28 February 2013

ਮੋਗਾ ਜ਼ਿਮਨੀ ਚੋਣ ਦੇ ਨਤੀਜਿਆਂ ਦੀ ਸੂਚੀ



             Moga-73 Bye Election Results

Round

Vijay Sathi
(Congress)

Joginder Pal Jain
(SAD)
Gurmeet Singh
(PLP)
Jaswant Singh
(IKL)
Birinderpal Singh
(SAD(M))
Ravinder Singh
(PPP)
Shri Ram Denwal
(IND)
Hardev Singh
(IND)
Chinder Singh
(IND)
Rajinder Singh
(IND)

Total
Lead
1

2923
5634
37
18
82
760
19
18
22
52
9565
SAD
2701
2

3113
4814
39
19
70
681
16
15
20
60
8847
SAD
1701
3

3211
5855
49
21
94
692
16
31
42
64
10075
SAD
2644
4

3144
5829
57
20
96
490
11
34
45
87
9813
SAD
2685
5

2899
5567
41
23
72
841
16
30
53
90
9632
SAD
2668
6

3512
5874
40
12
71
567
13
27
40
85
10241
SAD
2362
7

3808
4128
26
17
48
573
10
13
19
39
8681
SAD
320
8

3389
4635
14
11
35
613
5
9
11
25
8747
SAD
1246
9

3922
5028
23
13
61
598
15
18
17
50
9745
SAD
1106
10

4535
5068
43
25
47
268
56
33
59
104
10238
SAD
533
11

5740
3869
13
11
15
172
14
14
9
20
9877
CNG
1871
12

4649
5596
27
13
45
366
10
18
28
42
10794
SAD
947
13

4401
5136
33
12
48
393
13
30
20
41 


10127
SAD
735
14

1174
2232+4
BALLOT
17
06
38
387
01
14
18
27
3914
SAD
1058+4
Total Votes
50420


69265+4
459
221
822
7401
215
304
403
786
130296
SAD WIN BY 18845+4

27 February 2013

ਲੰਬੀ ਹਲਕੇ 'ਚ 3 ਦਿਨ ਗਰਾਟਾਂ ਦੇ 'ਬਾਦਲ' ਵਰ੍ਹਨਗੇ


     -ਇੰਦਰ ਦੇਵਤਾ ਵੱਲੋਂ ਪਹਿਲਾਂ ਵਰ੍ਹਾਏ 20 ਲੱਖੀ ਮੀਂਹ ਤੋਂ ਪਿੰਡ ਕੁੱਤਿਆਂਵਾਲੀ ਦੇ ਲੋਕ ਨਾਖੁਸ਼-                                              


                                 ਇਕਬਾਲ ਸਿੰਘ ਸ਼ਾਂਤ
ਲੰਬੀ-ਦੇਸ਼ 'ਚ ਸਭ ਤੋਂ ਵੱਧ ਮੀਂਹਾਂ ਲਈ ਮਸ਼ਹੂਰ ਚਿਰਾਪੂੰਜੀ ਦੇ ਪੰਜਾਬ 'ਚ ਸਭ ਤੋਂ ਵੱਧ ਗਰਾਂਟਾਂ ਦੇ ਗੱਫ਼ਿਆਂ ਦੇ ਮੀਂਹ ਵਰ੍ਹਨ ਲਈ ਪ੍ਰਸਿੱਧ ਉਸਦੇ ਹਮਰੁਤਬਾ ਹਕੂਮਤੀ ਹਲਕੇ ਲੰਬੀ ਵਿਚ ਕੱਲ੍ਹ ਤੋਂ ਤਿੰਨਾਂ ਦਿਨਾਂ ਲਗਾਤਾਰ ਇਹ ਬਰਸਾਤ ਹੋਣ ਜਾ ਰਹੀ ਹੈ। ਜਿਸ  ਲਈ ਇੰਦਰ ਦੇਵਤਾ ਵੱਲੋਂ ਹਲਕੇ ਦੇ 28 ਪਿੰਡਾਂ ਦੀ ਸ਼ਨਾਖ਼ਤ ਕਰ ਲਈ ਹੈ ਤਾਂ ਜੋ ਉਨ੍ਹਾਂ ਵਿਚ ਗਰਾਂਟਾਂ ਰੂਪੀ ਮੀਂਹ ਵਰ੍ਹਾ ਕੇ ਉਨ੍ਹਾਂ ਨੂੰ ਹਰਿਆਵਲ (ਵਿਕਾਸ) ਦੀ ਮੁੱਖ ਧਾਰਾ 'ਚ ਮਜ਼ਬੂਤੀ ਨਾਲ ਜੋੜਿਆ ਜਾ ਸਕੇ। 
        ਹਕੂਮਤ ਦੇ ਬੁਲਾਰੇ ਅਨੁਸਾਰ ਪਹਿਲੇ ਦਿਨ 8 ਪਿੰਡਾਂ ਵਿਚ ਸੰਗਤ ਦਰਸ਼ਨ ਦੇ ਬੈਨਰ ਹੇਠ ਇਹ ਬਰਸਾਤ ਕੀਤੀ ਜਾਵੇਗੀ। ਇਸ ਮੀਂਹ ਨੂੰ ਇੰਦਰ ਦੇਵਤਾ ਦੀ ਭੁਮਿਕਾ 'ਚ (ਮੁੱਖ ਮੰਤਰੀ) ਖੁਦ ਉਚੇਚੇ ਤੌਰ 'ਤੇ ਆਪਣੀ ਨਿਗਰਾਨੀ ਵਰ੍ਹਾਉਣਗੇ। ਪਤਾ ਲੱਗਿਆ ਹੈ ਕਿ ਇਹ ਮੀਂਹ ਦੀ ਤਿਆਰੀਆਂ ਲਈ ਹਕੂਮਤ ਦਾ ਜ਼ਿਲ੍ਹਾ ਤੰਤਰ ਪਿਛਲੇ ਕਾਫ਼ੀ ਦਿਨਾਂ ਤੋਂ ਸਰਗਰਮ ਸੀ।   
        ਮੀਂਹ ਵਰ੍ਹਾਉਣ ਲਈ ਕੱਲ੍ਹ 27 ਫਰਵਰੀ ਨੂੰ 9 ਵਜੇ ਦਾ ਸਮਾਂ ਮਿੱਥਿਆ ਗਿਆ ਹੈ। ਜਿਸਦੀ ਸ਼ੁਰੂਆਤ ਪਿੰਡ ਖੇਮਾਖੇੜਾ ਤੋਂ ਹੋਵੇਗੀ। ਪਤਾ ਲੱਗਿਆ ਹੈ ਕਿ ਉਕਤ ਮੀਂਹ ਲਈ ਅਧਿਕਾਰੀ ਅਤੇ ਠੇਕੇਦਾਰ ਤਬਕਾ ਕਾਫ਼ੀ ਉਤਸਾਹ ਵਿਚ ਹੈ ਕਿਉਂਕਿ ਇਸ ਮੀਂਹ ਨਾਲ ਭਾਵੇਂ ਸਬੰਧਤ ਪਿੰਡਾਂ ਦੇ ਲੋਕਾਂ ਭਾਵੇਂ ਬਹੁਤਾ ਫਾਇਦਾ ਨਾ ਹੋਵੇ ਪਰ ਇਨ੍ਹਾਂ ਦੇ ਘਰਾਂ ਵਿਚ ਵਿਚ ਆਰਥਿਕ ਹਰਿਆਵਲ ਲਈ ਇਹ ਮੀਂਹ ਕਾਫ਼ੀ ਕਿਫ਼ਾਇਤੀ ਸਾਬਤ ਹੋਣ ਦੀ ਉਮੀਦ ਹੈ। ਇਸਦੇ ਬਾਅਦ ਪਿੰਡ ਫੁੱਲੂ ਖੇੜਾ, ਅਰਨੀਵਾਲਾ ਵਜੀਰਾ, ਕੁੱਤਿਆਂ ਵਾਲੀ, ਤਰਮਾਲਾ, ਰੋੜਾਂਵਾਲੀ, ਫਤੂਹੀ ਖੇੜਾ ਅਤੇ ਸਿੱਖਵਾਲਾ ਦੀ ਵਾਰੀ ਆਵੇਗੀ। 
ਸੰਗਤ ਰੂਪੀ ਮੀਂਹ 'ਚ ਪਿੰਡ ਕੁੱਤਿਆਂਵਾਲੀ 'ਚ ਵਾਟਰ ਵਰਕਸ ਲਈ 20 ਲੱਖ ਰੁਪਏ ਦੀ ਗਰਾਂਟਾਂ ਦਾ ਮੀਂਹ ਪੁਆ  ਚੁੱਕੇ ਲੋਕ ਇਹ ਮੀਂਹ ਤੋਂ ਕਾਫ਼ੀ ਔਖੇ ਹਨ ਉਨ੍ਹਾਂ ਕਹਿਣਾ ਹੈ ਕਿ ਸੇਮ ਦੀ ਬਹੁਤਾਤ ਕਰਕੇ ਬਰਬਾਦ ਹੋ ਚੁੱਕੇ ਵਾਟਰ ਵਰਕਸ  ਦੀ ਮੁੜ ਉਸਾਰੀ ਲਈ 20 ਲੱਖ ਰੁਪਏ ਦੇਣ ਦੇ ਬਾਵਜੂਦ ਉਨ੍ਹਾਂ ਦੀ ਸਮੱਸਿਆ ਜਿਉਂ ਦੀ ਤਿਉਂ ਹੈ। ਉਨ੍ਹਾਂ ਦਾ ਦੋਸ਼ ਹੈ ਕਿ ਜਲ ਅਤੇ ਸੈਨੀਟੇਸ਼ਨ ਵਿਭਾਗ ਦੇ ਅਮਲੇ ਦੀ ਕਥਿਤ ਮਿਲੀਭੁਗਤੀ ਸਦਕਾ ਠੇਕੇਦਾਰ ਨੇ ਹੇਠਲੇ ਦਰਜੇ ਦਾ ਕੰਮ ਕਰਕੇ ਇੰਦਰ ਦੇਵਤਾ ਵੱਲੋਂ ਖੁਦ ਵਰ੍ਹਾਏ ਮੀਂਹ ਦੀ ਤੌਹੀਨ ਕੀਤੀ ਹੈ। ਪਿੰਡ ਦੇ ਬੱਸ ਸਟਾਪ 'ਤੇ ਤਾਸ਼ ਖੇਡਦੇ ਬਜ਼ੁਰਗਾਂ ਨੇ ਦੱਸਿਆ ਕਿ ''ਕੀ ਦੱਸੀਏ ਤੁਹਾਨੂੰ, ਉਹ ਆਉਂਦਾ ਹੈ ਤੇ ਸਾਡੇ ਲਈ ਮੀਂਹ ਵਰ੍ਹਾ ਜਾਂਦੈ, ਪਰ ਮੀਂਹ ਦਾ ਸਾਰਾ ਪਾਣੀ ਠੇਕੇਦਾਰ ਅਤੇ ਅਫਸਰ ਪੀ ਜਾਂਦੇ ਹਨ। ਉਨ੍ਹਾਂ ਆਖਿਆ ਕਿ 20 ਲੱਖ ਰੁਪਏ ਵੀ ਉਨ੍ਹਾਂ ਦਾ 85 ਸਾਲਾ ਇੰਦਰਦੇਵਤਾ ਦੇ ਗਿਆ ਸੀ ਪਰ ਜੁਗਾੜੂ  ਤੌਰ 'ਤੇ ਵਾਟਰ ਵਰਕਸ ਦੀ ਜਮੀਂਦੋਜ਼ ਗੋਲੀ ਟੈਂਕੀ ਬਣਾ ਕੇ ਬੁੱਤਾ ਸਾਰ ਦਿੱਤਾ। ਪਿੰਡ ਦੇ ਲੋਕ ਵਾਟਰ ਵਰਕਸ ਜਰੀਏ ਸੇਮ ਵਾਲਾ ਗੰਦਾ ਪਾਣੀ ਪੀਣ ਨੂੰ ਮਜ਼ਬੂਰ ਹਨ, ਪਰ ਕੋਈ ਸੁਣਨ ਵਾਲਾ ਨਹੀਂ। ਇੱਕ ਤਾਸ਼ ਦਾ ਪੱਤਾ ਸੁੱਟਦੇ ਇੱਕ ਬਜ਼ੁਰਗ ਨੇ ਆਖਿਆ ਕਿ ਕੱਲ੍ਹ ਫਿਰ ਮੀਂਹ ਆਉਣੈ ਤੇ ਇੰਦਰ ਦੇਵਤਾ ਕੀ ਦੇ ਕੇ ਜਾਊ, ਹੁਣ ਤਾਂ ਡਰ ਲੱਗਣ ਪਿਐ ਗਰਾਟਾਂ ਦੇ ਮੀਂਹ ਤੋਂ। ਜਦੋਂ ਉਸਤੋਂ ਡਰ ਦਾ ਕਾਰਨ ਪੁੱਛਿਆ ਤਾਂ ਉਸਨੇ ਆਖਿਆ ਕਿ ਲੱਖਾਂ ਰੁਪਏ ਦੀਆਂ ਗਰਾਂਟਾਂ ਉਨ੍ਹਾਂ ਦੇ ਪਿੰਡ ਦੇ ਖਾਤੇ ਪੈ ਜਾਂਦੀਆਂ ਹਨ ਅਤੇ ਮੀਂਹ ਦਾ ਪਾਣੀ (ਰੁਪਏ) ਮਸੰਦ ਬਣੇ ਠੇਕੇਦਾਰ ਅਤੇ ਅਫ਼ਸਰ ਝੋਲੀਆਂ 'ਚ ਭਰ ਕੇ ਲੈ ਜਾਂਦੇ ਹਨ। ਦੱਸਣਯੋਗ ਹੈ ਕਿ ਇਸ ਪਿੰਡ ਵਿਚ ਜ਼ਮੀਨ ਹੇਠਲੇ ਪਾਣੀ ਦਾ ਪੱਧਰ ਮਹਿਜ਼ ਇੱਕ-ਦੋ ਫੁੱਟ 'ਤੇ ਹੈ। ਪਿੰਡ ਕੁੱਤਿਆਂਵਾਲੀ ਦੇ ਲੋਕਾਂ ਨੇ ਵਾਟਰ ਵਰਕਸ ਦੇ ਜਮੀਂਦੋਜ਼ ਸਟੋਰੇਜ਼ ਟੈਂਕ (ਸੰਪ) ਦੀ ਉਸਾਰੀ 'ਚ ਘਪਲੇਬਾਜ਼ੀ ਦ ਦੋਸ਼ ਮੜ੍ਹਦਿਆਂ ਹਕੂਮਤ ਤੋਂ ਪੜਤਾਲ ਕੀਤੀ ਹੈ। ਲੋਕਾਂ ਦੀ ਮੰਗ ਹੈ ਕਿ ਵਿਕਾਸ ਕਾਰਜਾਂ ਲਈ ਗਰਾਂਟਾਂ ਦਾ ਮੀਂਹ ਸਿਆਸੀ ਹਿੱਤਾਂ ਨੂੰ ਮੁੱਖ ਰੱਖਣ ਦੀ ਬਜਾਏ ਸਮੱਸਿਆਵਾਂ ਦੇ ਪੱਕੇ ਅਤੇ ਪੁਖਤਾ ਹੱਲ ਲਈ ਵਰ੍ਹਾਇਆ ਜਾਵੇ। 
ਇਸਦੇ ਇਲਾਵਾ 28 ਫਰਵਰੀ ਨੂੰ ਮਾਹਣੀ ਖੇੜਾ, ਸ਼ਾਮ ਖੇੜਾ, ਕਬਰਵਾਲਾ, ਕਰਮਗੜ੍ਹ ਅਤੇ ਢਾਣੀ ਨੱਥਾ ਸਿੰਘ, ਭਗਵਾਨ ਪੁਰਾ, ਆਲਮਵਾਲਾ, ਰੱਤਾ ਖੇੜਾ ਵੱਡਾ, ਰੱਤਾ ਖੇੜਾ ਛੋਟਾ ਅਤੇ ਬੋਦੀਵਾਲਾ ਤੋਂ ਇਲਾਵਾ 1 ਮਾਰਚ ਨੂੰ ਪਿੰਡ ਲੰਬੀ 'ਚ ਸਵੇਰੇ 9 ਵਜੇ, ਪੰਜਾਵਾ, ਕੱਖਾਂਵਾਲੀ, ਹਾਕੂਵਾਲਾ, ਫੱਤਾਕੇਰਾ, ਭੁੱਲਰਵਾਲਾ, ਕੰਦੂ ਖੇੜਾ, ਢਾਣੀ ਤੇਲੀਆਂ ਵਾਲੀ ਅਤੇ ਭੀਟੀਵਾਲਾ 'ਚ ਗਰਾਂਟਾਂ ਦੀ ਬਰਸਾਤ ਹੋਵੇਗੀ। 

09 February 2013

ਮੁੱਖ ਮੰਤਰੀ ਬਾਦਲ ਦੀ ਰਿਹਾਇਸ਼ ਦੇ ਸੁਰੱਖਿਆ ਕਰਚਾਰੀਆਂ ਨੇ ਪਿੰਡ ਬਾਦਲ 'ਚ ਦੁਕਾਨ ਤੋਂ ਤਿੰਨ ਹਜ਼ਾਰ ਰੁਪਏ ਲੁੱਟੇ

                             -ਸੀ.ਆਈ. ਐਸ.ਐਫ਼. ਦੀ ਕਾਰਜਪ੍ਰਣਾਲੀ ਮੁੜ ਵਿਵਾਦਾਂ 'ਚ- 
 -ਦੁਕਾਨਦਾਰ ਦੀ ਮਾਰ-ਕੁੱਟ ਕਰਕੇ ਲੈਪਟਾਪ ਤੋੜਿਆ ਤੇ ਨਾਲ ਲੈ ਗਏ- ਮੋਬਾਇਲ ਦੀ ਖਰੀਦੋ-ਫਰੋਖ਼ਤ ਨੂੰ ਲੈ ਕੇ ਹੋਇਆ ਵਿਵਾਦ-

                                                        ਇਕਬਾਲ ਸਿੰਘ ਸ਼ਾਂਤ
         ਲੰਬੀ-ਕਰੀਬ 4 ਸਾਲਾਂ ਬਾਅਦ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਪਿੰਡ ਬਾਦਲ ਵਾਲੀ ਰਿਹਾਇਸ਼ 'ਤੇ ਤਾਇਨਾਤ ਸੀ.ਆਈ.ਐਸ.ਐਫ਼. (ਕੇਂਦਰੀ ਸਨਅਤੀ ਸੁਰੱਖਿਆ ਫੋਰਸ) ਦਾ ਅਮਲਾ ਇੱਕ ਵਾਰ ਫਿਰ ਕਥਿਤ ਗੁੰਡਾਗਰਦੀ ਨੂੰ ਲੈ ਕੇ ਵਿਵਾਦਾਂ ਦੇ ਘੇਰੇ ਵਿਚ ਆ ਗਿਆ ਹੈ। ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਪਿੰਡ ਬਾਦਲ ਵਾਲੀ ਰਿਹਾਇਸ਼ 'ਤੇ ਤਾਇਨਾਤ ਸੀ.ਆਈ.ਐਸ.ਐਫ਼. ਦੇ ਮੁਲਾਜਮਾਂ ਵੱਲੋਂ ਪੁਰਾਣੇ ਮੋਬਾਇਲ ਦੀ ਖਰੀਦੋ-ਫਰੋਖ਼ਤ ਦੇ ਵਿਵਾਦ 'ਚ ਪਿੰਡ ਬਾਦਲ ਦੇ ਇੱਕ ਨੌਜਵਾਨ ਦੁਕਾਨਦਾਰ ਦੀ ਕਥਿਤ ਮਾਰ-ਕੁੱਟ ਅਤੇ ਉਸਦੇ ਲੈਪਟਾਪ ਦੀ ਭੰਨਤੋੜ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤ ਦੁਕਾਨਦਾਰ ਨੇ ਉਕਤ ਮੁਲਾਜਮਾਂ 'ਤੇ ਦੁਕਾਨ ਦੇ ਗੋਲਕ ਵਿਚੋਂ ਕਥਿਤ ਤੌਰ 'ਤੇ ਜ਼ਬਰਦਸਤੀ 3 ਹਜ਼ਾਰ ਕੱਢਣ ਅਤੇ ਧਮਕਾਉਣ ਦਾ ਦੋਸ਼ ਵੀ ਲਾਇਆ ਹੈ। 

        ਉਕਤ ਮਾਮਲੇ ਵਿਚ ਪੀੜਤ ਦੁਕਾਨਦਾਰ ਨੇ ਲੰਬੀ ਪੁਲੀਸ ਨੂੰ ਲਿਖਤੀ ਸ਼ਿਕਾਇਤ ਕੀਤੀ ਹੈ। ਪਿੰਡ ਬਾਦਲ ਦੇ ਬੱਸ ਸਟਾਪ 'ਤੇ ਮਠਿਆਈ ਦੀ ਛੋਟੀ ਜਿਹੀ ਦੁਕਾਨ ਚਲਾਉਂਦੇ ਪੀੜਤ ਦੁਕਾਦਾਰ ਦੀਪੂ ਪੁੱਤਰ ਕੇਵਲ ਸਿੰਘ ਨੇ ਦੱਸਿਆ ਕਿ ਮੁੱਖ ਮੰਤਰੀ ਦੀ ਰਿਹਾਇਸ਼ 'ਤੇ ਤਾਇਨਾਤ ਸੀ.ਆਈ.ਐਸ.ਐਫ਼. ਦੇ ਸੁਰੱਖਿਆ ਦਸਤੇ ਦੇ ਮੁਲਾਜਮ ਆਮ ਤੌਰ 'ਤੇ ਉਸਦੀ ਦੁਕਾਨ 'ਤੇ ਚਾਹ ਵਗੈਰਾ ਪੀਣ ਆਇਆ ਕਰਦੇ ਸਨ। ਜਿਨ੍ਹਾਂ ਵਿਚੋਂ ਇੱਕ ਮੁਲਾਜਮ ਨੇ ਲਗਪਗ 20=26 ਦਿਨਾਂ ਪਹਿਲਾਂ ਉਸਨੂੰ ਕੋਈ ਪੁਰਾਣਾ ਮਲਟੀ ਮੀਡੀਆ ਮੋਬਾਇਲ ਸੈੱਟ ਦਿਵਾਉਣ ਲਈ ਆਖਿਆ। ਦੀਪੂ ਨੇ ਦੱਸਿਆ ਕਿ ਉਸਨੇ ਰੁਪਇਆ ਦੀ ਜ਼ਰੂਰਤ ਹੋਣ ਕਰਕੇ ਆਪਣਾ ਸੈਮਸੰਗ ਗਲੈਕਸੀ ਮੋਬਾਇਲ ਵੇਚਣ ਦੀ ਪੇਸ਼ਕਸ਼ ਕੀਤੀ। ਜਿਸ ਉਪਰੰਤ ਦੋਹਾਂ ਵਿਚਕਾਰ 9 ਹਜ਼ਾਰ ਰੁਪਏ ਵਿਚ ਮੋਬਾਇਲ ਦਾ ਸੌਦਾ ਹੋ ਗਿਆ ਅਤੇ ਸੀ.ਆਈ.ਐਸ.ਐਫ. ਦਾ ਮੁਲਾਜਮ ਉਸਨੂੰ 9 ਹਜ਼ਾਰ ਰੁਪਏ ਦਾ ਭੁਗਤਾਨ ਕਰਕੇ ਉਕਤ ਮੋਬਾਇਲ ਫੈਲ ਲੈ ਗਿਆ। ਉਕਤ ਮੁਲਾਜਮ ਦੇ ਨਾਂਅ ਤੋਂ ਨਾਵਾਕਫ਼ ਦੀਪੂ ਨੇ ਦੱਸਿਆ ਕਿ ਕੁਝ ਦਿਨਾਂ ਬਾਅਦ ਇਸ ਮੁਲਾਜਮ ਨੇ ਪਸੰਦ ਨਾ ਆਉਣ ਦੀ ਗੱਲ ਕਰਦਿਆਂ ਮੋਬਾਇਲ ਉਸਦਨੂੰ ਵਾਪਸ ਕਰ ਦਿੱਤਾ ਅਤੇ 9 ਹਜ਼ਾਰ ਰੁਪਏ ਵਾਪਸ ਮੰਗਣ ਲੱਗਿਆ। ਦੀਪੂ ਨੇ ਪਹਿਲਾਂ ਤਾਂ ਮੋਬਾਇਲ ਵਾਪਸ ਰੱਖਣ ਤੋਂ ਇਨਕਾਰ ਕਰ ਦਿੱਤਾ ਪਰ ਹੁਕਮਰਾਨਾਂ ਦੇ ਸੁਰੱਖਿਆ ਕਰਮਚਾਰੀ ਅਤੇ ਉਸਦੇ ਗਾਹਕ ਹੋਣ ਕਰਕੇ ਫੋਨ ਵਾਪਸ ਰੱਖ ਲਿਆ ਪਰ ਆਰਥਿਕ ਤੰਗੀ ਦਾ ਹਵਾਲਾ ਦੇ ਕੇ ਰੁਪਏ ਹੌਲੀ-ਹੌਲੀ ਵਾਪਸ ਕਰਨ ਦਾ ਵਾਅਦਾ ਕੀਤਾ।  ਉਸਨੇ ਦੱਸਿਆ ਕਿ ਪਰਸੋਂ 6 ਫਰਵਰੀ ਨੂੰ ਦੋਵੇਂ ਧਿਰਾਂ ਵਿਚ ਅਗਲੇ 20 ਦਿਨਾਂ 'ਚ ਰੁਪਏ ਦੇਣ ਦਾ ਰਾਜੀਨਾਮਾ ਹੋਇਆ ਸੀ। 

            ਅੱਜ ਪਿੰਡ ਦੇ ਕਈ ਵਿਅਕਤੀਆਂ ਦੀ ਹਾਜ਼ਰੀ ਵਿਚ ਦੀਪੂ ਨੇ ਦੱਸਿਆ ਕਿ ਕੱਲ੍ਹ ਸਵੇਰੇ ਕਰੀਬ 10 ਵਜੇ ਉਹ ਆਪਣੀ ਦੁਕਾਨ ਦੇ ਕਾਊਂਟਰ 'ਤੇ ਬੈਠਾ ਆਪਣੇ ਲੈਪਟਾਪ 'ਤੇ ਕੋਈ ਕੰਮ ਕਰ ਰਿਹਾ ਸੀ। ਉਸੇ ਦੌਰਾਨ ਸੀ.ਆਈ.ਐਸ.ਐਫ਼. ਦਾ ਉਕਤ ਮੁਲਾਜਮ ਆਪਣੇ ਦੋ ਹੋਰ ਸਾਥੀਆਂ ਨਾਲ ਉਸਦੀ ਦੁਕਾਨ ਉੱਪਰ ਆਇਆ। ਦੀਪੂ ਨੇ ਦੋਸ਼ ਲਾਇਆ ਕਿ ਤਿੰਨੇ ਮੁਲਾਜਮ ਉਸਦੀ ਬੜੀ ਬੇਰਹਿਮੀ ਨਾਲ ਧੂਹ-ਘੜੀਸ ਕਰਦਿਆਂ ਮਾਰ-ਕੁੱਟ ਕਰਨ ਲੱਗੇ। ਉਨ੍ਹਾਂ ਬਾਅਦ ਉਨ੍ਹਾਂ ਵਿਚੋਂ ਇੱਕ ਨੇ ਕਾਊਂਟਰ 'ਤੇ ਪਿਆ ਲੈਪਟਾਪ ਜ਼ਮੀਨ 'ਤੇ ਪਟਕ ਦਿੱਤਾ ਅਤੇ ਕਾਊਂਟਰ ਦੇ ਗੱਲੇ ਵਿਚੋਂ ਕਰੀਬ 3 ਹਜ਼ਾਰ ਰੁਪਏ ਦੀ ਰਕਮ ਉਸਦੇ ਰੋਕਣ ਦੇ ਬਾਵਜੂਦ ਜ਼ਬਰਦਸਤੀ ਕੱਢ ਲਈ। ਦੀਪੂ ਨੇ ਦੋਸ਼ ਲਾਇਆ ਕਿ ਉਕਤ ਮੁਲਾਜਮਾਂ ਨੇ ਉਸਦੀ ਮਾਰ-ਕੁੱਟ ਕਰਦਿਆਂ ਐਸ.ਪੀ. ਅਤੇ ਡੀ.ਐਸ.ਪੀ. ਜਿਹੇ ਵੱਡੇ ਅਫ਼ਸਰਾਂ ਦਾ ਹਵਾਲਾ ਦਿੰਦਿਆਂ ਧਮਕੀਆਂ ਦਿੱਤੀਆਂ ਕਿ ''ਅਜਿਹੇ ਵੀ ਅਫਸਰ ਵੀ ਉਨ੍ਹਾਂ ਦਾ ਕੁਝ ਨਹੀਂ ਵਿਗਾੜ ਸਕਦੇ ਤਾਂ ਤੂਮ ਕੌਣ ਦੇ ਬਾਗ ਕੀ ਮੂਲੀ ਹੋ।'' ਦੀਪੂ ਅਨੁਸਾਰ ਉਕਤ ਮੁਲਾਜਮ ਲੈਪਟਾਪ ਨੂੰ ਭੰਨਣ ਉਪਰੰਤ ਸਬੂਤ ਮਿਟਾਉਣ ਦੇ ਮਨਸ਼ੇ ਨਾਲ ਲੈ ਗਏ। ਦੀਪੂ ਨੇ ਦੱਸਿਆ ਕਿ ਉਹ ਮੁਲਾਜਮਾਂ ਨੂੰ ਸ਼ਕਲ ਤੋਂ ਪਹਿਚਾਣਦਾ ਹੈ ਪਰ ਨਾਂਅ ਤੋਂ ਨਹੀਂ।  
             ਦੀਪੂ ਦੇ ਦੋਸ਼ਾਂ ਦੀ ਸ਼ਾਹਦੀ ਉਸਦੇ ਇੱਕ ਗੁਆਂਢੀ ਦੁਕਾਨਦਾਰ ਅਤੇ ਪਿੰਡ ਬਾਦਲ ਦੇ 60-65 ਸਾਲਾ ਬਜ਼ੁਰਗ ਛੋਟਾ ਸਿੰਘ ਪੁੱਤਰ ਅਰਜੁਨ ਸਿੰਘ ਨੇ ਵੀ ਭਰੀ। ਛੋਟਾ ਸਿੰਘ ਨੇ ਦੱਸਿਆ ਕਿ ਉਹ ਇਸ ਪੂਰੀ ਘਟਨਾ ਦੌਰਾਨ ਮੌਕੇ 'ਤੇ ਖੜ੍ਹਾ ਸੀ। ਉਸਨੇ ਆਖਿਆ ਕਿ 'ਬਾਦਲ ਸਾਬ੍ਹ ਦੇ ਘਰੇ ਤਨਾਤ ਮਿਲਟਰੀ ਵਾਲੇ ਬੰਦਿਆਂ ਕੇਵਲ ਸਿੰਘ ਦੇ ਮੁੰਡੇ ਦੀਪੂ ਦੀ ਰੱਜ ਕੇ ਮਾਰ-ਕੁੱਟ ਕੀਤੀ ਅਤੇ ਕੱਠਾ ਹੋਣ ਵਾਲਾ ਕੰਪੂਟਰ (ਲੈਪਟਾਪ) ਜ਼ਮੀਨ 'ਤੇ ਸੁੱਟ ਕੇ ਤੋੜਨ ਬਾਅਦ ਨਾਲ ਲੈ ਗਏ।''
            ਦੂਜੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਰਿਹਾਇਸ਼ 'ਤੇ ਤਾਇਨਾਤ ਸੀ.ਆਈ. ਐਸ.ਐਫ. ਦੇ ਅਮਲੇ ਦੀ ਮੁਖੀ ਨੰਦ ਕਿਸ਼ੋਰ (ਏ.ਐਸ.ਆਈ.) ਨੇ ਸੰਪਰਕ ਕਰਨ 'ਤੇ ਉਕਤ ਮੋਬਾਇਲ ਵਿਵਾਦ ਬਾਰੇ ਕੋਈ ਜਾਣਕਾਰੀ ਹੋਣੋਂ ਇਨਕਾਰ ਕੀਤਾ। ਇਸ ਸਬੰਧੀ ਲੰਬੀ ਥਾਣੇ ਦੇ ਮੁਖੀ ਗੁਰਪ੍ਰੀਤ ਸਿੰਘ ਬੈਂਸ ਨੇ ਪੀੜਤ ਦੁਕਾਨਦਾਰ ਦੀਪੂ ਵੱਲੋਂ ਸ਼ਿਕਾਇਤ ਆਉਣ ਦੀ ਪੁਸ਼ਟੀ ਕਰਦਿਆਂ ਆਖਿਆ ਮਾਮਲੇ ਦੀ ਪੜਤਾਲ ਕਰਕੇ ਲੋੜੀਂਦੀ ਕਾਰਵਾਈ ਕੀਤੀ ਜਾਵੇਗੀ। ਇਸ ਦੌਰਾਨ ਖੇਤਰ ਦੇ ਇੱਕ ਅਧਿਕਾਰੀ ਨੇ ਨਾਂਲ ਛਾਣ ਦੀ ਸ਼ਰਤ 'ਤੇ ਦੋਵੇਂ ਧਿਰਾਂ ਵਿਚ ਮੋਬਾਇਲ ਵਿਵਾਦ ਪਿਛਲੇ ਕਾਫ਼ੀ ਦਿਨਾਂ ਤੋਂ ਭਖਿਆ ਹੋਣ ਦੀ ਗੱਲ ਸਵੀਕਾਰੀ ਹੈ। 
          ਜ਼ਿਕਰਯੋਗ ਹੈ ਕਿ ਸੰਨ 2009 ਵਿਚ 11 ਮਾਰਚ ਨੂੰ ਹੋਲੀ ਦੀ ਰਾਤ ਨੂੰ ਵੀ ਮੁੱਖ ਮੰਤਰੀ ਦੀ ਰਿਹਾਇਸ਼ 'ਤੇ ਤਾਇਨਾਤ  ਸੀ.ਆਈ.ਐਸ.ਐਸ. ਦੇ ਦਰਜਨ ਭਰ ਕਰਮਚਾਰੀਆਂ ਵੱਲੋਂ ਪਿੰਡ ਬਾਦਲ ਵਿਖੇ ਸ਼ਰਾਬ ਦੇ ਠੇਕੇ ਦੇ ਸੇਲਜਮੈਨ ਰਾਮਪਾਲ ਅਤੇ ਨੇਤਰਪਾਲ ਦੀ ਮਾਰ-ਕੁੱਟ ਕਰਕੇ ਸ਼ਰਾਬ ਦੀਆਂ ਬੋਤਲਾਂ ਲੁੱਟ ਕੇ ਲੈ ਗਏ ਸਨ। ਉਸ ਸਮੇਂ ਇਹ  ਮਾਮਲਾ ਅਖ਼ਬਾਰਾਂ ਵਿਚ ਕਾਫ਼ੀ ਸੁਰਖੀਆ ਵਿਚ ਰਿਹਾ ਸੀ। 
98148-26100, 093178-26100
Email : iqbal.shant@gmail.com