07 September 2013

ਅਨਾਥਾਂ ਵਰਗੇ ਹਾਲਾਤਾਂ 'ਚ ਹੈ ਹਕੂਮਤੀ ਕਦਮਾਂ ਨੂੰ ਅਹਿਸਾਸ ਕਰਨ ਵਾਲੀ ਪੰਨੀਵਾਲਾ ਫੱਤਾ ਦੀ ਦਾਣਾ ਮੰਡੀ




-ਅੰਨ੍ਹੇਵਾਹ ਨਜਾਇਜ਼ ਕਬਜ਼ੇ, ਟੁੱਟੀ-ਫੁੱਟੀ ਚਾਰਦੀਵਾਰੀ, ਟੁੱਟੇ ਅਤੇ ਜੰਗਾਲ ਖਾਦੇ ਸ਼ੈੱਡਾਂ, ਝਾੜੀਆਂ ਦੀ ਭਰਮਾਰ

-ਉੱਚੀਆਂ ਝਾੜੀਆਂ ਦਾ ਲੁਕੋਅ ਹੈਲੀਪੈਡ 'ਤੇ ਵੀ.ਵੀ.ਆਈ. ਸੁਰੱਖਿਆ 'ਚ ਸੰਨ੍ਹ ਦੇ ਖ਼ਦਸ਼ੇ ਦਾ ਪੈਗਾਮ

                                   ਇਕਬਾਲ ਸਿੰਘ ਸ਼ਾਂਤ
ਲੰਬੀ :ਮਹੀਨੇ-ਮੱਸਿਆ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਕਦਮਾਂ ਦਾ ਅਹਿਸਾਸ ਕਰਨ ਵਾਲੀ ਹਕੂਮਤੀ ਹਲਕੇ ਲੰਬੀ ਦੇ ਪਿੰਡ ਪੰਨੀਵਾਲਾ ਫੱਤਾ ਦੀ ਨਵੀਂ ਦਾਣਾ ਮੰਡੀ ਦੀ ਸੁਵੱਲੀਆਂ ਹਕੂਮਤੀ ਨਜ਼ਰਾਂ ਨਾ ਪੈਣ ਕਰਕੇ ਹਾਲਤ ਅਨਾਥਾਂ ਜਿਹੀ ਹੋ ਕੇ ਰਹਿ ਗਈ ਹੈ। ਲੱਖਾਂ-ਕਰੋੜਾਂ ਰੁਪਏ ਸਲਾਨਾ ਆਮਦਨੀ ਦੇ ਬਾਵਜੂਦ ਦਾਣਾ ਮੰਡੀ ਦੇ ਰਕਬੇ 'ਚ ਵੱਡੇ ਪੱਧਰ 'ਤੇ ਨਜਾਇਜ਼ ਕਬਜ਼ੇ, ਟੁੱਟੀ-ਫੁੱਟੀ ਚਾਰਦੀਵਾਰੀ, ਟੁੱਟੇ ਅਤੇ ਜੰਗਾਲ ਖਾਦੇ ਸ਼ੈੱਡਾਂ, ਝਾੜੀਆਂ ਨਾਲ ਭਰਿਆ ਆਲਾ-ਦੁਆਲਾ ਦਾਣਾ ਮੰਡੀ ਦੀ ਮੰਦਭਾਗੀ ਕਿਸਮਤ ਤੇ ਸਰਕਾਰੀ ਅਣਗਰਜ਼ੀ ਨੂੰ ਬਾਖੂਬੀ ਦਰਸ਼ਾਉਂਦਾ ਹੈ।
      ਕਰੀਬਨ 37 ਏਕੜ ਰਕਬੇ 'ਚ 1981-82 ਵਿਚ ਦਰਵੇਸ਼ ਸਿਆਸਤਦਾਨ ਜਥੇਦਾਰ ਜਗਦੇਵ ਸਿੰਘ ਖੁੱਡੀਆਂ ਦੇ ਹੱਥੀਂ ਲੋਕਾਂ ਨੂੰ ਸਮਰਪਿਤ ਹੋਈ ਦਾਣਾ ਮੰਡੀ (ਸਬ ਯਾਰਡ) ਦੇ ਮੌਜੂਦਾ ਹਾਲਾਤ ਇੰਨੇ ਬਦਤਰ ਹਨ ਕਿ ਵਰ੍ਹਿਆਂ ਤੋਂ ਪੰਜਾਬ ਮੰਡੀ ਬੋਰਡ ਵੱਲੋਂ ਕਰੋੜਾਂ ਰੁਪਏ ਦੀ ਸਲਾਨਾ ਆਮਦਨ ਦੇ ਬਾਵਜੂਦ ਸਾਂਭ-ਸੰਭਾਲ ਨਾ ਹੋਣ ਕਰਕੇ ਸ਼ੈੱਡ ਤਾਂ ਥਾਂ-ਥਾਂ ਟੁੱਟ ਹੀ ਗਏ। ਬਲਕਿ ਸ਼ੈੱਡਾਂ ਦੇ ਲੋਹੇ ਦੇ ਖੰਭਿਆਂ ਦੀਆਂ ਨੀਂਹਾਂ ਦੇ ਸਰੀਏ ਵੀ ਬਾਹਰ ਨਿੱਕਲ ਆਏ ਹਨ। ਮਾਰਕੀਟ ਕਮੇਟੀ ਮਲੋਟ ਦੇ ਅਮਲੇ ਦੀ ਬੇਪਰਵਾਹ ਕਾਰਜ ਪ੍ਰਣਾਲੀ ਸਦਕਾ ਸ਼ੈੱਡ ਹੁਣ ਪਸ਼ੂਆਂ ਦਾ ਵਾੜਾ ਅਤੇ ਕੰਬਾਇਨਾਂ ਦੀ ਵਰਕਸ਼ਾਪਾਂ ਦਾ ਰੂਪ ਧਾਰ ਚੁੱਕੇ ਹਨ ਅਤੇ ਚਾਰਦੀਵਾਰੀ ਜਗ੍ਹਾ-ਜਗ੍ਹਾਂ ਟੁੱਟੀ ਪਈ ਹੈ। 
ਇਸਨੂੰ ਵੀ ਵੀ.ਆਈ.ਪੀ. ਵੋਟਾਂ ਨੂੰ ਸਹੇਜਣ ਦਾ ਸਿਲਾ ਆਖਿਆ ਜਾਵੇ ਤਾਂ ਕੋਈ ਕੁਥਾਂਹ ਨਹੀਂ ਹੋਵੇਗਾ ਕਿ ਦਾਣਾ ਮੰਡੀ ਦੇ ਰਕਬੇ 'ਚ ਵਰ੍ਹਿਆਂ ਤੋਂ ਅੱਧੀ ਦਰਜਨ ਦੇ ਕਰੀਬ ਪੱਕੀਆਂ ਦੁਕਾਨਾਂ ਉਸਰੀਆਂ ਹੋਈਆਂ ਹਨ ਅਤੇ ਮੰਡੀ ਦੇ ਅੰਦਰ ਖੁੱਲ੍ਹੇਆਮ ਦਰਜਨ ਭਰ ਪਰਿਵਾਰਾਂ ਨੇ ਬੜੀ ਤਰਤੀਬੀ ਨਾਲ ਜਗ੍ਹਾ -ਜਗ੍ਹਾ ਕਮਰੇ ਅਤੇ ਝੁੱਗੀਆਂ ਪਾ ਕੇ ਪੱਕੀਆਂ ਰਿਹਾਇਸ਼ਾਂ ਬਣਾ ਲਈਆਂ ਹਨ। ਕਬਜ਼ਾਧਾਰਕ ਪਰਿਵਾਰਕ ਦਾਣਾ ਮੰਡੀ ਅੰਦਰੇ ਮੁੱਖ ਰਸਤੇ ਨੂੰ ਵਿਹੜੇ ਵਜੋਂ ਵਰਤਦੇ ਹਨ।  
       ਬੱਸ ਇੱਥੇ ਹੀ ਨਹੀਂ ਹੁੰਦੀ ਸਰਕਾਰੀ ਜ਼ਮੀਨ ਦੀ ਹਿੱਕ 'ਤੇ ਬਣੇ ਇਨ੍ਹਾਂ ਮਕਾਨਾਂ 'ਚ ਬਕਾਇਦਾ ਬਿਜਲੀ ਦੇ ਕੁਨੈਕਸ਼ਨ ਚੱਲ ਰਹੇ ਹਨ। ਹੋਰ ਤਾਂ ਹੋਰ ਦਾਣਾ ਮੰਡੀ ਦਾ ਉਦਘਾਟਨ ਪੱਥਰ ਵੀ ਨਜਾਇਜ਼ ਕਬਜ਼ੇ ਵਾਲੀਆਂ ਦੁਕਾਨਾਂ ਦੀਆਂ ਕੰਧਾਂ ਹੇਠਾਂ ਦੱਬ ਚੁੱਕਿਆ ਹੈ। ਸਰਕਾਰੀ ਬੇਰੁੱਖੀ ਕਰਕੇ ਦਾਣਾ ਮੰਡੀ 'ਚ ਕੱਟੀਆਂ ਦੁਕਾਨਾਂ ਵੀ ਨਹੀਂ ਉਸਰ ਸਕੀਆਂ। 
ਦਾਣਾ ਮੰਡੀ ਪੰਨੀਵਾਲਾ ਫੱਤਾ 'ਚ ਪੁੱਜੇ ਪੱਤਰਕਾਰਾਂ ਨੇ ਵੇਖਿਆ ਕਿ ਦਾਣਾ ਮੰਡੀ ਘੱਟ ਅਤੇ ਕਿਸੇ ਉੱਜੜੇ ਸ਼ਹਿਰ ਦੀ ਵੀਰਾਨ ਚਾਰਗਾਹ ਵੱਧ ਜਾਪ ਰਹੀ ਸੀ। ਜਿਸਦੇ ਬਹੁਗਿਣਤੀ ਰਕਬੇ ਵਿਚ ਗੰਦਗੀ, 5-5 ਫੁੱਟ ਉੱਚੀਆਂ ਝਾੜੀਆਂ ਸਨ।
       ਟੁੱਟੇ ਸ਼ੈੱਡ ਅਤੇ ਖੇਰੂੰ-ਖੇਰੂੰ ਹੋਏ ਪਰਨਾਲੇ ਦਾਣਾ ਮੰਡੀ 'ਚ ਸਥਿਤ ਹਕੂਮਤੀ ਹੈਲੀਪੈਡ ਨੂੰ ਖੁਦ ਲਈ 'ਨਿਕੰਮਾ' ਕਰਾਰ ਦਿੰਦਿਆਂ ਨਜ਼ਰ ਆ ਰਹੇ ਸਨ। ਸ਼ੈੱਡਾਂ ਹੇਠਾਂ ਕੰਬਾਇਨ ਦਰੁੱਸਤ ਕਰਵਾ ਰਹੇ ਮਹਿੰਦਰ ਸਿੰਘ, ਰਾਜ ਸਿੰਘ ਅਤੇ ਕਾਕੂ ਸਿੰਘ ਵਗੈਰਾ ਨੇ ਦੱਸਿਆ ਕਿ ਦਾਣਾ ਮੰਡੀ ਦੀ ਮੰਦੀ ਹਾਲਤ ਨੇ ਪੰਨੀਵਾਲਾ ਫੱਤਾ ਦੇ ਵਿਕਾਸ ਅਤੇ ਦਿੱਖ ਨੂੰ ਪ੍ਰਭਾਵਿਤ ਕੀਤਾ ਹੋਇਆ ਹੈ। ਉਨ੍ਹਾਂ ਵੱਡੀਆਂ-ਵੱਡੀਆਂ ਝਾੜੀਆਂ ਵਿਖਾਉਂਦਿਆਂ ਆਖਿਆ ਕਿ ਇ੍ਹਨਾਂ ਦੀ ਓਟ ਨੂੰ ਲੋਕ ਪਖਾਨੇ, ਨਸ਼ਿਆਂ ਅਤੇ ਹੋਰ ਗੈਰ ਸਮਾਜਿਕ ਕਾਰਜਾਂ ਲਈ ਵਰਤਦੇ ਹਨ। ਦਾਣਾ ਮੰਡੀ 'ਚ ਵਰ੍ਹਿਆਂ ਪਹਿਲਾਂ ਬਣੇ ਅੱਧੇ-ਅਧੂਰੇ ਵਾਟਰ ਵਰਕਸ ਦੀ ਵਿਸ਼ਾਲ ਟੈਂਕੀ ਹੁਣ ਗੰਦੇ ਪਾਣੀ ਦੇ ਛੱਪੜ ਦਾ ਰੂਪ ਧਾਰ ਕੇ ਬੀਮਾਰੀਆਂ ਨੂੰ ਖੁੱਲ੍ਹਾ ਸੱਦਾ ਦੇ ਰਹੀ ਹੈ। 
ਹੈਰਾਨੀ ਦੀ ਗੱਲ ਇਹ ਵੀ ਹੈ ਕਿ ਦਾਣਾ ਮੰਡੀ 5-5 ਫੁੱਟ ਉੱਚੀਆਂ ਝਾੜੀਆਂ ਦਾ ਲੁਕੋਅ ਮੁੱਖ ਮੰਤਰੀ ਦੀ ਸੁਰੱਖਿਆ ਲਈ ਆਮ ਸਮਾਗਮ 'ਚ ਖੱਲ੍ਹਾਂ-ਖੁੰਜਿਆਂ ਤੱਕ ਦੀ ਫਰੋਲਾ-ਫਰੋਲੀ ਕਰਨ ਵਾਲੇ ਸੁਰੱਖਿਆ ਤੰਤਰ ਦੀ ਨਿਗਾਹ ਤੋਂ ਕਿਵੇਂ ਵਾਂਝਾ ਰਹਿ ਗਿਆ। ਜਿਨ੍ਹਾਂ ਦੀ ਸੰਘਣੀ ਓਟ ਕਿਸੇ ਵੀ ਸਮੇਂ ਵੀ.ਵੀ.ਆਈ. ਸੁਰੱਖਿਆ 'ਚ ਸੰਨ੍ਹ ਦਾ ਪੈਗਾਮ ਬਣ ਸਕਦੀ ਹੈ। 
ਇਸਤੋਂ ਇਲਾਵਾ ਬੱਸ ਸਟਾਪ 'ਤੇ ਖੜ੍ਹੇ ਇੱਕ ਕਿਸਾਨ ਜੋਗਿੰਦਰ ਸਿੰਘ ਨੇ ਦੱਸਿਆ ਕਿ ਸਰਕਾਰ ਦੀ ਨਿਗਾਹ ਹੇਠਾਂ ਚੱਲਦੀ ਇਸ ਦਾਣਾ ਮੰਡੀ 'ਚ ਕਿਸਾਨਾਂ ਲਈ ਕੋਈ ਸੁਵਿਧਾ ਨਹੀਂ ਹੈ। ਜਿਨਸਾਂ ਦੇ ਸੀਜਨ 'ਚ ਇੱਥੇ ਪੀਣ ਲਈ ਪਾਣੀ ਅਤੇ ਬੈਠਣ ਲਈ ਢੁਕਵੇਂ ਇੰਤਜਾਮ ਨਾ ਹੋਣ ਕਰਕੇ ਕਿਸਾਨ ਵੱਡੇ ਪੱਧਰ 'ਤੇ ਖੱਜਲ-ਖੁਆਰ ਹੁੰਦੇ ਹਨ। ਉਨ੍ਹਾਂ ਆਖਿਆ ਕਿ ਮੀਂਹਾਂ ਦੌਰਾਨ ਸ਼ੈੱਡਾਂ ਹੇਠਾਂ ਰੱਖੀ ਫਸਲ ਥਾਂ-ਥਾਂ ਸ਼ੈੱਡਾਂ ਦੇ ਟੁੱਟੇ ਹੋਣ ਕਰਕੇ ਦੀ ਸੂਰਤ ਭਿੱਜ ਕੇ ਬਰਬਾਦ ਹੋ ਜਾਂਦੀ ਹੈ।  ਇਸਤੋਂ ਇਲਾਵਾ ਇੱਕ ਹੋਰ ਵਿਅਕਤੀ ਨੇ ਆਪਣਾ ਨਾਂਅ ਨਾ ਛਾਪਣ ਦੀ ਸ਼ਰਤ 'ਤੇ ਦੱਸਿਆ ਕਿ ਨਜਾਇਜ਼ ਕਬਜ਼ੇ ਵੀ ਵਿਭਾਗ ਅਮਲੇ ਦੀ ਕਥਿਤ ਮਿਲੀਭੁਗਤ ਅਤੇ ਸਿਆਸੀ ਸ਼ਹਿ ਹੇਠਾਂ ਕਰਵਾਏ ਗਏ ਹਨ। ਇਸੇ ਦੌਰਾਨ ਪਤਾ ਲੱਗਿਆ ਹੈ ਕਿ ਪਿਛਲੇ ਦਿਨ੍ਹੀਂ ਪੰਜਾਬ ਮੰਡੀ ਬੋਰਡ ਵੱਲੋਂ ਨਜਾਇਜ਼ ਕਬਜ਼ਾ ਧਾਰਕਾਂ ਨੂੰ ਨੋਟਿਸ ਜਾਰੀ ਕਰਕੇ ਕਾਗਜ਼ਾਂ ਦਾ ਬੁੱਤਾ ਸਾਰਿਆ ਗਿਆ ਹੈ। ਉਂਝ ਇੱਥੋਂ ਦੀ ਸਾਂਭ-ਸੰਭਾਲ ਲਈ ਇੱਕ ਮੰਡੀ ਸੁਪਰਵਾਈਜ਼ਰ ਵੀ ਨਿਯੁਕਤ ਕੀਤਾ ਹੋਇਆ ਹੈ। 
      ਦੂਜੇ ਪਾਸੇ ਮਾਰਕੀਟ ਕਮੇਟੀ ਮਲੋਟ ਦੇ ਸਕੱਤਰ ਅਜੈਪਾਲ ਸਿੰਘ ਬਰਾੜ ਨੇ ਉਕਤ ਨਵੀਂ ਦਾਣਾ ਮੰਡੀ (ਸਬ ਯਾਰਡ) ਨੂੰ ਖਾਸੇ ਮੁਨਾਫ਼ੇ ਵਾਲਾ ਵਾਲਾ ਦੱਸਦਿਆਂ ਆਖਿਆ ਕਿ ਦਾਣਾ ਮੰਡੀ ਦੇ ਖ਼ਰਾਬੇ ਦੀ ਦਰੁੱਸਤ ਲਈ ਕੋਈ ਪੈਸਾ ਨਹੀਂ ਖਰਚਿਆ ਗਿਆ ਹੈ।ਜਦੋਂਕਿ ਨਜਾਇਜ਼ ਕਬਜ਼ਿਆਂ ਹਟਾਉਣ ਦੀ ਜੁੰਮੇਵਾਰੀ ਕਾਲੋਨਾਈਜ਼ਰ ਵਿਭਾਗ ਦੇ ਅਧੀਨ ਹੈ।

05 July 2013

ਪੰਚਾਇਤ ਵੋਟਾਂ : ਕਈ ਸਿਆਸੀ ਖੁੰਡਾਂ ਦੀਆਂ ਜੜ੍ਹਾਂ ਨੰਗੀਆਂ ਹੋਈਆਂ

  - ਅਕਾਲੀ ਦਲ ਦੀ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਕਰਮਜੀਤ ਕੌਰ ਸਿੱਖਵਾਲਾ ਸਰਪੰਚੀ ਚੋਣ 'ਚ ਚੌਥੇ ਨੰਬਰ 'ਤੇ ਰਹੀ - 


- ਹਕੂਮਤੀ ਹਲਕੇ 'ਚ ਅਕਾਲੀ ਦਲ ਵੱਖ-ਵੱਖ ਧੜਿਆਂ ਦਾ 81 ਅਤੇ ਕਾਂਗਰਸ ਦਾ 2 ਸਰਪੰਚੀਆਂ 'ਤੇ ਕਬਜ਼ਾ-

ਇਕਬਾਲ ਸਿੰਘ ਸ਼ਾਂਤ
     ਲੰਬੀ, 5 ਜੁਲਾਈ : ਪੰਚਾਇਤ ਵੋਟਾਂ ਦੇ ਤੇਜ਼ ਵਹਾਅ 'ਚ ਹਕੂਮਤੀ ਹਲਕੇ ਲੰਬੀ ਦੇ ਕਈ ਸਿਆਸੀ ਖੁੰਢਾਂ ਦੀਆਂ ਸਿੱਧੇ-ਅਸਿੱਧੇ ਤੌਰ 'ਤੇ ਜੜ੍ਹਾਂ ਨੰਗੀਆਂ ਹੋ ਗਈਆਂ। ਜਿਨ੍ਹਾਂ ਦੇ ਇੱਕ ਇਸ਼ਾਰੇ ਨਾਲ ਪ੍ਰਸ਼ਾਸਨਿਕ ਫਿਜ਼ਾਵਾਂ ਰੁੱਖ ਬਦਲ ਜਾਂਦੀਆਂ ਸਨ, ਪਰ ਵੋਟ ਸ਼ਕਤੀ ਨੇ ਸਾਰਾ ਰੁੱਖ ਵੀ ਬਦਲ ਦਿੱਤਾ। ਵੀ.ਆਈ.ਪੀ. ਹਲਕੇ ਦੇ ਬਹੁਗਿਣਤੀ ਪਿੰਡਾਂ 'ਚ ਜਿੱਥੇ ਤਿੱਖੜ ਮੁਕਾਬਲਿਆਂ 'ਚ ਅਕਾਲੀ ਆਪਣਿਆਂ ਨੂੰ ਹੀ ਵੱਡੀਆਂ ਸ਼ਿਕਸਤਾਂ ਦੇ ਗਏ, ਉਥੇ ਕੁਝ ਥਾਵਾਂ 'ਤੇ ਕਾਂਗਰਸੀ ਉਮੀਦਵਾਰ ਵੀ ਅਕਾਲੀ ਥੰਮਾਂ ਨੂੰ ਢਾਹ ਗਏ। ਹੈਰਾਨੀਜਨਕ ਹੋ ਨਿੱਬੜੇ ਇਹ ਨਤੀਜੇ ਆਮ ਲੋਕਾਂ 'ਚ ਚਰਚਾ ਦਾ ਕੇਂਦਰ ਬਣੇ ਹੋਏ ਹਨ। 
      ਪਿੰਡ ਸਿੱਖਵਾਲਾ ਵਿਖੇ ਲੰਬੀ ਜ਼ੋਨ ਤੋਂ ਅਕਾਲੀ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਕਰਮਜੀਤ ਕੌਰ ਸਿੰਘ ਸਰਪੰਚ ਦੀ ਚੋਣ ਵਿਚ ਚੌਥੇ ਨੰਬਰ 'ਤੇ ਰਹੀ। ਇੱਥੇ ਅਕਾਲੀ ਪੱਖੀ ਉਮੀਦਵਾਰ ਰਣਜੀਤ ਸਿੰਘ ਠੇਕੇਦਾਰ (981 ਵੋਟਾਂ) ਨੇ ਮਨਜਿੰਦਰ ਪਾਲ ਸਿੰਘ ਵਿੱਕੀ (638) ਨੂੰ ਹਰਾਇਆ। ਜਦੋਂਕਿ ਸਾਬਕਾ ਸਰਪੰਚ ਅਜੈ ਪਾਲ ਸਿੰਘ 558 ਲੈ ਕੇ ਤੀਜੇ ਨੰਬਰ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਕਰਮਜੀਤ ਕੌਰ 340 ਵੋਟਾਂ ਨਾਲ ਚੌਥੀ ਪੁਜੀਸ਼ਨ 'ਤੇ ਰਹੀ। 
ਇਸੇ ਤਰ੍ਹਾਂ ਮਾਰਕਫੈੱਡ ਦੇ ਡਾਇਰੈਕਟਰ ਅਤੇ ਸੀਨੀਅਰ ਅਕਾਲੀ ਆਗੂ ਨਿਸ਼ਾਨ ਸਿੰਘ ਫਤਿਹਪੁਰ ਮਨੀਆਂ ਵੀ ਆਪਣੇ ਪਿੰਡ 'ਚ ਸਰਪੰਚ ਦੀ ਚੋਣ 'ਚ ਵਿਰੋਧੀ ਅਕਾਲੀ ਧੜੇ ਦੇ ਹੱਥੋਂ ਮਾਤ ਖਾ ਗਏ। ਉਨ੍ਹਾਂ ਦੀ ਧਰਮ ਪਤਨੀ ਸ੍ਰੀਮਤੀ ਕੁਲਜੀਤ ਕੌਰ ਨੂੰ ਦਵਿੰਦਰਪਾਲ ਸਿੰਘ ਪੁੱਤਰ ਨਿਸ਼ਾਨ ਸਿੰਘ ਨੇ 460 ਵੋਟਾਂ ਦੇ ਵੱਡੇ ਫ਼ਰਕ ਨਾਲ ਹਰਾ ਦਿੱਤੀ। ਜ਼ਿਕਰਯੋਗ ਹੈ ਕਿ ਸ੍ਰੀ ਨਿਸ਼ਾਨ ਸਿੰਘ ਧੜੇ ਦਾ ਪਿੰਡ 'ਚ ਸਿਰਫ਼ ਇੱਕ ਪੰਚ ਹੀ ਜਿੱਤ ਸਕਿਆ ਹੈ। 
ਪਿੰਡ ਭੁੱਲਰਵਾਲਾ ਵਿਖੇ ਕਾਂਗਰਸ ਪੱਖੀ ਉਮੀਦਵਾਰ ਜਸਵਿੰਦਰ ਸਿੰਘ ਕਾਕਾ ਨੇ ਅਕਾਲੀ ਸਿਆਸਤ 'ਚ ਵਿਸ਼ੇਸ਼ ਰੁਤਬਾ ਰੱਖਦੇ ਸੀਨੀਅਰ ਆਗੂ ਇਕਬਾਲ ਸਿੰਘ ਭੁੱਲਰਵਾਲਾ ਤੇ ਹਰਤੇਜ ਸਿੰਘ ਭੁੱਲਰ ਧੜੇ ਦੇ ਅਕਾਲੀ ਪੱਖੀ ਉੁਮੀਦਵਾਰ ਨੈਬ ਸਿੰਘ ਨੂੰ 95 ਵੋਟਾਂ ਦੇ ਫ਼ਰਕ ਨਾਲ ਹਰਾ ਦਿੱਤਾ। 
ਇਸਦੇ ਇਲਾਵਾ ਪਿੰਡ ਤਰਮਾਲਾ ਅਤੇ ਢਾਣੀ ਤੇਲਿਆਂਵਾਲੀ ਵਿਖੇ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਪੱਪੀ ਤਰਮਾਲਾ ਦੇ ਪਿੰਡ ਤਰਮਾਲਾ ਅਤੇ ਢਾਣੀ ਤੇਲਿਆਂਵਾਲੀ 'ਚ ਮਰਹੂਮ ਜਥੇਦਾਰ ਇਕਬਾਲ ਸਿੰਘ ਤਰਮਾਲਾ ਦੇ ਲੜਕੇ ਗੋਪੀ ਤਰਮਾਲਾ ਦਾ ਗਰੁੱਪ ਭਾਰੂ ਰਿਹਾ। ਪਿੰਡ ਤਰਮਾਲਾ 'ਚ ਗੋਪੀ ਤਰਮਾਲਾ ਧੜੇ ਦੀ ਸੁਖਜੀਤ ਕੌਰ ਨੇ 203 ਵੋਟਾਂ ਦੇ ਫ਼ਰਕ ਨਾਲ ਪੱਪੀ ਤਰਮਾਲਾ ਧੜੇ ਦੀ ਕੁਲਵਿੰਦਰ ਕੌਰ ਨੂੰ 203 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ। ਜਦੋਂਕਿ ਪਿੰਡ ਢਾਣੀ ਤੇਲਿਆਂਵਾਲੀ 'ਚ ਗੋਪੀ ਤਰਮਾਲਾ ਧੜੇ ਦੀ ਉਮੀਦਵਾਰ ਪਰਮੇਸ਼ਵਰੀ ਦੇਵੀ ਨੇ ਅਕਾਲੀ ਆਗੂ ਪਿੱਪਲ ਸਿੰਘ ਧੜੇ ਦੇ ਬੂਟਾ ਸਿੰਘ ਨੂੰ ਸ਼ਿਕਸਤ ਦਿੱਤੀ। ਪਿੰਡ ਚੱਕ ਮਿੱਡੂ ਸਿੰਘ ਵਾਲਾ ਵਿਖੇ ਸਥਾਪਿਤ ਅਕਾਲੀ ਆਗੂ ਰਮਿੰਦਰਪਾਲ ਸਿੰਘ ਰੰਮੀ ਕੁਲਾਰ ਦਾ ਧੜਾ 11 ਵੋਟਾਂ ਨਾਲ ਪਿੰਡ ਦੇ ਭਾਈਚਾਰੇ ਤੋਂ ਸਰਪੰਚੀ ਦੀ ਚੋਣ 'ਚ ਮਾਤ ਖਾ ਗਿਆ। ਇੱਥੇ ਗੁਰਮੇਲ ਸਿੰਘ ਨੇ ਨਿਰਮਲ ਕੌਰ ਨੂੰ ਹਰਾਇਆ।
ਇਸਤੋਂ ਇਲਾਵਾ ਪਿੰਡ ਭਾਗੂ ਵਿਖੇ ਸਾਬਕਾ ਸਰਪੰਚ ਸਵਰਗੀ ਕੁਲਵੰਤ ਸਿੰਘ ਅਤੇ ਸਾਬਕਾ ਸਰਪੰਚ ਰਣਜੀਤ ਕੌਰ ਦੇ 30 ਸਾਲਾ ਪੁੱਤਰ ਅਤੇ ਨੌਜਵਾਨ ਆਗੂ ਸਤਵਿੰਦਰ ਸਿੰਘ ਨੇ ਸਰਪੰਚੀ ਚੋਣ ਵਿਚ ਆਪਣੇ ਸਕੇ ਤਾਏ ਦੇ ਲੜਕੇ ਕੁਲਵਿੰਦਰ ਸਿੰਘ ਨੂੰ 99 ਵੋਟਾਂ ਹਰਾਇਆ। ਇਸਦੇ ਇਲਾਵਾ ਪਿੰਡ ਖਿਉਵਾਲੀ 'ਚ ਸਰਪੰਚ ਚੋਣ ਵਿਚ ਕਾਂਗਰਸ ਪੱਖੀ ਉਮੀਦਵਾਰ ਰਾਜਾ ਰਾਮ ਨੇ ਅਕਾਲੀ ਦਲ ਪੱਖੀ ਬਲਤੇਜ ਸਿੰਘ ਨੂੰ 315 ਵੋਟਾਂ ਦੇ ਵੱਡੇ ਫ਼ਰਕ ਨਾਲ ਮਾਤ ਦਿੱਤੀ। ਜਦੋਂਕਿ ਛੇਕੜਲੇ ਪਿੰਡ ਵੜਿੰਗਖੇੜਾ ਵਿਖੇ ਅਕਾਲੀ ਸਿਆਸਤ ਦੇ ਬਾਬਾ ਬੋਹੜ ਬਖਤੌਰ ਸਿੰਘ ਦੇ ਪੋਤਰੇ ਕਸ਼ਮੀਰ ਸਿੰਘ ਆਪਣੇ ਵਿਰੋਧੀ ਅਕਾਲੀ ਆਗੂ ਗੁਰਲਾਲ ਸਿੰਘ ਵੜਿੰਗ ਨੂੰ 337 ਵੋਟਾਂ ਨਾਲ ਹਰਾ ਕੇ ਜੇਤੂ ਰਹੇ। ਪਿੰਡ ਵੜਿੰਗਖੇੜਾ 'ਚ ਕਾਂਗਰਸ ਪੱਖੀ ਉਮੀਦਵਾਰ ਦਰਸ਼ਨ ਸਿੰਘ ਭੋਲੂ ਨੂੰ 114 ਅਤੇ ਸਾਬਕਾ ਸਰਪੰਚ ਗੁੱਡੂ ਸਿੰਘ ਨੂੰ ਮਹਿਜ਼ 8 ਵੋਟਾਂ ਨਾਲ ਸਬਰ ਕਰਨਾ ਪਿਆ। ਇਸੇ ਤਰ੍ਹਾਂ ਪਿੰਡ ਕਿੱਲਿਆਂਵਾਲੀ 'ਚ ਅਕਾਲੀ ਆਗੂ ਕੁਲਬੀਰਇੰਦਰ ''ਬੰਟੂ ਭਾਟੀ''-ਸੁਖਪਾਲ ਭਾਟੀ ਧੜੇ ਦੇ 10 ਪੰਚ ਚੁਣੇ ਗਏ ਅਤੇ ਬਲਦਰਸ਼ਨ ਸਿੰਘ ਸਾਬਕਾ ਸਰਪੰਚ ਧੜੇ ਦਾ ਇੱਕੋ ਪੰਚ ਜਿੱਤ ਸਕਿਆ। 
        ਇਸਦੇ ਇਲਾਵਾ ਪਿੰਡ ਸਹਿਣਾਖੇੜਾ 'ਚ ਚਰਚਿਤ ਅਕਾਲੀ ਸਰਪੰਚ ਜਸਵੰਤ ਸਿੰਘ ਧੜੇ ਦਾ ਠਾਣਾ ਸਿੰਘ ਵਿਰੋਧੀ ਧੜੇ ਪੱਪੂ ਮਾਨ-ਬੱਬੂ ਬਰਾੜ ਧੜੇ ਦੇ ਕੁਲਦੀਪ ਸਿੰਘ ਮਾਣਕ ਹੱਥੋਂ 158 ਵੋਟਾਂ ਨਾਲ ਹਾਰ ਗਿਆ। ਜਦੋਂਕਿ ਤੱਪਾ ਖੇੜਾ ਵਿਖੇ ਅਕਾਲੀ ਆਗੂ ਬਿੰਨੀ ਮਾਨ ਦਾ ਧੜਾ ਵੀ ਵਿਰੋਧੀ ਅਕਾਲੀ ਧੜੇ ਹੱਥੋਂ ਮਾਤ ਖਾ ਗਿਆ।  ਇਸਤੋਂ ਇਲਾਵਾ  ਸੀਨੀਅਰ ਅਕਾਲੀ ਆਗੂ ਤੇਜਿੰਦਰ ਸਿੰਘ ਮਿੱਡੂਖੇੜਾ ਦੀ ਸੱਜੀ ਬਾਂਹ ਨੌਜਵਾਨ ਆਗੂ ਜਗਮੀਤ ਸਿੰਘ ਖੁੱਡੀਆਂ ਵੀ ਖੁੱਡੀਆਂ ਮਹਾਂ ਸਿੰਘ 'ਚ ਵਿਰੋਧੀ ਅਕਾਲੀ ਗੋਰਾ ਮਾਨ ਤੋਂ ਸਰਪੰਚੀ ਹਾਰ ਗਏ। ਪਿੰਡ ਖੁੱਡੀਆਂ ਗੁਲਾਬ ਸਿੰਘ 'ਚ ਵਾਰਡ ਨੰਬਰ 1 ਤੋਂ ਕਿਸਮਤ ਅਜਮਾ ਰਹੇ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਸਾਹਬ ਸਿੰਘ ਖੁੱਡੀਆਂ ਸਿਰਫ਼ 4 ਵੋਟਾਂ ਦੇ ਅੰਤਰ ਨਾਲ ਜਿੱਤ ਦਰਜ ਕਰਕੇ ਪੰਚ ਬਣ ਸਕੇ। ਦੱਸਣਯੋਗ ਹੈ ਕਿ ਲੰਬੀ ਹਲਕੇ ਦੀਆਂ 83 ਪੰਚਾਇਤਾਂ ਦੀਆਂ ਸਰਪੰਚੀਆਂ 'ਤੇ ਅਕਾਲੀ ਦਲ ਦੇ ਵੱਖ-ਵੱਖ ਧੜਿਆਂ ਦਾ ਕਬਜ਼ਾ ਹੋ ਗਿਆ, ਜਦੋਂਕਿ ਵਿਰੋਧੀ ਪਾਰਟੀ ਕਾਂਗਰਸ ਨੂੰ ਸਿਰਫ਼ ਦੋ ਪੰਚਾਇਤ ਭੁੱਲਰਵਾਲਾ ਅਤੇ ਖਿਉਵਾਲੀ ਦੀਆਂ ਸਰਪੰਚੀਆਂ ਹਾਸਲ ਹੋ ਸਕੀਆਂ। 

-----------------------
          ਮੁੱਖ ਮੰਤਰੀ ਬਾਦਲ ਦੀ ਭਤੀਜੀ ਪੰਚੀ ਦੀ ਚੋਣ ਹਾਰੀ 

ਲੰਬੀ : ਸੂਬਾਈ ਸਿਆਸਤ ਦੇ ਸਿਰਮੌਰ ਆਗੂ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਭਤੀਜੀ ਬੀਬੀ ਪਰਮਜੀਤ ਕੌਰ ਲੰਬੀ ਹਲਕੇ ਦੇ ਪਿੰਡ ਵੜਿੰਗਖੇੜਾ ਦੇ ਵਾਰਡ 4 ਤੋਂ ਹਾਰ ਗਏ। ਉਨ੍ਹਾਂ ਨੂੰ ਕਾਂਗਰਸ ਪੱਖੀ ਉਮੀਦਵਾਰ ਹਰਵਿੰਦਰ ਕੌਰ ਸਹਾਰਨ ਨੇ 33 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ। ਜੇਤੂ ਉਮੀਦਵਾਰ ਹਰਵਿੰਦਰ ਕੌਰ ਨੂੰ 122 ਅਤੇ ਬੀਬੀ ਪਰਮਜੀਤ ਕੌਰ ਨੂੰ 89 ਵੋਟਾਂ ਮਿਲੀਆਂ। ਇਸਦੇ ਇਲਾਵਾ ਤੀਜੇ ਨੰਬਰ 'ਤੇ ਰਹੀ ਉਮੀਦਵਾਰ ਗੁਰਮੀਤ ਕੌਰ ਨੇ 53 ਵੋਟਾਂ ਪ੍ਰਾਪਤ ਕੀਤੀਆਂ। ਜ਼ਿਰਕਯੋਗ ਹੈ ਕਿ ਬੀਬੀ ਪਰਮਜੀਤ ਕੌਰ ਮੁੱਖ ਮੰਤਰੀ ਬਾਦਲ ਦੇ ਚਚੇਰੇ ਭਰਾ ਹਰਬੰਸ ਸਿੰਘ ਢਿੱਲੋਂ (ਕਾਲਝਰਾਨੀ) ਦੀ ਪੁੱਤਰੀ ਹੈ, ਜੋ ਕਿ ਪਿੰਡ ਵੜਿੰਗਖੇੜਾ ਦੇ ਸਰਮਾਏਦਾਰ ਹਰਦਵਿੰਦਰ ਸਿੰਘ 'ਲਾਲੀ' ਦੀ ਧਰਮਪਤਨੀ ਹਨ।

26 June 2013

ਮਿੱਡੂਖੇੜਾ ਦੀ ਨਿਰੋਵਿਰੋਧ ਸਰਪੰਚੀ ਵਿਵਾਦਾਂ 'ਚ : ਵਿਰੋਧੀ ਉਮੀਦਵਾਰਾਂ ਨੇ ਧੱਕੇ ਨਾਲ ਕਾਗਜ਼ ਰੱਦ ਕਰਵਾਉਣ ਦੇ ਦੋਸ਼ ਮੜੇ

                        -ਰਿਟਰਨਿੰਗ ਅਫਸਰ ਜੈਲਾ ਰਾਮ 'ਤੇ ਅਕਾਲੀ ਆਗੂ ਮਿੱਡੂਖੇੜਾ ਦਾ ਪੱਖ ਪੂਰਨ ਦਾ ਦੋਸ਼ -
                                                             ਇਕਬਾਲ ਸਿੰਘ ਸ਼ਾਂਤ
ਲੰਬੀ, 25 ਜੂਨ : ਨਾਮਜ਼ਦਗੀ ਪ੍ਰਕਿਰਿਆ ਦੌਰਾਨ ਵਿਰੋਧੀ ਉਮੀਦਵਾਰ ਦੇ ਕਾਗਜ਼ ਰੱਦ ਹੋਣ ਕਰਕੇ ਨਿਰਵਿਰੋਧ ਚੁਣੀ ਗਈ ਪਿੰਡ ਮਿੱਡੂਖੇੜਾ ਦੀ ਸਰਪੰਚੀ ਪਹਿਲੇ ਹੱਲੇ ਵਿਵਾਦਾਂ ਵਿਚ ਘਿਰ ਗਈਉਕਤ ਮਾਮਲੇ 'ਚ ਪੀੜਤ ਧਿਰ ਨੇ ਰਿਟਰਨਿੰਗ ਅਫਸਰ ਜੈਲਾ ਰਾਮ 'ਤੇ ਅਕਾਲੀ ਆਗੂ ਤੇਜਿੰਦਰ ਸਿੰਘ ਮਿੱਡੂਖੇੜਾ ਦੇ ਇਸ਼ਾਰੇ 'ਤੇ ਉਨ੍ਹਾਂ ਦੇ ਕਾਗਜ਼ਾਂ 'ਚ ਤਕਨੀਕੀ ਖਾਮੀਆਂ ਪੈਦਾ ਕਰਕੇ ਰੱਦ ਕਰਵਾਉਣ ਦੇ ਦੋਸ਼ ਲਾਏ ਹਨਉਨ੍ਹਾਂ ਤੇਜਿੰਦਰ ਮਿੱਡੂਖੇੜਾ 'ਤੇ ਸਰਪੰਚੀ ਦੀ ਚੋਣ 'ਤੇ ਪਾਸੇ ਹਟਣ ਲਈ ਡਰਾਉਣ ਧਮਕਾਉਣ ਜਿਹੇ ਗੰਭੀਰ ਦੋਸ਼ ਲਾਏ ਹਨ 
ਦੂਜੇ ਪਾਸੇ ਤੇਜਿੰਦਰ ਸਿੰਘ ਮਿੱਡੂਖੇੜਾ ਅਤੇ ਰਿਟਰਨਿੰਗ ਅਫਸਰ ਜੈਲਾ ਰਾਮ ਨੇ ਉਕਤ ਦੋਸ਼ਾਂ ਨੂੰ ਸਿਰੇ ਤੋਂ ਖਾਰਜ਼ ਕੀਤਾ ਹੈਦੱਸਣਯੋਗ ਹੈ ਕਿ ਪਿੰਡ ਮਿੱਡੂਖੇੜਾ 'ਚ ਐਤਕੀਂ ਸਰਪੰਚੀ ਅਨੂਸੂਚਿਤ ਜਾਤੀ ਦੀ ਔਰਤ ਲਈ ਰਾਖਵੀ ਹੈ ਅਤੇ ਸ੍ਰੀ ਮਿੱਡੂਖੇੜਾ ਧੜੇ ਦੀ ਮਨਜਿੰਦਰ ਕੌਰ ਪਤਨੀ ਅਮਰਜੀਤ ਸਿੰਘ ਨਿਰਵਿਰੋਧ ਚੁਣੀ ਗਈ ਹੈਜਦੋਂਕਿ ਸੱਤ ਪੰਚਾਇਤ ਮੈਂਬਰ ਵੀ ਨਿਰਵਿਰੋਧ ਚੁਣੇ ਗਏ ਹਨ।  
ਅੱਜ ਮਹਿਣਾ ਵਿਖੇ ਰਿਟਰਨਿੰਗ ਦਫ਼ਤਰ ਦੇ ਕੈਂਪ ਦਫ਼ਤਰ ਮੂਹਰੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਪਿੰਡ ਮਿੱਡੂਖੇੜਾ ਦੇ ਗੁਰਜਿਦਰ ਸਿੰਘ ਕੁਲਾਰ, ਤੇਜ ਸਿੰਘ, ਸੁਖਦੇਵ ਸਿੰਘ ਰਾਜਕਰਨ ਸਿੰਘ, ਨੇ ਦੱਸਿਆ ਕਿ ਉਸਦੀ ਪਤਨੀ ਹਰਜਿੰਦਰ ਕੌਰ, ਬਨਵਾਰੀ ਲਾਲ ਅਤੇ ਜਗਦੇਵ ਸਿੰਘ ਨੇ ਦੋਸ਼ ਲਾਇਆ ਕਿ ਸਵਰਨਜੀਤ ਕੌਰ ਪਤਨੀ ਤੇਜ ਸਿੰਘ ਅਤੇ ਹਰਜਿੰਦਰ ਕੌਰ ਪਤਨੀ ਸੁਖਦੇਵ ਸਿੰਘ ਨੇ ਸਰਪੰਚੀ ਅਤੇ ਰਾਜਕਰਨ ਸਿੰਘ ਨੇ ਪੰਚੀ ਲਈ ਕਾਗਜ਼ ਦਾਖਲ ਕੀਤੇ ਸਨਸੁਖਦੇਵ ਸਿੰਘ ਨੇ ਦੋਸ਼ ਲਾਇਆ ਕਿ ਅਕਾਲੀ ਆਗੂ ਚੇਅਰਮੈਨ ਤੇਜਿੰਦਰ ਸਿੰਘ ਮਿੱਡੂਖੇੜਾ ਨੇ ਉਨ੍ਹਾਂ ਨੂੰ ਫੋਨ ਉੱਪਰ ਕਥਿਤ ਤੌਰ 'ਤੇ ਕਾਗਜ਼ ਵਾਪਸ ਲੈਣ ਡਰਾਇਆ ਧਮਕਾਇਆ ਸਰਪੰਚੀ ਨੂੰ ਛੱਡ ਕੇ ਮੈਂਬਰੀ ਲੈਣ ਦੀ ਗੱਲ ਆਖੀਰਾਜਕਰਨ ਸਿੰਘ ਨੇ ਆਖਿਆ ਕਿ ਜਦੋਂ ਉਨ੍ਹਾਂ ਨੇ ਇਸ ਗੱਲ ਨੂੰ ਨਾ ਮੰਨਿਆ ਤਾਂ ਰਿਟਰਨਿੰਗ ਅਫਸਰ ਜੈਲਾ ਰਾਮ ਦੇ ਜਰੀਏ ਸਿੱਧੇ ਤੌਰ 'ਤੇ ਕਾਗਜ਼ ਵਾਪਸ ਲੈਣ ਅਤੇ ਉਕਤ ਆਗੂ ਨਾਲ ਰਾਜੀਨਾਮਾ ਕਰਨ ਲਈ ਦਬਾਅ ਪਾਇਆ ਗਿਆਜਦੋਂ ਉਨ੍ਹਾਂ ਨੇ ਚੋਣ ਲੜਨ ਲਈ ਡਟੇ ਰਹਿਣ 'ਤੇ ਨਾਮਜ਼ਦਗੀ ਕਾਗਜ਼ਾਂ 'ਚ ਚਲਾਨ ਫਾਰਮ ਨਾ ਭਰੇ ਹੋਣ ਅਤੇ ਨਾਮਜ਼ਦਗੀ ਕਾਗਜ਼ਾਂ 'ਚ ਤਈਦਕਰਤਾ ਦੇ ਦੋਹਰੇ ਹਸਤਾਖ਼ਰ ਦਰਸ਼ਾ ਕੇ ਕਾਗਜ਼ਾਂ ਨੂੰ ਰੱਦ ਕਰ ਦਿੱਤਾਜਦੋਂਕਿ ਕਾਗਜ਼ ਭਰਨ ਸਮੇਂ ਸਾਰੀ ਫਾਈਲ ਰਿਟਰਨਿੰਗ ਅਫਸਰ ਵੱਲੋਂ ਅਗਾਊਂ ਤੌਰ 'ਤੇ ਪੜਤਾਲ ਕਰਕੇ ਜਮ੍ਹਾਂ ਕੀਤੀ ਗਈ ਸੀਉਨ੍ਹਾਂ ਆਖਿਆ ਕਿ ਚੋਣ ਕਮਿਸ਼ਨ ਦੇ ਤਹਿਤ ਰਿਟਰਨਿੰਗ ਅਫਸਰ ਜਿਹੇ ਜੁੰਮੇਵਾਰ ਅਹੁਦੇ 'ਤੇ ਕੰਮ ਕਰਨ ਅਧਿਕਾਰੀ ਵੱਲੋਂ ਧਿਰ ਬਣ ਕੇ ਉਮੀਦਵਾਰਾਂ 'ਤੇ ਦਬਾਅ ਪਾਉਣਾ ਸਿੱਧੇ ਤੌਰ 'ਤੇ ਚੋਣ ਨਿਯਮਾਂ ਦੀ ਉਲੰਘਣਾ ਹੈਉਨ੍ਹਾਂ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਦੇ ਨੇੜਲੇ ਆਗੂ ਹੀ ਉਨ੍ਹਾਂ ਦੇ ਨਿਰਪੱਖ ਚੋਣਾਂ ਕਰਵਾਉਣ ਦੇ ਦਾਅਵਿਆਂ ਨੂੰ ਝੁਠਲਾ ਰਹੇ ਹਨਉਕਤ ਵਿਅਕਤੀਆਂ ਨੇ ਚੋਣ ਕਮਿਸ਼ਨ ਤੋਂ ਪਿੰਡ ਮਿੱਡੂਖੇੜਾ 'ਚ ਮੁੜ ਤੋਂ ਚੋਣ ਕਰਵਾਉਣ ਦੀ ਮੰਗ ਕੀਤੀ 

ਦੂਜੇ ਪਾਸੇ ਤੇਜਿੰਦਰ ਸਿੰਘ ਮਿੱਡੂਖੇੜਾ ਨੇ ਆਖਿਆ ਕਿ ਉਹ ਖੇਤਰ ਤੋਂ ਬਾਹਰ ਹਨ ਅਤੇ ਉਨ੍ਹਾਂ ਨੇ ਕਿਸੇ ਨੂੰ ਫੋਨ 'ਤੇ  ਕਾਗਜ਼ ਵਾਪਸ ਲੈਣ ਲਈ ਡਰਾਇਆ ਧਮਕਾਇਆਜਦੋਂਕਿ ਰਿਟਰਨਿੰਗ ਅਫ਼ਸਰ ਜੈਲਾ ਰਾਮ ਨੇ ਸਮੂਹ ਦੋਸ਼ਾਂ ਨੂੰ ਖਾਰਜ਼ ਕਰਦਿਆਂ ਆਖਿਆ ਕਿ ਉਕਤ ਵਿਅਕਤੀਆਂ ਦੇ ਕਾਗਜ਼ਾਂ ਵਿਚ ਚਲਾਨ ਫਾਰਮ ਦੀ ਰਕਮ ਨਹੀਂ ਜਮ੍ਹਾਂ ਕਰਵਾਈ ਗਈ ਅਤੇ ਬਾਕੀ ਫਾਰਮਾਂ ਵਿਚ ਇੱਕ ਵਿਅਕਤੀ ਵੱਲੋਂ ਦੋਹਰੀ ਸ਼ਨਾਖ਼ਤਕ ਕੀਤੀ ਗਈ ਸੀ 

26 May 2013

ਰਾਹੁਲ ਦੇ 'ਦੱਬਕੇ' ਮਗਰੋਂ ਕਾਂਗਰਸੀਆਂ ਲਈ 'ਸ਼ਿਮਲਾ' ਬਣਿਆ ਪਿੰਡ ਮਾਨਾ

                                            ਇਕਬਾਲ ਸਿੰਘ ਸ਼ਾਂਤ
         ਲੰਬੀ, 25 ਮਈ : ਪੰਜਾਬ ਦੀ ਮੌਜੂਦਾ ਸਿਆਸਤ ਤਪਦੇ ਮਸਲਿਆਂ ਤੋਂ ਲਗਾਤਾਰ ਅਵੇਸਲੀ ਹੁੰਦੀ ਜਾ ਰਹੀ ਹੈ। ਅਤਿ ਦੀ ਗਰਮੀ 'ਚ ਵੋਟਾਂ ਦੀ ਖਾਤਰ ਆਮ ਲੋਕਾਂ ਵਿਚਕਾਰ ਫਿੱਕ ਅਤੇ ਫੁੱਟ ਪੁਆ ਕੇ ਸਮੁੱਚਾ ਉੱਚ ਪੱਧਰੀ ਸਿਆਸੀ ਤਾਣਾ-ਬਾਣਾ ਏਅਰ ਕੰਡੀਸ਼ਨਡ ਕਮਰਿਆਂ 'ਚ ਠੰਡਕ ਮਾਣ ਰਿਹਾ ਹੈ। ਪੰਜਾਬ ਦੀਆਂ ਗੂੜ੍ਹੀਆਂ ਭਾਈਚਾਰਕ ਤੰਦਾਂ ਨੂੰ ਵੋਟਾਂ ਦੇ ਗੇੜ 'ਚ 'ਜਹਿਰਵਾਦ' ਦੀ ਚਰਮ ਸੀਮਾ 'ਤੇ ਲਿਜਾਣ ਵਾਲੇ ਪਿੰਡ ਮਾਨਾ ਕਾਂਡ ਦੇ ਦੁਖਾਂਤ ਬਾਰੇ ਘੋਖਣ/ਸੋਚਣ ਦਾ ਸਮਾਂ ਸੂਬਾਈ ਸਿਆਸਤ ਦੀਆਂ ਨੀਲੇ-ਕੇਸਰੀ ਅਤੇ ਚਿੱਟੇ ਬਾਣੇ ਵਾਲੀਆਂ ਦੋਵੇਂ ਸਿਆਸੀ ਧੁਰੀਆਂ ਕੋਲ ਨਹੀਂ। 

        ਬੀਤੀ 19 ਮਈ ਨੂੰ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਚੋਣਾਂ ਦੌਰਾਨ ਹਕੂਮਤੀ ਹਲਕੇ ਲੰਬੀ ਦੇ ਪਿੰਡ ਮਾਨਾਂ 'ਚ ਅਕਾਲੀ ਦਲ ਅਤੇ ਕਾਂਗਰਸੀਆਂ ਵਿਚਕਾਰ ਹੋਏ ਖੂਨੀ ਟਾਕਰੇ ਦੇ ਬਾਅਦ ਅੱਜ ਤੱਕ ਸੂਬੇ ਦੀ ਕਿਸੇ ਸਿਆਸੀ ਪਾਰਟੀ ਦਾ ਵੱਡਾ ਲੀਡਰ ਪਿੰਡ ਮਾਨਾ 'ਚ ਘਟਨਾ ਦੇ ਹਾਲਾਤਾਂ ਦਾ ਜਾਇਜ਼ਾ ਲੈਣ ਨਹੀਂ ਪੁੱਜਿਆ। 
ਗੌਰਤਲਬ ਹੈ ਕਿ ਸੂਬੇ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ-ਕਮ-ਗ੍ਰਹਿ ਮੰਤਰੀ ਸੁਖਬੀਰ ਸਿੰਘ ਬਾਦਲ ਵੀ ਪਿਛਲੇ ਤਿੰਨ-ਚਾਰ ਦਿਨ ਤੋਂ ਪਿੰਡ ਮਾਨਾ ਤੋਂ ਮਹਿਜ਼ ਦੋ ਕਿਲੋਮੀਟਰ ਦੂਰ ਸਥਿਤ ਆਪਣੇ ਜੰਦੀ ਪਿੰਡ ਬਾਦਲ 'ਚ ਵਿਚਰਦੇ ਰਹੇ ਹਨ ਪਰ ਉਨ੍ਹਾਂ ਨੇ ਪਿੰਡ ਮਾਨਾ ਵੱਲ ਰੁੱਖ ਕਰਨ ਦੀ ਜ਼ਰੂਰਤ ਨਹੀਂ ਸਮਝੀ। ਹਾਲਾਂਕਿ ਅਜੇ ਵੀ ਪੁਲੀਸ ਅਮਲਾ ਵੱਡੀ ਗਿਣਤੀ ਵਿਚ  ਮਾਨਾ ਵਿਖੇ ਤਾਇਨਾਤ ਹੈ। ਆਮ ਜਨਤਾ ਵਿਚ ਸਿਆਸੀ ਹਿੱਤਾਂ ਕਰਕੇ ਵਾਪਰੇ ਉਕਤ ਮਾਮਲੇ ਖੂਨੀ ਘਟਨਾਕ੍ਰਮ ਤੋਂ ਸਿਆਸੀ ਲੋਕਾਂ ਵੱਲੋਂ ਹੌਲੇਪਨ 'ਚ ਲੈਣ ਪ੍ਰਤੀ ਗਹਿਰਾ ਰੋਸ ਹੈ। 

 ਇਸ ਤਪਦੇ ਮਸਲੇ 'ਤੇ ਇੱਕ ਪੂਰੇ ਇੱਕ ਹਫ਼ਤੇ ਬਾਅਦ ਹੁਣ ਪੰਜਾਬ ਕਾਂਗਰਸ ਦੀ ਹਾਈਕਮਾਂਡ ਦੀ ਜਾਗ ਖੁਲ੍ਹੀ ਹੈ 
ਅਤੇ ਪੰਜਾਬ ਕਾਂਗਰਸ ਦੇ ਮਝੈਲ ਪ੍ਰਧਾਨ ਪ੍ਰਤਾਪ ਸਿੰਘ ਬਾਜਵਾ ਪਰਸੋਂ 27 ਮਈ ਨੂੰ ਸਵੇਰੇ 10 ਵਜੇ ਪਿੰਡ ਮਾਨਾ ਪੁੱਜ ਕੇ ਪੁਲੀਸ ਕੇਸਾਂ ਦੀ ਮਾਰ ਹੇਠ ਆਏ ਕਾਂਗਰਸ ਪਰਿਵਾਰਾਂ ਨਾਲ ਮੁਲਾਕਾਤ ਕਰਨਗੇ, ਉਥੇ ਪੰਜਾਬ ਕਾਂਗਰਸ ਦੇ 'ਬੁੱਢੇ ਸ਼ੇਰ' ਕੈਪਟਨ ਅਮਰਿੰਦਰ ਸਿੰਘ ਨੇ 'ਰੁਝੇਵਿਆਂ' 'ਚੋਂ ਸਮਾਂ ਕੱਢ ਕੇ ਅੱਜ ਇੱਕ ਗਰਮਾ-ਗਰਮ ਬਿਆਨ ਜਾਰੀ ਕੀਤਾ ਹੈ।
ਪਤਾ ਲੱਗਿਆ ਹੈ ਕਿ ਚੋਣਾਂ ਦੌਰਾਨ ਵਾਪਰੇ ਮਾਨਾ ਕਾਂਡ ਦਾ ਮਾਮਲਾ ਨਵੀਂ ਦਿੱਲੀ 'ਚ ਕਾਂਗਰਸ ਹਾਈਕਮਾਂਡ ਦੇ ਕੰਨਾਂ ਤੱਕ ਜਾ ਪੁੱਜਿਆ। ਜਿਸਦੇ ਬਾਅਦ ਪਾਰਟੀ ਦੇ ਦਾਦੀ ਸਟਾਈਲ 'ਚ ਨਵੇਂ-ਨਵੇਂ 'ਸਖ਼ਤ' ਹੋਏ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਨੇ ਸੂਬਾਈ ਕਾਂਗਰਸ ਤੋਂ ਉਕਤ ਮਾਮਲੇ ਸਬੰਧੀ ਤਿੱਖੀ ਜਵਾਬ ਤਲਬੀ ਕੀਤੀ। ਜਿਸਦੇ ਬਾਅਦ ਬਾਦਲਾਂ ਦੇ ਹਲਕੇ ਲੰਬੀ 'ਚ ਵੜਨੋਂ ਟਾਲਾ ਵੱਟਦੇ ਕਾਂਗਰਸ ਦੇ ਸੂਬਾਈ ਆਗੂਆਂ ਦੇ ਦਿਲੋ-ਦਿਮਾਗ ਉੱਪਰ ਮਾਨਾ ਕਾਂਡ ਤਰੋ-ਤਾਜ਼ਾ ਹੋ ਆਇਆ ਹੈ ਅਤੇ ਹੁਣ ਕਾਂਗਰਸ ਦੇ ਪ੍ਰਮੁੱਖ ਆਗੂ ਮਾਨਾ ਪਿੰਡ ਨੂੰ ਵਹੀਰਾ ਘੱਤਣ ਨੂੰ ਉਤਾਵਲੇ ਹੋਏ ਪਏ ਹਨ। ਜਿਨ੍ਹਾਂ ਵਿਚ ਤੇਜ਼ ਤਰਾਰ ਸਾਬਕਾ ਸੰਸਦ ਮੈਂਬਰ ਜਗਮੀਤ ਸਿੰਘ ਬਰਾੜ ਵੀ ਸ਼ਾਮਲ ਦੱਸੇ ਜਾਂਦੇ ਹਨ। ਜਿਨ੍ਹਾਂ ਦੇ ਵੀ ਇੱਕ-ਦੋ ਦਿਨਾਂ 'ਚ ਆਉਣ ਦੀ ਉਮੀਦ ਹੈ। 

ਕਾਂਗਰਸ ਦੇ ਸੂਬਾਈ ਹਾਈਕਮਾਂਡ ਵੱਲਂੋ ਪਿੰਡ ਮਾਨਾ ਵੱਲ ਉਕਤ ਕਦਮ ਉਦੋਂ ਪੁੱਟਿਆ ਗਿਆ ਹੈ ਜਦੋਂ ਬੀਤੀ 19 ਮਈ ਨੂੰ ਅਕਾਲੀਆਂ ਅਤੇ ਕਾਂਗਰਸੀਆਂ ਦੇ ਟਾਕਰੇ ਵਿਚ ਫੂਕੀਆਂ ਤੇ ਭੰਨੀਆਂ 8 ਕਾਰਾਂ ਅਤੇ ਇੱਕ ਮੋਟਰ ਸਾਇਕਲ ਲੰਬੀ ਥਾਣੇ ਦੇ ਮਾਲਖਾਨੇ 'ਚ ਪਹੁੰਚਾਏ ਜਾ ਚੁੱਕੇ ਹਨ। ਜਦੋਂਕਿ ਲੰਬੀ ਪੁਲੀਸ ਵੱਲੋਂ 12 ਭਰ ਸੰਗੀਨ ਧਾਰਾਵਾਂ ਵਾਲੇ ਦਰਜ ਪਰਚੇ 'ਚ ਪਿੰਡ ਮਾਨਾ ਦੇ 24 ਵਿਅਕਤੀਆਂ ਨੂੰ ਨਾਮਜਦ ਕਰਨ ਅਤੇ 150 ਅਣਪਛਾਤੇ ਕਾਨੂੰਨੀ ਸ਼ਿਕੰਜੇ ਦੇ ਗੇੜ 'ਚ ਆਉਣ ਕਰਕੇ ਪਿੰਡ ਦੇ ਬਹੁਗਿਣਤੀ ਕਾਂਗਰਸ ਆਗੂ ਅਤੇ ਵਰਕਰ ਆਪਣੇ ਪਰਿਵਾਰਾਂ ਸਮੇਤ ਗਾਇਬ ਹਨ ਅਤੇ ਰੂਪੋਸ਼ ਹੋ ਕੇ ਕਾਨੂੰਨੀ ਚਾਰਾਜੋਈ ਵਿਚ ਰੁੱਝੇ ਹੋਣ ਕਰਕੇ ਉਨ੍ਹਾਂ ਦੇ ਘਰ ਦੇ ਬੂਹਿਆਂ 'ਤੇ ਜਿੰਦਰੇ ਲਟਕੇ ਹੋਏ ਹਨ। ਅਜਿਹੇ ਵਿਚ 7 ਦਿਨ ਬਾਅਦ ਹੁਣ ਕੌਮੀ ਹਾਈਕਮਾਂਡ ਮੂਹਰੇ 'ਅੱਛਾ' ਬਣਨ ਅਤੇ ਪਾਰਟੀ ਰਿਕਾਰਡ ਲਈ ਅਖ਼ਬਾਰਾਂ ਦੀ ਸੁਰਖੀਆਂ 'ਚ ਆਉਣ ਤੋਂ ਜ਼ਿਆਦਾ ਕੁਝ ਨਹੀਂ ਜਾਪਦਾ । 

ਪੰਜਾਬ ਕਾਂਗਰਸ ਦੇ ਸੂਬਾਈ ਪ੍ਰਧਾਨ ਪ੍ਰਤਾਪ ਸਿੰਘ ਬਾਜਵਾ ਦੀ 27 ਮਈ ਨੂੰ ਪਿੰਡ ਮਾਨਾ 'ਚ ਸੰਭਾਵੀ ਫੇਰੀ ਲਈ ਅੱਜ ਪਿੰਡ ਬਾਦਲ ਵਿਖੇ ਹਲਕਾ ਇੰਚਾਰਜ਼ ਸ: ਮਹੇਸ਼ਇੰਦਰ ਸਿੰਘ ਬਾਦਲ ਦੀ ਰਿਹਾਇਸ਼ 'ਤੇ ਪਾਰਟੀ ਦੀ ਸੀਨੀਅਰ ਲੀਡਰਸ਼ਿਪ ਦੀ ਇੱਕ ਅਹਿਮ ਮੀਟਿੰਗ ਹੋਈ ਜਿਸ ਵਿਚ ਸ੍ਰੀ ਬਾਜਵਾ ਦੀ ਫੇਰੀ ਦੀਆਂ ਤਿਆਰੀਆਂ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਮੀਟਿੰਗ ਵਿਚ ਹਲਕਾ ਇੰਚਾਰਜ਼ ਮਹੇਸ਼ਇੰਦਰ ਸਿੰਘ ਬਾਦਲ, ਗਿੱਦੜਬਾਹਾ ਦੇ ਵਿਧਾਇਕ ਅਮਰਿੰਦਰ ਸਿੰਘ 'ਰਾਜਾ ਵੜਿੰਗ', ਪੰਜਾਬ ਕਾਂਗਰਸ ਦੇ ਸੀਨੀਅਰ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਅਤੇ ਜ਼ਿਲ੍ਹਾ ਯੂਥ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਣਧੀਰ ਸਿੰਘ ਧੀਰਾ ਖੁੱਡੀਆਂ ਸਮੇਤ ਹੋਰਨਾਂ ਪਾਰਟੀ ਆਗੂ ਵੀ ਮੌਜੂਦ ਸਨ। 
ਇਸ ਸਬੰਧ ਵਿਚ ਸੀਨੀਅਰ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਨੇ ਦੱਸਿਆ ਕਿ ਸੂਬਾ ਪ੍ਰਧਾਨ ਪ੍ਰਤਾਪ ਸਿੰਘ ਬਾਜਵਾ ਪਰਸੋਂ 27 ਮਈ ਨੂੰ ਪਹਿਲਾਂ ਲੰਬੀ ਹਲਕੇ 'ਚ ਅਕਾਲੀ ਦਲ ਦੀਆਂ ਧੱਕੇਸ਼ਾਹੀਆਂ ਅਤੇ ਬੂਥਾਂ 'ਤੇ ਜ਼ਬਰੀ ਕਬਜ਼ਿਆਂ ਕਰਕੇ ਹਾਰੇ ਕਾਂਗਰਸ ਦੇ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਉਮੀਦਵਾਰਾਂ ਨਾਲ ਪਹਿਲਾਂ ਪਿੰਡ ਬਾਦਲ ਵਿਖੇ ਮੀਟਿੰਗ ਕਰਨਗੇ। ਜਿਸਦੇ ਉਪਰੰਤ ਪਿੰਡ ਮਾਨਾ ਪੁੱਜ ਕੇ ਧੱਕੇਸ਼ਾਹੀਆਂ ਦੇ ਸ਼ਿਕਾਰ ਕਾਂਗਰਸੀ ਪਰਿਵਾਰਾਂ ਨਾਲ ਮਿਲਣਗੇ। 
ਜ਼ਿਕਰਯੋਗ ਹੈ ਕਿ ਬੀਤੇ ਦਿਨ੍ਹੀਂ ਪੀ.ਪੀ.ਪੀ. ਦੇ ਮੁਖੀ ਮਨਪ੍ਰੀਤ ਸਿੰਘ ਬਾਦਲ ਨੇ ਵੀ ਪਿੰਡ ਮਾਨਾ ਜਾਣ ਦਾ ਪ੍ਰੋਗਰਾਮ ਉਲੀਕਿਆ ਸੀ ਪਰ ਬਾਅਦ ਵਿਚ ਅਣਦੱਸੇ ਕਾਰਨਾਂ ਕਰਕੇ ਦੌਰਾ ਮੁਲਤਵੀ ਹੋ ਗਿਆ। 

     ਪਿੰਡ ਮਾਨਾ ਦੇ ਦੁਖਾਂਤ ਬਾਰੇ ਇੱਕ ਉੱਘੇ ਸਿਆਸੀ ਮਾਹਰ ਨੇ ਆਖਿਆ ਕਿ ਸੱਤਾ ਪੱਖ ਕੋਲ ਪੁਲੀਸ ਦਾ ਫਲੈਗ ਮਾਰਚ ਇੱਕ ਬਿਹਤਰੀਨ ਜਰੀਆ ਹੈ। ਜਿਸਦੇ ਸਦਕਾ 100-125 ਅਣਪਛਾਤੇ ਵਿਅਕਤੀਆਂ ਦੇ ਭੁਲੇਖੇ ਤੋਂ ਬਚਣ ਲਈ ਪਿੰਡ ਮਾਨਾ ਦੇ ਗੈਰ ਸਿਆਸੀ ਆਮ ਵਿਅਕਤੀ ਵੀ ਆਪਣੇ ਘਰਾਂ ਦੀਆਂ ਖੁਰਲੀਆਂ 'ਚ ਲੁਕ ਜਾਂਦੇ ਹਨ ਤਾਂ ਫਿਰ ਕਾਂਗਰਸੀਆਂ ਨੇ ਤਾਂ ਥਿਆਉਣਾ ਹੀ ਕੀ ਹੈ। ਉਨ੍ਹਾਂ ਆਖਿਆ ਕਿ ਬੀਤੇ ਪਰਸੋਂ ਮਨਪ੍ਰੀਤ ਸਿੰਘ ਬਾਦਲ ਦੇ ਪਿੰਡ ਮਾਨਾ 'ਚ ਜਾਣ ਸਬੰਧੀ ਐਲਾਨੇ ਸਮੇਂ 'ਤੇ ਪੁਲੀਸ ਵੱਲੋਂ ਪਿੰਡ ਵਿਖੇ 'ਅਮਨ ਕਾਨੂੰਨ' ਦੀ 'ਮਜ਼ਬੂਤੀ' ਲਈ ਫਲੈਗ ਮਾਰਚ ਕੀਤਾ ਗਿਆ ਸੀ। ਦੱਸਣਯੋਗ ਹੈ ਕਿ ਲੰਬੀ ਪੁਲੀਸ ਵੱਲੋਂ ਮਾਨਾ ਮਾਮਲੇ 'ਚ ਹੁਣ ਤੱਕ 5 ਜਣਿਆਂ ਨੂੰ ਗ੍ਰਿਫ਼ਤਾਰ ਕਰਕੇ ਜੁਡੀਸ਼ੀਅਲ ਜੇਲ੍ਹ ਭੇਜਿਆ ਜਾ ਚੁੱਕਿਆ ਹੈ। 

28 February 2013

ਮੋਗਾ ਜ਼ਿਮਨੀ ਚੋਣ ਦੇ ਨਤੀਜਿਆਂ ਦੀ ਸੂਚੀ



             Moga-73 Bye Election Results

Round

Vijay Sathi
(Congress)

Joginder Pal Jain
(SAD)
Gurmeet Singh
(PLP)
Jaswant Singh
(IKL)
Birinderpal Singh
(SAD(M))
Ravinder Singh
(PPP)
Shri Ram Denwal
(IND)
Hardev Singh
(IND)
Chinder Singh
(IND)
Rajinder Singh
(IND)

Total
Lead
1

2923
5634
37
18
82
760
19
18
22
52
9565
SAD
2701
2

3113
4814
39
19
70
681
16
15
20
60
8847
SAD
1701
3

3211
5855
49
21
94
692
16
31
42
64
10075
SAD
2644
4

3144
5829
57
20
96
490
11
34
45
87
9813
SAD
2685
5

2899
5567
41
23
72
841
16
30
53
90
9632
SAD
2668
6

3512
5874
40
12
71
567
13
27
40
85
10241
SAD
2362
7

3808
4128
26
17
48
573
10
13
19
39
8681
SAD
320
8

3389
4635
14
11
35
613
5
9
11
25
8747
SAD
1246
9

3922
5028
23
13
61
598
15
18
17
50
9745
SAD
1106
10

4535
5068
43
25
47
268
56
33
59
104
10238
SAD
533
11

5740
3869
13
11
15
172
14
14
9
20
9877
CNG
1871
12

4649
5596
27
13
45
366
10
18
28
42
10794
SAD
947
13

4401
5136
33
12
48
393
13
30
20
41 


10127
SAD
735
14

1174
2232+4
BALLOT
17
06
38
387
01
14
18
27
3914
SAD
1058+4
Total Votes
50420


69265+4
459
221
822
7401
215
304
403
786
130296
SAD WIN BY 18845+4