਆਂ ਅਣਦੇਖੀਆਂ ਦਾ ਹਿਸਾਬ ਲੰਬੀ ਦੀਆਂ ਸੱਥਾਂ ’ਚ ਰਾਜਾ ਵੜਿੰਗ ਨੂੰ ਦੇੇਣਾ ਪੈ ਰਿਹਾ ਹੈ। ਰਾਜਾ ਵੜਿੰਗ ਲੰਬੀ ਹਲਕੇ ਵਿੱਚ ਵੋਟਾਂ ਮੰਗਣ ਤੋਂ ਪਹਿਲਾਂ ਜਨਤਕ ਤੌਰ ’ਤੇ ਭਵਿੱਖੀ ਵਫ਼ਾਦਾਰੀ ਦਰਸਾਉਣ ਲਈ ਮਜ਼ਬੂਰ ਹਨ। ਬਾਦਲਾਂ ਦੀ ਸਿਆਸੀ ਰਾਜਧਾਨੀ ਲੰਬੀ ਵਿੱਚ ਬਾਦਲਾਂ ਖਿਲਾਫ਼ ਸ਼ਬਦੀ ਤੋਪ ਦਾ ਮੂੰਹ ਖੋਲ੍ਹਣ ਤੋਂ ਮਾਯੂਸ ਕਾਂਗਰਸੀਆਂ ਦੇ ਡਿੱਗੇ-ਢਹੇ ਮਨਾਂ ਨੂੰ ਖੜ੍ਹਾਉਣ ਲਈ ਰਾਜਾ ਵੜਿੰਗ ਚੋਣ ਜਲਸਿਆਂ ’ਚ ਵੱਡੀਆਂ-ਵੱਡੀਆਂ ਸਹੁੰਆਂ ਖਾ ਰਹੇ ਹਨ। ਪਿੰਡ-ਪਿੰਡ ਚੋਣ ਜਲਸਿਆਂ ਮੌਕੇ ਵੜਿੰਗ ਦੀ ਤਕਰੀਰ ਦਾ 40 ਫ਼ੀਸਦੀ ਸਮਾਂ ਲੰਬੀ ਦੇ ਵੋਟਰਾਂ ਪ੍ਰਤੀ ਆਪਣੀ ਵਫ਼ਾਦਾਰੀ ਨੂੰ ਜਤਾਉਣ ’ਤੇ ਲੱਗ ਰਿਹਾ ਹੈ। ਉਹ
ਕਾਂਗਰਸ ਪੱਖੀ ਵੋਟਰਾਂ ਦੇ ਸ਼ੰਕਿਆਂ ਅਤੇ ਖਦਸ਼ਿਆਂ ਦਾ ਹਾਂ-ਪੱਖੀ ਬਣਾਉਣ ਲਈ ਵਚਨ ਦਿੰਦਿਆਂ ਆਖ ਰਹੇ ਹਨ ਕਿ ਜੇਕਰ ਬੰਦੇ ਦਾ ਪੁੱਤ ਹੋਇਆ ਤਾਂ ਕਦੇ ਤੁਹਾਡਾ ਅਹਿਸਾਨ ਨਹੀਂ ਮੋੜ ਸਕਣਾ, ਜੇਕਰ ਬੰਦੇ ਦਾ ਪੁੱਤ ਹੋਇਆ ਤੁਹਾਨੂੰ ਕਦੇ ਛੱਡ ਕੇ ਨਹੀਂ ਭੱਜਣਾ। ਉਹ (ਰਾਜਾ) ਮੰਨਦੇ ਹਨ ਕਿ ਇੱਥੇ ਪਹਿਲਾਂ ਚੋਣਾ ਲੜੇ ਲੀਡਰ ਤੁਹਾਡੇ ਤੋਂ ਵੋਟਾਂ ਲੈ ਕੇ ਚਲੇ ਜਾਇਆ ਕਰਦੇ ਹਨ ਅਤੇ ਫਿਰ ਕਦੇ ਬਾਤ ਨਹੀਂ ਪੁੱਛਦੇ ਅਤੇ ਮਗਰੋਂ ਬਾਦਲ ਵਾਲੇ ਤੁਹਾਨੂੰ ਭਜਾਉਂਦੇ ਹਨ। ਤੁਹਾਨੂੰ ਸ਼ੱਕ ਹੈ ਕਿ ਜਿਵੇਂ ਹੋਰਨਾਂ ਲੀਡਰ ਆਉਂਦੇ ਹਨ ਅਤੇ ਵੋਟਾਂ ਲੈ ਕੇ ਤੁਹਾਡੇ ਲੰਬੀ ਵਾਲਿਆਂ ਦੀ ਬਾਤ ਨਹੀਂ ਪੁੱਛਦੇ। ਰਾਜਾ ਵੜਿੰਗ ਆਪਣੀ ਭੱਲ ਬਣਾਊ ਸ਼ਬਦਾਂ ’ਚ ਵੋਟਰਾਂ ਨੂੰ ਭਾਵੁਕ ਕਰਦਿਆਂ ਆਖਦੇ ਹਨ ਕਿ ‘ਜੇਕਰ ਮੈਂ ਲੰਬੀ ਦੇ ਲੋਕਾਂ ਨੂੰ ਧੋਖਾ ਦਿਆਂ ਤਾਂ ਮੇਰਾ ਜ਼ਿੰਦਗੀ ’ਚ ਕੱਖ ਨਾ ਰਹੇ ਅਤੇ ਮੇਰੀਅ ਅੱਖਾਂ ਮਿਚ ਜਾਣ।’ ਆਮ ਵੋਟਰਾਂ ’ਚ ਚਰਚਾ ਹੈ ਕਿ ਰਾਜਾ ਵੜਿੰਗ ਤਾਂ ਸਹੁੰਆਂ ਖਾਣ ਵਿੱਚ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੂੰ ਵੀ ਪਿਛਾਂਹ ਛੱਡ ਰਿਹਾ ਹੈ। ਦੱਸਣਯੋਗ ਹੈ ਕਿ ਕਾਂਗਰਸੀ ਉਮੀਦਵਾਰ ਹਰੇਕ ਲੋਕਸਭਾ ਚੋਣਾਂ ’ਚ ਬਠਿੰਡਾ ਤੋਂ ਅਕਾਲੀ ਦਲ ਦੀ ਯਕੀਨੀ ਜਿੱਤ ’ਚ ਅਹਿਮ ਨੁਸਖੇ ਲੰਬੀ ਹਲਕੇ ਦੇ ਵੋਟ ਵਜ਼ਨ ਦੀ ਅਹਿਮੀਅਤ ਤੋਂ ਜਾਣੂ ਹੈ। ਇਸੇ ਕਰਕੇ ਉਹ ਕੈਪਟਨ ਅਮਰਿੰਦਰ ਸਿੰਘ ਦੇ ਅਣਦੇਖੀਆਂ ਵਾਲੇ ਗੁਨਾਹ ਅਸਿੱਧੇ ਸ਼ਬਦਾਂ ’ਚ ਬਖਸ਼ਵਾ ਕੇ ਲੰਬੀ ਦੇ ਚੋਣ ਪਲੜੇ ਦਾ ਮੁਹਾਂਦਰਾ ਆਪਣੇ ਵੱਲ ਕਰਨ ਦੇ ਰੌਂਅ ਵਿੱਚ ਹੈ। ਜ਼ਿਕਰਯੋਗ ਹੈ ਕਿ ਬੀਤੇ ਵਿਧਾਨਸਭਾ ਚੋਣਾਂ ਵਿੱਚ ਕੈਪਟਨ ਅਮਰਿੰਦਰ ਸਿੰਘ ਨੇ ਲੰਬੀ ਤੋਂ ਚੋਣ ਲੜਨ ਬਾਅਦ ਇੱਧਰ ਨੂੰ ਕਦੇ ਤੱਕਿਆ ਤੱਕ ਨਹੀਂ। ਉਦੋਂ ਮਹਾਰਾਜਾ ਅਮਰਿੰਦਰ ਸਿੰਘ ਦੇ ਵਾਅਦਿਆਂ ਦੇ ਇਲਾਵਾ ਯੁਵਰਾਜ ਰਣਇੰਦਰ ਸਿੰਘ ਨੇ ਪਟਿਆਲਾ ਮਹਿਲ ਦੇ ਵੱਡੇ ਬੂਹਿਆਂ, ਦਰਜਨਾਂ ਕਮਰਿਆਂ ਅਤੇ ਮਹਾਰਾਜੇ ਦੇ ਵੱਡੇ ਦਿਲ ਦੀ ਖੂਬ ਸਿਫ਼ਤਾਂ ਕੀਤੀਆਂ ਸਨ। ਸਵਾ ਦੋ ਸਾਲਾਂ ਬਾਅਦ ਵੀ ਮਹਾਰਾਜੇ ਦਾ ਵੱਡਾ ਦਿਲ ਲੰਬੀ ਹਲਕੇ ਲਈ ਸੁੰਗੜਿਆ ਹੋਇਆ ਹੀ ਸਾਬਤ ਹੋਇਆ ਹੈ। ਪਲ-ਪਲ ’ਤੇ ਹਾਈਕਮਾਂਡ ਦੀ ਗੈਰ-ਸੁਣਵਾਈ ਅਤੇ ਬੇਰੁੱਖੀ ਕਾਰਨ ਲੰਬੀ ਹਲਕੇ ਦੇ ਕਾਂਗਰਸੀ ਮਨੋਬਲ ਪੱਖੋਂ ਢਹਿ-ਢੇਰੀ ਹੋ ਚੁੱਕੇ ਹਨ। ਮੌਜੂਦਾ ਲੋਕਸਭਾ ਮੌਕੇ ਵੀ ਲੰਬੀ ਹਲਕੇ ਦੇ ਪ੍ਰਮੁੱਖ ਕਾਂਗਰਸ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਅਤੇ ਜਗਪਾਲ ਸਿੰਘ ਅਬੁੱਲਖੁਰਾਣਾ ਬਠਿੰਡਾ ਲੋਕਸਭਾ ਤੋਂ ਟਿਕਟ ਦੇ ਦਾਅਵੇਦਾਰ ਸਨ ਪਰ ਹਾਈਕਮਾਂਡ ਨੇ ਰਾਜਾ ਵੜਿੰਗ ’ਤੇ ਦਾਅ ਖੇਡਣਾ ਮੁਨਾਸਿਬ ਸਮਝਿਆ। ਇਸੇ ਕਰਕੇ ਬਾਦਲਾਂ ਦੇ ਗੜ੍ਹ ਵਿੱਚ ਰਾਜਾ ਵੜਿੰਗ ਨੂੰ ਕਾਂਗਰਸ ਕਾਡਰ ਅਤੇ ਵੋਟ ਬੈਂਕ ਦੇ ਮਨ ਠਾਰ੍ਹਣ ਲਈ ਖਾਸਾ ਜ਼ੋਰ ਲਗਾਉਣਾ ਪੈ ਰਿਹਾ ਹੈ। ਬੀਤੇ ਦਿਨ੍ਹੀਂ ਸਹਿਕਾਰਤਾ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਵੱਲੋਂ ਵੜਿੰਗ ਦੇ ਹੱਕ ਵਿੱਚ ਚੋਣ ਜਲਸੇ ਮੌਕੇ ਪਿੰਡ ਕਰਮ ਪੱਟੀ ਦੇ ਕਾਂਗਰਸੀ ਸਰਪੰਚ ਕੁੰਦਨ ਸਿੰਘ ਨੇ ਸਟੇਜ ਤੋਂ ਲੰਬੀ ਦੇ ਕਾਂਗਰਸੀਆਂ ਦੀ ਗੈਰ-ਸੁਣਵਾਈ ਦੀ ਦੁਖੜਾ ਸੁਣਾਇਆ ਸੀ। ਪਿਛਲੇ ਲੋਕਸਭਾ ਚੋਣਾਂ ਮੌਕੇ ਲੰਬੀ ਹਲਕੇ ’ਚ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੂੰ ਕਰੀਬ 35 ਹਜ਼ਾਰ ਵੋਟਾਂ ਦੀ ਬੜ੍ਹਤ ਮਿਲੀ ਸੀ। ਜਦੋਂਕਿ 2017 ਦੇ ਵਿਧਾਨਸਭਾ ਚੋਣਾ ’ਚ ਮੁੱਖ ਅਮਰਿੰਦਰ ਸਿੰਘ ਨੂੰ 22770 ਦੇ ਫ਼ਰਕ ਨਾਲ ਪ੍ਰਕਾਸ਼ ਸਿੰਘ ਬਾਦਲ ਹੱਥੋਂ ਹਾਰ ਮਿਲੀ ਸੀ। 

23 April 2019

ਅਕਾਲੀ ਦਲ (ਬ) ਨੇ ਫਿਰੋਜ਼ਪੁਰ ਤੋਂ ਸੁਖਬੀਰ ਬਾਦਲ ਅਤੇ ਬਠਿੰਡਾ ਤੋਂ ਹਰਸਿਮਰਤ ਬਾਦਲ ਨੂੰ ਉਮੀਦਵਾਰ ਐਲਾਨਿਆ

ਬਾਦਲ, 23 ਅਪਰੈਲ (ਇਕਬਾਲ ਸਿੰਘ ਸ਼ਾਂਤ)-ਅਕਾਲੀ ਦਲ (ਬ) ਨੇ ਸੂਬੇ ਦੀਆਂ ਦੋ ਵਕਾਰੀ ਲੋਕਸਭਾ ਸੀਟਾਂ ਫਿਰੋਜ਼ਪੁਰ ਤੋਂ ਸੁਖਬੀਰ ਸਿੰਘ ਬਾਦਲ ਅਤੇ ਬਠਿੰਡਾ ਤੋਂ ਹਰਸਿਮਰਤ ਕੌਰ ਬਾਦਲ ਨੂੰ ਉਮੀਦਵਾਰ ਐਲਾਨ ਦਿੱਤਾ ਗਿਆ ਹੈ। ਦੋਵੇਂ ਸੀਟਾਂ
ਬਾਰੇ ਰਸਮੀ ਐਲਾਨ ਅਕਾਲੀ ਦਲ ਦੇ ਸਰਪ੍ਰਸਤ ਅਤੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਅੱਜ ਸਵੇਰੇ ਪਿੰਡ ਬਾਦਲ ਵਿਖੇ ਜਰੀਏ ਕੀਤਾ। ਪਿਛਲੇ ਕਾਫ਼ੀ ਦਿਨਾਂ ਤੋਂ ਇਨ੍ਹਾਂ ਦੋਵੇਂ ਸੀਟਾਂ ’ਤੇ ਬਾਦਲ ਪਤੀ-ਪਤਨੀ ਦਾ ਚੋਣ ਲੜਨਾ ਲਗਪਗ ਤੈਅ ਸੀ ਅਤੇ ਸਿਰਫ਼ ਰਸਮੀਂ ਐਲਾਨ ਦੀ ਉਡੀਕ ਕੀਤੀ ਜਾ ਰਹੀ ਸੀ। ਇਸ ਐਲਾਨ ਨਾਲ ਪੰਜਾਬ ਦੀਆਂ ਸਾਰੀਆਂ ਲੋਕਸਭਾ ਸੀਟਾਂ ਦਾ ਚੋਣ ਦ੍ਰਿਸ਼ ਸਪੱਸ਼ਟ ਹੋ ਗਿਆ ਹੈ। ਬਾਦਲ ਪਤੀ-ਪਤਨੀ ਵੱਲੋਂ ਚੋਣ ਮੈਦਾਨ ’ਚ ਉੱਤਰਨ ਨੂੰ ਦੋਵੇਂ ਸੀਟਾਂ ਜਿੱਤਣ ਦੇ ਨਾਲ-ਨਾਲ ਅਗਾਮੀ ਪੰਜਾਬ ਵਿਧਾਨਸਭਾ ਚੋਣਾਂ ਲਈ ਸਿਆਸੀ ਜ਼ਮੀਨ ਪਰਪੱਕ ਕਰਨ ਲਈ ਰਣਨੀਤੀ ਦਾ ਹਿੱਸਾ ਦੱਸਿਆ ਜਾ ਰਿਹਾ ਹੈ। ਇਸ ਐਲਾਨ ਮੌਕੇ ਸ੍ਰੀ ਬਾਦਲ ਨੇ ਦੇਸ਼ ਹਿੱਤ ਵਿੱਚ ਨਰਿੰਦਰ ਮੋਦੀ ਨੂੰ ਦੁਬਾਰਾ ਤੋਂ ਪ੍ਰਧਾਨ ਮੰਤਰੀ ਬਣਾਉਣ ਦਾ ਸੱਦਾ ਦਿੱਤਾ। ਉਨ੍ਹਾਂ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ’ਤੇ ਹਰ ਘਰ ਨੂੰ ਨੌਕਰੀ ਦੇਣ, ਕਰਜ਼ਾ ਮਾਫ਼ੀ ਅਤੇ ਨਸ਼ਿਆਂ ਦੇ ਖਾਤਮੇ ਬਾਰੇ ਲੋਕਾਂ ਨੂੰ ਬਰਗਲਾ ਕੇ ਸੱਤਾ ਹਾਸਲ ਕੀਤੀ ਜਿਸਦਾ ਹਿਸਾਬ ਜਨਤਾ ਲੋਕਸਭਾ ਚੋਣਾਂ ’ਚ ਕਾਂਗਰਸ ਤੋਂ ਗਿਣ-ਗਿਣ ਕੇ ਲਵੇਗੀ। 

21 April 2019

ਰਾਜਾ ਵੜਿੰਗ ਨੂੰ ਟਿਕਟ ਨਾਲ ਮਾਯੂਸੀ ਦੇ ਜੰਗਲ ’ਚ ਬਠਿੰਡਾ ਲੋਕਸਭਾ ਦੇ ਦਾਅਵੇਦਾਰ ਕਾਂਗਰਸ ਧੜਿਆਂ ਦਾ ਕਾਡਰ !

* ਆਗੂਆਂ ਦੀ ਅੰਦਰੂਨੀ ਨਾਰਾਜਗੀ ਦੇ ਡੈਮੇਜ ਕੰਟਰੋਲ ’ਚ ਕਾਂਗਰਸ ਜੁਟੀ, ਸੰਧੂ ਨੂੰ ਸੰਗਰੂਰ ਦਾ ਇੰਚਾਰਜ਼ ਥਾਪਿਆ 
* ਰਾਜਾ ਵੜਿੰਗ ਵੱਲੋਂ ਮਹੇਸ਼ਇੰਦਰ ਬਾਦਲ, ਮਨਪ੍ਰੀਤ  ਅਤੇ ਹੋਰਨਾਂ ਆਗੂਆਂ ਨਾਲ ਮੁਲਾਕਾਤਾਂ 
* ਬੇਅਦਬੀਆਂ ਖਿਲਾਫ਼ ਮਾਹੌਲ ਕਰਕੇ ਕਾਂਗਰਸ ਨੂੰ ਬਠਿੰਡਾ ’ਚ ਸਿੱਖ ਚਿਹਰਾ ਉਤਾਰਨਾ ਚਾਹੀਦਾ : ਮੋਫ਼ਰ

                                                           ਇਕਬਾਲ ਸਿੰਘ ਸ਼ਾਂਤ
ਬਠਿੰਡਾ/ਲੰਬੀ: ਕਾਂਗਰਸ ਹਾਈਕਮਾਂਡ ਵੱਲੋਂ ਪ੍ਰਮੁੱਖ ਦਾਅਵੇਦਾਰਾਂ ਨੂੰ ਬਾਰਡਰ ਲਾਈਨ ਕਰਕੇ ਵਿਧਾਇਕ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ’ਤੇ ਖੇਡੇ ਦਾਅ ਨਾਲ ਬਠਿੰਡਾ ਲੋਕਸਭਾ ਵਿਚਲੇ ਪ੍ਰਮੁੱਖ ਦਾਅਵੇਦਾਰ ਧੜਿਆਂ ਦਾ ਕਾਡਰ ਮਾਯੂਸੀ ਦੇ ਜੰਗਲ ’ਚ ਜਾਪਦਾ ਹੈ। ਟਿਕਟ ਦਾਅਦੇਵਾਰਾਂ ਦੀ ਸਾਲਾਂਬੱਧੀ ਮਿਹਨਤ-ਮਸ਼ੱਕਤ ਅਤੇ ਕੁਰਬਾਨੀਆਂ ਹਾਈਕਮਾਨ ਦੇ ਬੂਹੇ ’ਤੇ ਮਿੱਟੀ ਹੋਣ
ਨਾਲ ਰਾਜਾ ਵੜਿੰਗ ਨੂੰ ਲੋਕਸਭਾ ਦੇ 9 ਹਲਕਿਆਂ ਵਿੱਚ ਸਮੂਹ ਧੜਿਆਂ ਦੀ ਜ਼ਮੀਨੀ ਹਮਾਇਤ ਖਦਸ਼ਿਆਂ ਦੇ ਪਰਛਾਵੇਂ ਹੇਠ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਲੋਕਸਭਾ ਬਠਿੰਡਾ ਦੇ ਬਹੁਤੇ ਕਾਂਗਰਸ ਥੰਮ ਅਗਲੇ ਤਿੰਨ-ਚਾਰ ਹਫ਼ਤੇ ਢਿੱਲੇ-ਮੱਸੇ ਜਾਂ ਢਿੱਡ-ਪਿੱਠ ਵਗੈਰਾ ਤੋਂ ਪੀੜਤ ਹੋ ਸਕਦੇ ਹਨ।
        ਸਾਬਕਾ ਵਿਧਾਇਕ ਅਜੀਤਇੰਦਰ ਸਿੰਘ ਮੋਫਰ, ਸਾਬਕਾ ਜ਼ਿਲ੍ਹਾ ਕਾਂਗਰਸ ਪ੍ਰਧਾਨ ਗੁਰਮੀਤ ਸਿੰਘ ਖੁੱਡੀਆਂ ਅਤੇ ਸੂਬਾ ਜਨਰਲ ਸਕੱਤਰ ਟਹਿਲ ਸਿੰਘ ਸੰਧੂ ਅਤੇ ਜਗਪਾਲ ਸਿੰਘ ਅਬੁੱਲਖੁਰਾਣਾ ਦੇ ਇਲਾਵਾ ਜਸਵੰਤ ਸਿੰਘ ਫਫੜੇ ਭਾਈਕੇ ਸਮੇਤ ਹੋਰਨਾਂ ਆਗੂ ਟਿਕਟ ਦੇ ਪ੍ਰਮੁੱਖ ਦਾਅਵੇਦਾਰਾਂ ’ਚ ਸ਼ੁਮਾਰ ਸਨ। ਬਠਿੰਡਾ ਲੋਕਸਭਾ ਹਲਕੇ ਵਿਚਲੇ ਉਕਤ ਆਗੂਆਂ ’ਚ ਅਕਾਲੀ ਦਲ ਦੇ ਸੰਭਾਵੀ ਉਮੀਦਵਾਰ ਕੇਂਦਰੀ ਮੰਤਰੀ ਬੀਬੀ ਹਰਸਿਮਰਤ ਕੌਰ ਬਾਦਲ ਨੂੰ ਚੋਣ ਮੈਦਾਨ ’ਚ ਟੱਕਰ ਦੇਣ ਦਾ ਵੱਡਾ ਉਤਸਾਹ ਸੀ ਅਤੇ ਹਲਕਾ ਆਧਾਰਤ ਕਿਸੇ ਆਗੂ ਨੂੰ ਹੀ ਉਮੀਦਵਾਰ ਬਣਾਉਣ ਦੀ ਜਨਤਕ ਤੌਰ ’ਤੇ ਮੰਗ ਕੀਤੀ ਸੀ। ਉਸਦੇ ਬਾਹਰੀ ਉਮੀਦਵਾਰ ਹੋਣ ਕਾਰਨ ਹੀ ਹਲਕੇ ਦੇ ਆਗੂਆਂ ਦੇ ਦਿਲ ਰਾਜਾ ਵੜਿੰਗ ਨਾਲ ਮਿਲਣਾ ਅੌਖਿਆਈ ਭਰਿਆ ਜਾਪਦਾ ਹੈ। 
ਟਿਕਟ ਮਿਲਣ ਉਪਰੰਤ ਅੱਜ ਰਾਜਾ ਵੜਿੰਗ ਨੇ ਬਠਿੰਡਾ ਲੋਕਸਭਾ ਦੀਆਂ ਕਾਂਗਰਸੀ ਸਫ਼ਾਂ ਨਾਲ ਰਾਬਤੇ ਦੇ ਮੁਹਿੰਮ ਵਿੱਢ ਦਿੱਤੀ। ਜਿਸ ਤਹਿਤ ਲੰਬੀ ਹਲਕੇ ’ਚ ਵੱਡੇ ਜਨਾਧਾਰ ਵਾਲੇ ਕਾਂਗਰਸ ਆਗੂ ਮਹੇਸ਼ਇੰਦਰ ਸਿੰਘ ਬਾਦਲ, ਸਾਬਕਾ ਮੰਤਰੀ ਹਰਦੀਪਇੰਦਰ ਸਿੰਘ ਬਾਦਲ ਦੇ ਇਲਾਵਾ ਵਜੀਰ-ਏ-ਖਜ਼ਾਨਾ ਮਨਪ੍ਰੀਤ ਸਿੰਘ ਬਾਦਲ ਅਤੇ ਜਗਪਾਲ ਸਿੰਘ ਅਬੁੱਲਖੁਰਾਣਾ ਨਾਲ ਮੁਲਾਕਾਤਾਂ ਕਰਕੇ ਸਮਰਥਨ ਮੰਗਿਆ। ਇਸਦੇ ਹੋਰਨਾਂ ਹਲਕਿਆਂ ’ਚ ਪ੍ਰਮੁੱਖ ਆਗੂਆਂ ਨਾਲ ਮੁਲਾਕਾਤਾਂ ਕਰਕੇ ਆਪਣੇ ਲਈ ਮਾਹੌਲ ਸਿਰਜਿਆ। ਵਜੀਰ-ਏ-ਖਜ਼ਾਨਾ ਨਾਲ ਮੁਲਾਕਾਤ ਨੂੰ ਰਾਜਾ ਵੜਿੰਗ ਦੇ ਆਪਣੇ ਸੋਸ਼ਲ ਮੀਡੀਆ ਖਾਤੇ ’ਤੇ ਸਾਂਝਾ ਕਰਕੇ ਉਨ੍ਹਾਂ ਵੱਲੋਂ ਭਰਵੇਂ ਸਹਿਯੋਗ ਦੇ ਭਰੋਸੇ ਦਾ ਉਚੇਚਾ ਜ਼ਿਕਰ ਕੀਤਾ। ਬਠਿੰਡਾ ਲੋਕਸਭਾ ਦੇ ਆਗੂਆਂ ਦੇ ਪੁੱਜੇ ਤਾਜ਼ਾ ਇਤਰਾਜ਼ਾਂ ਬਾਅਦ ਪਾਰਟੀ ਹਾਈਕਮਾਂਡ ਵੀ ਡੈਮੇਜ ਕੰਟਰੋਲ ਲਈ ਟਿਕਟ ਚਾਹਵਾਨ ਆਗੂਆਂ ਦਾ ਧਿਆਨ ਵੰਡਾਉਣ ਦੀ ਰਾਹ ਪੈ ਗਈ ਹੈ। ਟਿਕਟ ਦੇ ਦਾਅਵੇਦਾਰ ਅਤੇ ਸੂਬਾ ਜਨਰਲ ਸਕੱਤਰ ਟਹਿਲ ਸਿੰਘ ਸੰੰਧੂ ਨੂੰ ਅੱਜ ਸੰਗਰੂਰ ਲੋਕਸਭਾ ਚੋਣ ਦਾ ਇੰਚਾਰਜ਼ ਥਾਪ ਦਿੱਤਾ ਗਿਆ ਹੈ। ਬਠਿੰਡਾ ਲੋਕਸਭਾ ਦੇ ਕਾਂਗਰਸ ਟਿਕਟ ਦੇ ਸਮੁੱਚੇ ਘਟਨਾਕ੍ਰਮ ਵਿੱਚ ਲੰਬੀ ਹਲਕੇ ਤੋਂ ਪ੍ਰਮੁੱਖ ਦਾਅਵੇਦਾਰ ਅਤੇ ਵੋਟ ਬੈਂਕ ਵਾਲੇ ਦਰਵੇਸ਼ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ’ਤੇ ਹਾਈਕਮਾਂਡ ਦਾ ਅਣਦੇਖੀ ਵਾਲਾ ਕਹਿਰ ਦੂਸਰੀ ਵਾਰ ਵਾਪਰਿਆ ਹੈ। ਇਸਤੋਂ ਪਹਿਲਾਂ ਸੂਬਾਈ ਚੋਣਾਂ ਮੌਕੇ ਲੰਬੀ ਹਲਕੇ ’ਚ ਉਨ੍ਹਾਂ ਦੀ ਜਗ੍ਹਾ ਕੈਪਟਨ ਅਮਰਿੰਦਰ ਸਿੰਘ ਨੂੰ ਉਮੀਦਵਾਰ ਬਣਾ ਦਿੱਤਾ ਗਿਆ ਹੈ। ਖੁੱਡੀਆਂ ਧੜਾ ਬੀਤੇ ਦੋ ਦਹਾਕੇ ਤੋਂ ਲੰਬੀ ’ਚ ਬਾਦਲਾਂ ਨਾਲ ਸਿੱਧਾ ਟਾਕਰਾ ਲੈਂਦਾ ਆ ਰਿਹਾ ਹੈ। ਗੁਰਮੀਤ ਸਿੰਘ ਖੁੱਡੀਆਂ ਦਾ ਕਹਿਣਾ ਸੀ ਕਿ ਟਿਕਟ ਬਾਰੇ ਫੈਸਲਾ ਹਾਈਕਮਾਂਡ ਦਾ ਅਧਿਕਾਰ ਖੇਤਰ ਹੈ ਅਤੇ ਅਸੀਂ ਪਾਰਟੀ ਲਈ ਕੰਮ ਖਾਤਰ ਵਚਨਬੱਧ ਹਾਂ। 

ਸਾਬਕਾ ਕਾਂਗਰਸ ਵਿਧਾਇਕ ਅਜੀਤ ਇੰਦਰ ਸਿੰੰਘ ਦਾ ਕਹਿਣਾ ਸੀ ਕਿ ਕਾਂਗਰਸ ਹਾਈਕਮਾਂਡ ਨੂੰ ਬਾਦਲਾਂ ਖਿਲਾਫ਼ ਬੇਅਦਬੀ ਵਾਲੇ ਮਾਹੌਲ ਕਾਰਨ ਬਠਿੰਡਾ ਲੋਕਸਭਾ ਹਲਕੇ ’ਚ ਸਿੱਖ ਚਿਹਰਾ ਮੈਦਾਨ ’ਚ ਉਤਾਰਨਾ ਚਾਹੀਦਾ ਸੀ। ਉਨ੍ਹਾਂ ਕਿਹਾ ਕਿ ਹਾਈਕਮਾਂਡ ਨੂੰ ਪਹਿਲਾਂ ਹੀ ਸਬੰਧਤ ਇਲਾਕੇ ਦੀਆਂ ਜ਼ਮੀਨੀ ਹਕੀਕਤਾਂ ਪਛਾਣ ਕੇ ਉਮੀਦਵਾਰ ਉਤਾਰਨੇ ਚਾਹੀਦੇ ਹਨ। ਬਾਅਦ ’ਚ ਉਮੀਦਵਾਰ ਦੇ ਹਾਰਨ ’ਤੇ ਹਲਕਾ ਆਗੂਆਂ ’ਤੇ ਨਜਲਾ ਨਾ ਸੁੱਟਿਆ ਜਾਵੇ। ਹੁਣ ਅਸੀਂ ਰਾਜਾ ਵੜਿੰਗ ਦੀ ਖੁੱਲ੍ਹਦਿਲ੍ਹੀਂ ਮੱਦਦ ਕਰਾਂਗੇ। 

ਪੰਜਾਬ ਕਾਂਗਰਸ ਦੇ ਜਨਰਲ ਸਕੱਤਰ ਟਹਿਲ ਸਿੰਘ ਸੰਧੂ ਦਾ ਕਹਿਣਾ ਸੀ ਕਿ ਬਠਿੰਡਾ ਤੋਂ ਲੋਕਸਭਾ ਦੇ ਹੀ ਕਿਸੇ ਕਾਂਗਰਸ ਆਗੂ ਨੂੰ ਉਮੀਦਵਾਰ ਬਣਾਇਆ ਜਾਣਾ ਚਾਹੀਦਾ ਸੀ। ਇਸ ਫੈਸਲੇ ਨਾਲ ਸਾਡੀਆਂ ਕਦਰਾਂ-ਕੀਮਤਾਂ ਅਤੇ ਮਨਾਂ ਨੂੰ ਠੇਸ ਪੁੱਜੀ ਹੈ ਪਰ ਪਾਰਟੀ ਦੇ ਫੈਸਲੇ ਨੂੰ ਮੰਨਣਾ ਸਾਡਾ ਇਖ਼ਲਾਕੀ ਫਰਜ਼ ਵੀ ਹੈ। ਦਾਅਵੇਦਾਰਾਂ ਦੀ 25-30 ਸਾਲਾਂ ਦੀਆਂ ਮਿਹਨਤਾਂ ਦਾ ਮੁੱਲ ਪਾਰਟੀ ਨੂੰ ਪਾਉਣਾ ਚਾਹੀਦਾ ਸੀ। ਬਠਿੰਡਾ ਦੀ ਸਿਆਸੀ ਜੰਗ ਜਿੱਤਣਾ ਇਕੱਲੇ ਰਾਜਾ ਵੜਿੰਗ ਦੇ ਵੱਸ ਦੀ ਗੱਲ ਨਹੀਂ, ਸਭ ਦੀ ਇਕਸੁਰ ਮੱਦਦ ਦੀ ਲੋੜ ਹੋਵੇਗੀ।   -93178-26100 

16 April 2019

ਪਲਾਂ ’ਚ ਤੁਰ ਗਏ ਸੁਆਹ ਬਣ ਕੇ…

*  ਮਿਹਨਤ ਨਾਲ ਗੁਰਬਤ ’ਤੇ ਜਿੱਤ ਪਾਉਣ ਤੁਰੇ, ਕਿਸਮਤ ਹੱਥੋਂ ਹਾਰ ਗਏ ਚਾਰ ਯਾਰ
*   ਪਿੰਡ ਮਿੱਡਾ ਦਾ ਰੋਮ-ਰੋਮ ਕੁਦਰਤ ਤੋਂ ਅਣੋਹਣੀ ਦਾ ਗੁਨਾਹ ਪੁੱਛ ਰਿਹਾ

                                                               ਇਕਬਾਲ ਸਿੰਘ ਸ਼ਾਂਤ
ਮਿੱਡਾ: ਬੰਦਾ ਕਿੰਨੀ ਵੀ ਲਗਨ ਨਾਲ ਤਕਦੀਰ ਸੰਵਾਰਨਾ ਚਾਹੇ। ਪਰ ਕੁਦਰਤ ਤੇ ਕਿਸਮਤ ਦੀ ਕਿਤਾਬ ’ਚ ਕਰਮਾਂ ਵਾਲੀ ਇਬਾਰਤ ਆਪਣੀ ਲੇਖਣੀ ਤੋਂ ਉਸਨੂੰ ਇੱਕ ਕਦਮ ਅਗਾਂਹ ਨਹੀਂ ਪੁੱਟਣ ਦਿੰਦੀ। ਜੱਦੀ-ਪੁਸ਼ਤੀ ਗੁਰਬਤ ਨੂੰ ਹਰਾਉਣ ਲਈ ਮਿਹਨਤ ਦੀ ਰਾਹ ਪਏ ਮਿੱਡਾ ਪਿੰਡ ਦੇ ਚਾਰ ਹਮਉਮਰ ਦੋਸਤ ਕਿਸਮਤ ਹੱਥੋਂ ਜ਼ਿੰਦਗੀ ਦੀ ਬਾਜ਼ੀ ਹਾਰ ਕੇ ਮਾਪਿਆਂ ਦੇ ਹੱਥ
ਸੁਆਹ ਬਣ ਕੇ ਪੁੱਜੇ। ਬੀਤੇ ਕੱਲ੍ਹ ਫਾਜਿਲਕਾ ਨੇੜੇ ਗੰਗ ਕੈਨਾਲ ’ਚ ਕਾਰ ਡਿੱਗਣ ਚਾਰ ਦੇ ਫੌਤ ਹੋਏ ਚਾਰ ਨੌਜਵਾਨਾਂ ਦੀ ਮੌਤ ਨਾਲ ਮਿੱਡਾ ਪਿੰਡ ਦਾ ਰੋਮ-ਰੋਮ ਉਦਾਸ ਹੈ। ਬਦਕਿਸਮਤੀ ਨੇ ਉਸਤੋਂ ਚਾਰ ਮਿਹਨਤੀ ਪੁੱਤ ਖੋਹ ਲਏ, ਜਿਨ੍ਹਾਂ ਦੇ ਪੜ੍ਹਾਈ-ਲਿਖਾਈ ਤੋਂ ਊਨੇ ਹੱਥ ਆਪਣੇ ਪਰਿਵਾਰਾਂ ਨੂੰ ਸੁਵੱਲੀ ਰੋਟੀ ਦੇਣ ਲਈ ਮੱਧ ਪ੍ਰਦੇਸ਼ ਤੱਕ ‘ਖਾਕ’ ਛਾਣਦੇ ਖੁਦ ‘ਖਾਕ’ ਹੋ ਗਏ। ਮੱਧ ਪ੍ਰਦੇਸ਼ ਤੋਂ ਕੰਬਾਇਨ ਦੇ ਕੰਮ ਤੋਂ ਵਾਪਸੀ ’ਤੇ ਮਾਪਿਆਂ ਦੀ ਬੁੱਕਲ ਦੀ ਬੇਸਬਰੀ ਜ਼ਿੰਦਗੀ ਮੁਕਾ ਗਈ। ਬਚਪਨ ਤੋਂ ਅਖੀਰਲੇ ਦਮ ਤੱਕ ਇਕੱਠੇ ਰਹਿਣ ਵਾਲੇ ਚਾਰੇ ਗੁਰਪ੍ਰੀਤ ਸਿੰਘ, ਗੁਰਲਾਲ, ਜੱਸਾ ਸਿੰਘ ਅਤੇ ਪ੍ਰਤਾਪ ਦੀਆਂ ਅਸਥੀਆਂ ਚੁਗਣ ਮੌਕੇ ਵਾਰਸਾਂ ਦਾ ਮਾਤਮ ਕੁਦਰਤ ਤੋਂ ਇਸ ਅਣੋਹਣੀ ਦਾ ਗੁਨਾਹ ਪੁੱਛ ਰਿਹਾ ਸੀ। ਪਿੰਡ ਦੇ ਚਾਰ ਮਿਹਨਤੀ ਨੌਜਵਾਨ ਸਿਵਿਆਂ ਵਿਚੋਂ ਕੁੱਜਿਆਂ ’ਚ ਸੁਆਹ ਬਣ ਕੇ ਨਿੱਕਲੇ ਤਾਂ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰੰਘ ਬਾਦਲ ਤੋਂ ਲੈ ਕੇ ਮੌਜੂਦ ਹਰੇਕ ਇਨਸਾਨ ਦੀਆਂ ਅੱਖਾਂ ’ਚੋਂ ਹੰਝੂ ਉੱਤਰ ਪਏ। ਨਸ਼ਿਆਂ ਵਾਲੇ ਮਾਹੌਲ ’ਚ ਪਿੰਡ ਇਨ੍ਹਾਂ ਚਾਰੇ ਨੌਜਵਾਨਾਂ ਦੇ ਮਿਹਨਤੀ ਅਤੇ ਨਸ਼ਾ ਰਹਿਤ ਸੁਭਾਅ ਦੀ ਮਿਸਾਲ ਦਿੰਦੇ ਨਹੀਂ ਸਨ ਥੱਕਦੇ। 
ਕੁਦਰਤ ਨੇ ਢਿੱਡ ਭਰਨ ਲਈ ਦੋ-ਚਾਰ ਰੋਟੀਆਂ ਨੂੰ ਆਪਣੀ ਕਿਸਮਤ ਮੰਨਣ ਵਾਲੇ ਚਾਰ ਗਰੀਬ ਦਲਿਤ ਪਰਿਵਾਰਾਂ ਦੀ ਰੁੱਖੀ-ਸੁੱਕੀ ਰੋਟੀ ਵਾਲੇ ‘ਸੁੱਖ’ ਨੂੰ ਵੀ ਪਲਾਂ ’ਚ ਢਹਿ-ਢੇਰੀ ਕਰ ਦਿੱਤਾ। ਚਾਰੇ ਮ੍ਰਿਤਕ ਨੌਜਵਾਨ ਦੇ ਪਰਿਵਾਰਾਂ ਦੀ ਹਾਲਤ ਇੰਨੀ ਕੁ ਮੰਦੀ ਹੈ ਕਿ ਇਨ੍ਹਾਂ ਕੋਲ ਨਾ ਪੱਕੀ ਛੱਤ ਦਾ ਵਸੀਲਾ ਹੈ ਅਤੇ ਨਾ ਰੋਜ਼ੀ-ਰੋਟੀ ਦਾ ਪੱਕਾ ਜੁਗਾੜ। ਮ੍ਰਿਤਕ 19 ਸਾਲਾ ਜੱਸਾ ਸਿੰਘ ਦਾ ਪਿਤਾ ਗੁਰਮੇਲ ਸਿੰਘ ਮਾਨਸਿਕ ਤੌਰ ’ਤੇ ਬਿਮਾਰ ਹੈ। ਪਰਿਵਾਰ ਕਿੱਤਿਆਂ ’ਚ ਬਣੇ ਕੱਚੇ-ਪੱਕੇ ਮਕਾਨ ’ਚ ਜ਼ਿੰਦਗੀ ਬਸਰ ਕਰਦਾ ਹੈ ਜਿਸਨੂੰ ਕੋਈ ਲਾਂਘਾ ਜਾਂ ਗਲੀ ਵੀ ਨਹੀਂ ਲੱਗਦੀ। ਜੱਸਾ ਸਕੂਲੀ ਪੜ੍ਹਾਈ ਵਿਚਾਲੇ ਛੱਡ ਕੇ ਪਰਿਵਾਰ ਦਾ ਸਹਾਰਾ ਬਣਨ ਤੁਰਿਆ ਸੀ ਪਰ ਕਿਸਮਤ ਨੇ ਪੈਰਾਂ ’ਤੇ ਪਾਣੀ ਨਹੀਂ ਪੈਣ ਦਿੱਤਾ। 20 ਸਾਲਾ ਗੁਰਲਾਲ ਸਿੰਘ ਦੇ ਪਰਿਵਾਰ ਕੋਲ
ਤਾਂ ਇਸ ਜਹਾਨ ’ਤੇ ਆਪਣੀ ਇੰਚ ਜ਼ਮੀਨ ਵੀ ਨਹੀਂ, ਉਹ ਸੜਕ ਮਹਿਕਮੇ ਦੀ ਜ਼ਮੀਨ ’ਤੇ ਕੱਚਾ ਕਮਰਾ ਪਾ ਕੇ ਸਿਰ ਢਕਣ ਕਰੀ ਬੈਠਾ ਹੈ। ਉਸਦਾ ਪਿਤਾ ਮੰਗਲ ਸਿੰਘ ਦਿਲ ਦੀ ਬਿਮਾਰੀ ਤੋਂ ਪੀੜਤ ਹੈ। ਉਸਨੂੰ ਪੁੱਤਰ ਗੁਰਲਾਲ ਆਖ ਕੇ ਗਿਆ ਸੀ ਕਿ ਬਾਪੂ ਐਤਕੀਂ ਸੀਜਨ ਕਮਾਈ ਕਰਕੇ ਤੇਰੇ ਦਿਲ ਦਾ ਚੈਕਅੱਪ ਕਰਵਾਉਂਗਾ ਪਰ ਬਾਪ ਦਾ ਇਲਾਜ ਤਾਂ ਕੀ ਖੁਦ ਹਮੇਸ਼ਾਂ ਲਈ ਜਾ ਕੇ ਬਾਪ ਦੇ ਹੱਡਾਂ ਨੂੰ ਇੱਕ ਹੋਰ ਨਵਾਂ ਰੋਗ ਦੇ ਗਿਆ। ਸਹਾਰੇ ਪੱਖੋਂ ਮਾਪਿਆਂ ਕੋਲ ਇੱਕ ਛੋਟਾ ਪੁੱਤਰ ਹੈ। 19 ਸਾਲਾ ਪ੍ਰਤਾਪ ਸਿੰਘ ਦੇ ਮਜ਼ਦੂਰ ਪਿਤਾ ਬਲਜਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਕੁਦਰਤ ਦੀ ਮਾਰ ਨੇ ਉਸਨੂੰ ਕਿਧਰੇ ਦਾ ਨਹੀਂ ਛੱਡਿਆ। ਹੁਣ ਪੁੱਤਰ ਮਿਹਨਤ ਕਰਕੇ ਬਰਾਬਰ ਹੱਥ ਵੰਡਾਉਣ ਲੱਗਿਆ ਤਾਂ ਚੰਗੇ ਦਿਨਾਂ ਦੀ ਆਸ ਬੁੱਝੀ ਸੀ। ਇਸ ਭਾਣੇ ਨੇ ਲੱਕ ਹੀ ਤੋੜ ਕੇ ਰੱਖ ਦਿੱਤਾ। ਅਗਾਮੀ 19 ਅਪਰੈਲ ਨੂੰ ਵਿਆਹ ਵਾਲੀ ਘੋੜੀ ਚੜ੍ਹਨ ਵਾਲਾ ਗੁਰਪ੍ਰੀਤ ਸਿੰਘ ਉਸ ਤੋਂ ਪਹਿਲਾਂ ਹੀ ਮੌਤ ਨਾਲ ਲਾਵਾਂ ਲੈ ਗਿਆ। ਕਿਸਮਤ ਦੇ ਮਾਰੇ ਚਾਰੇ ਪਰਿਵਾਰਾਂ ਨੂੰ ਸਰਕਾਰੀ ਮੱਦਦ ’ਚ ਚੋਣ ਜ਼ਾਬਤਾ ਦਿੱਕਤ ਬਣ ਰਿਹਾ ਹੈ। ਚੋਣ ਕਮਿਸ਼ਨ ਦੇ ਖੌਫ਼ ’ਚ ਹੁਣ ਕੋਈ ਸਿਆਸੀ ਧਿਰ ਮੱਦਦ ਨੂੰ ਮੂਹਰੇ ਨਹੀਂ ਆ ਰਹੀ। ਇਨ੍ਹਾਂ ਪਰਿਵਾਰਾਂ ਨੂੰ ਮੱਦਦ ਲਈ ਮਲੋਟ ਦੇ ਐਸ.ਡੀ.ਐਮ ਗੋਪਾਲ ਸਿੰਘ ਨੇ ਕਿਹਾ ਕਿ ਤਹਿਸੀਲਦਾਰ ਨੂੰ ਭੇਜ ਕੇ ਪਰਿਵਾਰਾਂ ਦੀ ਆਰਥਿਕ ਹਾਲਤ ਦੀ ਰਿਪੋਰਟ ਮੰਗਵਾਈ ਜਾਵੇਗੀ ਅਤੇ ਆਰਥਿਕ ਮੱਦਦ ਲਈ ਸਰਕਾਰ ਨੂੰ ਲਿਖਿਆ ਜਾਵੇਗਾ।


ਅਸਥੀਆਂ ਚੁਗਣ ਦੀ ਰਸਮ ’ਚ ਸ਼ਾਮਲ ਹੋਏ ਵੱਡੇ ਬਾਦਲ 
ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅੱਜ ਚਾਰੇ ਮ੍ਰਿਤਕ ਨੌਜਵਾਨਾਂ ਦੀਆਂ ਅਸਥੀਆਂ ਚੁਗਣ ਮੌਕੇ ਪਿੰਡ ਮਿੱਡਾ ਪੁੱਜੇ। ਉਨ੍ਹਾਂ ਸਸ਼ਮਾਨ ਘਾਟ ’ਚ ਮ੍ਰਿਤਕਾਂ ਦੇ ਮਾਪਿਆਂ ਨਾਲ ਦੁੱਖ ਦੁੱਖ ਸਾਂਝਾ ਕਰਦਿਆਂ ਇਸ ਨੂੰ ਕੁਦਰਤੀ ਭਾਣਾ 
ਦੱਸਿਆ। ਉਨ੍ਹਾਂ ਕਰੀਬ ਵੀਹ ਮਿੰਟ ਤੱਕ ਪੀੜਤ ਪਰਿਵਾਰਾਂ ਨਾਲ ਗੱਲਬਾਤ ਕੀਤੀ ਅਤੇ ਉਨ੍ਹਾਂ ਦੀ ਆਰਥਿਕ ਸਥਿਤੀ ਬਾਰੇ ਪੁੱਛਿਆ। ਸ੍ਰੀ ਬਾਦਲ ਨੇ ਆਖਿਆ ਕਿ ਭਰ ਜਵਾਨੀ ’ਚ ਚਾਰ-ਚਾਰ ਨੌਜਵਾਨ ਬੱਚਿਆਂ ਦੀ ਬੇਵਕਤੀ ਜਾਣਾ ਅਸਿਹ ਅਤੇ ਅਕਹਿ ਸਦਮਾ ਹੈ। ਕੁਦਰਤ ਦਾ ਭਾਣਾ ਮੰਨਣਾ ਮਨੁੱਖ ਦੀ ਮਜ਼ਬੂਰੀ ਹੈ। ਇਸ ਮੌਕੇ ਜਥੇਦਾਰ ਦਿਆਲ ਸਿੰਘ ਕੋਲਿਆਂਵਾਲੀ ਅਤੇ ਓ.ਐਸ.ਡੀ. ਗੁਰਚਰਨ ਸਿੰਘ ਵੀ ਮੌਜੂਦ ਸਨ। 

14 April 2019

ਟਿੱਬੇ ’ਤੇ ਹੀ ਸਿਰਜ ਦਿੱਤਾ ਜਲ੍ਹਿਆਂਵਾਲਾ ਬਾਗ ਦਾ ‘ਸਾਕਾ’

* 100 ਵੀਂ ਬਰਸੀ ’ਤੇ ਜਨਰਲ ਡਾਇਰ ਦੇ ਉਕੇਚੇ ਕਾਲੇ ਰੰਗ ਵਾਲੇ ਦੈਂਤ ਚਿਹਰੇ ’ਤੇ ਠੋਕੀਆਂ ਇੱਕ ਸੌ ਕਿੱਲਾਂ

* ਅਮਰੀਕਾ ਦੇ ਮਾਊਂਟ ਰਸ਼ਮੋਰ ਮੈਮੋਰੀਅਲ ਦਾ ਭੁਲੇਖਾ ਪਾਉਂਦੀ ਕਲਾ ਵਾਲੀ ਸ਼ਰਧਾਂਜਲੀ

                                                  ਇਕਬਾਲ ਸਿੰਘ ਸ਼ਾਂਤ
ਡੱਬਵਾਲੀ: ਭਾਵਨਾਵਾਂ ਦਰਸਾਉਣ ਲਈ ਕਿਸੇ ਮੁਕੰਮਲ ਜਹਾਨ ਦੀ ਜ਼ਰੂਰਤ ਨਹੀਂ ਹੁੰਦੀ, ਮਿੱਟੀ ਦਾ ਇੱਕ ਅਣਗੌਲਿਆ ਟਿੱਬਾ ਵੀ ਜਜ਼ਬਿਆਂ ਦਾ ‘ਮੰਦਰ’ ਬਣ ਸਕਦਾ ਹੈ। ਬੱਸ ਜ਼ਰੂਰਤ ਹੁੰਦੀ ਐ ਉਸਨੂੰ ਤਰਾਸ਼ਣ ਲਈ ਕਲਾ ਦੇ ਇੱਕ ਯੋਗ ਪੁਜਾਰੀ ਦੀ। ਹਮੇਸ਼ਾਂ ਆਪਣੀ ਕਲਾਕਾਰੀ ਨਾਲ ਕੁਝ ਨਿਵੇਕਲਾ ਕਰਨ ਵਾਲੇ ਫਾਈਨ ਆਰਟ ਦੇ ਸਹਾਇਕ ਪ੍ਰੋਫੈਸਰ ਮਨਜੀਤ ਸਿੰਘ ਸਾਹੋਕੇ ਨੇ ਜਲ੍ਹਿਆਂਵਾਲਾ ਬਾਗ ਦੇ ਸ਼ਹੀਦਾਂ ਨੂੰ 100ਵੀਂ ਬਰਸੀ ਮੌਕੇ ਸ਼ਰਧਾਂਜਲੀ ਦੇਣ ਲਈ ਪਿੰਡ ਬਾਦਲ ਦੇ
ਖੇਤਾਂ ਵਿੱਚਲੇ ਇੱਕ ਅਣਗੌਲੇ ਟਿੱਬੇ ਨੂੰ ਚੁਣਿਆ। ਉਸਨੇ ਮਿੱਟੀ ਕਲਾ ਰਾਹੀਂ ਉਸ ਹਾਦਸੇ ਦੇ ਕਰੀਬ ਤੋਂ ਵੱਧ ਸ਼ਹੀਦ ਦੀਆਂ ਕਾਲਪਨਿਕ ਤਸਵੀਰਾਂ ਉਕੇਰ ਕੇ ਟਿੱਬੇ ਨੂੰ ਦਾਰਸ਼ਨਿਕ ਬਣਾ ਦਿੱਤਾ। ਉਸਨੇ ਆਪਣੀ ਕਲਾ ਰਾਹੀਂ ਸਿਰਫ਼ ਜਲ੍ਹਿਆਂਵਾਲਾ ਬਾਗ ਦੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਨਹੀਂ ਬਲਕਿ ਘਟਨਾ ਲਈ ਮੁੱਖ ਜੁੰਮੇਵਾਰ ਅਖਵਾਉਂਦੇ ਜਾਂਦੇ ਜਨਰਲ ਡਾਇਰ ਦਾ ਟਿੱਬੇ ’ਤੇ ਦੈਂਤ ਰੂਪ ਚਿਹਰਾ ਕੇ ਬੁਰਾਈ ਦੇ ਪ੍ਰਤੀਕ ਕਾਲੇ ਰੰਗ ਵਿੱਚ ਉਕੇਰ ਕੇ 100ਵੀਂ ਵਰ੍ਹੇਗੰਢ ਦੇ ਮੱਦੇਨਜ਼ਰ ਉਸ ’ਤੇ ਇੱਕ ਸੌ ਕਿੱਲਾਂ ਵੀ ਗੱਡੀਆਂ ਹਨ। ਦਸਮੇਸ਼ ਸਿੱਖਿਆ ਕਾਲਜ ਦੇ ਸਹਾਇਕ ਪ੍ਰੋਫੈਸਰ ਦੀ ਕਰੀਬ 15 ਫੁੱਟ ਉੱਚੇ ਅਤੇ 50 ਫੁੱਟ ਚੌੜੇ ਟਿੱਬੇ ’ਤੇ ਕਲਾ ਭਰਪੂਰ ਕੋਸ਼ਿਸ਼ ਵਿੱਚੋਂ ਅਮਰੀਕਾ ਦੇ ਮਾਊਂਟ ਰਸ਼ਮੋਰ ਨੈਸ਼ਨਲ ਮੈਮੋਰੀਅਲ ਡਕੋਤਾ ’ਚ ਉੱਚੇ ਪਹਾੜਾਂ ’ਤੇ ਉਕੇਰੇ ਵੱਡ ਅਕਾਰੀ ਚਿਹਰਿਆਂ ਦੀ ਝਲਕ ਪੈਂਦੀ ਹੈ। ਹਾਲਾਂਕਿ ਭਾਰਤ ’ਚ ਅਜਿਹੀ ਮਿੱਟੀ ਕਲਾ ਸਮੁੰਦਰੀ ਕੰਢਿਆਂ ’ਤੇ ਵੇਖਣ ਨੂੰ ਮਿਲਦੀ ਹੈ, ਪਰ ਉੱਤਰ ਭਾਰਤ ’ਚ ਇੱਕ ਟਿੱਬੇ ’ਤੇ
ਪਹਿਲੀ ਵਾਰ ਅਜਿਹੀ ਕੋਸ਼ਿਸ਼ ਹੋਈ ਹੈ। ਸਹਾਇਕ ਪ੍ਰੋਫੈਸਰ ਮਨਜੀਤ ਸਿੰਘ ਸਾਹੋਕੇ ਨੇ ਕਿਹਾ ਕਿ ਉਹ ਜਲ੍ਹਿਆਂਵਾਲਾ ਬਾਗ ਦੀ ਮੰਦਭਾਗੀ ਘਟਨਾ ਤੋਂ ਬੇਹੱਦ ਪ੍ਰਭਾਵਿਤ ਰਿਹਾ ਹੈ। ਬਚਪਨ ਤੋਂ ਉਸਨੇ ਇਸ ਦੁਖਾਂਤ ਨੂੰ ਵੱਡੇ ਬਜ਼ੁਰਗਾਂ ਤੋਂ ਬਹੁਤ ਵਾਰ ਸੁਣਿਆ ਹੈ। ਜਲ੍ਹਿਆਂਵਾਲਾ ਬਾਗ ਦੀ 100ਵੀਂ ਬਰਸੀ ਮੌਕੇ ਉਸਦੇ ਮਨ ਵਿੱਚ ਆਪਣੀ ਕਲਾ ਰਾਹੀਂ ਨਿਵੇਕਲੀ ਢੰਗ ਨਾਲ
ਸ਼ਰਧਾਂਜਲੀ ਦੇਣ ਦੀ ਭਾਵਨਾ ਜਾਗੀ। ਕਾਫ਼ੀ ਭਾਲ ਉਪਰੰਤ ਬਾਦਲ ਪਿੰਡ ਨੇੜਲਾ ਇੱਕ ਟਿੱਬਾ ਇਸ ਕਾਰਜ ਲਈ ਜਾਇਜ਼ ਜਾਪਿਆ। ਜਿਸ ਮਗਰੋਂ ਚਾਰ ਦਿਨ ਦੀ ਮਿਹਨਤ ਉਪਰੰਤ ਅੱਜ ਸ਼ਾਮ ਉਸਦਾ ਇਹ
ਕਾਰਜ ਮੁਕੰਮਲ ਹੋਇਆ। ਸਾਹੋਕੇ ਅਨੁਸਾਰ ਮਿੱਟੀ ਦੇ ਟਿੱਬੇ ’ਤੇ ਬਣਾਏ ਸੌ ਤੋਂ ਵੱਧ ਸ਼ਹੀਦ ਚਿਹਰਿਆਂ ’ਚ ਵੱਡੇ, ਛੋਟੇ, ਹਿੰਦੂ-ਮੁਸਲਮਾਨ ਅਤੇ ਸਿੱਖਾਂ ਨੂੰ ਬਰਾਬਰੀ ਨਾਲ ਸਥਾਨ ਦਿੱਤਾ ਗਿਆ ਹੈ। ਉਸ ਅਨੁਸਾਰ ਇਹ ਚਿਹਰੇ ਸਿਰਫ਼ ਹਾਦਸੇ ਦੇ ਦਰਦ ਨੂੰ ਹੀ ਨਹੀਂ ਦਰਸਾਉਂਦੇ ਬਲਕਿ ਭਾਰਤੀਆਂ ’ਚ ਸਦਭਾਵਨਾ, ਏਕਤਾ ਅਤੇ ਦੇਸ਼-ਭਗਤੀ ਨੂੰ ਜਾਹਰ ਕਰਦੇ ਹਨ। ਭਾਰਤੀ ਤਿਰੰਗੇ ਦੇ ਰੰਗਾਂ ਨਾਲ ਇਸ ਕੌਮੀਅਤ ਦਾ ਰੰਗ ਵੀ ਭਰਿਆ ਗਿਆ ਅਤੇ ਕੇਸਰੀ ਪਤਾਕੇ ਲਹਿਰਾ ਕੇ ਵਿਸਾਖੀ ਨਾਲ ਜੋੜਿਆ ਗਿਆ ਹੈ। ਸੜਕ ਤੋਂ ਕਾਫ਼ੀ ਪਿਛਾਂਹ ਇਸ ਟਿੱਬੇ ਦੀ ਨਵੀਂ ਮਹੱਤਤਾ ਲੋਕਾਂ ਨੂੰ ਪਤਾ ਲੱਗਣ ’ਤੇ ਲੋਕ ਇਸ ਵੱਲ ਰੁੱਖ ਕਰਨ ਲੱਗੇ ਹਨ। ਦਰਸ਼ਕਾਂ ਵੱਲੋਂ ਇਸ ਦੇ ਵੀਡੀਓ ਸੋਸ਼ਲ ਮੀਡੀਆ ’ਤੇ ਪਾਉਣ ਮਗਰੋਂ ਟਿੱਬੇ ’ਤੇ ਬਣਿਆ ‘ਸ਼ਰਧਾਂਜਲੀ ਸਮਾਰਕ’ ਕਾਫ਼ੀ ਚਰਚਾ ਵਿੱਚ ਹੈ ।  -93178-26100

21 March 2019

ਗੁਰਤੇਜ ਸਿੰਘ ਘੁੜਿਆਨਾ ਨੇ ਅਕਾਲੀ ਦਲ (ਬ) ਦੀ ‘ਤੱਕੜੀ’ ਦਾ ਵਜ਼ਨ ਵਧਾਇਆ-ਕੀਤੀ ਘਰ ਵਾਪਸੀ

ਲੱਬੀ, 21 ਮਾਰਚ (ਇਕਬਾਲ ਸਿੰਘ ਸ਼ਾਂਤ)-ਸਾਬਕਾ ਚੀਫ਼ ਪਾਰਲੀਮਾਨ ਸਕੱਤਰ ਅਤੇ ਸਾਬਕਾ ਵਿਧਾਇਕ ਗੁਰਤੇਜ ਸਿੰਘ ਘੁੜਿਆਨਾ ਅੱਜ ਮੁੜ ਤੋਂ ਸ਼ੋ੍ਰਮਣੀ ਅਕਾਲੀ ਦਲ (ਬ) ਦੀ ਤੱਕੜੀ ਦੇ ਵਜ਼ਨ ਵਿੱਚ ਵਾਧਾ ਕਰ ਦਿੱਤਾ। ਉਹ ਅੱਜ ਆਪਣੇ ਸੈਂਕੜੇ
ਸਾਥੀਆਂ ਸਮੇਤ ਪਿੰਡ ਬਾਦਲ ਵਿਖੇ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਮੌਜੂਦਗੀ ’ਚ ਅਕਾਲੀ ਦਲ (ਬ) ’ਚ ਘਰ ਵਾਪਸੀ ਦਾ ਐਲਾਨ ਕੀਤਾ। ਘੁੜਿਆਨਾ ਨੇ ਬੀਤੇ ਸੂਬਾਈ ਚੋਣਾਂ ਮੌਕੇ ਅਕਾਲੀ ਦਲ ਨੂੰ ਅਲਵਿਦਾ ਨੂੰ ਆਖ ਕੇ ਕਾਂਗਰਸ ਦਾ ਹੱਥ ਫੜ ਲਿਆ ਸੀ। ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਘੁੜਿਆਨਾ ਅਤੇ ਸਮੁੱਚੇ ਵਰਕਰਾਂ ਨੂੰ ਦਲ ਵਿੱਚ ਪੂਰੇ ਮਾਣ-ਸਤਿਕਾਰ ਦਾ ਯਕੀਨ ਦਿਵਾਇਆ। ਘੁੜਿਆਨਾ ਨੇ ਆਪਣੀ ਸ਼ਮੂਲੀਅਤ ਮੌਕੇ ਆਖਿਆ ਕਿ ਪੰਜਾਬ ਅਤੇ ਪੰਜਾਬੀਅਤ ਹਿੱਤ ਅਕਾਲੀ ਦਲ ਦੀ ਅਗਵਾਈ ਹੇਠ ਹੀ ਸੁਰੱਖਿਅਤ ਹਨ। ਦੱਸਣਯੋਗ ਹੈ ਕਿ ਤਿੰਨ ਵਾਰ ਵਿਧਾਇਕ ਅਤੇ ਦੋ ਚੀਫ਼ ਪਾਰਲੀਮਾਨੀ ਸਕੱਤਰ ਰਹਿ ਚੁੱਕੇ ਗੁਰਤੇਜ ਸਿੰਘ ਘੁੜਿਆਨਾ ਦੀ ਸ਼ਮੂਲੀਅਤ ਨਾਲ ਫਿਰੋਜ਼ਪੁਰ ਲੋਕਸਭਾ ਹਲਕੇ ’ਚ ਅਕਾਲੀ ਦਲ ਨੂੰ ਜ਼ਮੀਨੀ ਪੱਧਰ ’ਤੇ ਬਲ ਮਿਲੇਗਾ। ਇਸ ਮੌਕੇ ਮੌਕੇ ਅਕਾਲੀ ਦਲ ਦੇ ਕੌਮੀ ਮੀਤ ਪ੍ਰਧਾਨ ਤੇਜਿੰਦਰ ਸਿੰਘ ਮਿੱਡੂਖੇੜਾ, ਓ.ਐਸ.ਡੀ. ਸਤਿੰਦਰਜੀਤ ਸਿੰਘ ਮੰਟਾ, ਹੈਪੀ ਪੀ.ਏ, ਅਰੁਨ ਨਾਰੰਗ ਵਿਧਾਇਕ ਅਬੋਹਰ, ਸਾਬਕਾ ਵਿਧਾਇਕ ਪ੍ਰਕਾਸ਼ ਸਿੰਘ ਭੱਟੀ, ਹਵਾ ਸਿੰਘ ਪੂਨੀਆਂ ਜਿਲ੍ਹਾ ਪ੍ਰਧਾਨ ਯੂਥ ਅਕਾਲੀ ਦਲ ਬਾਦਲ ਫਾਜਿਲਕਾ, ਮਨਜੀਤ ਸਿੰਘ ਲਾਲਬਾਈ ਦਫਤਰੀ ਸਕੱੱਤਰ, ਰਣਜੋਧ ਸਿੰਘ ਲੰਬੀ ਯੂਥ ਆਗੂ, ਜਗਮੀਤ ਸਿੰਘ ਨੀਟੂ ਤੱਪਾ ਖੇੜਾ, ਨਿਰਮਲ ਸਿੰਘ ਬਣਵਾਲਾ, ਗੁਰਚਰਨ ਸਿੰਘ ਅੌਲਖ, ਮਹਾਂਵੀਰ ਗੋਦਾਰਾ, ਅਨਮੋਲ ਫਤੂਹੀ ਖੇੜਾ, ਰਜਿੰਦਰ ਸਹਾਰਨ, ਆਰ ਡੀ ਬਿਸ਼ਨੋਈ, ਕਾਕਾ ਚਕੜਾ, ਨੀਟੂ ਗੋਬਿੰਦਗੜ, ਜੌਂਟੀ ਖੱਤਰੀ ਪੀ. ਏ, ਚਰਨ ਬਹਾਵਲਬਾਸੀ, ਸੁਰਿੰਦਰ ਪੀ.ਏ ਅਤੇ ਬੱਲੂਆਣਾ ਹਲਕੇ ਦੇ ਵੱਡੀ ਗਿਣਤੀ ਵਰਕਰ ਸਮੇਤ ਹੋਰਨਾਂ ਆਗੂ ਮੌਜੂਦ ਸਨ। 

19 March 2019

ਲੰਬੀ ’ਤੇ ਮੁਨਹੱਸਰ ਬਠਿੰਡਾ ਦੀ ਸਿਆਸੀ ਤਸਵੀਰ

   - ਬਾਦਲਾਂ ਦਾ ਗੜ੍ਹ ਜਿੱਤਣ ਲਈ ਕਾਂਗਰਸ ਹਾਈਕਮਾਂਡ ਦੀਆਂ ਨਜ਼ਰਾਂ ਮਹੇਸ਼ਇੰਦਰ-ਖੁੱਡੀਆਂ ’ਤੇ 

ਲੰਬੀ, (ਇਕਬਾਲ ਸਿੰਘ ਸ਼ਾਂਤ)- ਭਾਵੇਂ ਕੋਈ ਵੀ ਹੋਵੇ ਉਸਦੀ ਤਕਦੀਰ ’ਚ ਲੰਬੀ ਹਲਕੇ ਦੀ ਸਿਆਸੀ ਜ਼ਮੀਨ ਬਾਰੇ ਪੱਕੀ ਤਦਬੀਰ ਵਗੈਰ ਬਠਿੰਡਾ ਲੋਕਸਭਾ ਹਲਕੇ ਦੀ ਸਿਆਸੀ ਤਸਵੀਰ ’ਤੇ ਜਿੱਤ ਵਾਲਾ ਲੱਡੂ ਸੰਭਵ ਨਹੀਂ। ਬਠਿੰਡਾ ਦੀ ਸਿਆਸੀ ਸਰਜਮੀਂ ’ਤੇ ਜਿੱਤ-ਹਾਰ ਵਿੱਚ ਬਾਦਲਾਂ ਦੀ ਸਿਆਸੀ ਰਾਜਧਾਨੀ ਲੰਬੀ ਹਲਕੇ ਦੇ ਵੋਟ ਵਜ਼ਨ ਦੀ ਅਹਿਮ ਭੂਮਿਕਾ ਰਹੀ ਹੈ । ਪਿਛਲੇ ਦਹਾਕੇ ਤੋਂ ਲੰਬੀ ਦੇ
34-35 ਹਜ਼ਾਰ ਵੋਟਾਂ ਦੇ ਫ਼ਰਕ ਸਦਕਾ ਅਕਾਲੀ ਦਲ (ਬ) ਆਪਣੀ ਜਿੱਤ ਯਕੀਨੀ ਬਣਾਉਂਦਾ ਆ ਰਿਹਾ ਹੈ। ਇਸ ਵਾਰ ਬੇਅਦਬੀਆਂ ਖਿਲਾਫ਼ ਭਾਵਨਾਤਮਿਕ ਮਾਹੌਲ ’ਚ ਬਠਿੰਡਾ ਅਕਾਲੀਆਂ ਦਾ ਗੜ੍ਹ ਤੋੜਨ ਖਾਤਰ ਕਾਂਗਰਸ ਲੰਬੀ ਵਾਲਾ ਵੋਟ ਵਜ਼ਨ ਘਟਾਉਣ ਲਈ ਜੀ-ਜਾਨ ਨਾਲ ਜੁਟੀ ਹੋਈ ਹੈ। ਬਠਿੰਡਾ ਜ਼ਿਲ੍ਹਾ ’ਚ 70.89 ਫ਼ੀਸਦੀ ਅਤੇ ਜ਼ਿਲ੍ਹਾ ਮਾਨਸਾ ’ਚ 77.75 ਫ਼ੀਸਦੀ ਵਸੋਂ ਹੈ। ਸੂਤਰਾਂ ਅਨੁਸਾਰ ਕਾਂਗਰਸ ਹਾਈਕਮਾਂਡ ਨੇ ਇਹ ਲਾਹਾ ਲੈਣ ਅਤੇ ਲੰਬੀ ’ਚ ਖੱਟੇ ਅੰਗੂਰਾਂ ਨੂੰ ਮਿੱਠਾ ਕਰਨ ਲਈ ਮਹੇਸ਼ਇੰਦਰ ਬਾਦਲ-ਗੁਰਮੀਤ ਖੁੱਡੀਆਂ ’ਤੇ ਨਿਗਾਹ ਲਗਾ ਰੱਖੀ ਹੈ। ਸਾਊ ਸਿਆਸਤਦਾਨ ਅਤੇ ਸਾਫ਼ ਸੁਧਰੇ ਅਕਸੀ ਚਿਹਰਿਆਂ ’ਤੇ ਆਧਾਰਤ ਇਸ ਧੜੇ ਕੋਲ ਲੰਬੀ ਹਲਕੇ ’ਚ ਇਕਮੁੱਠ 34-35 ਹਜ਼ਾਰ ਵੋਟਾਂ ਮੰਨੀਆਂ ਜਾਂਦੀਆਂ ਹਨ। ਇਸ ਲੋਕਸਭਾ ਹਲਕੇ ਵਿੱਚ ਪਿਛਲੇ ਦਸ ਸਾਲਾਂ ਦੌਰਾਨ ਵਿਕਾਸਮਈ ਮਾਹੌਲ ਸਿਰਜਣ ਕਰਕੇ ਹਰਸਿਮਰਤ ਕੌਰ ਬਾਦਲ ਦਾ ਹੱਥ ਹਾਲ ਦੀ ਘੜੀ ਉੱਪਰ ਵਿਖਾਈ ਜਾਪਦਾ ਹੈ । ਸਿਆਸੀ ਮਾਹਰਾਂ ਅਨੁਸਾਰ ਮੌਜੂਦਾ ਹਾਲਾਤਾਂ ਪੇਂਡੂ ਖਿੱਤੇ ਵਿੱਚ ਬੇਅਦਬੀਆਂ ਦਾ ਮਸਲਾ ਅਕਾਲੀ ਦਲ ਲਈ ਗਲੇ ਦੀ ਹੱਡੀ ਬਣ ਸਦਕਾ ਹੈ। ਪੰਥਕ ਸੋਚ ਵਾਲੇ ਸਿੱਖਾਂ ਦੀ ਅਕਾਲੀ ਦਲ ਪ੍ਰਤੀ ਨਰਾਜਗੀ ਬਰਕਰਾਰ ਜਾਪਦੀ ਹੈ। ਮਾਨਸਾ, ਮੌੜ ਅਤੇ ਬੁਢਲਾਡਾ ਆਦਿ ਹਲਕਿਆਂ ਦੀ ਸਿਰੜ ਅਤੇ ਜੁਝਾਰੂ ਸੋਚ ਜ਼ਮਾਨੇ ’ਚ ਕਿਸੇ ਤੋਂ ਲੁਕੀ ਨਹੀਂ ਹੈ। ਬਠਿੰਡਾ ਦੇ ਚੋਣ ਪਿੜ ’ਚ ਪੰਜਾਬ ਜਮਹੂਰੀ ਗੱਠਜੋੜ (ਪੀ.ਡੀ.ਏ.) ਦੇ ਉਮੀਦਵਾਰ ਸੁਖਪਾਲ ਖਹਿਰਾ, ਬਰਗਾੜੀ ਮੋਰਚੇ ਵੱਲੋਂ ਗੁਰਦੀਪ ਸਿੰਘ ਬਠਿੰਡਾ, ਸੀ.ਪੀ.ਆਈ. (ਐਮ.ਐਲ.) ਵੱਲੋਂ ਕਾ. ਭਗਵੰਤ ਸਿੰਘ ਸਮਾਓਂ ਉਮੀਦਵਾਰ ਐਲਾਨ ਜਾ ਚੁੱਕੇ ਹਨ। ਹਾਲ ਦੀ ਘੜੀ ਕਾਂਗਰਸ ਅਤੇ ਅਕਾਲੀ ਦਲ ਇੱਕ ਦੂਸਰੇ ਦਾ ਮੂੰਹ ਤੱਕ ਰਹੀਆਂ ਹਨ। ਇਸ ਹਲਕੇ ’ਚ ਕਾਂਗਰਸ, ਅਕਾਲੀ ਦਲ (ਬ), ਪੀ.ਡੀ.ਏ., ਅਕਾਲੀ ਦਲ (ਟਕਸਾਲੀ) ਅਤੇ ਆਪ ਦੇ ਡਟਣ ਦੀ ਸੂਰਤ ’ਚ ਮੁਕਾਬਲਾ ਚਹੁੰਕੋਨਾ ਜਾਂ ਪੰਜਕੋਨਾ ਹੋਣ ਦੀ ਸੰਭਾਵਨਾ ਹੈ। ਮਾਹਰਾਂ ਅਨੁਸਾਰ ਬਹੁਕੋਨੇ ਮੁਕਾਬਲੇ ’ਚ ਵਿਉਂਤਬੰਦੀ ਠੋਸ ਹੋਣ ਦੀ ਸੂਰਤ ’ਚ ਕਾਂਗਰਸ ਦੀ ਬਾਜ਼ੀ ਲੱਗਦੀ ਹੈ। ਬਠਿੰਡਾ ਲੋਕਸਭਾ ਤੋਂ ਕਾਂਗਰਸ ਟਿਕਟ ਲਈ ਰਣਇੰਦਰ ਸਿੰਘ, ਗੁਰਮੀਤ ਖੁੱਡੀਆਂ, ਅਜੀਤਇੰਦਰ ਸਿੰਘ ਮੋਫ਼ਰ, ਮੋਹਿਤ ਮਹਿੰਦਰਾ ਅਤੇ ਸ਼ਰਨਜੀਤ ਕੌਰ ਦੇ ਨਾਂਅ ਚਰਚਾ ਵਿੱਚ ਹਨ।
ਜੱਗਜਾਹਰ ਹੈ ਕਿ ਲੰਬੀ ਦੇ ਪੁਖਤਾ ਵੋਟ ਵਜ਼ਨ ਸਦਕਾ ਅਕਾਲੀ ਦਲ ਬਠਿੰਡਾ ’ਚ ਲਗਾਤਾਰ ਦੋ ਜਿੱਤਾਂ ਦਰਜ ਕਰ ਚੁੱਕਿਆ ਹੈ। ਜਿਨ੍ਹਾਂ ’ਚ ਕਾਂਗਰਸੀ ਉਮੀਦਵਾਰ ਰਣਇੰਦਰ ਸਿੰਘ ਅਤੇ ਮੌਜੂਦਾ ਵਜ਼ੀਰੇ ਖਜ਼ਾਨਾ ਮਨਪ੍ਰੀਤ ਸਿੰਘ ਬਾਦਲ ਨੂੰ ਸ਼ਿਰਸਤ ਦਾ ਮੂੰਹ ਵੇਖਣਾ ਪਿਆ ਸੀ। ਦੋਵੇਂ ਵਾਰ ਅਕਾਲੀ ਉਮੀਦਵਾਰ ਹਰਸਿਮਰਤ ਕੌਰ ਨੂੰ ਲੰਬੀ ’ਚ ਕਰੀਬ 34-35 ਹਜ਼ਾਰ ਵੋਟਾਂ ਦੀ ਬੜ੍ਹਤ ਮਿਲੀ ਸੀ। ਮਨਪ੍ਰੀਤ ਬਾਦਲ ਨਾਲ ਮੁਕਾਬਲੇ ਮੌਕੇ ਤਾਂ ਅਕਾਲੀ ਦਲ ਨੂੰ ਜਿੱਤ ਹੀ ਲੰਬੀ ਹਲਕੇ ਦੇ ਵੋਟਾਂ ਦੇ ਵੱਡੇ ਫ਼ਰਕ ਕਾਰਨ ਮਿਲੀ ਸੀ। ਸੂਬੇ ’ਚ ਕਾਂਗਰਸੀ ਹਕੂਮਤ ਅਤੇ ਬੇਅਦਬੀਆਂ ਦੇ ਮਾਹੌਲ ਕਾਰਨ ਬਾਦਲਾਂ ਦੇ ਗੜ੍ਹ ਲੰਬੀ ’ਚ ਕਾਂਗਰਸ ਨੇ 60 ਪੰਚਾਇਤਾਂ ਜਿੱਤੀਆਂ ਹਨ। ਮਹੇਸ਼ਇੰਦਰ ਅਤੇ ਖੁੱਡੀਆਂ ਦਾ ਲੰਬੀ ਇਲਾਵਾ ਅਤੇ ਬਠਿੰਡਾ (ਦਿਹਾਤੀ) ’ਚ ਚੰਗਾ-ਖਾਸਾ ਜਨਾਧਾਰ ਹੈ। ਮਹੇਸ਼ਇੰਦਰ ਬਾਦਲ ਆਪਣੇ-ਆਪ ’ਚ ਦਿਆਨਤਦਾਰ ਅਤੇ ਸਾਊ ਸ਼ਖਸੀਅਤ ਹਨ। ਜ਼ਿਲ੍ਹਾ ਕਾਂਗਰਸ ਕਮੇਟੀ ਸ੍ਰੀ ਮੁਕਤਸਰ ਸਾਹਿਬ ਦੇ ਸਾਬਕਾ ਪ੍ਰਧਾਨ ਅਤੇ ਬੇਦਾਗ ਸਿੱਖ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਨੇ ਬਠਿੰਡਾ ਤੋਂ ਟਿਕਟ ਮੰਗੀ ਹੋਈ ਹੈ। ਉਹ ਦਰਵੇਸ਼ ਸਿਆਸਤਦਾਨ ਜਥੇਦਾਰ ਅਤੇ ਸਾਬਕਾ ਸੰਸਦ ਮੈਂਬਰ ਜਗਦੇਵ ਸਿੰਘ ਖੁੱਡੀਆਂ ਦੇ ਸਪੁੱਤਰ ਹਨ। 1990 ਤੋਂ ਬੇਦਾਗ, ਇਮਾਨਦਾਰ ਅਤੇ ਪੰਥਕ ਰਵਾਇਤਾਂ ਨਾਲ ਲਗਾਤਾਰ ਜੁੜੇ ਕਾਂਗਰਸ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਅਜਿਹੀ ਸ਼ਖਸੀਅਤ ਹਨ। ਜਿਨ੍ਹਾਂ ਦੇ ਉਮੀਦਵਾਰ ਹੋਣ ਦੇ ਹਾਲਾਤਾਂ ’ਚ ਬਠਿੰਡਾ ਲੋਕਸਭਾ ’ਚ ਅਕਾਲੀਆਂ ਨਾਲੋਂ ਨਾਰਾਜ਼ ਪੰਥਕ ਵੋਟ ਜਥੇਦਾਰ ਜਗਦੇਵ ਸਿੰਘ ਖੁੱਡੀਆਂ ਦੀ ਪੰਥਕ ਵਿਰਾਸਤ ’ਤੇ ਮੁਹਰ ਲਗਾ ਸਕਦੀ ਹੈ। ਜ਼ਮੀਨੀ ਪੱਧਰ ’ਤੇ ਲਗਪਗ ਹਰ ਵਿਅਕਤੀ ਨਾਲ ਨਿੱਜੀ ਸਾਂਝ ਅਤੇ ਛੋਟੀ ਕਿਸਾਨੀ ਨਾਲ ਸੰਬੰਧਤ ਹੋਣ ਕਰਕੇ ਕਿਸਾਨ ਸਫ਼ਾਂ ਦਾ ਗੁਣਾ ਵੀ ਖੁੱਡੀਆਂ ’ਤੇ ਪੈ ਸਕਦਾ ਹੈ। ਪਿੱਛੇ ਜਿਹੇ ਬਠਿੰਡਾ ਸੀਟ ਬਾਰੇ ਠੋਸ ਤੇ ਕਾਬਿਲ ਉਮੀਦਵਾਰੀ ਬਾਰੇ ਕਾਂਗਰਸ ਹਾਈਕਮਾਂਡ ਵੀ ਸਿਆਸੀ ਮਾਹਰਾਂ ਅਤੇ ਕਲਮਕਾਰਾਂ ਤੋਂ ਜ਼ਮੀਨੀ ਅੰਕੜੇ ਜੁਟਾ ਚੁੱਕੀ ਹੈ। ਬਠਿੰਡਾ ਤੋਂ ਕਾਂਗਰਸ ਉਮੀਦਵਾਰੀ ਬਾਰੇ ਵੱਖ-ਵੱਖ ਕਿਆਫ਼ੇ ਲੱਗ ਰਹੇ ਹਨ। ਬਾਦਲਾਂ ਦੀ ਸਿਆਸੀ ਰਾਜਧਾਨੀ ਲੰਬੀ ਦੇ ਵੋਟਾਂ ਦਾ ਵਜ਼ਨ ਵੰਡਾਏ ਵਗੈਰ ਬਠਿੰਡਾ ਤੋਂ ਕਾਂਗਰਸ ਦੇ ਮੂੰਹ ਜਿੱਤ ਸੁਆਦ ਲੱਗਣਾ ਸੰਭਵ ਨਹੀਂ ਹੋ ਸਕਦਾ। 93178-26100 / 98148-26100

16 March 2019

‘ਬੇਈਮਾਨ’ ਸਾਬਤ ਹੋਇਆ ਮਾਨ ਲਈ ਆਦਰਸ਼ਤਾ ਦਾ ‘ਸਵੈਮਾਨ’

* ਪਿੰਡ ਦੇ ਵਾਟਰ ਵਰਕਸ ਦੇ ਸੁੱਕੇ ਫਿਲਟਰ ਟੈਂਕਾਂ ’ਚ ਅੱਕ ਅਤੇ ਟਾਹਲੀ ਉੱਗੇ
* ਡੇਢ ਵਰ੍ਹੇ ਤੋਂ ਹੋ ਰਿਹਾ ਵਾਟਰ ਵਰਕਸ ਤੋਂ ਦੂਸ਼ਿਤ ਜ਼ਮੀਨੀ ਪਾਣੀ ਸਪਲਾਈ, ਲੋਕ ਕੈਂਸਰ ਦੇ ਸ਼ਿਕਾਰ
* ਐਮ.ਪੀ ਨੇ ਪੰਚਾਇਤ ਘਰ, ਜਿੰਮ ਅਤੇ ਬਰਸਾਤੀ ਪਾਣੀ ਦੀ ਨਿਕਾਸੀ ਲਈ ਛੱਪੜ ਪ੍ਰਾਜੈਕਟ ਬਣਵਾਇਆ 
* ਸਿਹਤ, ਬੈਂਕ, ਸਹਿਕਾਰੀ ਸਭਾ ਜਿਹੀਆਂ ਬੁਨਿਆਦੀ ਸਹੂਲਤਾਂ ਦੀ ਅਣਹੋਂਦ 

                                                    ਇਕਬਾਲ ਸਿੰਘ ਸ਼ਾਂਤ
     ਲੰਬੀ/ਡੱਬਵਾਲੀ: ਬਠਿੰਡਾ ਲੋਕਸਭਾ ਹਲਕੇ ਦੇ ਪਿੰਡ ਮਾਨ (ਹਲਕਾ ਲੰਬੀ) ਵਿੱਚ ਸਰਕਾਰੀ ਲਕੀਰਾਂ ਸਾਂਸਦ ਆਦਰਸ਼ ਗਰਾਮ ਦੇ ਦਰਜੇ ਵਾਲੇ ਵਿਕਾਸ ਦੀ ਗੂੜ੍ਹੀ ਇਬਾਰਤ ਨਹੀਂ ਲਿਖ ਸਕੀਆਂ। ਸਵਾ ਚਾਰ ਸਾਲ ਬਾਅਦ ਵੀ ਪਿੰਡ ਮਾਨ ’ਚ ਆਦਰਸ਼ਪੁਣੇ ਵਾਲਾ ਕੋਈ ਵਿਲੱਖਣ ‘ਗੁਣ’ ਵਿਖਾਈ ਨਹੀਂ ਦਿੰਦਾ। ਆਦਰਸ਼ ਗਰਾਮ ਅੱਜ ਵੀ ਆਪਣੀ ਆਮ ਦਿੱਖ ਅੰਦਰ
ਅਣਗਿਣਤ ਬੁਨਿਆਦੀ ਸਮੱਸਿਆਵਾਂ ਸਮੇਟੀ ਬੈਠਾ ਜੂਝ ਰਿਹਾ ਹੈ। ਇੱਥੇ ਦੇ ਅਵਾਮ ਲਈ ਸਿਹਤ ਸਹੂਲਤ, ਬੈਂਕ, ਸਹਿਕਾਰੀ ਸੁਸਾਇਟੀ ਅਤੇ ਸਵੱਛ ਪਾਣੀ ਲੋਕਾਂ ਲਈ ਸੁਫ਼ਨਾ ਬਣੇ ਹੋਏ ਹਨ। ਇਹ ਪਿੰਡ ਕੇਂਦਰੀ ਮੰਤਰੀ ਬੀਬੀ ਹਰਸਿਮਰਤ ਕੌਰ ਬਾਦਲ ਨੇ 15 ਨਵੰਬਰ 2014 ਨੂੰ ਗੋਦ ਲਿਆ ਸੀ। ਉਨ੍ਹਾਂ ਦੀਆਂ ਅਣਥਕ ਕੋਸ਼ਿਸ਼ਾਂ ਦੇ ਬਾਵਜੂਦ ਆਦਰਸ਼ ਹਾਲਾਤਾਂ ਤਹਿਤ ਨਾ ਪਿੰਡ ਵਾਸੀਆਂ ਦੀ ਸੋਚ ’ਚ ਸਵੱਛਤਾ ਵਾਲੀ ਜਾਗਰੂਕਤਾ ਆਈ ਅਤੇ ਨਾ ਹੀ ਪ੍ਰਸ਼ਾਸਨ ਅਤੇ ਪੰਚਤੰਤਰ ਦੇ ਅਲੰਬਰਦਾਰ ਸਾਰਥਿਕਤਾ ਨਾਲ ਭੂਮਿਕਾ ਨਿਭਾ ਸਕੇ। ਘਰਾਂ ਮੂਹਰੇ ਅਤੇ ਗਲੀਆਂ ’ਚ ਰੂੜ੍ਹੀਆਂ ਦੇ ਵੱਡੇ-ਵੱਡੇ ਢੇਰ ਆਦਰਸ਼ ਰੁਤਬੇ ’ਤੇ ਬਦਨੁਮਾ ਦਾਗ ਵਾਂਗ ਹਨ।
ਪੰਚਾਇਤ ਦੇ ਅਧੀਨ ਆਦਰਸ਼ ਗਰਾਮ ਦਾ ਬਹੁਕਰੋੜੀ ਵਾਟਰ ਵਰਕਸ ਪਿਛਲੇ ਕਰੀਬ ਡੇਢ ਸਾਲ ਤੋਂ ਵਗੈਰ ਫਿਲਟਰ ਕੀਤੇ ਪਿੰਡ ਵਾਸੀਆਂ ਨੂੰ ਸਿੱਧਾ ਦੂਸ਼ਿਤ ਜ਼ਮੀਨੀ ਪਾਣੀ ਸਪਲਾਈ ਕਰ ਰਿਹਾ ਹੈ। ਵਾਟਰ ਵਰਕਸ ’ਚ ਪਾਣੀ ਨੂੰ ਸ਼ੁੱਧ ਕਰਨ ਲਈ ਬਣਾਏ ਕੰਪੈਕਟ ਟ੍ਰੀਟਮੈਂਟ ਪਲਾਂਟ ਦੇ ਟੈਂਕਾਂ ਵਿੱਚ ਅੱਕ ਅਤੇ ਟਾਹਲੀ ਦੇ ਬੂਟੇ ਉੱਗੇ ਹੋਏ ਹਨ। ਜਦੋਂਕਿ ਪਾਈਪ ਉੱਚੀ ਹੋਣ ਕਰਕੇ ਨਹਿਰੀ ਪਾਣੀ ਕਦੇ ਵਾਟਰ ਵਰਕਸ ਦੀ ਜੂਹ ’ਚ ਦਾਖਲ ਨਹੀਂ ਹੋ ਸਕਿਆ। ਪਿੰਡ ’ਚ ਕਰੀਬ ਦਰਜਨ ਭਰ ਥਾਵਾਂ ਤੋਂ ਵਾਟਰ ਸਪਲਾਈ ਪਾਈਪ ਲੀਕ ਹੈ। ਦੂਸ਼ਿਤ ਪਾਣੀ ਪੀਣ ਕਰਕੇ ਕਾਰਨ ਪਿੰਡ ’ਚ ਪੇਟ ਦੀਆਂ ਬਿਮਾਰੀਆਂ ਦੀ ਭਰਮਾਰ ਹੈ ਅਤੇ ਕਰੀਬ ਦਰਜਨ ਲੋਕ ਕੈਂਸਰ ਦੀ ਨਾਮੁਰਾਦ ਬਿਮਾਰੀ ਨਾਲ ਜੂਝ ਰਹੇ ਹਨ। ਹੁਣ ਨਵੀਂ ਪੰਚਾਇਤ ਨੇ ਵਾਟਰ ਵਰਕਸ ਦੀ ਹਾਲਤ ਸੁਧਾਰਨ ਦਾ ਬੀੜਾ ਚੁੱਕਿਆ ਹੈ। 19 ਮਈ 2013 ਨੂੰ ਬਲਾਕ ਸੰਮਤੀ/ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ ਸਮੇਂ ਅਕਾਲੀਆਂ ਵੱਲੋਂ ਬੂਥ ’ਤੇ ਕਬਜ਼ੇ ਸਮੇਂ ਵਾਪਰੀ ਸੀ। ਉਸ ਹਿੰਸਕ ਅੱਗ ਦਾ ਨਾ-ਝੱਲਣਯੋਗ ਕਾਨੂੰਨੀ ਸੇਕ ਪਿੰਡ ਦੇ ਬਹੁਗਿਣਤੀ ਕਾਂਗਰਸੀ ਹੱਡਾਂ ਨੂੰ ਹੰਢਾਇਆ ਪਿਆ। ਜਿਸ ਤਹਿਤ ਲਗਪਗ ਅੱਧੀ ਵਸੋਂ ਮਹੀਨਿਆਂਬੱਧੀ ਅਗਿਆਤਵਾਸ ਦਾ ਸੰਤਾਪ ਵੀ ਝੱਲਦੀ ਰਹੀ। ਸੰਸਦ ਆਦਰਸ਼ ਗਰਾਮ ਬਣਨ ਉਪਰੰਤ ਸਭ ਤੋਂ ਵੱਡੀ ਪ੍ਰਾਪਤੀ ਰਹੀ ਕਿ ਪਿੰਡ ਅੰਦਰਲਾ ਵੋਟਾਂ ਸਮੇਂ ਵਾਲਾ ਸਿਆਸੀ ਕਲੇਸ਼ ਮੱਠਾ ਪਿਆ ਅਤੇ ਅਮਨ ਸ਼ਾਂਤੀ ਦਾ ਮਾਹੌਲ ਬਣਿਆ। ਜਿਸ ਸਦਕਾ ਹੌਲੀ-ਹੌਲੀ ਪਿੰਡ ਵਾਸੀ ਚੋਣ ਹਿੰਸਾ ਦੀਆਂ ਸੰਗੀਨ ਧਾਰਾਵਾਂ ਵਾਲੀਆਂ ਜੰਜ਼ੀਰਾਂ ਤੋਂ ਸੁਰਖ਼ਰੂ ਹੋ ਗਏ। 
          ਕੇਂਦਰੀ ਵਜ਼ੀਰ ਨੇ ਅਕਾਲੀ ਸਰਕਾਰ ਸਮੇਂ ਮਾਨ ਪਿੰਡ ਨੂੰ ਜ਼ਮੀਨੀ ਤੌਰ ’ਤੇ ਆਦਰਸ਼ ਬਣਾਉਣ ਲਈ ਕਾਫ਼ੀ ਉਪਰਾਲੇ ਕੀਤੇ। ਜਿਨ੍ਹਾਂ ਤਹਿਤ ਇੱਥੇ ਪੰਚਾਇਤ ਘਰ, ਕਮਿਊਨਿਟੀ ਸ਼ੈੱਡ, ਕਸਰਤ ਲਈ ਜਿੰਮ ਦੇ ਇਲਾਵਾ ਬਰਸਾਤੀ ਪਾਣੀ ਦੀ ਨਿਕਾਸੀ ਲਈ ਇੱਕ ਨਵਾਂ ਛੱਪੜ ਵੀ ਬਣਾਇਆ ਗਿਆ। ਗੁਰਦੁਆਰੇ ਨੇੜਲੇ ਛੱਪੜ ਨਾਲ ਬਣਾਈ ਸੱਭਿਆਚਾਰਕ ਸੱਥ ਅਤੇ ਨਵੀਂ ਦਿੱਖ ਵਾਲਾ ਪੁਰਾਣਾ ਖੂਹ ਧਿਆਨ ਆਪਣੇ ਵੱਲ ਖਿੱਚਦਾ ਹੈ। ਕੇਂਦਰੀ ਮੰਤਰੀ ਨੇ ਨਿੱਜੀ ਰੂਚੀ ਲੈ ਕੇ ਅੌਰਤਾਂ ਦੇ ਸਵੈ-ਸਹਾਇਤਾ ਗਰੁੱਪ
ਬਣਵਾਏ ਅਤੇ ਨੰਨ੍ਹੀ ਛਾਂ ਮੁਹਿੰਮ ਤਹਿਤ ਲਗਪਗ 3-4 ਦਰਜਨ ਅੌਰਤਾਂ ਨੂੰ ਸਿਲਾਈ-ਕਢਾਈ ਸਿਖਾ ਕੇ ਰੁਜ਼ਗਾਰ ਦੇ ਕਾਬਿਲ ਬਣਾਇਆ। 28 ਮਈ 2015 ਨੂੰ ਇੱਕ ਰੋਜ਼ਾ ਫੂਡ ਪ੍ਰੋਸੈਸਿੰਗ ਵਰਕਸ਼ਾਪ ਵੀ ਲਗਵਾਈ। ਜਿੱਥੇ ਪਿੰਡ ਵਾਸੀਆਂ ਨੂੰ ਰਜ਼ੁਗਾਰ ਦੇ ਰਾਹ ਪੈਣ ਲਈ ਪ੍ਰੇਰਿਤ ਕੀਤਾ ਗਿਆ। ਪਿੰਡ ਨੂੰ ਹਰਿਆਵਲ ਭਰਪੂਰ ਬਣਾਉਣ ਲਈ ਜੰਗਲਾਤ ਵਿਭਾਗ ਦੀ ਮੱਦਦ ਵੱਡੇ ਪੱਧਰ ’ਤੇ ਰੁੱਖ ਵੀ ਵੰਡੇ ਗਏ। ਪਰ ਹੁਣ ਉਨ੍ਹਾਂ ਰੁੱਖਾਂ ਵਿੱਚੋਂ ਚੰਦ ਕੁ ਹੀ ਪਰਵਾਣ ਚੜ੍ਹੇ ਦਿਖਦੇ ਹਨ। ਹਲਕੇ ਦੇ ਹੋਰਨਾਂ ਪਿੰਡਾਂ ਵਾਂਗ ਸੀਮਿੰਟਡ ਗਲੀਆਂ-ਨਾਲੀਆਂ ਸਾਂਸਦ ਆਦਰਸ਼ ਗਰਾਮ ਮਾਨ ਦੇ ਵਿਹੜੇ ਦਾ ਸ਼ਿੰਗਾਰ ਹਨ। ਹਾਲਾਂਕਿ ਰਾਮਦਾਸੀਆ ਮੁੱਹਲੇ ਦਾ ਗੰਦੇ ਪਾਣੀ ਦੀ ਨਿਕਾਸੀ ਨਾ ਹੋਣ ਗੰਦੇ ਪਾਣੀ ਰਾਏਕੇ ਕਲਾਂ ਸੜਕ ਟੁੱਟ ਰਹੀ ਹੈ। ਪਿਛਲੇ ਦੋ ਸਾਲ ਤੋਂ ਸਰਕਾਰੀ ਪ੍ਰਾਇਮਰੀ ਸਕੂਲ ਦੀ ਬੱਤੀ ‘ਕੁੰਡੀ’ ਕੁਨੈਕਸ਼ਨ ਸਹਾਰੇ ਚੱਲ ਰਹੀ ਹੈ। ਸਿੱਖਿਆ ਵਿਭਾਗ ਸਕੂਲ ਦੇ 45 ਹਜ਼ਾਰ ਰੁਪਏ ਬਕਾਇਆ ਬਿਜਲੀ ਬਿੱਲ ਨੂੰ ਭਰ ਨਹੀਂ ਰਿਹਾ। ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ’ਚ ਸਰੀਰਿਕ ਸਿੱਖਿਆ ਤੇ ਰਾਜਨੀਤੀ ਵਿਗਿਆਨ ਦੇ ਲੈਕਚਰਾਰ ਨਹੀਂ ਹਨ।
ਆਦਰਸ਼ ਗਰਾਮ ਦਾ ਦੁਖਾਂਤ ਹੈ ਕਿ ਤਤਕਾਲੀ ਸਰਕਾਰੀ ਅਮਲਾ ਸੰਸਦ ਮੈਂਬਰ ਬੀਬੀ ਹਰਸਿਮਰਤ ਕੌਰ ਬਾਦਲ ਵੱਲੋਂ ਅੱਧੀ ਦਰਜਨ ਦੌਰਿਆਂ ਮੌਕੇ ‘ਨੰਬਰੀ ਗੇਮ’ ਤਹਿਤ ਆਦਰਸ਼ ਗਰਾਮ ਬਾਰੇ ਵਿਕਾਸ ਦੇ ਵੱਡੇ ਅੰਕੜੇ ਦਰਸਾਉਂਦਾ ਰਿਹਾ ਪਰ ਉਹ ਅੰਕੜੇ ਕਦੇ ਵੀ ਹਕੀਕਤ ਨਾ ਬਣ ਸਕੇ। ਪੰਜਾਬ ’ਚ ਸੱਤਾ ਤਬਦੀਲੀ ਕਰਕੇ ਸਾਂਸਦ ਆਦਰਸ਼ ਗਰਾਮ ਮਾਨ ਦੇ ਵਿਕਾਸਪੱਖੀ ਮਾਹੌਲ ’ਚ ਖੜ੍ਹੋਤ ਆਈ ਅਤੇ ਪਹਿਲਾਂ ਤੋਂ ਜਾਰੀ ਕਾਰਜ ਠੱਪ ਹੋ ਗਏ। 
          ਬਲਾਕ ਸੰਮਤੀ ਉਮੀਦਵਾਰ ਰਹੇ ਕਾਂਗਰਸ ਆਗੂ ਅਮਰਦੀਪ ਸਿੱਧੂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦਾ ਪਿੰਡ ਸਿਰਫ਼ ਕਾਗਜ਼ਾਂ ’ਚ ਆਦਰਸ਼ ਬਣਿਆ ਜਾਂ ਸਿਰਫ਼ ਅਕਾਲੀਆਂ ਲਈ। ਅਮਰਦੀਪ ਅਨੁਸਾਰ ਵਿਕਾਸ ਫੰਡਾਂ ਦੀ ਬਾਂਦਰਵੰਡ ਹੋਈ ਅਤੇ ਕੁਝ ਚੋਣਵੇਂ ਬੰਦੇ ਮਲਾਈ ਛਕ ਗਏ। ਪਿੰਡ ਵਿੱਚ ਵਿਕਾਸ ਦੇ ਨਾਂਅ ’ਤੇ ਗਿਣਾਉਣ ਲਈ ਇੱਕ ਪੁਖਤਾ ਵਸਤੂ ਵੀ ਨਹੀਂ। ਉਨ੍ਹਾਂ ਕਿਹਾ ਕਿ ਕਾਂਗਰਸੀਆਂ ਦੇ ਘਰਾਂ ਮੂਹਰੇ ਸੀਮਿੰਟਡ ਗਲੀਆਂ ਬਣਨੀਆਂ ਬਕਾਇਆ ਹਨ। ਕਈ ਗਲੀਆਂ ’ਚ ਪਾਣੀ ਨਿਕਾਸੀ ਨਾ ਹੋਣ ਕਰਕੇ ਗੰਦਗੀ ਦਾ ਮਾਹੌਲ ਹੈ। ਪੰਚਾਇਤ ਘਰ ਅਤੇ ਜਿੰਮ ਖਾਨੇ ਨੂੰ ਜਿੰਦਰਾ ਜੜਿਆ ਪਿਆ ਹੈ। ਜਿੰਮ ਵਿਚੋਂ ਕਸਰਤੀ ਸਾਜੋ-ਸਮਾਨ ਚੋਰੀ ਹੋ ਰਿਹਾ ਹੈ। 
         ਕਾਂਗਰਸ ਆਗੂ ਹਰਮੀਤ ਸਿੰਘ ਅਤੇ ਮੌਜੂਦਾ ਸਰਪੰਚ ਮੰਦਰ ਸਿੰਘ ਦਾ ਕਹਿਣਾ ਸੀ ਕਿ ਸਹਿਕਾਰੀ ਸੁਸਾਇਟੀ ਦੀ ਇਮਾਰਤ ਨੀਂਹਾਂ ਤੋਂ ਅਗਾਂਹ ਨਹੀਂ ਵਧ ਸਕੀ। ਪਿੰਡ ਵਾਸੀ ਮਨੁੱਖੀ ਅਤੇ ਪਸ਼ੂ ਸਿਹਤ ਸੇਵਾਵਾਂ ਲਈ ਬਾਦਲ ਪਿੰਡ ’ਤੇ ਨਿਰਭਰ ਹਨ। ਬੈਂਕ ਨਾ ਹੋਣ ਕਰਕੇ ਲੋਕਾਂ ਨੂੰ ਰੁਪਏ ਜਮ੍ਹਾ ਕਰਵਾਉਣ ਲਈ ਬਾਦਲ ਜਾਂ ਲੰਬੀ ਜਾਣਾ ਪੈਂਦਾ ਹੈ, ਜੋ ਕਿ ਜੋਖ਼ਮ ਭਰਿਆ ਹੁੰਦਾ ਹੈ। ਪਿੰਡ ਵਾਸੀਆਂ ਅਨੁਸਾਰ ਵਾਟਰ ਵਰਕਸ ਦਾ 36 ਲੱਖ ਰੁਪਏ ਬਿਜਲੀ ਬਿੱਲ ਬਕਾਇਆ ਹੈ। ਕਾਂਗਰਸ ਸਰਕਾਰ ਦੌਰਾਨ ਆਰ.ਓ ਸਿਸਟਮ ਦੇ ਠੇਕੇਦਾਰ ਲਗਪਗ 1.15 ਲੱਖ ਰੁਪਏ ਦਾ ਬਿੱਲ ਭਰੇ ਵਗੈਰ ਤਿੱਤਰ ਹੋ ਗਏ। 
         ਅਕਾਲੀ ਆਗੂ ਭੁਪਿੰਦਰ ਸਿੰਘ ਅਨੁਸਾਰ ਸੰਸਦ ਮੈਂਬਰ ਹਰਸਿਮਰਤ ਕੌਰ ਬਾਦਲ ਨੇ ਆਦਰਸ਼ ਗਰਾਮ ਨੂੰ ਕੌਮਾਂਤਰੀ ਪੱਧਰ ’ਤੇ ਲਿਜਾਣ ਲਈ ਇੱਥੇ ਪੰਜ ਏਕੜ ਸ਼ੂਟਿੰਗ ਰੇਂਜ ਲਈ ਜ਼ਮੀਨ ਗ੍ਰਹਿਣ ਕਰਵਾਈ। ਜਿਸ ’ਤੇ ਛੇਤੀ ਕੰਮ ਸ਼ੁਰੂ ਹੋਣ ਦੀ ਉਮੀਦ ਹੈ। ਇਸਦੇ ਇਲਾਵਾ ਬਾਬਾ ਮਨੀ ਰਾਮ ਜੰਗਲਾਤ ਖੇਤਰ ਨੂੰ ਸਾਂਭਿਆ ਗਿਆ। ਉਨ੍ਹਾਂ ਕਿਹਾ ਕਿ ਸੱਤਾ ਤਬਦੀਲੀ ਬਾਅਦ ਮੰਡੀ ਬੋਰਡ ਵੱਲੋਂ ਕੰਮ ਵਿਚਾਲੇ ਛੱਡਣ ਕਰਕੇ ਕਈ ਸੀਮਿੰਟਡ ਗਲੀਆਂ ਦਾ ਕਾਰਜ ਅਧੂਰਾ ਰਹਿ ਗਿਆ । ਆਦਰਸ਼ ਗਰਾਮ ਮਾਨ ਦੇ ਜ਼ਮੀਨੀ ਹਾਲਾਤ ਤ੍ਰਾਹ-ਤ੍ਰਾਹ ਬੋਲਦੇ ਹਨ ਕਿ ਉਸਦੀ ਹਾਲਤ ਅੱਖਾਂ ਵਾਲੇ ਅੰਨ੍ਹੇ ਅਤੇ ਦੰਦਾਂ ਵਾਲੇ ਬੋੜੇ ਵਿਅਕਤੀ ਦੇ ਸਮਾਨ ਹੈ। ਜਦੋਂ ਦੇਸ਼ ਦੇ ਪਹਿਲੇ ਕਰੀਬ 547 ਪਿੰਡਾਂ ’ਚ ਆਉਣ ’ਤੇ ਉਸਦਾ ਕੁਝ ਨਹੀਂ ਵੱਟਿਆ ਗਿਆ ਤਾਂ ਉਸਦਾ ਦਰਦ ਹੁਣ ਅਗਾਂਹ ਸ਼ਾਇਦ ਹੀ ਕੋਈ ਸੁਣ ਸਕੇ । -93178-26100 / 98148-26100 

15 March 2019

‘ਬੁਲੰਦ ਸੋਚ’ ਦੀ ਪਾਠਕ ਗਿਣਤੀ 72000 ਨੂੰ ਪੁੱਜੀ

ਅੱਜ ਮੇਰੇ ਬਲੋਗ ‘ਬੁਲੰਦ ਸੋਚ’ http://www.bulandsoch.blogspot.in/ ਦੀ ਕੁੱਲ ਕਲਿੱਕ ਗਿਣਤੀ 72000 ਨੂੰ ਪੁੱਜ ਗਈ। ਇਸ ਲਈ ਮੈਂ ਤੁਹਾਡੇ ਸਾਰੇ ਪਾਠਕਾਂ, ਦੋਸਤਾਂ-ਮਿੱਤਰਾਂ, ਸੱਜਨਾਂ ਦੇ ਨਾਲ-ਨਾਲ ਮੇਰੀ ਲੋਕਪੱਖੀ ਕਲਮ ਦੇ ਵਕਤੀ ਅਤੇ ਕੁਲਵਕਤੀ ਵਿਰੋਧੀਆਂ ਦਾ ਦਿਲੋਂ ਧੰਨਵਾਦੀ ਹਾਂ ਜਿਨ੍ਹਾਂ ਨੇ ਬਲੋਗ ਨੂੰ ਸਮੇਂ-ਸਮੇਂ ਪੜ੍ਹ ਕੇ ਮੇਰੀ ਹੌਂਸਲਾ ਅਫਜਾਈ ਕੀਤੀ। ਭਾਵੇਂ ਇਹ ਕਲਿੱਕ ਗਿਣਤੀ ਅਜੋਕੀ  ਇੰਟਰਨੈੱਟ ਯੁੱਗ ਦੀ ਤੇਜ਼ ਰਫ਼ਤਾਰ ਵਿੱਚ ਕਾਫ਼ੀ ਘੱਟ ਹੈ, ਪਰ ਮੈਂ ਸੰਤੁਸ਼ਟ ਹਾਂ ਕਿਉਂਕਿ ਸਾਡੇ ਵਾਲੀ ਉੱਬੜ -
ਖਾਬੜ ਸੜਕ ’ਤੇ ਟਰੈਫ਼ਿਕ ਵੀ ਘੱਟ ਹੀ ਹੁੰਦਾ ਹੈ। ਇਹ ਰਾਹ ਦੇ ਅੜਿੱਕੇ ਅਤੇ ਅੌਕੜਾਂ ਵਾਲਾ ਧੁਰਾ ਬਹੁਤ ਘੱਟ ਲੋਕਾਂ ਦੇ ਹਿੱਸੇ ਧੁਰੋਂ ਲਿਖਿਆ ਆਉਂਦਾ ਹੈ। ਤੁਹਾਡੇ ਸਹਿਯੋਗ ਸਦਕਾ ਅਸੀਂ ਅਗਾਂਹ ਭਵਿੱਖ ’ਚ ਵੀ ਇਸੇ ਸਿਦਕ, ਸਿਰੜ ਅਤੇ ਠਰੰ੍ਹਮੇ ਨਾਲ ਲੋਕਹਿੱਤਾਂ ਲਈ ਲਿਖਦੇ ਰਹਾਂਗੇ। ਉਹ ਸਮਾਜ ਦੇ ਸਥਾਪਿਤ ਹਿੱਸੇ ਜਾਂ ਬਹੁਗਿਣਤੀ ਲੋਕਾਈ ਨੂੰ ਭਾਵੇਂ ਰਾਸ ਨਾ ਆਵੇ। ਪਰ ਹਰ ਹੀਲੇ ਕਲਮ ਦਾ ਕਿਰਦਾਰ ਕਾਇਮ ਰੱਖਣ ਦਾ ਤਰੱਦਦ ਜਾਰੀ ਰਹੇਗਾ। ਲੋਕਪੱਖੀ ਭਾਵਨਾ ਅਤੇ ਬੁਲੰਦ ਸੋਚ ਨਾਲ ਸਿਰਜਿਆ ਇੱਕ-ਇੱਕ ਸ਼ਬਦ ਹਜ਼ਾਰਾਂ ਤਲਵਾਰਾਂ ਅਤੇ ਤੋਪਾਂ ’ਤੇ ਭਾਰੀ ਪੈਂਦਾ ਹੈ। ਇਹ ਗੱਲ ਸੱਤਾ ਦੇ ਸਹਾਰੇ ਅਤੇ ਮਹਿਲ ਮੁਨਾਰਿਆਂ ਦੇ ਪਰਛਾਵੇਂ ਹੇਠਾਂ ਭੁਲੇਖੇ ਪਾਉਂਦੇ ‘ਦਲਾਲਾਂ’ ਨੂੰ ਚੰਗੀ ਤਰ੍ਹਾਂ ਸਮਝ ਲੈਣੀ ਚਾਹੀਦੀ ਹੈ ਕਿ ਵਿਗਾਨੇ ਮੋਢਿਆਂ ਵਾਲਿਆਂ ਦੇ ਦੋ ਟੱਪ ਗਏ ਅਤੇ ਢਾਈ-ਪੌਨੇ ਤਿੰਨ ਰਹਿ ਗਏ। ਫਿਰ ਭੱਜੋਂਗੇ ਕਿੱਥੇ! ਕਿਉਂਕਿ ਸਪੱਸ਼ਟ ਅਤੇ ਜਾਗਦੀ ਕਲਮ ਦੇ ਕਦਮ ਮੱਠੇ ਪੈ ਸਕਦੇ ਹਨ, ਪਰ ਕਦੇ ਫਿੱਕੇ ਨਹੀਂ ਪੈਂਦੇ । ਇਕਬਾਲ ਸਿੰਘ ਸ਼ਾਂਤ

27 February 2019

ਨਿਹਾਲਸਿੰਘ ਵਾਲਾ ਅਤੇ ਡੇਰਾ ਬਾਬਾ ਨਾਨਕ 'ਚ 'ਸਵਰਗਵਾਸੀ' ਨਾਇਬ ਤਹਿਸੀਲਦਾਰ ਕਰਿਆ ਕਰਨਗੇ ਰਜਿਸਟਰੀਆਂ

- ਜ਼ਮੀਨੀ ਹਿਸਾਬ ਕਿਤਾਬ ਰੱਖਣ ਵਾਲੇ ਪੰਜਾਬ ਰੈਵਿਨਿਊ ਵਿਭਾਗ ਦੇ ਆਪਣੇ ਖਾਤੇ ਵਿਗੜੇ 
- ਰੈਵਿਨਿਊ ਵਿਭਾਗ ਪੰਜਾਬ ਨੇ 99 ਤਬਾਦਲਿਆਂ ਦੀ ਸੂਚੀ 'ਚ ਸ਼ਾਮਲ ਕੀਤੇ ਦੋ ਮ੍ਰਿਤਕ ਅਤੇ ਤਿੰਨ ਸੇਵਾਮੁਕਤ ਨਾਇਬ ਤਹਿਸੀਲਦਾਰ
                                           ਇਕਬਾਲ ਸਿੰਘ ਸ਼ਾਂਤ
      ਡੱਬਵਾਲੀ: ਲੋਕਾਂ ਦੇ ਜ਼ਮੀਨੀ ਹਿਸਾਬ ਕਿਤਾਬ ਰੱਖਣ ਵਾਲੇ ਪੰਜਾਬ ਰੈਵਿਨਿਊ ਵਿਭਾਗ ਦੇ ਆਪਣੇ ਖਾਤੇ ਵਿਗੜੇ ਪਏ ਹਨ। ਵਿਭਾਗ ਨੇ 99 ਨਾਇਬ ਤਹਿਸੀਲਦਾਰਾਂ ਦੇ ਤਬਾਦਲਿਆਂ ਵਿੱਚ ਦੋ ਮ੍ਰਿਤਕ ਅਤੇ ਤਿੰਨ ਸੇਵਾਮੁਕਤ ਨਾਇਬ ਤਹਿਸੀਲਦਾਰਾਂ ਨੂੰ ਹੀ ਨਵੇਂ ਸਟੇਸ਼ਨਾਂ 'ਤੇ ਤਬਦੀਲ ਕਰਕੇ ਤਾਇਨਾਤ ਕਰ ਦਿੱਤਾ। ਵਿਭਾਗੀ ਨਿਕੰਮੇਪਨ ਨੂੰ ਤਬਾਦਲਾ ਸੂਚੀ ਵਿੱਚ ਦਰਜ ਪਹਿਲਾਂ ਨਾਂਅ ਹੀ ਉਜਾਗਰ ਕਰਦਾ ਜਿਸ ਵਿੱਚ ਪਹਿਲੇ ਨੰਬਰ 'ਤੇ ਦਰਜ ਨਾਇਬ ਤਹਿਸੀਲਦਾਰ ਨਰਿੰਦਰ ਕੁਮਾਰ ਦਾ ਜਨਵਰੀ 2019 ਵਿੱਚ ਸਵਰਗਵਾਸ ਹੋ ਚੁੱਕਿਆ ਹੈ। ਜਦੋਂਕਿ ਵਿਭਾਗ ਨੇ ਉਨ•ਾਂ ਦਾ ਤਬਾਦਲਾ
ਫਿਰੋਜ਼ਪੁਰ ਤੋਂ ਮੋਗਾ ਜ਼ਿਲ•ਾ ਦੇ ਨਿਹਾਲਸਿੰਘ ਵਾਲਾ ਵਿਖੇ ਕਰ ਦਿੱਤਾ। ਇਸਦੇ ਇਲਾਵਾ ਤਬਾਦਲਾ ਸੂਚੀ ਵਿੱਚ 74 ਨੰਬਰ 'ਤੇ ਦਰਜ ਨਾਇਬ ਤਹਿਸੀਲਦਾਰ ਗੁਰਵਿੰਦਰ ਸਿੰਘ ਦੀ ਕੁਝ ਮਹੀਨੇ ਪਹਿਲਾਂ ਮੌਤ ਹੋ ਚੁੱਕੀ ਹੈ। ਉਨ•ਾਂ ਨੂੰ ਭਿੱਖੀਵਿੰਡ ਤੋਂ ਡੇਰਾ ਬਾਬਾ ਨਾਨਕ ਲਗਾਇਆ ਗਿਆ ਹੈ। 
ਇਸਦੇ ਇਲਾਵਾ ਸੂਚੀ ਵਿੱਚ ਨੌਵੇਂ ਨੰਬਰ 'ਤੇ ਦਰਜ ਅਸ਼ੋਕ ਕੁਮਾਰ ਨੂੰ ਫਾਜਿਲਕਾ ਤੋਂ ਬਾਘਾਪੁਰਾਣਾ ਲਗਾਇਆ ਗਿਆ ਹੈ। ਜਦੋਂਕਿ ਅਸ਼ੋਕ ਕੁਮਾਰ ਨਾਇਬ ਤਹਿਸੀਲਦਾਰ ਬੀਤੀ 31 ਦਸੰਬਰ 2018 ਨੂੰ ਹੀ ਫਾਜਿਲਕਾ ਤੋਂ ਸੇਵਾਮੁਕਤ ਹੋ ਚੁੱਕੇ ਹਨ। ਇੱਕ ਹੋਰ ਜਾਣਕਾਰੀ ਅਨੁਸਾਰ ਪਿਛਲੇ ਵਰ•ੇ 2018 'ਚ ਸੇਵਾਮੁਕਤ ਹੋ ਚੁੱਕੇ ਬਖ਼ਸ਼ੀਸ਼ ਸਿੰਘ ਨੂੰ ਤਬਾਦਲਾ ਸੂਚੀ 'ਚ 96 ਨੰਬਰ 'ਤੇ ਹਾਜੀਪਰ ਤੋਂ ਨੌਸ਼ਹਿਰਾ ਪੰਨੂਆ ਲਗਾਇਆ ਦਰਸਾਇਆ ਗਿਆ ਹੈ। ਇਸ ਕਾਰਗੁਜਾਰੀ ਤੋਂ ਜਾਪਦਾ ਹੈ ਕਿ  ਲਗਪਗ ਸੌ ਫੀਸਦੀ ਕੰਪਿਊਟਰਾਇਜ਼ਡ ਹੋ ਚੁੱਕਿਆ ਰੈਵਿਨਿਊ ਵਿਭਾਗ ਅਜੇ ਬਾਬਾ ਆਦਮ ਦੇ ਜ਼ਮਾਨੇ ਵਿੱਚ ਕੀੜੀ ਚਾਲ ਚੱਲ ਰਿਹਾ ਹੈ। ਜਿਸਨੂੰ ਆਪਣੇ ਫੌਤ ਅਤੇ ਸੇਵਾਮੁਕਤ ਅਧਿਕਾਰੀਆਂ ਅਧਿਕਾਰੀਆਂ ਅੰਕੜੇ ਸਹੇਜਣ ਦਾ ਜੁਗਾੜ ਨਹੀਂ ਹੈ। ਫਾਜਿਲਕਾ ਤੋਂ ਸੇਵਾਮੁਕਤ ਨਾਇਬਤਹਿਸੀਲਦਾਰ ਅਸ਼ੋਕ ਕੁਮਾਰ ਨੇ ਆਖਿਆ ਕਿ ਉਹ 31 ਦਸੰਬਰ 2018 ਨੂੰ ਸੇਵਾਮੁਕਤ ਹੋ ਗਏ ਸਨ ਅਤੇ ਉਨ•ਾਂ ਦੀ ਜਗ•ਾ ਅਜੇ ਵੀ ਖਾਲੀ ਪਈ ਹੈ। ਸੂਚੀ ਵਿੱਚ ਨੰਬਰ 35 'ਤੇ ਤਬਦੀਲ ਕੀਤੇ ਗਏ ਜੌਹਰੀ ਰਾਮ ਵੀ ਬਕਾਇਦਾ ਸੇਵਾਮੁਕਤ ਹੈ। ਤਬਾਦਲਾ ਸੂਚੀ ਵਿੱਚ ਅਜਿਹਾ ਤਕਨੀਕੀ ਖਾਮੀ ਕਰਕੇ ਹੋਇਆ ਹੈ। ਇਹ ਆਮ ਗੱਲ ਹੈ ਵਿਭਾਗ ਉਸਨੂੰ ਦਰੁੱਸਤ ਕਰ ਦੇਵੇਗਾ। ਇਸ ਬਾਰੇ ਪੰਜਾਬ ਦੇ ਰੈਵਿਨਿਊ ਮੰਤਰੀ ਸੁਖਬਿੰਦਰ ਸਿੰਘ ਸਰਕਾਰੀਆ ਦਾ ਕਹਿਣਾ ਸੀ ਕਿ ਨਹੀਂ-ਨਹੀਂ ਤੁਹਾਨੂੰ ਕੋਈ ਭੁਲੇਖਾ ਪਿਆ ਹੈ। ਤੁਹਾਨੂੰ ਕਿਸੇ ਨੇ ਗਲਤ ਦੱਸਿਆ ਹੈ। ਇਹ ਮਤਲਬ ਹੀ ਨਹੀਂ। ਡਿਪਾਰਟਮੈਂਟ ਵਿੱਚ ਇੱਦਾਂ ਥੋੜ•ੀ ਹੋ ਸਕਦਾ ਹੈ। ਕਈ ਵਾਰ ਇੱਕ ਨਾਂਅ ਵਾਲੇ ਕਈ-ਕਈ ਅਧਿਕਾਰੀ ਹੁੰਦੇ ਹਨ। ਸ੍ਰੀ ਸਰਕਾਰੀਆ ਨੇ ਆਖਿਆ ਕਿ ਫਿਰ ਵੀ ਮੈਂ ਚੈੱਕ ਕਰਦਾ ਹਾਂ।