ਲੰਬੀ ’ਤੇ ਮੁਨਹੱਸਰ ਬਠਿੰਡਾ ਦੀ ਸਿਆਸੀ ਤਸਵੀਰ

   - ਬਾਦਲਾਂ ਦਾ ਗੜ੍ਹ ਜਿੱਤਣ ਲਈ ਕਾਂਗਰਸ ਹਾਈਕਮਾਂਡ ਦੀਆਂ ਨਜ਼ਰਾਂ ਮਹੇਸ਼ਇੰਦਰ-ਖੁੱਡੀਆਂ ’ਤੇ 

ਲੰਬੀ, (ਇਕਬਾਲ ਸਿੰਘ ਸ਼ਾਂਤ)- ਭਾਵੇਂ ਕੋਈ ਵੀ ਹੋਵੇ ਉਸਦੀ ਤਕਦੀਰ ’ਚ ਲੰਬੀ ਹਲਕੇ ਦੀ ਸਿਆਸੀ ਜ਼ਮੀਨ ਬਾਰੇ ਪੱਕੀ ਤਦਬੀਰ ਵਗੈਰ ਬਠਿੰਡਾ ਲੋਕਸਭਾ ਹਲਕੇ ਦੀ ਸਿਆਸੀ ਤਸਵੀਰ ’ਤੇ ਜਿੱਤ ਵਾਲਾ ਲੱਡੂ ਸੰਭਵ ਨਹੀਂ। ਬਠਿੰਡਾ ਦੀ ਸਿਆਸੀ ਸਰਜਮੀਂ ’ਤੇ ਜਿੱਤ-ਹਾਰ ਵਿੱਚ ਬਾਦਲਾਂ ਦੀ ਸਿਆਸੀ ਰਾਜਧਾਨੀ ਲੰਬੀ ਹਲਕੇ ਦੇ ਵੋਟ ਵਜ਼ਨ ਦੀ ਅਹਿਮ ਭੂਮਿਕਾ ਰਹੀ ਹੈ । ਪਿਛਲੇ ਦਹਾਕੇ ਤੋਂ ਲੰਬੀ ਦੇ

34-35 ਹਜ਼ਾਰ ਵੋਟਾਂ ਦੇ ਫ਼ਰਕ ਸਦਕਾ ਅਕਾਲੀ ਦਲ (ਬ) ਆਪਣੀ ਜਿੱਤ ਯਕੀਨੀ ਬਣਾਉਂਦਾ ਆ ਰਿਹਾ ਹੈ। ਇਸ ਵਾਰ ਬੇਅਦਬੀਆਂ ਖਿਲਾਫ਼ ਭਾਵਨਾਤਮਿਕ ਮਾਹੌਲ ’ਚ ਬਠਿੰਡਾ ਅਕਾਲੀਆਂ ਦਾ ਗੜ੍ਹ ਤੋੜਨ ਖਾਤਰ ਕਾਂਗਰਸ ਲੰਬੀ ਵਾਲਾ ਵੋਟ ਵਜ਼ਨ ਘਟਾਉਣ ਲਈ ਜੀ-ਜਾਨ ਨਾਲ ਜੁਟੀ ਹੋਈ ਹੈ। ਬਠਿੰਡਾ ਜ਼ਿਲ੍ਹਾ ’ਚ 70.89 ਫ਼ੀਸਦੀ ਅਤੇ ਜ਼ਿਲ੍ਹਾ ਮਾਨਸਾ ’ਚ 77.75 ਫ਼ੀਸਦੀ ਵਸੋਂ ਹੈ। ਸੂਤਰਾਂ ਅਨੁਸਾਰ ਕਾਂਗਰਸ ਹਾਈਕਮਾਂਡ ਨੇ ਇਹ ਲਾਹਾ ਲੈਣ ਅਤੇ ਲੰਬੀ ’ਚ ਖੱਟੇ ਅੰਗੂਰਾਂ ਨੂੰ ਮਿੱਠਾ ਕਰਨ ਲਈ ਮਹੇਸ਼ਇੰਦਰ ਬਾਦਲ-ਗੁਰਮੀਤ ਖੁੱਡੀਆਂ ’ਤੇ ਨਿਗਾਹ ਲਗਾ ਰੱਖੀ ਹੈ। ਸਾਊ ਸਿਆਸਤਦਾਨ ਅਤੇ ਸਾਫ਼ ਸੁਧਰੇ ਅਕਸੀ ਚਿਹਰਿਆਂ ’ਤੇ ਆਧਾਰਤ ਇਸ ਧੜੇ ਕੋਲ ਲੰਬੀ ਹਲਕੇ ’ਚ ਇਕਮੁੱਠ 34-35 ਹਜ਼ਾਰ ਵੋਟਾਂ ਮੰਨੀਆਂ ਜਾਂਦੀਆਂ ਹਨ। ਇਸ ਲੋਕਸਭਾ ਹਲਕੇ ਵਿੱਚ ਪਿਛਲੇ ਦਸ ਸਾਲਾਂ ਦੌਰਾਨ ਵਿਕਾਸਮਈ ਮਾਹੌਲ ਸਿਰਜਣ ਕਰਕੇ ਹਰਸਿਮਰਤ ਕੌਰ ਬਾਦਲ ਦਾ ਹੱਥ ਹਾਲ ਦੀ ਘੜੀ ਉੱਪਰ ਵਿਖਾਈ ਜਾਪਦਾ ਹੈ । ਸਿਆਸੀ ਮਾਹਰਾਂ ਅਨੁਸਾਰ ਮੌਜੂਦਾ ਹਾਲਾਤਾਂ ਪੇਂਡੂ ਖਿੱਤੇ ਵਿੱਚ ਬੇਅਦਬੀਆਂ ਦਾ ਮਸਲਾ ਅਕਾਲੀ ਦਲ ਲਈ ਗਲੇ ਦੀ ਹੱਡੀ ਬਣ ਸਦਕਾ ਹੈ। ਪੰਥਕ ਸੋਚ ਵਾਲੇ ਸਿੱਖਾਂ ਦੀ ਅਕਾਲੀ ਦਲ ਪ੍ਰਤੀ ਨਰਾਜਗੀ ਬਰਕਰਾਰ ਜਾਪਦੀ ਹੈ। ਮਾਨਸਾ, ਮੌੜ ਅਤੇ ਬੁਢਲਾਡਾ ਆਦਿ ਹਲਕਿਆਂ ਦੀ ਸਿਰੜ ਅਤੇ ਜੁਝਾਰੂ ਸੋਚ ਜ਼ਮਾਨੇ ’ਚ ਕਿਸੇ ਤੋਂ ਲੁਕੀ ਨਹੀਂ ਹੈ। ਬਠਿੰਡਾ ਦੇ ਚੋਣ ਪਿੜ ’ਚ ਪੰਜਾਬ ਜਮਹੂਰੀ ਗੱਠਜੋੜ (ਪੀ.ਡੀ.ਏ.) ਦੇ ਉਮੀਦਵਾਰ ਸੁਖਪਾਲ ਖਹਿਰਾ, ਬਰਗਾੜੀ ਮੋਰਚੇ ਵੱਲੋਂ ਗੁਰਦੀਪ ਸਿੰਘ ਬਠਿੰਡਾ, ਸੀ.ਪੀ.ਆਈ. (ਐਮ.ਐਲ.) ਵੱਲੋਂ ਕਾ. ਭਗਵੰਤ ਸਿੰਘ ਸਮਾਓਂ ਉਮੀਦਵਾਰ ਐਲਾਨ ਜਾ ਚੁੱਕੇ ਹਨ। ਹਾਲ ਦੀ ਘੜੀ ਕਾਂਗਰਸ ਅਤੇ ਅਕਾਲੀ ਦਲ ਇੱਕ ਦੂਸਰੇ ਦਾ ਮੂੰਹ ਤੱਕ ਰਹੀਆਂ ਹਨ। ਇਸ ਹਲਕੇ ’ਚ ਕਾਂਗਰਸ, ਅਕਾਲੀ ਦਲ (ਬ), ਪੀ.ਡੀ.ਏ., ਅਕਾਲੀ ਦਲ (ਟਕਸਾਲੀ) ਅਤੇ ਆਪ ਦੇ ਡਟਣ ਦੀ ਸੂਰਤ ’ਚ ਮੁਕਾਬਲਾ ਚਹੁੰਕੋਨਾ ਜਾਂ ਪੰਜਕੋਨਾ ਹੋਣ ਦੀ ਸੰਭਾਵਨਾ ਹੈ। ਮਾਹਰਾਂ ਅਨੁਸਾਰ ਬਹੁਕੋਨੇ ਮੁਕਾਬਲੇ ’ਚ ਵਿਉਂਤਬੰਦੀ ਠੋਸ ਹੋਣ ਦੀ ਸੂਰਤ ’ਚ ਕਾਂਗਰਸ ਦੀ ਬਾਜ਼ੀ ਲੱਗਦੀ ਹੈ। ਬਠਿੰਡਾ ਲੋਕਸਭਾ ਤੋਂ ਕਾਂਗਰਸ ਟਿਕਟ ਲਈ ਰਣਇੰਦਰ ਸਿੰਘ, ਗੁਰਮੀਤ ਖੁੱਡੀਆਂ, ਅਜੀਤਇੰਦਰ ਸਿੰਘ ਮੋਫ਼ਰ, ਮੋਹਿਤ ਮਹਿੰਦਰਾ ਅਤੇ ਸ਼ਰਨਜੀਤ ਕੌਰ ਦੇ ਨਾਂਅ ਚਰਚਾ ਵਿੱਚ ਹਨ।

ਜੱਗਜਾਹਰ ਹੈ ਕਿ ਲੰਬੀ ਦੇ ਪੁਖਤਾ ਵੋਟ ਵਜ਼ਨ ਸਦਕਾ ਅਕਾਲੀ ਦਲ ਬਠਿੰਡਾ ’ਚ ਲਗਾਤਾਰ ਦੋ ਜਿੱਤਾਂ ਦਰਜ ਕਰ ਚੁੱਕਿਆ ਹੈ। ਜਿਨ੍ਹਾਂ ’ਚ ਕਾਂਗਰਸੀ ਉਮੀਦਵਾਰ ਰਣਇੰਦਰ ਸਿੰਘ ਅਤੇ ਮੌਜੂਦਾ ਵਜ਼ੀਰੇ ਖਜ਼ਾਨਾ ਮਨਪ੍ਰੀਤ ਸਿੰਘ ਬਾਦਲ ਨੂੰ ਸ਼ਿਰਸਤ ਦਾ ਮੂੰਹ ਵੇਖਣਾ ਪਿਆ ਸੀ। ਦੋਵੇਂ ਵਾਰ ਅਕਾਲੀ ਉਮੀਦਵਾਰ ਹਰਸਿਮਰਤ ਕੌਰ ਨੂੰ ਲੰਬੀ ’ਚ ਕਰੀਬ 34-35 ਹਜ਼ਾਰ ਵੋਟਾਂ ਦੀ ਬੜ੍ਹਤ ਮਿਲੀ ਸੀ। ਮਨਪ੍ਰੀਤ ਬਾਦਲ ਨਾਲ ਮੁਕਾਬਲੇ ਮੌਕੇ ਤਾਂ ਅਕਾਲੀ ਦਲ ਨੂੰ ਜਿੱਤ ਹੀ ਲੰਬੀ ਹਲਕੇ ਦੇ ਵੋਟਾਂ ਦੇ ਵੱਡੇ ਫ਼ਰਕ ਕਾਰਨ ਮਿਲੀ ਸੀ। ਸੂਬੇ ’ਚ ਕਾਂਗਰਸੀ ਹਕੂਮਤ ਅਤੇ ਬੇਅਦਬੀਆਂ ਦੇ ਮਾਹੌਲ ਕਾਰਨ ਬਾਦਲਾਂ ਦੇ ਗੜ੍ਹ ਲੰਬੀ ’ਚ ਕਾਂਗਰਸ ਨੇ 60 ਪੰਚਾਇਤਾਂ ਜਿੱਤੀਆਂ ਹਨ। ਮਹੇਸ਼ਇੰਦਰ ਅਤੇ ਖੁੱਡੀਆਂ ਦਾ ਲੰਬੀ ਇਲਾਵਾ ਅਤੇ ਬਠਿੰਡਾ (ਦਿਹਾਤੀ) ’ਚ ਚੰਗਾ-ਖਾਸਾ ਜਨਾਧਾਰ ਹੈ। ਮਹੇਸ਼ਇੰਦਰ ਬਾਦਲ ਆਪਣੇ-ਆਪ ’ਚ ਦਿਆਨਤਦਾਰ ਅਤੇ ਸਾਊ ਸ਼ਖਸੀਅਤ ਹਨ। ਜ਼ਿਲ੍ਹਾ ਕਾਂਗਰਸ ਕਮੇਟੀ ਸ੍ਰੀ ਮੁਕਤਸਰ ਸਾਹਿਬ ਦੇ ਸਾਬਕਾ ਪ੍ਰਧਾਨ ਅਤੇ ਬੇਦਾਗ ਸਿੱਖ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਨੇ ਬਠਿੰਡਾ ਤੋਂ ਟਿਕਟ ਮੰਗੀ ਹੋਈ ਹੈ। ਉਹ ਦਰਵੇਸ਼ ਸਿਆਸਤਦਾਨ ਜਥੇਦਾਰ ਅਤੇ ਸਾਬਕਾ ਸੰਸਦ ਮੈਂਬਰ ਜਗਦੇਵ ਸਿੰਘ ਖੁੱਡੀਆਂ ਦੇ ਸਪੁੱਤਰ ਹਨ। 1990 ਤੋਂ ਬੇਦਾਗ, ਇਮਾਨਦਾਰ ਅਤੇ ਪੰਥਕ ਰਵਾਇਤਾਂ ਨਾਲ ਲਗਾਤਾਰ ਜੁੜੇ ਕਾਂਗਰਸ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਅਜਿਹੀ ਸ਼ਖਸੀਅਤ ਹਨ। ਜਿਨ੍ਹਾਂ ਦੇ ਉਮੀਦਵਾਰ ਹੋਣ ਦੇ ਹਾਲਾਤਾਂ ’ਚ ਬਠਿੰਡਾ ਲੋਕਸਭਾ ’ਚ ਅਕਾਲੀਆਂ ਨਾਲੋਂ ਨਾਰਾਜ਼ ਪੰਥਕ ਵੋਟ ਜਥੇਦਾਰ ਜਗਦੇਵ ਸਿੰਘ ਖੁੱਡੀਆਂ ਦੀ ਪੰਥਕ ਵਿਰਾਸਤ ’ਤੇ ਮੁਹਰ ਲਗਾ ਸਕਦੀ ਹੈ। ਜ਼ਮੀਨੀ ਪੱਧਰ ’ਤੇ ਲਗਪਗ ਹਰ ਵਿਅਕਤੀ ਨਾਲ ਨਿੱਜੀ ਸਾਂਝ ਅਤੇ ਛੋਟੀ ਕਿਸਾਨੀ ਨਾਲ ਸੰਬੰਧਤ ਹੋਣ ਕਰਕੇ ਕਿਸਾਨ ਸਫ਼ਾਂ ਦਾ ਗੁਣਾ ਵੀ ਖੁੱਡੀਆਂ ’ਤੇ ਪੈ ਸਕਦਾ ਹੈ। ਪਿੱਛੇ ਜਿਹੇ ਬਠਿੰਡਾ ਸੀਟ ਬਾਰੇ ਠੋਸ ਤੇ ਕਾਬਿਲ ਉਮੀਦਵਾਰੀ ਬਾਰੇ ਕਾਂਗਰਸ ਹਾਈਕਮਾਂਡ ਵੀ ਸਿਆਸੀ ਮਾਹਰਾਂ ਅਤੇ ਕਲਮਕਾਰਾਂ ਤੋਂ ਜ਼ਮੀਨੀ ਅੰਕੜੇ ਜੁਟਾ ਚੁੱਕੀ ਹੈ। ਬਠਿੰਡਾ ਤੋਂ ਕਾਂਗਰਸ ਉਮੀਦਵਾਰੀ ਬਾਰੇ ਵੱਖ-ਵੱਖ ਕਿਆਫ਼ੇ ਲੱਗ ਰਹੇ ਹਨ। ਬਾਦਲਾਂ ਦੀ ਸਿਆਸੀ ਰਾਜਧਾਨੀ ਲੰਬੀ ਦੇ ਵੋਟਾਂ ਦਾ ਵਜ਼ਨ ਵੰਡਾਏ ਵਗੈਰ ਬਠਿੰਡਾ ਤੋਂ ਕਾਂਗਰਸ ਦੇ ਮੂੰਹ ਜਿੱਤ ਸੁਆਦ ਲੱਗਣਾ ਸੰਭਵ ਨਹੀਂ ਹੋ ਸਕਦਾ। 93178-26100 / 98148-26100

ਹਰਸਿਮਰਤ ਬਾਦਲ ਦੇ ‘ਸਾਂਸਦ ਆਦਰਸ਼ ਗਰਾਮ’ ਮਾਨ ਦੀ ਹਾਲਤ ਨੇ ਕੀਤਾ ‘ਆਦਰਸ਼’ ਸ਼ਬਦ ‘ਬੇਮਾਇਨੇ’

- ਆਦਰਸ਼ ਪਿੰਡ ਦੇ ਬਰਸਾਤੀ ਪਾਣੀ ਲਈ ਨਿਕਾਸੀ ਪ੍ਰਬੰਧ ਵੀ ਫਾਈਲਾਂ ਹੇਠਾਂ ਦੱਬੇ 

- ਰੂੜ੍ਹੀਆਂ, ਗਲੀਆਂ ’ਚ ਗਾਰਾ ਅਤੇ ਕਾਈ ਦਾ ਭਰਿਆ ਛੱਪੜ ਹਕੀਕਤ ਨੂੰ ਕਰਦੇ ਬਿਆਂ

ਇਕਬਾਲ ਸਿੰਘ ਸ਼ਾਂਤ

         ਲੰਬੀ : ਬਾਦਲ ਪਰਿਵਾਰ ਦੀ ਨੂੰਹ ਅਤੇ ਕੇਂਦਰੀ ਵਜਾਰਤ ’ਚ ਅਹਿਮ ਵਜੀਰ ਬੀਬੀ ਹਰਸਿਮਰਤ ਕੌਰ ਬਾਦਲ ਵੱਲੋਂ ਚੁਣਿਆ ‘ਸਾਂਸਦ ਆਦਰਸ਼ ਗਰਾਮ ਮਾਨਾ ਡੇਢ ਸਾਲ ਮਗਰੋਂ ਵੀ ‘ਆਦਰਸ਼’ ਨਹੀਂ ਹੋ ਸਕਿਆ। ਆਦਰਸ਼ ਪਿੰਡ ਵਿੱਚ ਵਿਕਾਸ ਅਤੇ ਸੁਧਾਰ ਪੱਖੋਂ ਲੰਬੀ ਹਲਕੇ ਦੇ ਆਮ ਪਿੰਡਾਂ ਤੋਂ ਕਿਸੇ ਪੱਖੋਂ ਬਿਹਤਰੀ ਨਹੀਂ ਵਿਖਾਈ ਦਿੰਦੀ। 

          ਪਿੰਡ ਦੇ ਬਾਹਰਲੇ ਪਾਸੇ ਬੰਬੀਹਾ ਰੋਡ ’ਤੇ ਛੱਪੜ ਭਰ ਕੇ ਬਣਾਏ ਜਿੰਮ ਖਾਨਾ, ਪੰਚਾਇਤ ਘਰ, ਵਾਲੀਵਾਲ ਗਰਾਊਂਡ ਅਤੇ 62 ਲੱਖ ਰੁਪਏ ਦੀ ਲਾਗਤ ਵਾਲੇ ਛੈੱਡ ’ਤੇ ਆਧਾਰਤ ਕਮਿਊਨਿਸਟ ਸੈਂਟਰ ਨੂੰ ‘ਆਦਰਸ਼ ਵਿਕਾਸ’ ਗਰਦਾਨਿਆ ਜਾ ਰਿਹਾ ਹੈ। ਬਿਨ੍ਹਾਂ ਚਾਰਦੀਵਾਰੀ ਵਾਲਾ ਕਮਿਊਨਿਟੀ ਸੈਂਟਰ ਮੀਂਹ-ਝੱਖੜ ਜਾਂ ਧੁੱਪ ਤੋਂ ਬਚਾਅ ਲਈ ਰੱਤੀ ਭਰ ਵੀ ਸਮਰਥ ਨਹੀਂ। ਪਿੰਡ ਦੇ ਬਾਹਰਲੇ ਪਾਸੇ ਕੀਤੇ ਇਸ ਵਿਕਾਸ ਦਾ ਬੁਨਿਆਦੀ ਲੋੜਾਂ ਲਈ ਜੂਝਦੇ ਲੋਕਾਂ ਨੂੰ ਬੁਨਿਆਦੀ ਪੱਖੋਂ ਕੋਈ ਸਿੱਧਾ ਲਾਹਾ ਨਹੀਂ। 

         ਆਦਰਸ਼ ਹੋਣ ਲਈ ਗਰਾਮ ਪੰਚਾਇਤ ਨੇ ਮਤਾ ਪਾ ਕੇ ਪਿੰਡ ਵਿਚੋਂ ਸ਼ਰਾਬ ਦਾ ਠੇਕਾ ਚੁਕਵਾਇਆ ਸੀ ਪਰ ਹੁਣ ਘਰ-ਘਰ ਸ਼ਰਾਬ ਦੇ ਨਜਾਇਜ਼ ਠੇਕੇ ਖੁੱੱਲ੍ਹ ਗਏ ਹਨ। ਨਜਾਇਜ਼ ਸ਼ਰਾਬ ਪਿੰਡ ਵਾਸੀਆਂ ਲਈ ਵੱਡੀ ਸਮੱਸਿਆ ਬਣ ਚੁੱਕੀ ਹੈ। 

ਆਦਰਸ਼ ਪਿੰਡ ਦੇ ਬਾਸ਼ਿੰਦੇ ਅੱਜ ਵੀ ਮਨੁੱਖੀ ਅਤੇ ਪਸ਼ੂ ਸਿਹਤ ਸੇਵਾਵਾਂ ਲਈ ਗੁਆਂਢੀ ਪਿੰਡ ਬਾਦਲ ’ਤੇ ਮੁਨਹੱਸਰ ਹਨ। ਕਿਰਸਾਨੀ ਕਿੱਤੇ ਦਾ ਅਹਿਮ ਅਦਾਰਾ ਸਹਿਕਾਰੀ ਸੁਸਾਇਟੀ ਵੀ ਤੁਰਦੀ ਫਿਰਦੀ ‘ਫੇਰੀ ਵਾਲੀ’ ਹਾਲਤ ਵਿੱਚ ਹੈ। ਜਿਸਨੂੰ ਆਪਣੇ ਸੰਦ ਅਤੇ ਸਾਜੋ-ਸਮਾਨ ਸਾਂਭਣ ਲਈ ਗੋਦਾਮ ਤਾਂ ਦੂਰ ਲੋੜੀਂਦਾ ਦਫ਼ਤਰ ਤੱਕ ਨਸੀਬ ਨਹੀਂ ਹੋ ਸਕਿਆ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਵਕਾਰੀ ਸਕੀਮ ‘ਸਵੱਛਤਾ ਮੁਹਿੰਮ’ ਦਾ ਪਿੰਡ ਮਾਨਾ ਅੰਦਰ ਕਿਧਰੇ ਨਾਮੋ-ਨਿਸ਼ਾਨ ਵਿਖਾਈ ਨਹੀਂ ਦਿੰਦਾ। ਪਿੰਡ ਦੀਆਂ ਬਹੁਗਿਣਤੀ ਗਲੀਆਂ ਅਤੇ ਚੌਰਾਹਿਆਂ ’ਤੇ ਰੂੜ੍ਹੀਆਂ ਦੇ ਢੇਰ ਅਤੇ ਛੱਪੜ ਦਾ ਹਰਾ ਕਾਈ ਵਾਲਾ ਪਾਣੀ ਪਿੰਡ ਦੇ ਹਕੀਕੀ ਹਾਲਾਤਾਂ ਨੂੰ ਖੁਦ-ਬ-ਖੁਦ ਬਿਆਨ ਕਰਦੇ ਹਨ। ਪਿੰਡ ਨੂੰ ਹਰਿਆ-ਭਰਿਆ ਕਰਨ ਕੇਂਦਰੀ ਮੰਤਰੀ ਦੀ

ਪ੍ਰੇਰਨਾ ਸਕਦਾ ਲਗਾਏ ਸੈਂਕੜੇ ਪੌਦਿਆਂ ਵਿਚੋਂ ਬਹੁਗਿਣਤੀ ਸਰਕਾਰੀ ਅਣਦੇਖੀ ਅਤੇ ਪਿੰਡਾਂ ਵਾਸੀਆਂ ਵੱਲੋਂ ਸਾਂਭ ਦੀ ਥੁੜ ਕਰਕੇ ਪਰਵਾਨ ਚੜ੍ਹਨ ਤੋਂ ਪਹਿਲਾਂ ਆਪਣੀ ਹੋਣੀ ਹੰਢਾ ਗਏ। ਪਿੰਡ ਦੇ ਛੱਪੜ ਵਿੱਚੋਂ ਕੱਢੀ ਗਾਰ ਦੇ ਢੇਰ ਸਮੱਸਿਆਵਾਂ ਨੂੰ ਵਧਾ ਰਹੇ ਹਨ। ਚਿੱਕੜ ਅਤੇ ਗਾਰੇ ਨਾਲ ਭਰੀ ਫਿਰਨੀ ਆਪਣੀ ਦਿੱਖ ਸੁਧਰਨ ਲਈ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਦੇ ਕਦਮਾਂ ਦੀ ਆਹਟ ਲੋਚਦੀ ਹੈ। ਹਾਲਾਂਕਿ ਪਿੰਡ ਮਾਨ ਵਿੱਚ ਲੰਬੀ ਹਲਕੇ ਦੇ ਹੋਰਨਾਂ ਪਿੰਡਾਂ ਵਾਂਗ 8 ਕਰੋੜ ਰੁਪਏ ਦੀ ਲਾਗਤ ਨਾਲ ਗਲੀਆਂ ਨਾਲੀਆਂ ਨੂੰ ਪੱਕਾ ਕੀਤਾ ਜਾਣਾ ਹੈੈ। ਜਿਸ ਤਹਿਤ ਸਿਰਫ਼ 10-11 ਗਲੀਆਂ ਹੀ ਸੀਮੇਂਟਿਡ ਹੋ ਸਕੀਆਂ ਹਨ ਜਿਨ੍ਹਾਂ ਵਿਚੋਂ ਬਹੁਤੀਆਂ ਅਜੇ ਅਧੂਰੀਆਂ ਹਨ। 

          ਪਿੰਡ ਦੀ ਹਾਲਤ ਬਿਆਨਦੀ ਹੈ ਕਿ ਆਦਰਸ਼ ਪਿੰਡ ਪ੍ਰਤੀ ਜ਼ਿਲ੍ਹਾ ਪ੍ਰਸ਼ਾਸਨ ਦੇ ਉਪਰਾਲੇ ਵੀ ਕੇਂਦਰੀ ਮੰਤਰੀ ਬੀਬੀ ਹਰਸਿਮਰਤ ਕੌਰ ਦੇ ਦੌਰਿਆਂ ਤੱਕ ਹੀ ਮਹਿਜ਼ ਦਸਤਾਵੇਜੀ ਹੀ ਹਨ। ਪਿੰਡ ਵਾਸੀਆਂ ਨੇ ਕਿਹਾ ਕਿ ਅਧਿਕਾਰੀ ਸਿਰਫ਼ ਖਾਣਾਪੂਰਤੀ ਲਈ ਉਨ੍ਹਾਂ ਨਾਲ ਮੀਟਿੰਗ ਕਰਕੇ ਕੇਂਦਰੀ ਮੰਤਰੀ ਮੂਹਰੇ ਨੰਬਰ ਬਣਾਉਣ ਨੂੰ ਤਰਜੀਹ ਦਿੰਦੇ ਹਨ। 

          ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਆਦਰਸ਼ ਪਿੰਡ ’ਚ ਵਿਕਾਸ ਕਿਧਰੇ ਵਿਖਾਈ ਨਹੀਂ ਦੇ ਰਿਹਾ। ਰਾਤਾਂ ਨੂੰ ਹਨ੍ਹੇਰੇ ਦੂਰ ਕਰਨ ਲਈ ਆਈਆਂ ਸੋਲਰ ਲਾਈਟਾਂ ਵੀ ਵੱਡਿਆਂ ਦੇ ਘਰਾਂ ਦੇ ਬੂਹੇ ਰੁਸ਼ਨਾਉਣ ਤੱਕ ਸੀਮਤ ਹਨ ਅਤੇ ਗਰੀਬਾਂ ਦੇ ਗਲੀ-ਦਰਵਾਜੇ ਅਜੇ ਵੀ ਹਨ੍ਹੇਰਿਆਂ ਦੇ ਵੱਸ ਪਏ ਹੋਏ ਹਨ। ਗੁਰਦੁਆਰਾ ਖੇਤਰ ਵਿੱਚ ਭਰਦੇ ਬਰਸਾਤੀ ਪਾਣੀ ਦੀ ਛੱਪੜ ਵਿੱਚੋਂ ਟਿਊਬਵੈੱਲਾਂ ਰਾਹੀਂ ਨਿਕਾਸੀ ਦੀ ਮੰਗ ਵੀ ਜ਼ਿਲ੍ਹਾ ਪ੍ਰਸ਼ਾਸਨ ਦੀਆਂ ਫਾਈਲਾਂ ਵਿੱਚ ਗੁਆਚ ਗਈ। ਪ੍ਰਸ਼ਾਸਨ ਤਾਂ ਆਦਰਸ਼ ਪਿੰਡ ਪ੍ਰਤੀ ਇੰਨਾ ਜਾਗਰੂਕ ਹੈ ਕਿ ਡੇਢ ਹਫ਼ਤੇ ਪਹਿਲਾਂ ਪਾਣੀ ਸਪਲਾਈ ਪਾਈਪਾਂ ਦੀ ਦਰੁੱਸਤੀ ਲਈ ਗਊਸ਼ਾਲਾ ਮੂਹਰੇ ਚੌਰਸਤੇ ’ਤੇ ਪੁੱਟੇ ਡੂੁੰਘੇ ਟੋਏ ਅੱਜ ਜਿਉਂ ਦੀ ਤਿਉਂ ਹਨ। 

ਮਾਨਾ ਦੇ ਆਦਰਸ਼ ਪਿੰਡ ਚੁਣੇ ਜਾਣ ਮਗਰੋਂ ਬਠਿੰਡਾ ਲੋਕਸਭਾ ਹਲਕੇ ਤੋਂ ਸੰਸਦ ਮੈਂਬਰ ਬੀਬੀ ਹਰਸਿਮਰਤ ਕੌਰ ਬਾਦਲ ਹੁਣ ਤੱਕ ਲਗਪਗ 5 ਫੇਰੇ ਲਗਾ ਕੇ ਪਿੰਡ ਦੇ ਨੈਣ ਨਕਸ਼ ਬਦਲਣ ਲਈ ਉਪਰਾਲੇ ਕਰ ਚੁੱਕੇ ਹਨ। ਉਂਝ ਅੌਰਤਾਂ ਦੇ ਜੀਵਨ ਪੱਧਰ ਨੂੰ ਸੁਧਾਰਨ ਲਈ ‘ਨੰਨ੍ਹੀ ਛਾਂ’ ਪ੍ਰਾਜੈਕਟ ਤਹਿਤ ਲਗਪਗ 3 ਦਰਜਨ ਅੌਰਤਾਂ ਸਿਲਾਈ-ਕਢਾਈ ਸਿੱਖ ਚੁੱਕੀਆਂ ਹਨ ਅਤੇ ਸਵੈ-ਸਹਾਇਤਾ ਗਰੁੱਪਾਂ ਤਹਿਤ ਕਈ ਅੌਰਤਾਂ ਨੂੰ ਰੁਜ਼ਗਾਰ ਹਾਸਲ ਹੋਇਆ ਹੈ। 28 ਮਈ 2015 ਨੂੰ  ਆਦਰਸ਼ ਪਿੰਡ ਮਾਨ ’ਚ ਇੱਕ ਰੋਜ਼ਾ ਫੂਡ ਪ੍ਰੋਸੈਸਿੰਗ ਸਬੰਧੀ ਸਿਖਲਾਈ ਵਰਕਸ਼ਾਪ ਲਗਾ ਕੇ ਪਿੰਡ ਵਾਸੀਆਂ ਨੂੰ ਜਾਗਰੂਕ ਕੀਤਾ ਗਿਆ ਹੈ। ਪ੍ਰਸ਼ਾਸਨ ਅਤੇ ਕੇਂਦਰੀ ਮੰਤਰੀ ਕਾਫ਼ੀ ਕੋਸ਼ਿਸ਼ਾਂ ਬਾਅਦ ਵੀ ਆਦਰਸ਼ ਪਿੰਡ ਦੇ ਲੋਕਾਂ ਨੂੰ ਸੋਚ ਅਤੇ ਸਾਫ਼-ਸਫ਼ਾਈ ਪੱਖੋਂ ਆਦਰਸ਼ ਬਣਾਉਣ ਵਿੱਚ ਸਫ਼ਲਤਾ ਤੋਂ ਬੇਹੱਦ ਪਿੱਛੇ ਰਹੇ ਹਨ।  

             ਪਿੰਡ ਦੇ ਅਕਾਲੀ ਸਰਪੰਚ ਤੇਜਾ ਸਿੰਘ ਕਹਿਣਾ ਸੀ ਕਿ ਆਦਰਸ਼ ਮਾਨਾ ਵਿੱਚ ਸਰਕਾਰ ਨੇ ਕਮਿਊਨਿਟੀ ਸੈਂਟਰ, ਪੰਚਾਇਤ ਘਰ ਅਤੇ ਜਿੰਮ ਖਾਨਾ ਬਣਾਇਆ ਹੈ। ਗਲੀਆਂ-ਨਾਲੀਆਂ ਬਣਾਉਣ ਦਾ ਕਾਰਜ ਵੱਡੇ ਪੱਧਰ ’ਤੇ ਜਾਰੀ ਹੈ ਅਤੇ ਸਾਰੀਆਂ ਗਲੀਆਂ ਬਣਨਗੀਆਂ। ਉਨ੍ਹਾਂ ਫਿਰਨੀ ਦੀ ਮਾੜੀ ਹਾਲਤ ਬਾਰੇ ਕਿਹਾ ਕਿ ਨਜਾਇਜ਼ ਕਬਜ਼ੇ ਹੋਣ ਕਰਕੇ ਸੜਕ ਨਵੀਂ ਨਹੀਂ ਬਣ ਰਹੀ।

ਮਾੜੀ ਹੋਈ ਸੁਖਬੀਰ ਬਾਦਲ ਨਾਲ

-  ਗੀਤ ਸੁਣਨ ਦੇ ਚਾਹਵਾਨਾਂ ਨੇ ਉਪ ਮੁੱਖ ਮੰਤਰੀ ਨੂੰ ਸੰਬੋਧਨ ਕਰਨੋਂ ਰੋਕਿਆ 

- ਢਾਈ ’ਚ ਖ਼ਤਮ ਕਰਨਾ ਪਿਆ ਭਾਸ਼ਨ

ਇਕਬਾਲ ਸਿੰਘ ਸ਼ਾਂਤ

ਲੰਬੀ : ਬਾਦਲਾਂ ਦੇ ਗੜ੍ਹ ਲੰਬੀ ’ਚ ਮਕਬੂਲ ਲੋਕ ਗਾਇਕ ਲਾਭ ਹੀਰਾ ਦੀ ਗਾਇਕੀ ਦੇ ਚਾਹਵਾਨਾਂ ਨੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੂੰ ਢਾਈ ਮਿੰਟ ਵੀ ਬੋਲਣ ਨਾ ਦਿੱਤਾ। ਲੰਬੀ ਹਲਕੇ ਦੇ ਇਤਿਹਾਸ ’ਚ ਪਹਿਲਾ ਮੌਕਾ ਸੀ ਜਦੋਂ ਮੁੱਖ ਮੰਤਰੀ ਬਾਦਲ ਪਰਿਵਾਰ ਦੇ ਪ੍ਰਮੁੱਖ ਮੈਂਬਰ ਨੂੰ ਸਟੇਜ ’ਤੇ ਅਜਿਹੇ ਦਾ ਹਾਲਾਤਾਂ ਦਾ ਸਾਹਮਣਾ ਕਰਨਾ ਪਿਆ। ਦਰਅਸਲ ਕੱਲ੍ਹ ਦੇਰ ਸ਼ਾਮ ਲੰਬੀ ਵਿਖੇ ਸ਼ਹੀਦ ਬਾਬਾ ਜੀਵਨ ਸਿੰਘ ਜੀ ਸਮਾਜ ਭਲਾਈ ਸੰਸਥਾ ਵੱਲੋਂ 9ਵਾਂ ਸੱਭਿਆਚਾਰਕ ਮੇਲਾ

ਕਰਵਾਇਆ ਸੀ। ਜਿਸ ਵਿੱਚ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਬਤੌਰ ਮੁੱਖ ਮਹਿਮਾਨ ਸ਼ਾਮਲ ਹੋਏ ਸਨ। ਸੱਭਿਆਚਾਰਕ ਮੇਲਾ ਬੜੇ ਸੁਚੱਜੇ ਮਾਹੌਲ ਵਿੱਚ ਚੱਲ ਰਿਹਾ ਸੀ। ਲੋਕ ਗਾਇਕਾ ਅਨਮੋਲ ਗਗਨ ਮਾਨ ਦੀ ਪੇਸ਼ਕਾਰੀ ਉਪਰੰਤ ਪ੍ਰਬੰਧਕਾਂ ਨੇ ਸੱਭਿਆਚਾਰਕ ਪ੍ਰੋਗਰਾਮ ’ਤੇ ਬਰੇਕਾਂ ਲਗਾ ਕੇ ਉਪ ਮੁੱਖ ਮੰਤਰੀ ਨੂੰ ਛੇਤੀ ਫਾਰਗ ਕਰਨ ਦੇ ਲਿਹਾਜ਼ ਨਾਲ ਉਨ੍ਹਾਂ ਦਾ ਸੰਬੋਧਨ ਅਤੇ ਹੋਰਨਾਂ ਮਹਿਮਾਨਾਂ ਨੂੰ ਸਨਮਾਨਤ ਕਰਵਾਉਣ ਸ਼ੁਰੂ ਦਿੱਤੇ। ਜਦੋਂ ਸਟੇਜ ਤੋਂ ਸੁਖਬੀਰ ਸਿੰਘ ਬਾਦਲ ਨੇ ਤਕਰੀਰ ਵਿੱਢੀ ਤਾਂ ਉਸੇ ਦੌਰਾਨ ਗਾਇਕ ਲਾਭ ਹੀਰਾ ਵੀ ਗਾਇਕਾਂ ਵਾਲੀ ਸਟੇਜ ’ਤੇ ਪੁੱਜ ਗਿਆ। ਜਿਸ ’ਤੇ ਪਹਿਲਾਂ ਤੋਂ ਸੱਭਿਆਚਾਰਕ ਪ੍ਰੋਗਰਾਮ ’ਤੇ ਬਰੇਕਾਂ ਲੱਗਣ ਤੋਂ ਤ੍ਰਭਕੇ ਕਾਫ਼ੀ ਗਿਣਤੀ ਦਰਸ਼ਕ ਉੱਚੀ ਚੀਕਾਂ ਮਾਰ-ਮਾਰ ਕੇ ਸੁਖਬੀਰ ਨੂੰ ਆਖਣ ਲੱਗੇ ਕਿ ‘ਤੁਸੀਂ ਆਪਣਾ ਭਾਸ਼ਨ ਬੰਦ ਕਰ ਦਿਓ ਅਤੇ ਅਸੀਂ ਲਾਭ ਹੀਰਾ ਨੂੰ ਸੁਣਨ ਆਏ ਹਾਂ।’ ਅਚਨਚੇਤ ਪੈਦਾ ਹੋਏ ਅਣਕਿਆਸੇ ਹਾਲਾਤਾਂ ’ਚ ਸੁਖਬੀਰ ਸਿੰਘ ਬਾਦਲ ਨੇ ਮਾਹੌਲ ਦਾ ਰੁੱਖ ਬਦਲਣ ਲਈ ਆਖਿਆ ਕਿ ‘ਮੈਂ ਵੀ ਤੁਹਾਡੇ ਵਾਂਗ ਇੱਥੇ ਗਾਣੇ ਸੁਣਨ ਹੀ ਆਇਆ ਹਾਂ। ਲਗਪਗ ਢਾਈ ਮਿੰਟਾਂ ਦੇ ਭਾਸ਼ਨ ਦੌਰਾਨ ਉਨ੍ਹਾਂ ਨੌਜਵਾਨਾਂ ਨੂੰ ਟਿਕਾਉਣ ਦੇ ਲਹਿਜ਼ੇ ’ਚ ਕਿਹਾ ਕਿ ਛੇਤੀ ਪਿੰਡ ਬਾਦਲ ’ਚ ਮੇਲਾ ਕਰਵਾ ਸਾਰੇ ਗਾਇਕਾਂ ਨੂੰ ਬੁਲਾ ਕੇ ਤੁਹਾਨੂੰ ਖੁਸ਼ ਕਰ ਦਿਆਂਗੇ ਪਰ ਨੌਜਵਾਨਾਂ ਦੇ ਲਾਭ ਹੀਰਾ ਪ੍ਰਤੀ ਖਿੱਚ ਮੂਹਰੇ ਉਪ ਮੁੱਖ ਮੰਤਰੀ ਅਗਲੇ ਚਾਰ-ਮਹੀਨਿਆਂ ’ਚ 200 ਕਰੋੜ ਰੁਪਏ ’ਚ ਹਲਕੇ ਦੇ ਸਾਰੇ ਪਿੰਡਾਂ ਦਾ ਵਿਕਾਸ ਕਰਵਾ ਕੇ ਦੀ ਨਕਸ਼-ਨੁਹਾਰ ਬਦਲਣ ਦੀ ਗੱਲ ਆਖ ਕੇ ਆਪਣੇ ਸ਼ਬਦਾਂ ਨੂੰ ਵਿਰਾਮ ਦੇ ਗਏ। ਸੁਖਬੀਰ ਦੇ ਭਾਸ਼ਨ ਦੌਰਾਨ ਅਵਤਾਰ ਸਿੰਘ

ਵਣਵਾਲਾ ਅਤੇ ਤੇਜਿੰਦਰ ਸਿੰਘ ਮਿੱਡੂਖੇੜਾ ਨੇ ਨੌਜਵਾਨਾਂ ਨੂੰ ਠੱਲ੍ਹ ਪਾਉਣ ਦੀ ਕੋਸ਼ਿਸ਼ ਕੀਤੀ। ਮੇਲੇ ’ਚ ਲਾਭ ਹੀਰਾ ਸਮੇਤ ਹੋਰਨਾਂ ਗਾਇਕਾਂ ਨੂੰ ਸੁਣਨ ਲਈ ਸੰਗਰੂਰ ਤੋਂ ਟਰੱਕ ਭਰ ਕੇ ਲੋਕ ਆਏ ਸਨ। ਸਮਾਗਮ ’ਚ ਸੁਖਬੀਰ ਨਾਲ ਸਟੇਜ ’ਤੇ ਚੜ੍ਹਨ ਦੀ ਸੂਚੀ ’ਚ ਸੂਚੀ ਨਾ ਸ਼ਾਮਲ ਹੋਣ ਕਰਕੇ ਸਾਬਕਾ ਅਕਾਲੀ ਸਰਪੰਚ ਦੀ ਸੁਖਬੀਰ ਦੇ ਸੁਰੱਖਿਆ ਅਮਲੇ ਨਾਲ ਕਾਫ਼ੀ ਦੇਰ ਤੱਕ ਕਸ਼ਮਕਸ਼ ਚੱਲੀ। ਜਿਸਨੂੰ ਮੇਲੇ ’ਚ ਮੌਜੂਦ ਸਮੁੱਚੀ ਭੀੜ ਨੇ ਅੱਖੀ ਵਾਚਿਆ।  ਇਸ ਨੌਵੇਂ ਸਭਿਆਚਾਰਕ ਮੇਲੇ ਵਿਚ ਸਭ ਤੋਂ ਪਹਿਲਾਂ ਡਾ. ਕੁਲਦੀਪ ਸਿੰਘ ਦੀਪ ਦਾ ਲਿਖਿਆ ਤੇ ਨਿਰਦੇਸ਼ਤ ਨਾਟਕ ‘ਗਿਰਝਾਂ’ ਸ਼ਹੀਦ ਭਗਤ ਸਿੰਘ ਕਲਾ ਕੇਂਦਰ ਬੋਹਾ ਵੱਲੋਂ ਪੇਸ਼ ਕੀਤਾ ਗਿਆ, ਜੋ ਵੱਖ-ਵੱਖ ਸਮਾਜਿਕ ਬੁਰਾਈਆਂ ਪ੍ਰਤੀ ਲੋਕਾਂ ਨੂੰ ਚੇਤਨ ਕਰਦਾ ਹੈ। ਨਾਟਕ ਤੋਂ ਬਾਅਦ ਸਿਕੰਦਰ ਸਲੀਮ, ਅਨਮੋਲ ਗਗਨ ਮਾਨ ਅਤੇ ਲਾਭ ਹੀਰਾ ਨੇ ਆਪਣੀ ਗਾਇਕੀ ਨਾਲ ਲੋਕਾਂ ਦਾ ਖੂਬ ਮਨੋਰੰਜਨ ਕੀਤਾ। ਮੇਲੇ ਦੇ ਮੁੱਖ ਪ੍ਰਬੰਧਕ ਅਤੇ ਮਾਲਵਾ ਸਾਹਿਤ ਸਭਿਆਚਾਰ ਸੋਸਾਇਟੀ (ਰਜਿ.) ਪੰਜਾਬ ਦੇ ਪ੍ਰਧਾਨ ਡਾ. ਗੁਰਸੇਵਕ ਸਿੰਘ ਲੰਬੀ ਨੇ ਆਏ ਹੋਏ ਮਹਿਮਾਨਾਂ ਨੂੰ ਜੀ ਆਇਆਂ ਆਖਦਿਆਂ ਸੁਸਾਇਟੀ ਦੀ ਸਲਾਨਾ ਰਿਪੋਰਟ ਪੇਸ਼ ਕੀਤੀ। - 98148-26100

 

ਲੰਬੀ ਹਲਕੇ 'ਚ ਯੂਥ ਕਾਂਗਰਸ ਦੀ ਭਰਤੀ ਮੁਹਿੰਮ 'ਚ ਵੱਡੇ ਪੱਧਰ 'ਤੇ ਘਪਲੇਬਾਜ਼ੀ

-ਯੂਥ ਕਾਂਗਰਸ ਦਾ ਕਾਰਾ : ਪਿੰਡਾਂ ਦੀਆਂ ਗਲੀਆਂ, ਮੁਹੱਲੇ ਅਤੇ ਢਾਣੀਆਂ ਨੂੰ ਦਰਸਾਇਆ 'ਪੰਚਾਇਤਾਂ'

-82 ਪੰਚਾਇਤਾਂ ਵਾਲੇ ਲੰਬੀ ਹਲਕੇ 'ਚ ਯੂਥ ਕਾਂਗਰਸ ਨੇ ਬਣਾਈਆਂ 106 ਪੰਚਾਇਤਾਂ

-61 ਵੋਟਾਂ ਵਾਲੇ 'ਰਾਸਤਾ ਦਿਓਣ ਖੇੜਾ' ਵਿੱਚ ਕੀਤੀ 470 ਮੈਂਬਰਾਂ ਦੀ ਕੀਤੀ-

                                                     

                                                                         ਇਕਬਾਲ ਸਿੰਘ ਸ਼ਾਂਤ

ਲੰਬੀ ï ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਜੱਦੀ ਹਲਕੇ ਲੰਬੀ ਅੰਦਰ ਵਿਰੋਧੀ ਧਿਰ ਯੂਥ ਕਾਂਗਰਸ ਦੀ ਭਰਤੀ ਮੁਹਿੰਮ 'ਚ ਵੱਡੇ ਪੱਧਰ 'ਤੇ ਨਿਰੀ ਘਪਲੇਬਾਜ਼ੀ ਅਤੇ ਫਰਜੀਵਾੜਾ ਸਾਹਮਣੇ ਆਇਆ ਹੈ। ਆਲ ਇੰਡੀਆ ਕਾਂਗਰਸ ਦੀ ਵੈਬਸਾਈਟ

www.iyc.inਅਨੁਸਾਰ ਲੰਬੀ ਵਿਧਾਨਸਭਾ ਹਲਕੇ ਵਿੱਚ 106 ਪੰਚਾਇਤਾਂ ਹਨ, ਜਦੋਂਕਿ ਪੰਜਾਬ ਪੰਚਾਇਤ ਅਤੇ ਵਿਕਾਸ ਵਿਭਾਗ ਅਨੁਸਾਰ ਲੰਬੀ ਹਲਕੇ ਵਿਚ ਸਿਰਫ਼ 82 ਪੰਚਾਇਤਾਂ ਅਤੇ 70 ਪਿੰਡ ਹਨ। ਕਾਂਗਰਸ ਦੇ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਵੱਲੋਂ ਆਮ ਵਰਕਰਾਂ ਨੂੰ ਯੂਥ ਕਾਂਗਰਸ 'ਚ ਅਗਾਂਹ ਲਿਆਉਣ ਦੀਆਂ ਕੋਸ਼ਿਸ਼ਾਂ ਨੂੰ ਖੋਰਾ ਲਾ ਕੇ ਜਥੇਬੰਦਕ ਢਾਂਚੇ 'ਤੇ ਕਬਜ਼ਾ ਕਰਨ ਦੀਆਂ ਕੋਸ਼ਿਸ਼ਾਂ ਤਹਿਤ ਪਿੰਡਾਂ ਦੀਆਂ ਗਲੀਆਂ, ਮੁਹੱਲਿਆਂ ਅਤੇ ਢਾਣੀਆਂ ਨੂੰ ਪੰਚਾਇਤਾਂ ਦਰਸਾਇਆ ਗਿਆ ਹੈ। ਜਿਨਖ਼ਾਂ ਅਨੁਸਾਰ ਢਾਣੀ ਮੋਘੀ ਵਾਲਿਆਂ ਦੀ, ਨਵਾਂ, ਰਾਏਕਾ, ਕੁੱਤੀਆਂ, ਹਰੀਜਨ ਬਸਤੀ, ਭਾਈ ਕਾ ਪੱਤੀ, ਕਾਬਲ ਰਾਮ ਦਾ ਵਿਹੜਾ, ਢਾਣੀ ਅਤੇ ਕਾਲੋਨੀ, ਢਾਣੀਆਂ, ਢਾਣੀ ਐਡਵੋਕੇਟ, ਢਾਣੀ ਬਰਕੀ ਵਾਲਾ, ਚੱਕੀ ਅਜੈਬ ਸਿੰਘ, ਬਲਰਾਜ ਸਿੰਘ ਵਾਲੀ ਗਲੀ ਢਾਣੀਆਂ, ਬਾਜੀਗਰ ਢਾਣੀ, ਢਾਣੀ ਕੋਰੀਆਂ ਅਤੇ ਕਿੱਤੇ ਆਦਿ ਲੰਬੀ ਹਲਕੇ ਦੀਆਂ ਪੰਚਾਇਤਾਂ ਹਨ। ਬੜੀ ਨਾਸਮਝੀ ਨਾਲ ਕੀਤੇ ਗਏ ਫਰਜੀਵਾੜੇ ਤਹਿਤ ਗੁਆਂਢੀ ਸੂਬੇ ਹਰਿਆਣਾ ਦੇ ਪਿੰਡ ਲੋਹਗੜਖ਼ (ਕੋਡ ਨੰਬਰ 083064) ਨੂੰ ਲੰਬੀ ਹਲਕੇ ਦੀ ਪੰਚਾਇਤ ਵਜੋਂ ਦਰਜ ਕੀਤਾ ਹੈ। ਇਸਦੇ ਇਲਾਵਾ ਬੱਲੂਆਣਾ ਹਲਕੇ ਦੇ ਪਿੰਡ ਬਹਾਦਰ ਖੇੜਾ ਅਤੇ ਬਠਿੰਡਾ ਦਿਹਾਤੀ ਦੇ ਪਿੰਡ ਰਾਏਕੇ ਕਲਾਂ ਨੂੰ ਲੰਬੀ ਹਲਕੇ ਦਾ ਹਿੱਸਾ ਬਣਾ ਦਿੱਤਾ ਗਿਆ ਹੈ। 

ਸਿਆਸੀ ਪੱਖੋਂ ਲੰਬੀ ਜਿਹੇ ਅਹਿਮ ਹਲਕੇ 'ਚ ਯੂਥ ਕਾਂਗਰਸ ਦੀ ਭਰਤੀ 'ਚ ਘਪਲੇਬਾਜ਼ੀ ਹੋ ਸਕਦੀ ਹੈ ਤਾਂ ਪੰਜਾਬ ਦੇ ਹੋਰਨਾਂ ਹਲਕਿਆਂ 'ਚ ਇਸ ਨਾਲ ਵੱਡੇ ਘਪਲੇ ਸਾਹਮਣੇ ਆ ਸਕਦੇ ਹਨ। ਯੂਥ ਕਾਂਗਰਸ ਦੇ ਸੂਤਰਾਂ ਅਨੁਸਾਰ ਸਰਮਾਏਦਾਰ ਅਤੇ ਸਥਾਪਿਤ ਆਗੂ ਦੇ ਨੌਨਿਹਾਲਾਂ ਵੱਲੋਂ ਸਿਆਸਤ ਸਿਤਾਰੇ ਬਣਨ ਲਈ ਪੈਸੇ ਦੇ ਬਲਬੂਤੇ 'ਤੇ ਇੰਝ ਹੀ ਕਥਿਤ ਫਰਜੀ ਮੈਂਬਰਸ਼ਿਪ ਜਰੀਏ ਅਹੁਦੇਦਾਰੀਆਂ ਹਾਸਲ ਕੀਤੀਆਂ ਜਾਂਦੀਆਂ ਹਨ। 

ਜ਼ਿਕਰਯੋਗ ਹੈ ਕਿ ਇਸ ਮਾਮਲੇ 'ਚ ਕੀਤੀ ਘੋਖਵੀਂ ਪੜਤਾਲ ਤੋਂ ਸਾਹਮਣੇ ਆਇਆ ਹੈ ਕਿ ਆਲ ਇੰਡੀਆ ਯੂਥ ਕਾਂਗਰਸ ਦੀ ਵੈਬਸਾਈਟ 'ਤੇ ਦਰਸਾਈਆਂ ਫਰਜ਼ੀ ਪੰਚਾਇਤਾਂ ਦੇ ਨਾਂਅ ਪੰਜਾਬ ਚੋਣ ਕਮਿਸ਼ਨ ਦੀਆਂ ਚੋਣ ਸੂਚੀਆਂ 'ਚ ਲੰਬੀ ਹਲਕੇ ਦੇ ਵੱਖ-ਵੱਖ ਚੋਣ ਬੂਥਾਂ ਦੇ ਸੈਕਸ਼ਨਾਂ ਦੇ ਨਾਂਅ ਹਨ। ਜਿਨਖ਼ਾਂ ਨੂੰ ਪਾਰਟੀ ਢਾਂਚੇ ਅੰਦਰ ਫਰਜੀਵਾੜੇ ਤਹਿਤ ਪੰਚਾਇਤਾਂ ਦਾ ਰੂਪ ਦੇ ਦਿੱਤਾ ਗਿਆ। ਜਿਨਖ਼ਾਂ ਵਿੱਚ ਵੱਡੇ ਪੱਧਰ 'ਤੇ ਜਾਅਲੀ ਭਰਤੀ ਕੀਤੀ ਗਈ ਹੈ। ਯੂਥ ਕਾਂਗਰਸ ਦੇ ਆਗੂਆਂ ਦਾ ਦੋਸ਼ ਹੈ ਕਿ ਅਕਾਲੀ ਦਲ ਦੇ ਲੋਕਾਂ ਦੀ ਮਿਲੀਭੁਗਤ ਸਦਕਾ ਲੰਬੀ ਹਲਕੇ 'ਚ ਯੂਥ ਕਾਂਗਰਸ ਨੂੰ ਖੋਖਲਾ ਅਤੇ ਉਸਦੇ ਜਥੇਬੰਦਕ ਢਾਂਚੇ 'ਤੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਤਹਿਤ ਇਹ ਸਮੁੱਚਾ ਫਰਜੀਵਾੜਾ ਅਤੇ ਘਪਲੇਬਾਜ਼ੀ ਕੀਤੀ ਗਈ ਹੈ। ਯੂਥ ਕਾਂਗਰਸ ਦੀ ਸੂਚੀ 'ਚ ਦਰਜ ਫਰਜੀ ਪੰਚਾਇਤਾਂ ਰਾਸਤਾ ਦਿਓਣ ਖੇੜਾ 'ਚ 470 ਮੈਂਬਰ, ਢਾਣੀ ਮੋਘੀ ਵਾਲਿਆਂ ਦੀ ਵਿਖੇ 40 ਮੈਂਬਰ, ਨਵਾਂ 'ਚ 4 ਵੋਟਾਂ, ਕੁੱਤੀਆਂ 'ਚ 1 ਵੋਟ, ਹਰੀਜਨ ਬਸਤੀ 'ਚ 35 ਵੋਟਾਂ, ਕਾਬਲ ਰਾਮ ਦਾ ਵਿਹੜਾ 'ਚ 23 ਵੋਟਾਂ, ਢਾਣੀ ਐਂਡ ਕਾਲੋਨੀ 'ਚ 31 ਵੋਟਾਂ, ਤੱਖਾਖੇੜਾ 'ਚ 3 ਵੋਟਾਂ, ਢਾਣੀਆਂ 'ਚ 24, ਬਹਾਦੁਰਖੇੜਾ 'ਚ 37, ਢਾਣੀ ਐਡਵੋਕੇਟ 'ਚ 22, ਢਾਣੀ ਬਰਕੀ ਵਾਲਾ 'ਚ 41, ਚੱਕੀ ਅਜੈਬ ਸਿੰਘ 'ਚ 90, ਬਾਜੀਗਰ ਢਾਣੀ 'ਚ 40, ਢਾਣੀ ਕੋਰੀਆਂ 'ਚ 38, ਕਿੱਤੇ 'ਚ 34 ਬਲਰਾਜ ਸਿੰਘ ਗਲੀ ਢਾਣੀਆਂ 'ਚ 38, ਭਾਈ ਕਾ ਪੱਤੀ 'ਚ 36 ਹਨ। ਜਦੋਂਕਿ ਡੱਬਵਾਲੀ ਹਲਕੇ ਦੇ ਪਿੰਡ ਲੋਹਗੜਖ਼ 'ਚ 40 ਮੈਂਬਰ ਅਤੇ ਬੱਲੂਆਣਾ ਹਲਕੇ ਦੇ ਪਿੰਡ ਬਹਾਦਰਖੇੜਾ 'ਚ 37 ਮੈਂਬਰ ਬਣਾਏ ਵਿਖਾਏ ਗਏ ਹਨ। ਇਸਦੇ ਇਲਾਵਾ ਅੰਗਰੇਜ਼ੀ ਦੇ ਸ਼ਬਦਾਂ ਦਾ ਹੇਰ-ਫ਼ੇਰ ਕਰਕੇ ਫੁੱਲੂਖੇੜਾ ਦੀਆਂ ਦੋ ਸੂਚੀਆਂ ਤਿਆਰ ਕੀਤੀਆਂ ਗਈਆਂ ਹਨ ਅਤੇ ਇਸੇ ਤਰਖ਼ਾਂ ਤੱਪਾਖੇੜਾ ਅਤੇ ਤੱਖਾਖੇੜਾ ਨਾਂਅ ਦੀਆਂ ਪੰਚਾਇਤ ਬਣਾ ਦਿੱਤੀਆਂ ਗਈਆਂ ਹਨ। ਜਦੋਂਕਿ ਸੂਚੀ 'ਚ ਪੰਚਾਇਤ ਪਿੰਡ ਕਿੱਲਿਆਂਵਾਲੀ ਨੂੰ ਮੁੱਢੋਂ ਖ਼ਤਮ ਕਰ ਹੀ ਕਰ ਦਿੱਤਾ ਗਿਆ।

 ਅੰਕੜੇ ਬੋਲਦੇ ਹਨ ਕਿ ਜਥੇਬੰਦਕ ਅਹੁਦੇਦਾਰੀਆਂ 'ਤੇ ਕਬਜ਼ਾ ਕਰਨ ਦੀ ਮਨਸ਼ਾ ਨਾਲ ਯੂਥ ਕਾਂਗਰਸ ਦੀ ਭਰਤੀ 'ਚ ਲੰਬੀ ਹਲਕੇ ਵਿੱਚ ਇੰਨੇ ਵੱਡੇ ਪੱਧਰ 'ਤੇ ਘਪਲੇਬਾਜ਼ੀ ਹੋਈ ਹੈ ਕਿ ਸਮੁੱਚੀਆਂ ਧੋਖਾਦੇਹੀਆਂ ਫਿੱਕੀਆਂ ਪੈ ਜਾਂਦੀਆਂ ਹਨ। ਯੂਥ ਕਾਂਗਰਸ ਦੀ ਸੂਚੀ 'ਚ ਪੰਚਾਇਤ ਵਜੋਂ ਦਰਸਾਇਆ 'ਰਾਸਤਾ ਦਿਓਣਖੇੜਾ' ਅਸਲ 'ਚ ਭਾਰਤੀ ਕਮਿਸ਼ਨ ਦੀ ਚੋਣ ਸੂਚੀ 'ਚ ਪਿੰਡ ਕੰਗਣਖੇੜਾ ਦੇ ਬੂਥ ਨੰਬਰ 48 ਦਾ 13 ਸੈਕਸ਼ਨ ਹੈ। ਚੋਣ ਕਮਿਸ਼ਨ ਦੀ ਸੂਚੀ ਮੁਤਾਬਕ ਵੋਟ ਨੰਬਰ 844 ਤੋਂ ਲੈ ਕੇ 905 ਤੱਕ ਸਿਰਫ਼ 61 ਵੋਟਾਂ ਹਨ। ਜਦੋਂਕਿ ਯੂਥ ਕਾਂਗਰਸ ਭਰਤੀ ਮੁਹਿੰਮ ਦੇ ਫਰਜੀਵਾੜੇ ਤਹਿਤ ਪੰਚਾਇਤ ਰਾਸਤਾ ਦਿਓਣਖੇੜਾ 'ਚ 470 ਨੌਜਵਾਨਾਂ ਦੀ ਭਰਤੀ ਵਿਖਾਈ ਗਈ ਹੈ। ਇਸ ਘਪਲੇਬਾਜ਼ੀ ਬਾਰੇ ਯੂਥ ਕਾਂਗਰਸ ਦੇ ਆਗੂ ਈਮੇਲ ਰਾਹੀਂ ਯੂਥ ਕਾਂਗਰਸ ਦੇ ਉੱਚ ਚੋਣ ਅਧਿਕਾਰੀਆਂ ਨੂੰ ਸੂਚਿਤ ਕਰਨ 'ਤੇ ਯੂਥ ਕਾਂਗਰਸ ਦੀ ਵੈਬਸਾਈਟ 'ਤੇ ਪੰਚਾਇਤ ਰਾਸਤਾ ਦਿਓਣਖੇੜਾ ਨੂੰ ਉਸਨੇ ਨਾਲ ਰਲਦੇ ਨਾਂਅ ਵਾਲੇ ਪਿੰਡ ਦਿਓਣਖੇੜਾ ਦੇ ਲਿੰਕ ਵਿੱਚ ਸ਼ਾਮਲ ਕਰਕੇ ਬੁੱਤਾ ਸਾਰ ਦਿੱਤਾ ਗਿਆ। ਜਦੋਂ ਕਿ ਦੂਜੇ ਪਾਸੇ ਪਿੰਡ ਕੰਗਣਖੇੜਾ ਵਿਖੇ ਗੁਰਦੁਆਰੇ 'ਚ ਹੋਕੇ ਅਤੇ ਪ੍ਰਚਾਰ-ਪ੍ਰਸਾਰ ਦੇ ਬਾਵਜੂਦ ਮੈਂਬਰਸ਼ਿਪ ਕੈਂਪ ਦੇ ਬਾਵਜੂਦ ਸਾਧਨ-ਸੰਪੰਨ ਸੱਤਾ ਧਿਰ ਯੂਥ ਅਕਾਲੀ ਦਲ ਵਿੱਚ 189 ਨੌਜਵਾਨ ਭਰਤੀ ਹੋਏ ਹਨ। 

ਲੰਬੀ ਹਲਕੇ ਦੇ ਪਿੰਡ ਕੋਲਿਆਂਵਾਲੀ 'ਚ ਬੂਥ ਨੰਬਰ 45 ਦੇ ਸੈਕਸ਼ਨ 4 ਤਹਿਤ ਦਰਜ 'ਢਾਣੀ ਮੋਘੀਆਂ ਵਾਲੀਆਂ ਦੀ' ਨੂੰ ਵੱਖਰੀ ਗਰਾਮ ਪੰਚਾਇਤ (ਪਿੰਡ) ਦਰਸਾ ਦਿੱਤਾ ਗਿਆ ਹੈ। ਜਿਸ ਵਿੱਚ 40 ਨੌਜਵਾਨਾਂ ਦੀ ਮੈਂਬਰਸ਼ਿਪ ਦਰਸਾਈ ਗਈ ਹੈ। ਦੱਸਣਯੋਗ ਹੈ ਕਿ ਪਿੰਡ ਕੋਲਿਆਂਵਾਲੀ, ਅਕਾਲੀ ਦਲ ਦੇ ਜ਼ਿਲਖ਼ਾ ਪ੍ਰਧਾਨ ਜਥੇਦਾਰ ਦਿਆਲ ਸਿੰਘ ਕੋਲਿਆਂਵਾਲੀ ਦਾ ਜੱਦੀ ਪਿੰਡ ਹੈ। ਜਿੱਥੋਂ ਦੇ ਚੋਣ ਬੂਥ 45 'ਤੇ ਬੀਤੇ ਲੋਕਸਭਾ ਚੋਣਾਂ ਮੌਕੇ ਕਾਂਗਰਸ-ਪੀ.ਪੀ.ਪੀ ਨੂੰ ਪੁਰਸ਼ ਪੋਲਿੰਗ ਏਜੰਟ ਨਹੀਂ ਮਿਲਿਆ ਸੀ। ਮਜ਼ਬੂਰੀਵੱਸ ਚੋਣ ਬੂਥ 45 'ਤੇ ਔਰਤ ਕਾਂਗਰਸੀ ਵਰਕਰ ਸਵਰਨ ਕੌਰ ਨੂੰ ਏਜੰਟ ਬਣਾਇਆ ਗਿਆ ਸੀ। ਚੋਣ ਬੂਥ 'ਤੇ ਅੰਦਰ ਇੱਕਪਾਸੜ ਕਾਰਵਾਈ ਵੇਖ ਕੇ ਕਾਂਗਰਸੀ ਪੋਲਿੰਗ ਏਜੰਟ ਸਵਰਨ ਕੌਰ ਨੇ ਮੌਕੇ ਕਾਫ਼ੀ ਵਿਰੋਧ ਵੀ ਜਤਾਇਆ ਪਰ ਬਾਅਦ 'ਚ ਪੋਲਿੰਗ ਏਜੰਟ ਦੀ ਡਿਊਟੀ ਤਿਆਗ ਕੇ ਘਰ ਚਲੀ ਗਈ ਸੀ। ਅਜਿਹੇ ਵਿੱਚ ਪਿੰਡ ਕੋਲਿਆਂਵਾਲੀ 'ਚ 40 ਨੌਜਵਾਨਾਂ ਦੇ ਯੂਥ ਕਾਂਗਰਸ ਨਾਲ ਜੁੜਨ ਦੀ ਗੱਲ ਗਲੇ ਹੇਠਿਓਂ ਨਹੀਂ ਉੱਤਰਦੀ। ਫਰਜ਼ੀ ਪੰਚਾਇਤਾਂ ਵਾਲੇ ਪਿੰਡਾਂ ਦੇ ਯੂਥ ਕਾਂਗਰਸ ਦੀ ਭਰਤੀ 'ਚ ਦਰਜ ਬਹੁਤ ਸਾਰੇ ਮੈਂਬਰਾਂ ਅਤੇ ਉਨਖ਼ਾਂ ਦੇ ਮਾਪਿਆਂ ਦੇ ਨਾਂਅ ਚੋਣ ਕਮਿਸ਼ਨ ਦੀ ਵੋਟਰ ਸੂਚੀ 'ਚ ਡੂੰਘਾਈ ਨਾਲ ਫਰੋਲਨ 'ਤੇ ਕਿਧਰੇ ਨਹੀਂ ਲੱਭੇ।

ਇਸ ਫਰਜੀਵਾੜੇ ਨਾਲ ਜਿੱਥੇ ਕਾਂਗਰਸ ਦੇ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਵੱਲੋਂ ਲੋਕਤਾਂਤਰਿਕ ਆਧਾਰ 'ਦੇ ਯੂਥ ਕਾਂਗਰਸ ਦੇ ਜਥੇਬੰਦਕ ਢਾਂਚੇ ਨੂੰ ਜ਼ਮੀਨੀ ਪੱਧਰ 'ਤੇ ਜੋੜਨ ਦੀਆਂ ਕੋਸ਼ਿਸ਼ਾਂ ਨੂੰ ਵੱਡੀ ਢਾਹ ਲੱਗੀ ਹੈ, ਉੱਥੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਜੱਦੀ ਹਲਕੇ ਲੰਬੀ 'ਚ ਯੂਥ ਕਾਂਗਰਸ ਦੀਆਂ ਜਥੇਬੰਦਕ ਚੋਣਾਂ 'ਚ ਅਜਿਹਾ ਫਰਜੀਵਾੜਾ ਪੰਜਾਬ 'ਚ ਕਾਂਗਰਸ ਦੇ ਹਰਿਆਵਲ ਦਸਤੇ ਯੂਥ ਕਾਂਗਰਸ ਦੇ ਦਾਮਨ 'ਤੇ ਕਾਲੇ ਧੱਬੇ ਵਾਂਗ ਹੈ। ਇਸ ਸਮੁੱਚੇ ਫਰਜੀਵਾੜੇ ਅਤੇ ਘਪਲੇ ਬਾਰੇ ਪੰਜਾਬ ਯੂਥ ਕਾਂਗਰਸ ਦੇ ਜ਼ਿਲਖ਼ਾ ਡੈਲੀਗੇਟ ਤੇਜਪਾਲ ਸਿੰਘ 'ਟੋਜੀ ਲੰਬੀ' ਦਾ ਕਹਿਣਾ ਹੈ ਕਿ ਲੰਬੀ ਹਲਕੇ 'ਚ ਯੂਥ ਕਾਂਗਰਸ 'ਤੇ ਕਾਬਜ਼ ਹੋਣ ਲਈ ਉਤਾਵਲੇ ਆਗੂਆਂ ਨੇ ਯੂਥ ਕਾਂਗਰਸ ਵੱਲੋਂ ਜਥੇਬੰਦਕ ਚੋਣਾਂ ਲਈ ਮੁਕਰਰ ਉੱਚ ਅਧਿਕਾਰੀਆਂ ਦੀ ਮਿਲੀਭੁਗਤ ਨਾਲ ਇਸ ਸਮੁੱਚੀ ਕਾਰਗੁਜਾਰੀ ਨੂੰ ਅੰਜਾਮ ਦਿੱਤਾ ਹੈ। ਟੋਜੀ ਲੰਬੀ ਨੇ ਕਿਹਾ ਕਿ ਯੂਥ ਕਾਂਗਰਸ ਭਰਤੀ ਦੀਆਂ ਸੂਚੀਆਂ ਫਰੋਲਨ 'ਤੇ ਉਸ ਵਿੱਚ 40 ਫ਼ੀਸਦੀ ਮੈਂਬਰ ਫਰਜ਼ੀ ਹਨ ਅਤੇ 20 ਫ਼ੀਸਦੀ ਅਕਾਲੀ ਦਲ ਨਾਲ ਸਬੰਧਤ ਲੋਕ ਹਨ, ਜਿਨਖ਼ਾਂ ਦੇ ਨਾਂਅ ਕੁਝ ਆਗੂਆਂ ਨੇ ਆਪਣੇ ਪੱਖ 'ਚ ਵੋਟਾਂ ਭੁਗਤਾਉਣ ਸ਼ਾਮਲ ਕੀਤੇ ਗਏ ਹਨ। ਯੂਥ ਕਾਂਗਰਸ ਹਲਕਾ ਲੰਬੀ ਦੇ ਮੌਜੂਦਾ ਪ੍ਰਧਾਨ ਜਗਵਿੰਦਰ ਸਿੰਘ 'ਕਾਲਾ ਭੀਟੀਵਾਲਾ' ਨੇ ਵੀ ਦੱਸਿਆ ਕਿ ਯੂਥ ਕਾਂਗਰਸ ਦੀ ਭਰਤੀ ਮੁਹਿੰਮ 'ਚ ਕੁਝ ਆਗੂਆਂ ਨੇ ਅਕਾਲੀ ਵਰਕਰਾਂ ਦਾ ਭਰਵਾਂ ਸਹਿਯੋਗ ਲਿਆ ਹੈ। ਸ੍ਰੀ ਭੀਟੀਵਾਲਾ ਨੇ ਕਿਹਾ ਕਿ ਜੇਕਰ ਪੜਤਾਲਿਆ ਜਾਵੇ ਤਾਂ ਕਾਫ਼ੀ ਪਿੰਡਾਂ 'ਚ ਯੂਥ ਕਾਂਗਰਸ ਅਤੇ ਯੂਥ ਅਕਾਲੀ ਦਲ ਦੀਆਂ ਮੈਂਬਰਸ਼ਿਪ ਸੂਚੀਆਂ 'ਚ ਮੈਂਬਰਾਂ ਦੇ ਲਗਪਗ ਇੱਕੋ-ਜਿਹੇ ਹੋਣਗੇ। ਯੂਥ ਕਾਂਗਰਸ ਆਗੂ ਲਾਲੀ ਕਰਮਗੜਖ਼ ਨੇ ਕਿਹਾ ਕਿ ਇੱਕ ਸਾਜਿਸ਼ ਦੇ ਤਹਿਤ ਉਨਖ਼ਾਂ ਵੱਲੋਂ ਕੀਤੀ ਮੈਂਬਰਸ਼ਿਪ ਵੱਖ-ਵੱਖ ਪਿੰਡਾਂ 'ਚ ਖਲਿਆਰ ਦਿੱਤੀ ਗਈ। ਇਸਦੇ ਇਲਾਵਾ ਯੂਥ ਕਾਂਗਰਸ ਆਗੂ ਨਵਜੋਤ ਸਿੰਘ ਬਰਾੜ, ਗੁਰਕੀਰਤ ਸਿੰਘ ਅਤੇ ਹਰਪ੍ਰੀਤ ਸਿੰਘ ਕਰਮਗੜਖ਼ ਨੇ ਕਿਹਾ ਕਿ ਬਹੁਤੇ ਟਕਸਾਲੀ ਯੂਥ ਵਰਕਰਾਂ ਦੀਆਂ ਫਾਰਮ ਭਰਨ ਦੇ ਬਾਵਜੂਦ ਵੋਟਾਂ ਨਹੀਂ ਬਣੀਆਂ। ਲੰਬੀ ਹਲਕੇ 'ਚ ਯੂਥ ਕਾਂਗਰਸ ਦੀ ਚੋਣ ਪ੍ਰਕਿਰਿਆ ਨੂੰ ਰੱਦ ਕਰਕੇ ਪੜਤਾਲ ਹੋਣੀ ਚਾਹੀਦੀ ਹੈ ਅਤੇ ਦੋਸ਼ੀਆਂ ਖਿਲਾਫ਼ ਕਾਰਵਾਈ ਹੋਵੇ। 

---------

ਲੋਕਤਾਂਤਰਿਕ ਪੱਖੋਂ ਅਪਾਹਜ ਯੂਥ ਕਾਂਗਰਸ

ਜਥੇਬੰਦਰ ਤੌਰ 'ਤੇ ਲੋਕਤਾਂਤਰਿਕ ਹੋਣ ਦੇ ਰਾਹ ਪਈ ਯੂਥ ਕਾਂਗਰਸ ਅਜੇ ਤੱਕ ਲੋਕਤਾਂਤਰਿਕ ਪੱਖੋਂ ਅਪਾਹਜ ਹੈ। ਲੰਬੀ 'ਚ ਨਸ਼ਰ ਹੋਏ  ਘਪਲੇ 'ਚ ਮਨਮਰਜ਼ੀ ਦੀਆਂ ਫਰਜ਼ੀ ਪੰਚਾਇਤਾਂ ਨਾਲ ਯੂਥ ਕਾਂਗਰਸ ਦੀ ਜਥੇਬੰਦਕ ਚੋਣ ਪ੍ਰਕਿਰਿਆ ਸੁਆਲਾਂ ਦੇ ਘੇਰੇ ਵਿੱਚ ਆ ਗਈ ਹੈ। ਸਿਆਸੀ ਨੁਕਤਾਕਾਰਾਂ ਅਨੁਸਾਰ ਭਰਤੀ ਮੁਹਿੰਮ ਨੂੰ ਯੂਥ ਕਾਂਗਰਸ ਨੂੰ ਭਾਰਤੀ ਚੋਣ ਕਮਿਸ਼ਨ ਦੀਆਂ ਸੂਚੀਆਂ ਦੇ ਮੁਤਾਬਕ ਅਤੇ ਆਧਾਰ ਕਾਰਡ ਨਾਲ ਜੋੜ ਕੇ ਪੰਚਾਇਤਾਂ, ਪਿੰਡ, ਕਸਬੇ ਅਤੇ ਸ਼ਹਿਰਾਂ ਦਰਜ ਕਰਨਾ ਚਾਹੀਦਾ ਹੈ ਤਾਂ ਜੋ ਘਪਲੇਬਾਜ਼ੀ ਦੀ ਗੁੰਜਾਇਸ਼ ਬਾਕੀ ਨਾ ਰਹੇ। -98148-26100 / 93178-2610

-ਮੁੱਖ ਮੰਤਰੀ ਦੇ ਬਿਆਨਾਂ ਦੇ ਬਾਵਜੂਦ ਨਸ਼ਿਆਂ ਦੀ ਸਪਲਾਈ ਲਾਈਨ ਨੂੰ ਕੱਟਣ ਦੇ ਰੌਂਅ 'ਚ ਨਹੀਂ ਸਰਕਾਰੀ ਤੰਤਰ

- ਅਕਾਲੀ ਆਗੂਆਂ ਦੀ ਬੱਸਾਂ ਰਾਹੀਂ ਰਾਜਸਥਾਨ ਤੋਂ ਪੋਸਤ ਪੰਜਾਬ ਆਉਣ ਦਾ ਸਿਲਸਿਲਾ ਬਦਸਤੂਰ ਜਾਰੀ

- ਨਸ਼ਿਆਂ ਦੀ ਜੜ ਦੀ ਬਜਾਏ ਵਿਖਾਵੇ ਦੀਆਂ ਟਹਿਣੀਆਂ ਵੱਢ ਰਹੀ ਪੰਜਾਬ ਪੁਲੀਸ

- ਕਾਗਜ਼ੀ ਖਾਨਾਪੂਰਤੀ ਲਈ ਕੰਦੂਖੇੜਾ ਨਾਕੇ ਦੇ ਮੁਲਾਜਮਾਂ 'ਤੇ ਕਾਰਵਾਈ-

                                ਇਕਬਾਲ ਸਿੰਘ ਸ਼ਾਂਤ
     ਲੰਬੀ : ਤਿੱਖੇ ਸਿਆਸੀ ਦਬਾਅ ਹੇਠਲੀ ਪੰਜਾਬ ਪੁਲੀਸ ਨਸ਼ਿਆਂ ਦੀ ਜੜ ਵੱਢਣ ਦੀ ਬਜਾਏ ਟਹਿਣੀਆਂ ਵੱਢ ਕੇ ਕਾਗਜ਼ਾਂ ਦੇ ਢਿੱਡ ਭਰ ਰਹੀ ਹੈ। ਮੁੱਖ

ਮੰਤਰੀ ਦੇ ਨੇੜਲੇ ਅਕਾਲੀ ਆਗੂਆਂ ਦੀਆਂ ਬੱਸਾਂ ਜਰੀਏ ਹਰੀਪੁਰਾ ਤੋਂ ਰੋਜ਼ਾਨਾ ਪੋਸਤ ਲੰਬੀ ਆਉਣ ਦਾ ਮਾਮਲਾ ਅਖ਼ਬਾਰੀ ਸੁਰਖੀਆਂ ਬਣਨ 'ਤੇ ਪੁਲੀਸ ਨੇ ਕੰਦੂ ਖੇੜਾ ਪੁਲੀਸ ਨਾਕੇ 'ਤੇ ਛਾਪਾ ਮਾਰ ਕੇ ਕਰਮਚਾਰੀਆਂ ਖਿਲਾਫ਼ ਵਿਭਾਗੀ ਕਾਰਵਾਈ ਆਰੰਭੀ ਹੈ ਪਰ ਪੰਜਾਬ ਨੂੰ ਪੋਸਤ ਦੇ ਨਸ਼ੇ ਦੀ ਦਲਦਲ ਵਿੱਚ ਧਕੇਲਣ ਵਾਲੇ

ਅਕਾਲੀ ਆਗੂਆਂ ਦੀਆਂ ਬੱਸਾਂ 'ਤੇ ਉੱਕਾ ਹੀ ਕਾਰਵਾਈ ਕਰਨ ਦੀ ਕੋਈ ਜ਼ਰੂਰਤ ਨਹੀਂ ਸਮਝੀ। ਪਤਾ ਲੱਗਿਆ ਹੈ ਕਿ ਅਖ਼ਬਾਰਾਂ ਜਰੀਏ ਮੁੱਖ ਮੰਤਰੀ ਤੱਕ ਪੁੱਜੇ ਮਾਮਲੇ 'ਚ ਕਾਗਜ਼ੀ ਖਾਨਾਪੂਰਤੀ ਦੇ ਉਦੇਸ਼ ਨਾਲ ਕੱਲ੍ਹ ਦੇਰ ਸ਼ਾਮ ਐਸ.ਪੀ ਪੱਧਰ ਦੇ ਅਧਿਕਾਰੀ ਵੱਲੋਂ ਕੰਦੂਖੇੜਾ ਪੁਲੀਸ ਨਾਕੇ 'ਤੇ ਛਾਪਾ ਮਾਰਿਆ ਗਿਆ। ਉਸ ਦੌਰਾਨ ਪੁਲੀਸ ਨਾਕੇ ਦੇ ਮੁਲਾਜਮ ਡਿਊਟੀ ਤੋਂ ਪਾਸੇ ਸਨ। ਪੁਲੀਸ ਅਧਿਕਾਰੀ ਦੇ ਚਾਰ ਮੁਲਾਜਮਾਂ 'ਤੇ ਕਾਰਵਾਈ ਦੀ ਗੱਲ ਆਖ ਰਹੇ ਹਨ ਜਦੋਂਕਿ ਵਿਭਾਗ ਦੇ ਅੰਦਰੂਨੀ ਸੂਤਰ ਨੇ ਮੁਲਾਜਮਾਂ 'ਤੇ ਕਾਰਵਾਈ ਨੂੰ ਵੀ ਵੱਟੇ ਖਾਤੇ ਪੈਣ ਕਣਸੋਅ ਦਿੱਤੀ ਹੈ। ਇਸ ਕਾਰਵਾਈ ਉਪਰੰਤ ਵੀ ਹਰੀਪੁਰਾ ਤੋਂ ਬੱਸਾਂ ਰਾਹੀਂ ਖੁੱਲ੍ਹੇਆਮ ਪੋਸਤ ਲੰਬੀ ਆਉਣ ਦਾ ਸਿਲਸਿਲਾ ਅੱਜ ਵੀ ਬਦਸਤੂਰ ਜਾਰੀ ਰਿਹਾ।  
            ਪਿੰਡ ਕੰਦੂਖੇੜਾ ਦੇ ਲੋਕਾਂ ਅਨੁਸਾਰ ਨਾਕੇ 'ਤੇ ਛਾਪੇਮਾਰੀ ਮੌਕੇ ਹਰੀਪੁਰਾ

ਤੋਂ ਪੋਸਤੀਆਂ ਦੀ ਭਰੀ ਇੱਕ ਬੱਸ ਵੀ ਹਰੀਪੁਰਾ ਵੱਲੋਂ ਕੰਦੂਖੇੜਾ ਨਾਕੇ 'ਤੇ ਪੁੱਜੀ  ਸੀ। ਜਿਸਦੀ ਪੜਤਾਲ ਦੌਰਾਨ ਕਾਫ਼ੀ ਗਿਣਤੀ ਮੁਸਾਫ਼ਰਾਂ ਤੋਂ ਕਥਿਤ ਤੌਰ 'ਤੇ ਪੋਸਤ ਦੇ ਪੈਕਟ ਮਿਲੇ। ਪਿੰਡ ਵਾਸੀਆਂ ਅਨੁਸਾਰ ਪੋਸਤੀਆਂ ਨੂੰ ਪੋਸਤ ਸਮੇਤ ਲਾਹ ਕੇ ਅਕਾਲੀ ਆਗੂ ਦੀ ਬੱਸ ਨੂੰ ਬੜੇ ਮਾਣ-ਸਨਮਾਨ ਨਾਲ ਕਥਿਤ ਤੌਰ 'ਤੇ ਉਥੋਂ ਬਾ-ਇੱਜਤ ਰਵਾਨਾ ਕਰ ਦਿੱਤਾ ਗਿਆ। ਹਾਲਾਂਕਿ ਕਾਨੂੰਨ ਦੀਆਂ ਧਾਰਾਵਾਂ ਅਨੁਸਾਰ ਨਸ਼ਾ ਤਸਕਰੀ 'ਚ ਵਰਤੇ ਵਹੀਕਲ ਅਤੇ ਮੁਲਜਮਾਂ 'ਤੇ ਬਰਾਬਰੀ ਦੀਆਂ ਧਾਰਾਵਾਂ ਲਗਾਈਆਂ ਜਾਣੀਆਂ ਹੁੰਦੀਆਂ ਹਨ ਪਰ ਇੱਥੇ ਮਾਮਲੇ ਉੱਪਰ ਮਿੱਟੀ ਪਾਉਣ ਦੇ ਨਾਂਅ 'ਤੇ ਮਹਿਜ਼ ਪੁਲੀਸ ਅਮਲੇ 'ਤੇ ਕਾਰਵਾਈ ਕਰਕੇ ਬੁੱਤਾ ਸਾਰਿਆ ਜਾ ਰਿਹਾ ਹੈ। ਸੂਤਰਾਂ ਅਨੁਸਾਰ ਮੁਸਾਫ਼ਰਾਂ  ਕੋਲ ਅੱਧਾ-ਅੱਧਾ ਕਿਲੋ ਦੇ ਪੈਕਟ ਹੋਣ ਕਰਕੇ ਉਨ੍ਹਾਂ ਨੂੰ ਛੱਡ ਦਿੱਤਾ   ਗਿਆ। ਮਹਿਜ਼ ਕਥਿਤ ਖਾਨਾਪੂਰਤੀ ਭਰੀ ਕਾਰਵਾਈ ਬਾਰੇ ਖੇਤਰ ਦੇ ਆਮ ਲੋਕਾਂ ਵਿੱਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਭਾਵੇਂ ਕੰਦੂਖੇੜਾ ਨਾਕਾ ਨਸ਼ੇ ਸਪਲਾਈ ਨੂੰ ਰੋਕਣ 'ਚ ਸਹਾਈ ਨਹੀਂ ਹੋਇਆ ਪਰ ਹੁਣ ਸਥਿਤੀ ਅਜਿਹੀ ਬਣ ਚੁੱਕੀ ਹੈ ਜੇਕਰ ਇਹ ਨਾਕਾ ਚੁੱਕ ਵੀ ਦਿੱਤਾ ਜਾਵੇ ਤਦ ਵੀ ਹਰੀਪੁਰਾ ਤੋਂ ਪੋਸਤ ਤਸਕਰੀ ਅਤੇ ਉਸਦੇ ਨਾਂਅ 'ਤੇ ਬੱਸਾਂ ਵਾਲਿਆਂ ਜਰੀਏ ਹੁੰਦੀ ਵਸੂਲੀ ਨੂੰ ਨੱਥ ਨਹੀਂ ਪਵੇਗੀ। ਕਿਉਂਕਿ ਹੁਣ ਵੀ 50 ਰੁਪਏ ਪ੍ਰਤੀ ਪੈਕਟ ਵਸੂਲੀ ਦਾ

ਰੁਪਇਆ ਆਪਣੇ ਖਾਕੀ ਤੰਤਰ ਕੋਲ ਪੁੱਜ ਜਾਂਦਾ ਹੈ ਜਿਸ ਵਿੱਚ ਨਾਕੇ ਦਾ ਸਿੱਧਾ ਕੋਈ ਰੋਲ ਨਹੀਂ। ਪੋਸਤ ਦੇ ਧੰਦੇ ਦੀਆਂ ਖੇਡਾਂ ਦੇ ਜਾਣਕਾਰਾਂ ਅਨੁਸਾਰ ਪੰਜਾਬ-ਰਾਜਸਥਾਨ ਨੇੜੇ ਇਹ ਨਾਕਾ ਕਥਿਤ ਵਸੂਲੀ ਨੂੰ ਯਕੀਨੀ ਬਣਾਉਣ ਲਈ ਹੀ ਸਥਾਪਿਤ ਕੀਤਾ ਹੋਇਆ ਹੈ। ਇਸ ਮਾਮਲੇ ਦਾ ਇੱਕੋ-ਇੱਕ ਹੱਲ ਬੱਸਾਂ ਰਾਹੀਂ ਆਉਂਦੇ ਪੋਸਤ 'ਤੇ ਨੱਥ ਲੱਗਣ ਨਾਲ ਸੰਭਵ ਹੈ। 
          ਪੱਤਰਕਾਰਾਂ ਵੱਲੋਂ ਬੀਤੇ ਦਿਨ੍ਹੀਂ ਮੁੱਖ ਮੰਤਰੀ ਵੱਲੋਂ ਸੰਗਤ ਦਰਸ਼ਨ 'ਚ ਨਸ਼ਿਆਂ ਦੀ ਸਪਲਾਈ ਲਾਈਨ ਕੱਟਣ ਦੇ ਦਾਅਵਿਆਂ ਦੀ ਅਸਲੀਅਤ ਨੂੰ ਡੂੰਘਾਈ ਨਾਲ ਵਾਚਣ ਲਈ ਰਾਜਸਥਾਨੀ ਪਿੰਡ ਹਰੀਪੁਰਾ 'ਚ ਪੋਸਤ ਠੇਕੇ ਦਾ ਦੌਰਾ ਕਰਨ 'ਤੇ ਬੜੀ ਹੈਰਾਨੀ ਭਰੇ ਤੱਥ ਸਾਹਮਣੇ ਆਏ। ਹਰੀਪੁਰਾ ਪੋਸਤ ਠੇਕੇ ਦੇ ਨਜ਼ਦੀਕ ਸੜਕ ਕੰਢੇ  ਇੱਕ ਅਕਾਲੀ ਆਗੂ ਦੀ ਹਿੱਸੇਵਾਰੀ ਵਾਲੀ ਨਿੱਜੀ ਕੰਪਨੀ ਦੀ ਬੱਸ ਖੜ੍ਹੀ ਸੀ। ਜਿਸ ਦੇ ਮੂਹਰੇ ਅਤੇ ਪਾਸੇ 'ਤੇ ਨਾਰਦਰਨ ਲਿਖਿਆ ਹੋਇਆ ਸੀ। 
ਬੱਸ ਚ ਕਰੀਬ ਡੇਢ ਦਰਜਨ ਮੁਸਾਫ਼ਰ ਬੈਠੇ ਸਨ। ਬੱਸ ਅੰਦਰ ਪੱਤਰਕਾਰਾਂ ਨੂੰ ਵੇਖ ਟਿਕਟਾਂ ਕੱਟਦੇ ਕੰਡਕਟਰ ਨੂੰ ਹੱਥਾਂ-ਪੈਰਾਂ ਦੀ ਪੈ ਗਈ ਅਤੇ ਆਪਣਾ ਕੰਮ ਛੱਡ ਕੇ ਬੱਸ 'ਚੋਂ ਬਾਹਰ ਨਿੱਕਲ ਗਿਆ। ਬੱਸ 'ਚ ਸਵਾਰ ਜ਼ਿਆਦਾਤਰ ਮੁਸਾਫ਼ਰ ਲੰਬੀ ਅਤੇ ਗਿੱਦੜਬਾਹਾ ਹਲਕਿਆਂ ਨਾਲ ਸਬੰਧਤ ਸਨ। ਜਦੋਂ ਮੁਸਾਫ਼ਰਾਂ ਨੂੰ ਹਰੀਪੁਰਾ ਠੇਕੇ 'ਤੇ ਆਉਣ ਦਾ ਕਾਰਨ ਪੁੱਛਿਆ ਤਾਂ ਉਥੇ ਸਿੱਧੇ ਸ਼ਬਦਾਂ ਵਿੱਚ ਆਖਿਆ ਕਿ ਪੋਸਤ ਲੈਣ ਖਾਤਰ ਇੱਥੇ ਆਏ ਹਨ। ਜਦੋਂ ਉਨ੍ਹਾਂ ਕਿਹਾ ਕਿ ਠੇਕੇ ਤੋਂ 2 ਹਜ਼ਾਰ ਪ੍ਰਤੀ ਕਿੱਲੋ ਦੇ ਹਿਸਾਬ ਨਾਲ ਪੋਸਤ ਖਰੀਦ ਕੇ ਲਿਆਏ ਹਨ। ਬੱਸ 'ਚ ਸਵਾਰ ਪਿੰਡ ਮਾਹੂਆਣਾ ਨਾਲ ਸਬੰਧਤ ਇੱਕ ਬਜ਼ੁਰਗ ਅਤੇ ਹੋਰ ਮੁਸਾਫ਼ਰਾਂ ਨੇ ਆਪਣੇ ਝੋਲਿਆਂ 'ਚੋਂ ਪੋਸਤ ਦ ਪੈਕਟ ਕੱਢ ਕੇ ਵਿਖਾਏ। ਮੁਸਾਫ਼ਰਾਂ ਨੇ ਆਖਿਆ ਕਿ ਉਨ੍ਹਾਂ ਤੋਂ ਪੋਸਤ ਲਿਜਾਣ ਬਦਲੇ ਬੱਸ ਦੇ ਕੰਡਕਟਰ ਜਾਂ ਹੋਰ ਨੌਜਵਾਨ ਵੱਲੋਂ 50 ਰੁਪਏ ਪ੍ਰਤੀ ਪੈਕਟ ਵਸੂਲੀ ਕੀਤੀ ਜਾਂਦੀ ਹੈ। ਉਨ੍ਹਾਂ ਕਿਹਾ ਕਈ ਵਾਰ ਪੁਲੀਸ ਮੁਲਾਜਮ ਵੀ ਖੁਦ ਵਸੂਲੀ ਕਰਦੇ ਹਨ। ਮੁਸਾਫ਼ਰਾਂ ਨੇ ਉਕਤ ਵਸੂਲੀ ਦੇ ਰੁਪਏ ਬਾਰੇ ਪੁੱਛਣ 'ਤੇ ਦੱਸਿਆ ਕਿ ਉਨ੍ਹਾਂ ਤੋਂ ਇਹ ਰੁਪਏ ਸਿੱਧੇ ਤੌਰ 'ਤੇ ਪੁਲੀਸ ਦੇ ਨਾਂਅ 'ਤੇ ਇਕੱਠੇ ਕੀਤੇ ਜਾਂਦੇ ਹਨ, ਅਗਾਂਹ ਰੱਬ ਜਾਣੇ ਕਿੱਥੇ ਜਾਂਦੇ ਹਨ। ਉਨ੍ਹਾਂ ਇਹ ਕਿਹਾ ਕਿ ਹਰੀਪੁਰਾ ਤੋਂ ਲੰਬੀ ਤੱਕ ਦੇ ਬੱਸ ਸਫ਼ਰ ਲਈ 30 ਰੁਪਏ ਰੁਪਏ ਪ੍ਰਤੀ ਸਵਾਰੀ ਟਿਕਟ ਕੱਟੀ ਜਾਂਦੀ ਹੈ। ਇਸੇ ਦੌਰਾਨ ਬੱਸ ਦੇ ਕੰਡਕਟਰ ਨੇ ਉਕਤ ਬੱਸ ਦੇ ਰੂਟ ਪਰਮਿਟ ਬਾਰੇ ਪੁੱਛੇ ਜਾਣ 'ਤੇ ਦੱਸਿਆ ਕਿ ਬੱਸ ਦਾ ਰੂਟ ਲੰਬੀ-ਹਰੀਪੁਰਾ ਹੈ। ਜਦੋਂ ਉਸਨੂੰ ਮੁਸਾਫ਼ਰਾਂ ਦੇ ਦੋਸ਼ਾਂ ਬਾਰੇ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉੁਸਨੇ ਉੱਥੋਂ ਖਿਸਕਦਿਆਂ ਕਿਹਾ ਕਿ ਤੁਸੀਂ ਆਪੇ 'ਤਜਿੰਦਰ' ਨੂੰ ਪੁੱਛ ਲਵੇ ਮੈਨੂੰ ਕੁਝ ਨਹੀਂ ਪਤਾ। ਹਾਲਾਂਕਿ ਇਸਤੋਂ ਪਹਿਲਾਂ ਕੰਡਕਟਰ ਪੂਰੇ ਘਟਨਾਕ੍ਰਮ ਦੀ ਜਾਣਕਾਰੀ ਮੋਬਾਇਲ 'ਤੇ ਕਿਸੇ ਨੂੰ ਦਿੰਦਾ ਰਿਹਾ ਅਤੇ ਉਸਨੇ ਆਪਣੇ ਨੇੜੇ ਖੜ੍ਹੇ ਪੋਸਤੀਆਂ ਨੂੰ ਇਹ ਆਖ ਕੇ ਦਿਲਾਸਾ ਦੇਣ ਦੀ ਕੋਸ਼ਿਸ਼ ਕਰਦਾ ਰਿਹਾ ਕਿ ''ਪਹਿਲਾਂ ਵੀ ਅਖ਼ਬਾਰਾਂ 'ਚ ਬਹੁਤ ਰਿਪੋਰਟਾਂ ਛਪੀਆਂ ਹਨ ਇਨ੍ਹਾਂ ਨੇ ਸਾਡਾ ਕੀ ਵਿਗਾੜ ਲਿਆ।'' 
           ਲੰਬੀ ਖੇਤਰ ਦੇ ਟਕਸਾਲੀ ਅਕਾਲੀਆਂ ਦਾ ਕਹਿਣਾ ਹੈ ਕਿ ਮੁੱਖ ਮੰਤਰੀ ਦੇ ਹਲਕੇ 'ਚ ਸੱਤਾ ਪੱਖ ਦੇ ਆਗੂਆਂ ਦੀਆਂ ਬੱਸਾਂ ਰਾਹੀਂ ਪੋਸਤ ਪੰਜਾਬ 'ਚ ਆਉਣਾ ਬੇਹੱਦ ਮੰਦਭਾਗਾ ਅਤੇ ਗੈਰਇਖਲਾਕੀ ਵਰਤਾਰਾ ਹੈ। ਜਿਸ 'ਤੇ ਕਾਰਵਾਈ ਨਾ ਹੋਣ ਨਾਲ ਸਰਕਾਰ ਦੀ ਹਾਸੋਹੀਣੀ ਸਥਿਤ ਬਣਦੀ ਹੈ। ਆਮ ਜਨਤਾ ਨੇ ਮੁੱਖ ਮੰਤਰੀ ਨੂੰ ਜਥੇਬੰਦਕ ਅਤੇ ਸਿਆਸੀ ਮਜ਼ਬੂਰੀਆਂ ਭੁੱਲ ਕੇ ਆਪਣੇ ਬਿਆਨ ਅਨੁਸਾਰ ਬੱਸਾਂ ਰਾਹੀਂ ਚੱਲਦੀ ਸਪਲਾਈ ਲਾਈਨ ਨੂੰ ਕੱਟਣ ਲਈ ਠਰੰ੍ਹਮੇ ਭਰਿਆ ਫੈਸਲਾ ਲੈਣ ਦੀ ਅਪੀਲ ਕੀਤੀ ਹੈ, ਤਾਂ ਜੋ ਲੋਕਾਂ ਦਾ ਵਿਸ਼ਵਾਸ ਕਾਨੂੰਨ ਵਿਵਸਥਾ 'ਤੇ ਬਰਕਰਾਰ ਰਹਿ ਸਕੇ।
           ਕੰਦੂਖੇੜਾ ਪੁਲੀਸ ਨਾਕੇ 'ਤੇ ਕਾਰਵਾਈ ਬਾਰੇ ਮਲੋਟ ਦੇ ਐਸ.ਪੀ. ਬਲਰਾਜ ਸਿੰਘ ਸਿੱਧੂ ਨੇ ਕਿਹਾ ਕਿ ਡਿਊਟੀ 'ਤੇ ਕੁਤਾਹੀ ਹੋਣ ਕਰਕੇ ਚਾਰ ਮੁਲਾਜਮਾਂ ਖਿਲਾਫ਼ ਵਿਭਾਗੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਕਾਰਵਾਈ ਦੌਰਾਨ ਨਾਕੇ 'ਤੇ ਇੱਕ ਬੱਸ 'ਚੋਂ ਪੋਸਤ ਸਮੇਤ ਪੋਸਤੀਆਂ ਨੂੰ ਕਾਬੂ ਹੋਣ ਬਾਰੇ ਉਨ੍ਹਾਂ ਕਿਹਾ ਕਿ ਉਥੇ ਕੋਈ ਬੱਸ ਹੀ ਨਹੀਂ ਆਈ ਤਾਂ ਪੋਸਤ ਅਤੇ ਪੋਸਤੀ ਕਾਬੂ ਹੋਣ ਦਾ ਹੀ ਸੁਆਲ ਹੀ ਪੈਦਾ ਨਹੀਂ ਹੁੰਦਾ।