ਬਾਦਲਾਂ ਦੀ ਤੀਜੀ ਪੀੜ੍ਹੀ ਦੇ ਫੁੱਲ ਦਾ 18ਵੇਂ ਸਾਵਣ ’ਚ ਪ੍ਰਵੇਸ਼

* ਦਾਦਾ ਬਾਦਲ ਵੱਲੋਂ ਪੋਤਰੇ ਅਨੰਤਬੀਰ ਨੂੰ ਤੋਹਫ਼ੇ ਵਜੋਂ ਵਿਲੀ ਜੀਪ ਭੇਟ 

* ਕਦੇ ਵੱਡੇ ਬਾਦਲ ਨੇ ਵਿਲੀ ਜੀਪ ਤੋਂ ਆਰੰਭਿਆ ਸੀ ਪੰਜ ਵਾਰ ਮੁੱਖ ਮੰਤਰੀ ਬਣਨ ਦਾ ਸਿਆਸੀ ਸਫ਼ਰ 

ਇਕਬਾਲ ਸਿੰਘ ਸ਼ਾਂਤ

ਲੰਬੀ/ਡੱਬਵਾਲੀ: ਬਾਦਲਾਂ ਦੀ ਤੀਜੀ ਪੀੜ੍ਹੀ ਦਾ ਫੁੱਲ ਅਨੰਤਬੀਰ ਸਿੰਘ ਅੱਜ 18ਵੇਂ ਸਾਵਣ ਵਿੱਚ ਪ੍ਰਵੇਸ਼ ਕਰ ਗਿਆ। ਲਾਡਲੇ ਪੋਤਰੇ ਦੇ ਕਾਨੂੰਨੀ ਤੌਰ ’ਤੇ ਡਰਾਇਵਿੰਗ ਦੇ ਕਾਬਿਲ ਬਣਨ ’ਤੇ ਬਾਬਾ ਬੋਹੜ ਨੇ ਉਸਨੂੰ ਜਨਮ ਦਿਨ ਦੇ ਤੋਹਫ਼ੇ ਵਜੋਂ ਜੀਪ ਦਿੱਤੀ। ਡੱਬਵਾਲੀ ਤੋਂ ਤਿਆਰ ਕਰਵਾਈ ਵਿਲੀ ਜੀਪ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵੱਲੋਂ ਅਨੰਤਬੀਰ ਲਈ

ਸਰਪ੍ਰਾਈਜ਼ ਗਿਫ਼ਟ ਸੀ। ਜਿਸਦੇ ਬਾਰੇ ਵੱਡੇ ਬਾਦਲ ਅਤੇ ਅਨੰਤਬੀਰ ਦੇ ਪਿਤਾ ਸੁਖਬੀਰ ਸਿੰਘ ਬਾਦਲ ਨੂੰ ਹੀ ਜਾਣਕਾਰੀ ਸੀ। ਪਟਰੋਲ ਇੰਜਣ ਵਾਲੀ ਗ੍ਰੇ-ਗਰੀਨ ਰੰਗ ਦੀ ਜੀਪ ’ਚ ਅਲਾਇ ਵ੍ਹੀਲ, ਰੇਡੀਅਲ ਟਾਇਰ ਅਤੇ ਫੁੱਲ ਪਾਵਰ ਸਟੇਅਰਿੰਗ ਹੈ। ਜਿਸਨੂੰ ਬਣਨ ਵਿਚਕਾਰ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਪਿੰਡ ਬਾਦਲ ਵਿਖੇ ਜੀਪ ਨੂੰ ਮੰਗਵਾ ਕੇ ਵਾਚਿਆ ਸੀ। ਦੱਸਣਯੋਗ ਹੈ ਕਿ ਵਿਲੀ ਜੀਪਾਂ ਦਾ ਸ਼ੌਂਕ ਪੰਜਾਬ ਦੇ ਸਰਮਾਏਦਾਰ ਕਿਸਾਨ ਪਰਿਵਾਰਾਂ ਨੂੰ ਪੁਰਾਣੇ ਸਮੇਂ ਤੋਂ ਰਿਹਾ ਹੈ। ਇਸੇ ਤਰ੍ਹਾਂ ਦੀਆਂ ਵਿਲੀ ਜੀਪਾਂ ਰਾਹੀਂ ਉਸ ਸਮੇਂ ਕੱਚੀਆਂ-ਪੱਕੀਆਂ ਸੜਕਾਂ ’ਤੇ ਪਿੰਡ-ਪਿੰਡ, ਸ਼ਹਿਰ-ਸ਼ਹਿਰ ਘੁੰਮ ਕੇ ਪ੍ਰਕਾਸ਼ ਸਿੰਘ ਬਾਦਲ ਹੁਰਾਂ ਨੇ ਦਹਾਕਿਆਂ ਪਹਿਲਾਂ ਪੰਜ ਵਾਰ ਮੁੱਖ ਮੰਤਰੀ ਬਣਨ ਦਾ ਸਿਆਸੀ ਸਫ਼ਰ ਵਿੱਢਿਆ ਸੀ। ਜ਼ਿੰਦਗੀ ਸਿਖ਼ਰਲੇ ਦੌਰ ’ਚ ਵੱਡੇ ਬਾਦਲ ਨੇ ਵਿਲੀ ਜੀਪ ਪ੍ਰਤੀ ਸ਼ੌਂਕ ਨੂੰ ਆਪਣੀ ਤੀਜੀ ਪੀੜੀ ਨਾਲ ਜੋੜ ਕੇ ਪੋਤਰੇ ਨੂੰ ਵੀ ਲੋਕ ਸੇਵਾ ਦੀ ਚਿਣਗ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਹੈ। ਅਨੰਤਬੀਰ ਨੂੰ ਇਹ ਸਰਪ੍ਰਾਈਜ਼ ਤੋਹਫ਼ਾ ਅੱਜ ਦੇਰ ਸ਼ਾਮ ਪਿੰਡ ਬਾਦਲ ਵਿਖੇ ਰਿਹਾਇਸ਼ ’ਤੇ ਉਸਦੇ 18ਵੇਂ ਜਨਮ ਦਿਨ ਮੌਕੇ ਭੇਟ ਕੀਤਾ ਗਿਆ। ਪਰਿਵਾਰਕ ਤੌਰ ’ਤੇ ਮਨਾਏ ਇਸ ਨਿੱਜੀ ਸਮਾਗਮ ਵਿੱਚ ਉਸਦੇ ਦਾਦਾ ਪ੍ਰਕਾਸ਼ ਸਿੰਘ ਬਾਦਲ, ਪਿਤਾ ਸੁਖਬੀਰ ਸਿੰਘ ਬਾਦਲ, ਮਾਤਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ, ਮਾਮਾ ਬਿਕਰਮਜੀਤ ਸਿੰਘ ਮਜੀਠੀਆ ਅਤੇ ਉਨ੍ਹਾਂ ਦਾ ਪਰਿਵਾਰ, ਭੈਣਾਂ ਹਰਕੀਰਤ ਕੌਰ ਅਤੇ ਗੁਰਲੀਨ ਕੌਰ
ਵੀ ਮੌਜੂਦ ਸਨ। ਇਸਤੋਂ ਪਹਿਲਾਂ ਅਨੰਤਬੀਰ ਨੂੰ ਵਧਾਈ ਦੇਣ ਵਾਲਿਆਂ ’ਚ ਅਕਾਲੀ ਦਲ ਦੇ ਕੌਮੀ ਮੀਤ ਪ੍ਰਧਾਨ ਤੇਜਿੰਦਰ ਸਿੰਘ ਮਿੱਡੂਖੇੜਾ, ਹੈਪੀ ਪੀ.ਏ ਅਤੇ ਅਨਮੋਲ ਮਹਿਣਾ ਵੀ ਸ਼ਾਮਲ ਸਨ। ਬਾਦਲਾਂ ਦੇ ਨੇੜਲੇ ਸੂਤਰਾਂ ਅਨੁਸਾਰ ਅਨੰਤਬੀਰ ਵੱਲੋਂ ਕੇਕ ਕੱਟਣ ਮੌਕੇ ਜੀਪ ਦੀ ਚਾਬੀ ਸੌਂਪ ਕੇ ਜਨਮਦਿਨ ਦੀ ਖੁਸ਼ੀ ਨੂੰ ਚੌਗੁਣੀ ਕਰ ਦਿੱਤਾ ਗਿਆ। ਕਰੀਬ 4.25 ਲੱਖ ਰੁਪਏ ਦੀ ਲਾਗਤ ਵਾਲੀ ਵਿਲੀ ਜੀਪ ਨੂੰ ਡੱਬਵਾਲੀ ਦੇ ਬਲਵਿੰਦਰ ਸਿੰਘ ਸੋਨੀ ਉਰਫ਼ ਬਿੰਦਰ ਮਿਸਤਰੀ ਨੇ ਤਿਆਰ ਕੀਤਾ ਹੈ। ਜਿਸਦੀ ਡਿਲੀਵਰੀ ਬੀਤੇ ਐਤਵਾਰ ਸੁਖਬੀਰ ਸਿੰਘ ਬਾਦਲ ਨੂੰ ਸੌਂਪੀ ਗਈ। ਜ਼ਿਕਰਯੋਗ ਹੈ ਕਿ ਡੱਬਵਾਲੀ ਵਿੱਚ ਮੋਡੀਫਾਈ ਕੀਤੀਆਂ ਜੀਪਾਂ ਦੇਸ਼ ਭਰ ’ਚ ਮਸ਼ਹੂਰ ਹਨ। ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਤੋਂ ਅਮੀਰ ਘਰਾਣੇ ਅਤੇ ਵਪਾਰੀ ਹਰ ਮਹੀਨੇ ਦਰਜਨਾਂ ਦੀ ਤਾਦਾਦ ’ਚ ਡੱਬਵਾਲੀ ਤੋਂ ਗੱਡੀਆਂ ਤਿਆਰ ਕਰਵਾ ਕੇ ਲਿਜਾਂਦੇ ਹਨ। Dabwali Jeep Market ਜੀਪ ਮੋਡੀਫਾਈ ਦੇ ਕਾਰੋਬਾਰ ਨਾਲ ਡੱਬਵਾਲੀ ਦੇ ਲਗਪਗ ਚਾਰ-ਪੰਜ ਸੌ ਪਰਿਵਾਰ ਦਾ ਰੁਜ਼ਗਾਰ ਜੁੜਿਆ ਹੋਇਆ ਹੈ। ਇਸਤੋਂ ਪਹਿਲਾਂ ਸਾਬਕਾ ਮੁੱਖ ਮੰਤਰੀ ਬਾਦਲ ਪਰਿਵਾਰ ਨੂੰ ਡੱਬਵਾਲੀ ਦੇ ਨਾਮਧਾਰੀ ਟੇਲਰਜ਼ ਦੇ ਬਣਾਏ ਕੁੜਤੇ-ਪਜਾਮਿਆਂ ਦਾ ਸ਼ੌਕੀਨ ਮੰਨਿਆ ਜਾਂਦਾ ਸੀ, ਹੁਣ ਡੱਬਵਾਲੀ ਦੀਆਂ ਜੀਪਾਂ ਪ੍ਰਤੀ ਵੀ ਬਾਦਲਾਂ ਦਾ ਪਿਆਰ ਉਜਾਗਰ ਹੋਇਆ ਹੈ।

‘ਸਿਆਸੀ ਕੁੱਤੇਖਾਣੀ’ ਜਾਂ ਚੋਣ ਜ਼ਾਬਤਾ!

- ਸੀ.ਐਮ. ਕਾਫ਼ਲੇ ਦੀ ਗੱਡੀ-1 ’ਚ ਬੈਠਣ ਦੇ ਚੱਕਰ ਹਾਸੋਹੀਣੇ ਹਾਲਾਤਾਂ ਦੇ ਸ਼ਿਕਾਰ ਬਣੇ ਰਾਣਾ ਸੋਢੀ
- ਕੈਪਟਨ ਸਰਕਾਰ ਦਾ ਅੰਦਰੂਨੀ ਕਾਟੋ-ਕਲੇਸ਼ ਜੱਗਜਾਹਰ! ਭਖਵੇਂ ਨਤੀਜੇ ਉੱਬਲਣ ਦੇ ਆਸਾਰ

                                                      ਇਕਬਾਲ ਸਿੰਘ ਸ਼ਾਂਤ
ਲੰਬੀ: ਪੰਜਾਬ ਦੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਸੂੁਬੇ ਦੀ ਜਨਤਾ ਦੇ ਨਾਲ-ਨਾਲ ਆਪਣਿਆਂ ਨਾਲੋਂ ਵੀ ਦੂਰ ਹੋਣ ਲੱਗੇ ਹਨ। ਅੱਜ ਮਹਾਰਾਜੇ ਦੇ ਸ਼ਾਹੀ ਸੁਭਾਅ ਦੇ ਸ਼ਿਕਾਰ ਸੂਬੇ ਦੇ ਖੇਡ ਮੰਤਰੀ ਅਤੇ ਉਨ੍ਹਾਂ ਦੇ ਨਿੱਜੀ ਕੈਬਨਿਟ ਦੇ ਚਮਕਦੇ ਮੋਤੀ ਰਾਣਾ ਗੁਰਮੀਤ ਸਿੰਘ ਸੋਢੀ ਵੀ ਸ਼ਿਕਾਰ ਹੋ ਗਏ। ਜਲਾਲਬਾਦ ਹਲਕੇ ’ਚ ਚੋਣ ਪ੍ਰਚਾਰ ਲਈ ਲੰਬੀ ਹਲਕੇ ਦੇ ਪਿੰਡ ਮੋਹਲਾਂ ਤੋਂ ਰਵਾਨਾ ਹੋਣ ਸਮੇਂ ਖੇਡ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਨੂੰ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੇ ਕਾਫ਼ਲੇ ਦੀ ਸਰਕਾਰੀ ਗੱਡੀ ’ਚ ਨਹੀਂ ਬੈਠਣ ਦਿੱਤਾ ਗਿਆ, ਨਾ ਗੱਡੀ ਕੋਨਵਾਈ ’ਚ ਲੱਗਣ ਦਿੱਤੀ ਗਈ। ਮੁੱਖ ਮੰਤਰੀ ਦੇ ਸੁਰੱਖਿਆ ਸਲਾਹਕਾਰ ਖੂਬੀ ਰਾਮ ਮੂਹਰੇ ਪੰਜਾਬ ਦੇ ਖੇਡ ਮੰਤਰੀ ਗੁਰਮੀਤ ਸਿੰਘ ਸੋਢੀ ਨੇ ਕਾਫ਼ੀ ਮਸ਼ੱਕਤ ਕਰਕੇ ਕਾਫ਼ਲੇ ਦੀ ਗੱਡੀ ਨੰਬਰ-1 ’ਚ

ਬੈਠਣ ਦੀ ਕਾਫ਼ੀ ਕੋਸ਼ਿਸ਼ ਕੀਤੀ ਪਰ ਉਨ੍ਹਾਂ ਦੀ ਇੱਕ ਨਾ ਚੱਲੀ। ਸੂਬੇ ਦੀਆਂ ਅਤਿ ਤਾਕਤਵਰ ਸਖਸ਼ੀਅਤਾਂ ਸ਼ੁਮਾਰ ਅਤੇ ਮਹਾਰਾਜੇ ਦੇ ‘ਹਮ-ਪਿਆਲਾ' ਅਤੇ ‘ਹਮ-ਨਿਵਾਲਾ’' ਤੱਕ ਮੰਨੇ ਜਾਂਦੇ ਖੇਡ ਮੰਤਰੀ ਗੁਰਮੀਤ ਸਿੰਘ ਸੋਢੀ ਪਲਾਂ ’ਚ ਜਨਤਕ ਤੌਰ ’ਤੇ ਸੜਕ ’ਤੇ ਬੇਵੱਸੀ ਅਤੇ ਲਾਚਾਰੀ ਦੇ ਹਾਲਾਤਾਂ ’ਚ ਵਿਖਾਈ ਦਿੱਤੇ। ਇਹ ਸਮੁੱਚਾ ਮਾਮਲਾ ਕਾਫ਼ਲੇ ਦੀ ਗੱਡੀ ਨੰਬਰ-2 ’ਚ ਬੈਠੇ ਮੁੱਖ ਮੰਤਰੀ ਦੇ ਸਾਹਮਣੇ ਵਾਪਰਿਆ, ਪਰ ਮਹਾਰਾਜੇ ਵੱਲੋਂ ਕੋਈ ਪ੍ਰਤਿਕਿਰਿਆ ਨਹੀਂ ਗੱਡੀ ’ਚੋਂ ਬਾਹਰ ਨਹੀਂ ਆਈ। ਚਸ਼ਮਦੀਦਾਂ ਅਨੁਸਾਰ ਮਹਾਰਾਜਾ ਸਾਹਿਬ, ਗੱਡੀ ਅੰਦਰੋਂ ਹੀ ਆਪਣੇ ਅਤਿ ਨੇੜਲੇ ਨਾਲ ‘ਸਿਆਸੀ ਕੁੱਤੇਖਾਣੀ’ ਨੂੰ ਖੁੱਲ੍ਹੀਆਂ ਅੱਖਾਂ ਨਾਲ ਵੇਖਦੇ ਰਹੇ।  ਇਸ ਘਟਨਾ ਦੀ ਵੀਡੀਓ ਵੀ ਵਾਇਰਲ ਹੋਈ ਹੈ। ਇਸ ਘਟਨਾਕ੍ਰਮ ਨਾਲ ਕੈਪਟਨ ਸਰਕਾਰ ਦਾ ਅੰਦਰੂਨੀ ਕਾਟੋ-ਕਲੇਸ਼ ਜੱਗਜਾਹਰ ਹੋਇਆ ਹੈ। ਜਿਸਦੇ ਆਗਾਮੀ ਸਮੇਂ ’ਚ ਭਖਵੇਂ ਨਤੀਜੇ ਉੱਬਲ ਕੇ ਬਾਹਰ ਆ ਸਕਦੇ ਹਨ। ਸਿਆਸੀ ਕਣਸੋਆਂ ਅਨੁਸਾਰ ਜਲਾਲਾਬਾਦ ਹਲਕੇ ਬਾਰੇ ਕੁਝ ਅੰਦਰੂਨੀ ਰਿਪੋਰਟਾਂ ਮਿਲਣ ਕਰਕੇ ਹਕੂਮਤੀ ਕੰਨ ਆਲੇ-ਦੁਆਲੇ ਦਾ ਮਾਹੌਲ ਦਰੁੱਸਤ ਕਰਨ ਲਈ ਸਖ਼ਤੀ ਦੇ ਰੌਂਅ ਵਿੱਚ ਹਨ।
ਜਾਣਕਾਰੀ ਅਨੁਸਾਰ ਅੱਜ ਜਲਾਲਾਬਾਦ ਹਲਕੇ ’ਚ ਜ਼ਿਮਨੀ ਚੋਣ ਲਈ ਪ੍ਰਚਾਰ ’ਤੇ ਜਾਣ ਸਮੇਂ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਅੱਜ ਕਰੀਬ ਸਾਢੇ 11 ਵਜੇ ਹੈਲੀਕਾਪਟਰ ’ਤੇ ਪਿੰਡ ਮੋਹਲਾਂ ਦੇ ਸਰਕਾਰੀ ਹਾਈ ਸਕੂਲ ਪੁੱਜੇ। ਜਿੱਥੋਂ ਉੁਨ੍ਹਾਂ ਸੜਕ ਰਸਤੇ ਜਲਾਲਾਬਾਦ ਪੁੱਜਣਾ ਸੀ। ਸਰਕਾਰੀ ਸਕੂਲ ’ਚ ਕੁਝ ਸਮਾਂ ਰੁਕਣ ਉਪਰੰਤ ਮੁੱਖ ਮੰਤਰੀ ਹੁਰਾਂ ਦਾ ਕਾਫ਼ਲਾ ਆਪਣੀ ਮੰਜਿਲ ਤੁਰ ਪਿਆ। 1.15 ਮਿੰਟ ਦੀ ਵਾਇਰਲ ਵੀਡਓ ’ਚ ਸਪੱਸ਼ਟ ਵਿਖਾਈ ਦੇ ਰਿਹਾ ਹੈ ਕਿ ਸਰਕਾਰੀ ਹਾਈ ਸਕੂਲ ਦੇ ਮੂਹਰੇ ਮੁੱਖ ਮੰਤਰੀ ਦੀ ਗੱਡੀਆਂ ਦਾ ਕਾਫ਼ਲਾ ਰੁਕਦਾ ਹੈ। ਵੀਡੀਓ ’ਚ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੇ ਕਾਫ਼ਲੇ ਦੀ  ਗੱਡੀ-1 ਦੀ ਪਿਛਲੀ ਖਿੜਕੀ ਖੋਲ ਕੇ ਲਗਪਗ ਬੈਠਣ ਦੇ ਰੌਂਅ ’ਚ ਖੇਡ ਮੰਤਰੀ ਗੁਰਮੀਤ ਸਿੰਘ ਸੋਢੀ, ਮੁੱਖ ਸੁਰੱਖਿਆ ਸਲਾਹਾਕਾਰ ਖੂਬੀ ਨੂੰ ਰੋਸ ਭਰੇ ਲਹਿਜ਼ੇ ’ਚ ਆਖਦੇ ਸੁਣਾਈ ਦਿੰਦੇ ਹਨ ਕਿ ‘ਗੱਡੀ ਲਗਵਾਓ ਫੇਰ ਮੇਰੀ ਕੋਨਵਾਈ ਵਿੱਚ, ਨਹੀਂ ਤਾਂ, ਮੈਂ ਨਹੀਂ ਜਾਵਾਂਗਾ।’ ਜਿਸ ’ਤੇ ਖੂਬੀ ਰਾਮ ਆਖਦੇ ਹਨ ਕਿ ‘ਨਹੀਂ ਲਗੇਗੀ, ਸਰ, ਮੇਰੀ ਬਾਤ ਸੁਣੋ। ਜਿਸ ’ਤੇ ਰਾਣਾ ਸੋਢੀ ਇਤਰਾਜ਼ ਜਤਾਉਂਦੇ ਹਨ ਤਾਂ ਮੁੜ ਖੂਬੀ ਰਾਮ ਆਖਦੇ ਹਨ, ਆਪ ਬੱਸ ਤੱਕ ਆਓ, ਇਹ ਸਰਕਾਰੀ ਗਾਡੀ ਹੈ, ਬੱਸ ਮੇਂ ਬੈਠ ਜਾਣਾ। ਆਪਣੀ ਗਾੜੀ ਮੇਂ। ਇਸੇ ਵਿਚਕਾਰ ਵਿਧਾਇਕ ਰਾਜਾ ਵੜਿੰਗ ਵੀ ਰਾਣੀ ਸੋਢੀ ਲਈ ਹਾਅ ਦਾ ਨਾਅਰਾ ਮਾਰਨ ਲਈ ਪੁੱਜ ਜਾਂਦੇ ਹਨ ਅਤੇ ਖੂਬੀ ਰਾਮ ਵੱਲੋਂ ਨਾ ਸੁਣਨ ’ਤੇ ‘ਠੀਕ ਹੈ ਆਪਕੀ, ‘ਵੱਟ ਦਿਸ ਇਜ਼ ਨਾਟ ਰਾਇਟ’ ਆਖਦੇ ਹੋਏ ਚਲੇ ਜਾਂਦੇ ਹਨ। ਫਿਰ ਖੂਬੀ ਰਾਮ, ਸੋਢੀ ਹੁਰਾਂ ਨੂੰ ਆਖਦੇ ਹਨ ਕਿ ਜਿੱਦ ਨਾ ਕਰੋ, ਮੈਂ ਬਤਾ ਰਹਾਂ ਹੁੰ ਉਨਕੋ।’ ਇਸ ਮਗਰੋਂ ਜਨਤਕ ਤੌਰ ’ਤੇ ਹਾਸੋਹੀਣੇ ਹਾਲਾਤਾਂ ਦੇ ਸ਼ਿਕਾਰ ਖੇਡ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਆਪਣੀ ਗੱਡੀ ਦੀ ਉਡੀਕ ਕਰਨ ਲੱਗਦੇ ਹਨ ਅਤੇ ਮੁੱਖ ਮੰਤਰੀ ਦੀ ਗੱਡੀ ਸੋਢੀ ਦੇ ਸਾਹਮਣਿਓਂ ਲੰਘਦੀ ਹੈ ਪਰ ਉਸ ਅੰਦਰੋਂ ਫਿਰ ਵੀ ਕੋਈ ਪ੍ਰਤੀਕਿਰਿਆ ਨਹੀਂ ਹੁੰਦੀ। ਘਟਨਾਕ੍ਰਮ ਬਾਰੇ ਖੇਡ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਦਾ ਪੱਖ ਲੈਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਨ੍ਹਾਂ ਮੋਬਾਇਲ ਕਾਲ ਰਸੀਵ ਨਹੀਂ ਕੀਤੀ।

ਆਜ-ਕੱਲ੍ਹ ਕੋਡ ਆਫ਼ ਕੰਡੈਕਟ ਲਗਾ ਹੂਆ ਹੈ: ਖੂਬੀ ਰਾਮ
ਮੁੱਖ ਮੰਤਰੀ ਪੰਜਾਬ ਦੇ ਸੁਰੱਖਿਆ ਸਲਾਹਕਾਰ ਖੂਬੀ ਰਾਮ ਦਾ ਕਹਿਣਾ ਸੀ ਕਿ ਰਾਣਾ ਗੁਰਮੀਤ ਸਿੰਘ ਸੋਢੀ ਕਾਫ਼ਲੇ ਦੀ ਸਰਕਾਰੀ ਗਾਡੀ ਮੇਂ ਬੈਠਣਾ ਚਾਹਤੇ ਥੇ, ਮੈਨੇ ਉਨਕੋ ਸਮਝਾਇਆ ਸੀ, ਕਿ ਆਜ-ਕੱਲ੍ਹ ਕੋਡ ਆਫ਼ ਕੰਡੈਕਟ ਲਗਾ ਹੂਆ ਹੈ। ਇਸ ਲਈ ਆਪਣੇ ਇਸ ਮੇਂ ਨਹੀਂ ਬੈਠਣਾ, ਆਪਣੀ ਗਾਡੀਓ ਮੇਂ ਬੈਠੋ। ਖੂਬੀ ਰਾਮ ਨੇ ਕਿਹਾ ਕਿ ਚੁਣਾਵ ਕੇ ਕਾਰਨ ਸਿਰਫ਼ ਏਕ ਗਾਡੀ ਹੈ, ਜੋ ਸੀ.ਐਮ. ਸਾਹਿਬ ਲਈ ਪਾਰਟੀ ਵੱਲੋਂ ਹਾਇਰ ਕੀ ਹੂਈ ਹੈ। ਉਸ ਮੇਂ ਪਹਿਲੇ ਸੇ ਚਾਰ-ਪਾਂਚ ਬੈਠੇ ਹੂਏ ਥੇ। ਇਸ ਮਾਮਲੇ ਮੇਂ ਕੋਈ ਲੜਾਈ ਵਾਲੀ ਬਾਤ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਯੇ ਕੋਈ ਮਾਮਲਾ ਨਹੀਂ ਹੈ, ਆਪ ਮੀਡੀਆ ਵਾਲੇ ਯੂੰ ਹੀ ਬਣਾ ਦੇਤੇ ਹੋ।’

ਜ਼ਿੰਦਗੀ ਤੇਰੇ ਅੰਦਾਜ਼ ਬਦਲ ਗਏ ...

ਓ, ਜ਼ਿੰਦਗੀ ਤੇਰੇ ਅੰਦਾਜ਼ ਬਦਲ ਗਏ । 

ਹੱਸਣ-ਰੋਣ ਦੇ ਅਲਫਾਜ਼ ਬਦਲ ਗਏ । 
ਤੇਰੇ ਲਫਜਾਂ ਦੇ ਮਾਅਨੇ ਹੋ ਗਏ ਖੁਦਗਰਜ ।
ਬੇਹਯਾ ਹੋ ਗਈ ਅੱਖਾਂ ਦੀ ਸ਼ਰਮ।
'ਜਮੀਰ' ਦਾ ਪੈਸਾ ਹੋ ਗਿਆ 'ਮਰਜ'।
ਜ਼ਿੰਦਗੀ ਤੇਰੇ ਅੰਦਾਜ ਬਦਲ ਗਏ ....

ਜਵਾਨੀ ਨੂੰ ਨਿਗਲ ਗਿਆ ਬੇਰਹਿਮ ਨਸ਼ਾ
ਮਿਹਨਤ ਮੋਬਾਇਲ ਫੋਨ ਦਾ ਸ਼ਿਕਾਰ ਹੋ ਗਈ ।
ਤਰੱਕੀ ਅਮੀਰਾਂ ਦੀ 'ਰਖੈਲ' ਹੋ ਗਈ
ਸ਼ਰੀਫ ਅਤੇ ਗਰੀਬ ਚੰਦ ਟੁਕੜਿਆਂ ਦਾ 'ਮੁਹਤਾਜ਼' ਹੋ ਗਿਆ।
ਜ਼ਿੰਦਗੀ ਤੇਰੇ ਅੰਦਾਜ਼ ਬਦਲ ਗਏ ...

ਸੱਤਾ ਦੇ ਦਲਾਲਾਂ ਦੇ ਝੁੰਡ 'ਈਮਾਨਦਾਰ' ਹੋ ਗਏ ।
ਲੋਕਹਿੱਤ ਵਿੱਚ ਡਟੇ ਈਮਾਨਦਾਰ ਹੱਥ ਐਲਾਨ ਦਿੱਤੇ 'ਬੇਈਮਾਨ'।
ਜਨਤਾ ਦੀ ਇੱਕ ਅਦਦ ਸਾਹ ਵੀ 'ਦੋ ਨੰਬਰ' ਹੋ ਗਿਆ।
ਸਰਕਾਰੀ ਜ਼ਬਰਦਸਤੀ ਵੀ 'ਇੱਕ ਨੰਬਰੀ' ਕਾਨੂੰਨ ਹੋ ਗਈ ।
ਜ਼ਿੰਦਗੀ ਤੇਰੇ ਅੰਦਾਜ਼ ਬਦਲ ਗਏ....
ਏ, ਬੇਰਹਿਮ ਤੇਰੇ ਤਾਂ ਅਲਫਾਜ਼ ਹੀ ਬਦਲ ਗਏ ।

'ਝੂਠ' ਸ਼ਾਹ ਹੋ ਗਿਆ, 'ਸੱਚ' ਗੁਨਾਹ ਹੋ ਗਿਆ ।
ਇਸ ਮਾਹੌਲ ਵਿੱਚ ਸੱਚਾ ਪਿਆਰ 'ਫਨਾਹ' ਹੋ ਗਿਆ ।
'ਹਵਸ' ਜ਼ਿੰਦਗੀ ਦਾ ਸਭ ਤੋਂ ਵੱਡੀ 'ਪਰਵਾਹ' ਹੋ ਗਿਆ ।
ਬਦਲੀ ਵੇਖ ਮਦਮਸਤ ਤਸਵੀਰ ਸਮਾਜ ਦੀ
ਮੌਸਮ ਵੀ ਆਪਣੇ ਮਨ ਦੀ ਮੌਜ ਵਿੱਚ ।
ਪਤਾ ਨਹੀ, ਕੀ ਤੋਂ ਕੀ ਹੋ ਗਿਆ ।
ਜ਼ਿੰਦਗੀ ਤੇਰੇ ਜਿਉਣ ਦੇ ਅੰਦਾਜ ਬਦਲ ਗਏ . . .
ਏ, ਬੇਰਹਿਮ ਤੇਰੇ ਤਾਂ ਅਲਫਾਜ਼ ਹੀ ਬਦਲ ਗਏ।

                         - ਇਕਬਾਲ ਸਿੰਘ 'ਸ਼ਾਂਤ'

ज़िन्दगी तेरे अंदाज बदल गये....

ज़िन्दगी तेरे अंदाज बदल गये।
हंसने-रोने के 'अल्फाज़' बदल गये।
लफ्जो के मायने हो गये 'खुदगर्ज'।
बेहया हो गई आंखों की 'शर्म'।
जमीर का पैसा हो गया 'मर्ज'।
ज़िन्दगी तेरे अंदाज बदल गये...

जवानी को निगल गया बेरहम नशा
मेहनत मोबाइल फोन का शिकार हो गई।
तरक्की अमीरों की 'रखैल' हो गई
शरीफ और गरीब चंद टुकडों को मोहताज़ हो गया।
ज़िन्दगी तेरे अंदाज बदल गये...

सत्ता के दलालों के झुंड 'ईमानदार' हो गए।
लोकहित में डटे ईमानदार ऐलान दिए 'बेईमान'।
जनता की सहमी सी सांस भी 'दो नम्बर' हो गया।
सरकारी ज़बरदस्ती भी 'एक नम्बरी' कानून हो गई।
ज़िन्दगी तेरे अंदाज बदल गये...
ऐ बेरहम तेरे तो अल्फाज़ ही बदल गये।

झूठ 'शाह' हो गया, सच 'गुनाह' हो गया।
इस माहौल में सच्चा प्यार 'फनाह' हो गया।
'हवस' ज़िन्दगी का सबसे बड़ी 'परवाह' हो गया।
बदली देख मदमस्त तस्वीर समाज की
मौसम भी अपने मन की मौज में।
पता नही, क्या से क्या हो गया।
ज़िन्दगी तेरे जीने के अंदाज बदल गये...
ऐ बेरहम तेरे तो अल्फाज़ ही बदल गये।
               

                    - इक़बाल सिंह 'शांत'

ਅਸਲ ਬਿੱਲੀ ਥੈਲਿਓਂ ਬਾਹਰ ਆਈ !

ਇਕਬਾਲ ਸਿੰਘ ਸ਼ਾਂਤ

ਲੰਬੀ: ਬੇਅਦਬੀ ਮਸਲੇ ’ਤੇ ਇੱਕ ਅਖ਼ਬਾਰੀ ਇੰਟਰਵਿਊ ’ਚ ਪਹਿਲਾਂ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਕਲੀਨ ਚਿੱਟ ਦੇਣ ਅਤੇ ਬਾਅਦ ’ਚ ਪਾਰਟੀ ਦਬਾਅ ਹੇਠਾਂ ਕਲੀਨ ਚਿੱਟ ਤੋਂ ਪਾਸਾ ਵੱਟਣ ਨਾਲ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਲਈ ਹਾਸੋਹੀਣੇ ਹਾਲਾਤ ਪੈਦਾ ਹੋ ਗਏ ਹਨ। ਮੀਡੀਆ ਦੇ ਇੱਕ ਹਿੱਸੇ ਨੂੰ ਦਿੱਤੇ ਇੰਟਰਵਿਊ ਦੀ ਮੁੱਖ ਸੁਰਖੀ ਨੂੰ

ਗੁੰਮਰਾਹਕੁਨ ਘੜ੍ਹਤ ਦੱਸਣ ਨਾਲ ਅਮਰਿੰਦਰ ਸਿੰਘ ਦੀ ਬਤੌਰ ਮੁੱਖ ਮੰਤਰੀ ਜਵਾਬਦੇਹੀ ’ਤੇ ਜਨਤਕ ਸਫ਼ਾਂ ’ਚ ਸੁਆਲ ਉੱਠ ਖੜ੍ਹਾ ਹੋਇਆ ਹੈ। ਸਿਆਸੀ ਮਾਹਰਾਂ ਦਾ ਮੰਨਣਾ ਹੈ ਕਿ ਮੁੱਖ ਮੰਤਰੀ ਦੇ ਇਸ ਆਪਾ-ਵਿਰੋਧੀ ਨਾਲ ਹੁਣ ਤੱਕ ਕਾਂਗਰਸੀ ਧਿਰ ਵੱਲੋਂ ਬੇਅਦਬੀ ਮਸਲੇ ’ਤੇ ਬਾਦਲ ਪਰਿਵਾਰ ’ਤੇ ਲਗਾਏ ਜਾਂਦੇ ਰਹੇ ਤਿੱਖੇ ਦੋਸ਼ਾਂ ਦੀ ਅਸਲੀਅਤ ਸਹਿਜੇ ਹੀ ਇੰਟਰਵਿਊ ਜਰੀਏ ਬਾਹਰ ਨਿਕਲ ਆਈ ਹੈ। ਉੱਚ ਪੱਧਰੀ ਸਿਆਸੀ ਸੂਤਰਾਂ ਅਨੁਸਾਰ ਮੁੱਖ ਮੰਤਰੀ ਦੇ ਇੰਟਰਵਿਊ ’ਚ ਬਾਦਲਾਂ ਨੂੰ ਕਲੀਨ ਚਿੱਟ ਵਾਲਾ ਲਹਿਜ਼ਾ ਪ੍ਰਗਟ ਹੋਣ ਨਾਲ ਚਾਰ ਜ਼ਿਮਨੀ ਚੋਣਾਂ ਵਿੱਚ ਗੋਡਣੀਆਂ ਲੱਗਣ ਦੇ ਖਦਸ਼ੇ ਤਹਿਤ ਕਾਂਗਰਸ ਲੀਡਰਸ਼ਿਪ ’ਚ ਭਾਜੜ ਮੱਚ ਗਈ। ਇਸਤੋਂ ਹੋਣ ਵਾਲੇ ਭਵਿੱਖੀ ਡੈਮੇਜ਼ ਕੰਟਰੋਲ ਨਾਲ ਸ਼ੁਰੂਆਤੀ ਤੌਰ ’ਤੇ ਨਜਿੱਠਣ ਲਈ ਮੁੱਖ ਮੰਤਰੀ ਦਫ਼ਤਰ ਤੁਰੰਤ ਹਰਕਤ ਵਿੱਚ ਆ ਗਿਆ ਅਤੇ ਪ੍ਰੈਸ ਬਿਆਨ ਰਾਹੀਂ ਬੇਅਦਬੀ ਕਾਂਡ ’ਤੇ ਬਾਦਲਾਂ ਦੀ ਸ਼ਮੂਲੀਅਤ ਨੂੰ ਮੁੜ ਤੋਂ ਸਟੈਂਡ ਕਰਦੇ ਸ਼ਬਦੀ ਤੀਰੇ ਸਿੰਨ੍ਹ ਦਿੱਤੇ ਗਏ। ਉੱਚ ਪੱਧਰੀ ਸੂਤਰਾਂ ਦਾ ਕਹਿਣਾ ਹੈ ਕਿ ਅੰਦਰੂਨੀ ਸਿਆਸੀ ਦਬਾਅ ਨੂੰ ਮੱਠਾ ਪਾਉਣ ਲਈ ਅਮਰਿੰਦਰ ਸਿੰਘ ਨੇ ਬਾਦਲਾਂ ਨੂੰ ਇਸ ਨਾਜੁਕ ਮਸਲੇ ’ਤੇ ਕਲੀਨ ਚਿੱਟ ’ਤੇ ਯੂ ਟਰਨ ਲੈਂਦਿਆਂ ਮੁੜ ਤੋਂ ਬਾਦਲ ਪਿਉ-ਪੁੱਤ ਉੱਪਰ ਤਿੱਖੇ ਨਿਸ਼ਾਨੇ ਸੇਧਦਿਆਂ ਬਰਗਾੜੀ ਦੀ ਘਟਨਾ ਤੋਂ ਪਹਿਲਾਂ ਬਾਦਲਾਂ ਦੇ ਡੇਰਾ ਸੱਚਾ ਸੌਦਾ ਨਾਲ ਘਿਓ-ਖਿਚੜੀ ਹੋਣ ਅਤੇ ਹਾਲ ਹੀ ’ਚ ਸੀ.ਬੀ.ਆਈ. ਦੀ ਕਲੋਜ਼ਰ ਰਿਪੋਰਟ ਲਈ ਦਬਾਅ ਪਾ ਕੇ ਜਾਂਚ ਵਿੱਚ ਅੜਿੱਕੇ ਡਾਹੁਣ ਜਿਹੇ ਦੋਸ਼ ਮੜ੍ਹ ਦਿੱਤੇ। ਦੱਸਣਯੋਗ ਹੈ ਕਿ ਮੁਸ਼ਕਿਲਾਂ ਤੋਂ ਘਿਰਨ ਤੋਂ ਡੇਰਾ ਸੱਚਾ ਸੱਚਾ ਸਿਰਸਾ ਸਮੁੱਚੀਆਂ ਸਿਆਸੀ ਧਿਰਾਂ ਦੇ ਆਗੂਆਂ ਦਾ ਮੱਥਾ ਟਿਕਾਊ ਕੇਂਦਰ ਰਿਹਾ ਹੈ।

ਸਿਆਸੀ ਮਾਹਰਾਂ ਦਾ ਕਹਿਣਾ ਹੈ ਕਿ ਬੰਦੂਕ ’ਚੋਂ ਨਿਕੱਲੀ ਗੋਲੀ ਵਾਂਗ ਅੰਗਰੇਜ਼ੀ ਅਖ਼ਬਾਰ ’ਚ ਛਪੀ ਇੰਟਰਵਿਊ ਦੀ ਸੁਰਖੀ ਹਕੀਕਤ ਬਣ ਕੇ ਲੋਕਮਨਾਂ ਨੂੰ ਤੁਰ ਪਈ ਹੈ। ਅਜਿਹੇ ’ਚ ਹੁਣ ਸੂਬਾ ਸਰਕਾਰ ਧਿਰ ਵੱਲੋਂ ਸ਼ਬਦੀ ਸੰਭਾਲੀ ਦੀਆਂ ਕੋਸ਼ਿਸ਼ਾਂ ਬੇਮਾਇਨੇ ਅਤੇ ਸੰਪੂਰਨ ਤੌਰ ’ਤੇ ਸਿਆਸੀ ਲਹਿਜ਼ੇ ਨਾਲ ਲਬਰੇਜ਼ ਹਨ। ਮਾਹਰਾਂ ਅਨੁਸਾਰ ਅਮਰਿੰਦਰ ਸਿੰਘ ਖੁਦ ਭਾਵੇਂ ਇਸ ਵਾਰ ਬਦਲਾਖੋਰੀ ਵਾਲੀ ਸਿਆਸਤ ਤੋਂ ਦੂਰ ਜਾਪਦੇ ਹਨ ਪਰ ਉਨ੍ਹਾਂ ਦੇ ਸਿਆਸੀ ਸਹਿਯੋਗੀ ਅਜਿਹੇ ਹਾਲਾਤਾਂ ਪੈਦਾ ਕਰਕੇ ਬੇਅਦਬੀ ਦਾ ਮਸਲਾ ਲਗਾਤਾਰ ਭਖਾਉਣ ਅਤੇ ਬਾਦਲਾਂ ਨਾਲ ਕੈਪਟਨ ਦੀ ਜੰਗ ਨੂੰ ਗਰਮਾਏ ਰੱਖਣ ਨੂੰ ਆਪਣੀ ਸਿਆਸੀ ਮੁਹਰਾਤ ਮੰਨਦੇ ਹਨ। ਪੰਜਾਬ ਦੇ ਸਿਆਸਤ ਦੇ ਇੱਕ ਪੁਰਾਣੇ ਜਾਣਕਾਰ ਦਾ ਕਹਿਣਾ ਸੀ ਕਿ ਸਹਿਜੇ ਮੂੰਹੋਂ ਨਿੱਕਲੇ ਸ਼ਬਦਾਂ ਦੇ ਲਹਿਜੇ ਅਤੇ ਸੱਚਾਈ ਨੂੰ ਝੂਠ ਦੇ ਸੌ ਪਰਦੇ ਵੀ ਨਹੀਂ ਮਿਟਾ ਸਕਦੇ। ਜ਼ਿਕਰਯੋਗ ਹੈ ਕਿ ਅੱਜ ਮੁੱਖ ਮੰਤਰੀ ਦਫ਼ਤਰ ਵੱਲੋਂ ਜਾਰੀ ਬਿਆਨ ’ਚ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੇ ਹਵਾਲੇ ਨਾਲ ਸਪੱਸ਼ਟ ਕੀਤਾ ਗਿਆ ਕਿ ਉਨ੍ਹਾਂ ‘ਕਿਸੇ ਵੀ ਨੁਕਤੇ ’ਤੇ ਇਹ ਗੱਲ ਨਹੀਂ ਕਹੀ ਕਿ ਪ੍ਰਕਾਸ਼ ਸਿੰਘ ਬਾਦਲ ਜਾਂ ਉਸ ਦਾ ਪੁੱਤਰ ਸੁਖਬੀਰ ਬੇਅਦਬੀ ’ਚ ਸ਼ਾਮਲ ਨਹੀਂ ਹਨ। ਉਨ੍ਹਾਂ ਅਨੁਸਾਰ ਅਖਬਾਰ ਦੀ ਇੰਟਰਵਿਊ ਵਿੱਚ ਕਹੀਆਂ ‘ਗੱਲਾਂ ਆਪਣੇ-ਆਪ ਪ੍ਰਤੱਖ ਹੁੰਦੀਆਂ ਹਨ ਕਿ ਬਾਦਲ ਨੇ ਖੁਦ ਉਥੇ ਜਾ ਕੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਅੰਗਾਂ ਦੀ ਬੇਅਦਬੀ ਨਹੀਂ ਕੀਤੀ ਸੀ ਪਰ ਇਸ ਮਾਮਲੇ ਵਿੱਚ ਉਸ ਦੀ ਸ਼ਮੂਲੀਅਤ ਨੂੰ ਰੱਦ ਨਹੀਂ ਕੀਤਾ ਸੀ।’

ਹਕੀਕੀ ਹੱਡਾਂ ’ਚ ਅਸਰ ਵਿਖਾਉਣ ਲਈ ਤਿਆਰ ਹਰਸਿਮਰਤ ਬਾਦਲ ਦਾ ੱਉਪਰਾਲਾ’ ਟਾਨਿਕ

                                                              ਇਕਬਾਲ ਸਿੰਘ ਸ਼ਾਂਤ

 ਲੰਬੀ: ਫੂਡ ਪ੍ਰੋਸੈਸਿੰਗ ਇੰਡਸਟਰੀਜ਼ ਦੀਆਂ ਪੰਜਾਬ ’ਚ ਜੜ੍ਹਾਂ ਦੇ ਫੈਲਾਅ ਲਈ ਫੂਡ ਪ੍ਰੋਸੈਸਿੰਗ ਮਾਮਲਿਆਂ ਬਾਰੇ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਉਪਰਾਲਿਆਂ ਵਾਲਾ ‘ਟਾੱਨਿਕ’ ਤਿਆਰ ਕਰ ਲਿਆ ਹੈ। ਜਿਸਦੀ ਮੁੱਢਲੀ ਖੁਰਾਕ ਲਈ

ਪਿੰਡ ਬਾਦਲ ਵਿਖੇ ਉਤਪਾਦਕਾਂ, ਕਾਰੋਬਾਰੀਆਂ ਅਤੇ ਸਨਅਤਕਾਰਾਂ ਨੂੰ ਸਾਂਝੇ ਤੌਰ ’ਤੇ ‘ਸਨਅਤੀ ਟਾਨਿਕ’ ਰਾਹੀਂ ਉਨ੍ਹਾਂ ਅਤੇ ਪੰਜਾਬ ਦੀ ਆਰਥਿਕ ਸਿਹਤ ਨੂੰ ਪ੍ਰਫੁੱਲਿਤ ਕਰਨ ਦਾ ਸੱਦਾ ਦਿੱਤਾ। ਇਸ ਮੌਕੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵੀ ਮੌਜੂਦ ਸਨ। ਕੇਂਦਰੀ ਮੰਤਰੀ ਨੇ ਫੂਡ ਪ੍ਰੋਸੈਸਿੰਗ ਸਨਅਤ ਦੀਆਂ ਸਕੀਮਾਂ ਦਾ ਲਾਹਾ ਲੈਣ ਦੀ ਅਪੀਲ ਕਰਦੇ ਕਿਹਾ ਕਿ ਸਨਅਤਾਂ ਦੀ ਸਥਾਪਤੀ ਲਈ ਬਾਕੀ ਮੰਤਰਾਲਿਆਂ ਕੋਲ ਉਠਾ ਕੇ ਹੱਲ ਕਰਵਾਇਆ ਜਾਵੇਗਾ। ਮੀਟਿੰਗ ਵਿਚ ਕਾਰਗਿਲ ਕੰਪਨੀ ਤੋਂ ਰਮਾ ਸ਼ੰਕਰ, ਹਿੰਦੁਸਤਾਨ ਲੀਵਰ ਲਿਮਟਿਡ ਤੋਂ ਸਵਿੰਦਰ ਸਿੰਘ ਅਤੇ ਕੁਮਾਰ ਨਾਦਰ, ਪੈਪਸੀਕੋ ਤੋਂ ਸੰਤੋਸ਼ ਕਨੋਜੀਆ ਅਤੇ ਸਾਂਖਿਆ, ਬਾਗਬਾਨੀ ਬੋਰਡ ਵੱਲੋਂ ਸੁਰਿੰਦਰ ਸਿੰਘ, ਐਫ.ਐਸ.ਏ.ਟੀ.ਓ ਵੱਲੋਂ ਪਰਮਵੀਰ ਦਿਓਲ ਅਤੇ ਫਲ ਨਿਰਯਾਤਕਾਰ ਨਰੇਂਦਰ ਕੁਮਾਰ ਨੇ ਭਾਗ ਲਿਆ। ਕੇਂਦਰੀ ਮੰਤਰੀ ਨੇ ਰਾਸ਼ਟਰੀ ਬਾਗਬਾਨੀ ਬੋਰਡ ਦੇ ਅਧਿਕਾਰੀਆਂ ਨੂੰ ਕਿਹਾ ਕਿ ਉਹ ਫੂਡ ਪ੍ਰੋਸੈਸਿੰਗ ਮੰਤਰਾਲੇ ਵੱਲੋਂ ਦਿੱਤੀ ਜਾ ਰਹੀਆਂ ਫੂਡ ਪਾਰਕ ਅਤੇ ਹੋਰ ਛੋਟੇ ਕਾਰੋਬਾਰ ਸਥਾਪਤ ਕਰਨ ਦੀਆਂ ਪੇਸ਼ਕਸ਼ਾਂਂ ਤਹਿਤ ਉਤਪਾਦਕਾਂ ਅਤੇ

ਕਾਰੋਬਾਰੀਆਂ ਦੀ ਅਜਿਹੇ ਕਾਰੋਬਾਰ ਸਥਾਪਤ ਕਰਨ ਵਿਚ ਮੱਦਦ ਕਰਨ। ਇਸ ਮੌਕੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਇਨ੍ਹਾਂ ਮਸਲਿਆਂ ’ਤੇ ਆਪਣੇ ਤਜਰਬੇ ਸਾਂਝੇ ਕੀਤੇ ਅਤੇ ਸਾਰਿਆਂ ਨੂੰ ਖੇਤੀ ਆਮਦਨ ਵਿਚ ਵਾਧਾ ਕਰਕੇ ਕਿਸਾਨਾਂ ਦੀ ਮੱਦਦ ਕਰਨ ਲਈ ਕਿਹਾ। ਉਨ੍ਹਾਂ ਕਿਹਾ ਕਿ ਅਸੀਂ ਕਿਸਾਨ-ਪੱਖੀ ਨੀਤੀਆਂ ਦੇ ਬਗੈਰ ਵਿਕਾਸ ਨਹੀਂ ਕਰ ਸਕਦੇ, ਕਿਉਂਕਿ ਉਹ ਸਾਡੀ ਅਰਥ ਵਿਵਸਥਾ ਦੀ ਰੀੜ੍ਹ ਦੀ ਹੱਡੀ ਹਨ। ਉਨ੍ਹਾਂ ਉਤਪਾਦਕਾਂ ਨੂੰ ਬੀਜ ਪ੍ਰਦਾਨ ਕਰਨ ਅਤੇ ਉਨ੍ਹਾਂ ਲਈ ਸਿਖਲਾਈ ਸੈਮੀਨਾਰ ਕਰਵਾਉਣ ਦਾ ਵੀ ਭਰੋਸਾ ਦਿਵਾਇਆ।

                  ਕਿਸਾਨਾਂ ਨੂੰ ਟਮਾਟਰਾਂ, ਪਿਆਜ਼ਾਂ ਅਤੇ ਆਲੂਆਂ ਦੀ ਖੇਤੀ ਦਾ ਸੱਦਾ 

ਕੇਂਦਰੀ ਮੰਤਰੀ ਨੇ ਆਖਿਆ ਕਿ ਕਿਸਾਨਾਂ ਨੂੰ ਟਮਾਟਰਾਂ, ਪਿਆਜ਼ਾਂ ਅਤੇ ਆਲੂਆਂ ਦੀ ਖੇਤੀ ਕਰਨੀ ਚਾਹੀਦੀ ਹੈ, ਜਿਸ ਵਾਸਤੇ ਫੂਡ ਪ੍ਰੋਸੈਸਿੰਗ ਮੰਤਰਾਲੇ ਆਪਣੀ ਸਕੀਮ ਟੀਓਪੀ (ਟਮਾਟਰ, ਪਿਆਜ਼ ਤੇ ਆਲੂ) ਤਹਿਤ ਇਹਨਾਂ ਫਸਲਾਂ ਦੀ ਪ੍ਰੋਸੈਸਿੰਗ ਨੂੰ ਉਤਸ਼ਾਹਿਤ ਕਰਨ ਲਈ 50 ਫੀਸਦੀ ਸਬਸਿਡੀ ਦਿੱਤੀ ਜਾ ਰਹੀ ਹੈ।  ਕਿਨੂੰ ਅਤੇ ਮੱਕੀ ਫਸਲਾਂ ਬੀਜਣ ਲਈ ਸਿਖਲਾਈ ਕੈਂਪ ਲਗਾਉਣੇ ਚਾਹੀਦੇ ਹਨ। ਉਨ੍ਹਾਂ ਕਿਹਾ ਕਿ ਸਨਅਤਕਾਰਾਂ ਨੂੰ ਮਾਲਵਾ ਖੇਤਰ ’ਚ ਕਿਨੂੰ ਪ੍ਰੋਸੈਸਿੰਗ ਦੀਆਂ ਫੈਕਟਰੀਆਂ ਲਗਾਉਣੀਆਂ ਚਾਹੀਦੀਆਂ ਹਨ ।

ਹਰਸਿਮਰਤ ਬਾਦਲ ਵੱਲੋਂ 'ਨੰਨੀ੍ਹ ਛਾਂ' ਦੀ 11ਵੀ ਵਰ੍ਹੇ ਗੰਢ 550ਵੇਂ ਪਰਕਾਸ਼ ਪੁਰਬ ਨੂੰ ਸਮਰਪਿਤ

*  ਏਮਜ਼ ਵਿਖੇ 550 ਬੂਟੇ ਲਗਵਾਏ ਅਤੇ ਬਠਿੰਡਾ ਹਲਕੇ ਵਿਚ 15 ਹਜ਼ਾਰ ਬੂਟੇ ਵੰਡੇ

* ਕਿਹਾ ਕਿ ਏਮਜ਼ ਦੀ ਓਪੀਡੀ ਤਿਆਰ ਹੈ, ਜਿਸ ਦਾ ਇਸ ਮਹੀਨੇ ਉੁਦਘਾਟਨ ਹੋ ਸਕਦਾ ਹੈ

                                                           ਇਕਬਾਲ ਸਿੰਘ ਸ਼ਾਂਤ
ਬਠਿੰਡਾ: ਕੇਂਦਰੀ ਫੂਡ ਪ੍ਰੋਸੈਸਿੰਗ ਇੰਡਸਟਰੀਜ਼ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਅੱਜ ਇੱਥੇ ਏਮਜ਼ ਅੰਦਰ 550 ਬੂਟੇ ਲਗਵਾਉਣ ਤੋਂ ਇਲਾਵਾ ਬਠਿੰਡਾ ਹਲਕੇ ਅੰਦਰ 15 ਹਜ਼ਾਰ ਬੂਟੇ ਵੰਡ ਕੇ ਨੰਨੀ੍ਹ ਛਾਂ ਮੁਹਿੰਮ ਦੀ 11ਵੀਂ ਵਰ੍ਹੇ  ਗੰਢ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪਰਕਾਸ਼ ਪੁਰਬ ਸਮਾਗਮਾਂ ਨੂੰ ਸਮਰਪਿਤ ਕੀਤੀ। 

ਨੰਨ੍ਹੀ ਛਾਂ ਟਰੱਸਟ ਦੀ 11ਵੀਂ ਵਰ੍ਹੇ ਗੰਢ ਦੇ ਮੌਕੇ ਏਮਜ਼ ਵਿਖੇ ਦਰੱਖਤ ਲਗਾਓ ਮੁਹਿੰਮ ਵਿਚ ਭਾਗ ਲੈਣ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਬੀਬਾ ਬਾਦਲ ਨੇ ਕਿਹਾ ਕਿ ਟਰੱਸਟ ਵੱਲੋਂ ਵੱਖ-ਵੱਖ ਮੁਹਿੰਮਾਂ ਰਾਹੀਂ ਅਤੇ ਸ੍ਰੀ ਦਰਬਾਰ ਸਾਹਿਬ ਅਤੇ ਸ੍ਰੀ ਦਮਦਮਾ ਸਾਹਿਬ ਵਿਖੇ ਚੱਲ ਰਹੀ ਬੂਟੇ ਵੰਡਣ ਦੀ ਪੱਕੀ ਸੇਵਾ ਦੇ ਜ਼ਰੀਏ ਹੁਣ ਤਕ 30 ਲੱਖ ਬੂਟੇ ਵੰਡੇ ਜਾ ਚੁੱਕੇ ਹਨ।

          ਇਸ ਮੌਕੇ ਸੰਸਦ ਮੈਂਬਰ ਨੇ ਗੁਰੂ ਸਾਹਿਬ ਦੇ ਪਰਕਾਸ਼ ਪੁਰਬ ਦੇ ਮੌਕੇ ਉੱਤੇ ਸਾਰੀ ਨਾਨਕ ਨਾਮ ਲੇਵਾ ਸੰਗਤ ਨੂੰ ਆਪਣੇ ਬਜ਼ੁਰਗਾਂ ਅਤੇ ਕੁੜੀਆਂ ਦੇ ਹੱਥੋਂ ਬੂਟੇ ਲਗਵਾਉਣ ਦੀ ਅਪੀਲ ਕੀਤੀ। ਉਹਨਾਂ ਕਿਹਾ ਕਿ ਇਸ ਤਰ੍ਹਾਂ ਅਸੀਂ ਉਹਨਾਂ ਦੇ ਪਿਆਰ ਦੀ ਛਾਂ ਥੱਲੇ ਰਹਾਂਗੇ।

         ਬੀਬਾ ਬਾਦਲ ਨੇ ਕਿਹਾ ਕਿ ਨੰਨ੍ਹੀ ਛਾਂ ਮੁਹਿੰਮ 'ਕੁੱਖ ਅਤੇ ਰੁੱਖ' ਨੂੰ ਬਚਾਉਣ ਦੇ ਉਦੇਸ਼ ਨਾਲ ਸ਼ੁਰੂ ਕੀਤੀ  ਗਈ ਸੀ। ਇਸ ਮੁਹਿੰਮ ਦੇ ਬਹੁਤ ਹੀ ਠੋਸ ਨਤੀਜੇ ਸਾਹਮਣੇ ਆਏ ਹਨ। ਉਹਨਾਂ ਕਿਹਾ ਕਿ ਜਿੱਥੇ ਅਸੀਂ 30 ਲੱਖ ਬੂਟੇ ਲਾ ਕੇ ਪੰਜਾਬ ਦੇ ਜੰਗਲਾਤ ਏਰੀਏ ਅੰਦਰ ਚੋਖਾ ਸੁਧਾਰ ਕਰ ਚੁੱਕੇ ਹਾਂ, ਉੱਥੇ ਸੂਬੇ ਅੰਦਰ ਕੁੜੀਆਂ ਦੀ ਦਰ ਵਿਚ ਕਾਫੀ ਸੁਧਾਰ ਵੇਖਣ ਨੂੰ ਮਿਲਿਆ ਹੈ।  ਉਹਨਾਂ ਦੱਸਿਆ ਕਿ ਦੋ ਸਾਲ ਪਹਿਲਾਂ ਮਾਨਸਾ ਜ਼ਿਲ੍ਹੇ ਨੂੰ ਕੁੜੀਆਂ ਦੀ ਦਰ ਅੰਦਰ ਸੁਧਾਰ ਲਿਆਉਣ ਦੇ ਮਾਮਲੇ ਵਿਚ ਦੇਸ਼ ਦਾ ਛੇਵਾਂ ਵਧੀਆ ਪ੍ਰਦਰਸ਼ਨ ਵਾਲਾ ਜ਼ਿਲ੍ਹਾ ਕਰਾਰ ਦਿੱਤਾ ਗਿਆ ਸੀ। ਕੇਂਦਰੀ ਮੰਤਰੀ ਨੇ ਪੁੱਛੇ ਜਾਣ 'ਤੇ ਦੱਸਿਆ ਕਿ ਏਮਜ਼ ਦਾ ਓਪੀਡੀ ਤਿਆਰ ਹੈ ਅਤੇ ਉਹ ਪ੍ਰਧਾਨ ਮੰਤਰੀ ਜਾਂ ਸਿਹਤ ਮੰਤਰੀ ਨੂੰ ਇਸ ਦਾ 29 ਸਤੰਬਰ ਨੂੰ ਉਦਘਾਟਨ ਕਰਨ ਦੀ ਬੇਨਤੀ ਕਰਗੇ । 

        ਸਾਂਝਾ ਸਮਾਗਮ ਕਰਵਾਉਣ ਦੀ ਅਪੀਲ ਕਰ ਚੁੱਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਇੱਛਾ ਦੇ ਵਿਰੁੱਧ ਕਾਂਗਰਸ ਸਰਕਾਰ ਦੀ ਸੁਲਤਾਨਪੁਰ ਲੋਧੀ ਵਿਖੇ 550ਵੇ ਪਰਕਾਸ਼ ਪੁਰਬ ਦਾ ਵੱਖਰਾ ਸਮਾਗਮ ਕਰਵਾਉਣ ਦੀ ਜ਼ਿੱਦ ਬਾਰੇ ਪੁੱਛੇ ਜਾਣ ਤੇ ਬੀਬਾ ਬਾਦਲ ਨੇ ਕਿਹਾ ਕਿ ਇਹ ਬਹੁਤ ਹੀ ਅਫਸੋਸਨਾਕ ਫੈਸਲਾ ਹੈ। ਇਤਿਹਾਸਕ ਤੌਰ ਤੇ ਸਾਰੇ ਧਾਰਮਿਕ ਸਮਾਗਮ ਧਾਰਮਿਕ ਜਥੇਬੰਦੀਆਂ ਵੱਲੋਂ ਵੀ ਕਰਵਾਏ ਗਏ ਹਨ। ਉਹਨਾਂ ਕਿਹਾ ਕਿ ਜਦ ਤਕ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਰਹਿਨੁਮਾਈ ਥੱਲੇ ਸਿੱਖਾਂ ਦੀ ਚੁਣੀ ਹੋਈ ਸੰਸਥਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਮੌਜੂਦ ਹੈ, ਕਾਂਗਰਸ ਸਰਕਾਰ ਨੂੰ ਤਖ਼ਤ ਤੋਂ ਉੱਪਰ ਉੱਠ ਕੇ ਵੱਖਰਾ ਸਮਾਗਮ ਕਰਵਾਉਣ ਦੀ ਕੋਈ ਲੋੜ ਨਹੀਂ ਹੈ। ਬੀਬਾ ਬਾਦਲ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ 1999 ਵਿਚ ਖਾਲਸਾ ਸਿਰਜਣਾ ਦੇ 300 ਸਾਲਾ ਸਮਾਗਮਾਂ ਅਤੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪਟਨਾ ਵਿਖੇ 350ਵੇਂ ਪਰਕਾਸ਼ ਪੁਰਬ ਸਮਾਗਮਾਂ ਦੌਰਾਨ ਐਸ.ਜੀ.ਪੀ.ਸੀ. ਅਤੇ ਪਟਨਾ ਸਾਹਿਬ ਵਰਗੀਆਂ ਧਾਰਮਿਕ ਜਥੇਬੰਦੀਆਂ ਨੇ ਹੀ ਸਟੇਜ ਲਾਈ ਸੀ । ਬੀਬਾ ਬਾਦਲ ਨੇ ਕਿਹਾ ਕਿ ਪਰਕਾਸ਼ ਪੁਰਬ ਸਮਾਗਮ ਸ੍ਰੀ ਗੁਰੂ ਨਾਨਕ ਦੇਵ ਹੀ ਦਾ ਸਾਂਝੀਵਾਲਤਾ ਦਾ ਸੰਦੇਸ਼ ਪੂਰੀ ਦੁਨੀਆਂ ਤਕ ਪਹੁੰਚਾਉਣ ਦਾ ਇੱਕ ਮੌਕਾ ਹਨ। ਉਹਨਾਂ ਕਿਹਾ ਕਿ ਮੈਂ ਹੱਥ ਜੋੜ ਕੇ ਅਪੀਲ ਕਰਦੀ ਹਾਂ ਕਿ ਇਸ ਸੁਨੇਹੇ ਨੂੰ ਕਮਜ਼ੋਰ ਨਹੀਂ ਕੀਤਾ ਜਾਣਾ ਚਾਹੀਦਾ। ਸਾਰੇ ਸਮਾਗਮ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਰਹਿਨੁਮਾਈ ਹੇਠ ਹੋਣੇ ਚਾਹੀਦੇ ਹਨ। ਉਹਨਾਂ ਕਿਹਾ ਕਿ ਕੌਮ ਅਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਇੱਕ ਹਨ ਅਤੇ ਸਾਨੂੰ ਸਿਰਫ ਇੱਕ ਹੋ ਕੇ ਹੀ ਸੇਵਾ ਕਰਨੀ ਚਾਹੀਦੀ ਹੈ । ਉਹਨਾਂ ਕਿਹਾ ਕਿ ਦੁਨੀਆਂ ਨੂੰ ਏਕਤਾ ਦਾ ਸੁਨੇਹਾ ਦੇਣ ਲਈ ਸਾਰੇ ਵਖਰੇਵੇਂ ਪਾਸੇ ਰੱਖ ਦੇਣੇ ਚਾਹੀਦੇ ਹਨ । ਇੱਕ ਸੁਆਲ ਦਾ ਜੁਆਬ ਦਿੰਦਿਆਂ ਬੀਬਾ ਬਾਦਲ ਨੇ ਕਿਹਾ ਕਿ ਇਹ ਬਹੁਤ ਹੀ ਸ਼ਰਮ ਦੀ ਗੱਲ ਹੈ ਕਿ ਪਾਕਿਸਤਾਨ ਸ੍ਰੀ ਕਰਤਾਰਪੁਰ ਸਾਹਿਬ ਵਿਖੇ ਮੱਥਾ ਟੇਕਣ ਵਾਲੇ ਹਰ ਵਿਅਕਤੀ ਤੋਂ 20 ਡਾਲਰ ਵਸੂਲ ਕੇ ਸਿੱਖ ਸ਼ਰਧਾਲੂਆਂ ਦੀ ਸ਼ਰਧਾ 'ਚੋਂ ਵਪਾਰਕ ਲਾਹਾ ਲੈਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਉਹਨਾਂ ਕਿਹਾ ਕਿ ਇਹ ਦੁਨੀਆਂ ਵਿਚ ਪਹਿਲੀ ਮਿਸਾਲ ਹੈ, ਜਿੱਥੇ ਇੱਕ ਪੂਜਣ ਵਾਲੀ ਥਾਂ ਉੱਤੇ ਮੱਥਾ ਟੇਕਣ ਲਈ ਸ਼ਰਧਾਲੂਆਂ ਕੋਲੋਂ ਫੀਸ ਵਸੂਲੀ ਜਾਵੇਗੀ । 

       ਇਸ ਤੋਂ ਪਹਿਲਾਂ ਪਿੰਡ ਬਾਦਲ ਵਿਖੇ ਸਾਬਕਾ ਮੁੱਖ ਮੰਤਰੀ ਸਰਦਾਰ ਪਰਕਾਸ਼ ਸਿੰਘ ਬਾਦਲ ਅਤੇ ਅਕਾਲੀ ਦਲ ਪ੍ਰਧਾਨ ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਫਲਾਂ ਦੇ 5 ਦਰੱਖਤ ਲਗਾ ਕੇ ਇਸ ਮੁਹਿੰਮ ਦੀ ਸ਼ੁਰੂਆਤ ਕੀਤੀ। ਬੀਬਾ ਬਾਦਲ ਨਾਲ ਏਮਜ਼ ਵਾਲੇ ਸਮਾਗਮ ਵਿਚ ਸਾਬਕਾ ਵਿਧਾਇਕ ਸਰੂਪ ਚੰਦ ਸਿੰਗਲਾ ਵੀ ਮੌਜੂਦ ਸਨ। 

ਬਾਦਲਾਂ ਦੇ ‘ਮੇਜਰ’ ਨੇ ਚੌਟਾਲਿਆਂ ਦੇ ਗੜ੍ਹ ਦਾ ‘ਸਿਆਸੀ ਮੇਜਰ’ ਬਣਨ ਲਈ ਤਾਲ ਠੋਕੀ

                                              ਇਕਬਾਲ ਸਿੰਘ ਸ਼ਾਂਤ

ਲੰਬੀ: ਬਾਦਲਾਂ ਦੇ 'ਮੇਜਰ' ਭੁਪਿੰਦਰ ਸਿੰਘ (ਢਿੱਲੋਂ) ਬਾਦਲ ਨੇ ਚੌਟਾਲਿਆਂ ਦੇ ਗੜ• ਡੱਬਵਾਲੀ ਹਲਕੇ ਦਾ 'ਸਿਆਸੀ ਮੇਜਰ' ਬਣਨ ਲਈ ਤਾਲ ਠੋਕ ਦਿੱਤੀ ਹੈ। ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਚਚੇਰੇ ਭਰਾ ਅਤੇ ਭਾਰਤੀ ਫੌਜ਼ ਵਿਚੋਂ ਬਤੌਰ ਮੇਜਰ ਸੇਵਾਮੁਕਤ ਹੋਏ ਭੁਪਿੰਦਰ ਸਿੰਘ ਢਿੱਲੋਂ ਆਗਾਮੀ ਵਿਧਾਨਸਭਾ ਚੋਣਾਂ 'ਚ ਡੱਬਵਾਲੀ ਹਲਕੇ ਤੋਂ ਅਕਾਲੀ-ਭਾਜਪਾ ਟਿਕਟ 'ਤੇ ਆਪਣੀ ਸਿਆਸੀ ਕਿਸਮਤ ਅਜਮਾਉਣ ਦੇ ਰੌਂਅ 'ਚ ਹਨ। ਡੱਬਵਾਲੀ ਸ਼ਹਿਰ 'ਚ ਡੱਬਵਾਲੀ

ਟਰਾਂਸਪੋਰਟ ਤੋਂ ਸਫ਼ਲ ਸਿਆਸੀ ਜੀਵਨ ਸ਼ੁਰੂ ਕਰਨ ਵਾਲੇ ਬਾਦਲ ਖ਼ਾਨਦਾਨ ਦੇ ਇਸ 71 ਸਾਲਾ ਰੌਸ਼ਨ ਚਿਰਾਗ ਦੀ ਬਤੌਰ ਵਿਧਾਇਕ ਆਪਣੀ ਜਨਮ ਭੂਮੀ ਡੱਬਵਾਲੀ ਹਲਕੇ ਦੀ ਸੇਵਾ ਕਰਨਾ ਦੀ ਵੱਡੀ ਇੱਛਾ ਹੈ। 1948 'ਚ ਜਨਮੇ ਅਤੇ  ਸਾਬਕਾ ਮੈਂਬਰ ਪਾਰਲੀਮੈਂਟ ਗੁਰਰਾਜ ਸਿੰਘ ਬਾਦਲ ਦੇ ਸਪੁੱਤਰ ਭੁਪਿੰਦਰ ਸਿੰਘ ਨੇ ਜਨਮ ਤੋਂ ਲੈ ਕੇ ਜਵਾਨੀ ਦੇ 22-23 ਸਾਲ ਡੱਬਵਾਲੀ ਸ਼ਹਿਰ ਵਿੱਚ ਲੰਘਾਏ ਹਨ। ਉਹ ਡੱਬਵਾਲੀ ਸ਼ਹਿਰ ਦੇ ਜ਼ਰੇ-ਜ਼ਰੇ ਨਾਲ ਵਾਕਫ਼ ਹਨ। ਉਨ•ਾਂ 1965 ਤੋਂ ਭਾਰਤੀ ਫੌਜ਼ 'ਚ ਲਗਪਗ ਪੌਨੇ ਦੋ ਦਹਾਕੇ ਦੇਸ਼ ਦੀਆਂ ਸੇਵਾ ਕੀਤੀ ਹੈ। 1971 'ਚ ਭਾਰਤ-ਪਾਕਿ ਜੰਗ ਦੌਰਾਨ ਸਾਂਭਾ ਸੈਕਟਰ (ਜੰਮੂ ਕਸ਼ਮੀਰ) ਵਿੱਚ ਦੁਸ਼ਮਣ ਨਾਲ ਲੋਹਾ ਲੈ ਚੁੱਕੇ ਹਨ। 1979 ਤੋਂ 1983 ਤੱਕ ਰਾਜਪਾਲ ਪੰਜਾਬ ਦੇ ਏ.ਡੀ.ਸੀ. ਵੀ ਵਜੋਂ ਸੇਵਾ ਨਿਭਾਈਆਂ ਹਨ। ਉਹ ਡੱਬਵਾਲੀ ਨਾਲ ਖਹਿੰਦੇ ਮੰਡੀ ਕਿੱਲਿਆਂਵਾਲੀ 'ਚ ਸਥਿਤ ਮਹਾਂ ਪੰਜਾਬ ਵੇਲੇ ਦੇ ਗੁਰੂ ਨਾਨਕ ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਹਨ। ਸੂਤਰਾਂ ਅਨੁਸਾਰ ਬਾਦਲ ਪਰਿਵਾਰ ਉਸਦੇ ਮੇਜਰ ਦੀ ਇੱਛਾ ਨੂੰ ਸਿਰੇ ਚਾੜ•ਨ ਲਈ ਭਾਜਪਾ ਹਾਈਕਮਾਂਡ ਦੇ ਸਿਖ਼ਰਲੇ ਆਗੂਆਂ ਦੇ ਸੰਪਰਕ ਵਿੱਚ ਹੈ। ਜਦਕਿ ਰਾਸ਼ਟਰੀ ਸਵੈ-ਸੇਵਕ ਸੰਘ ਨਾਲ ਜੁੜਿਆ ਇੱਕ ਧੜਾ ਵੀ ਉੱਚ ਪੱਧਰ 'ਤੇ ਭਾਜਪਾ ਦੇ ਸਿਆਸੀ ਅਖਾੜੇ 'ਚ ਮੇਜਰ ਭੁਪਿੰਦਰ ਸਿੰਘ ਦੇ ਪੈਰ ਟਿਕਾਉਣ ਲਈ ਜ਼ਮੀਨ ਤਿਆਰ ਕਰ ਰਿਹਾ ਹੈ। ਬੀਤੇ ਲੋਕਸਭਾ ਚੋਣਾਂ 'ਚ ਭਾਜਪਾ ਨੂੰ ਚੌਟਾਲਿਆਂ ਦੇ ਗੜ• ਡੱਬਵਾਲੀ ਵਿਚੋਂ 8800 ਵੋਟਾਂ ਦੀ ਬੜ•ਤ ਮਿਲੀ ਸੀ। ਡੱਬਵਾਲੀ ਹਲਕੇ 'ਚ ਅਕਾਲੀ ਦਲ ਨਾਲ ਜੁੜੀਆਂ ਸਿੱਖ ਬੈਲਟ ਦੀਆ ਹਜ਼ਾਰਾਂ ਵੋਟਾਂ ਹਨ, ਜਿਹੜੀਆਂ ਮੇਜਰ ਦੀ ਸਿਆਸੀ ਇੱਛਾ ਲਈ 'ਰਾਮ ਬਾਣ' ਸਾਬਤ ਹੋ ਸਕਦੀਆਂ ਹਨ। ਡੱਬਵਾਲੀ ਹਲਕੇ ਤੋਂ ਭਾਜਪਾ ਟਿਕਟ ਲਈ ਪਹਿਲਾਂ ਹੀ ਸੀਨੀਅਰ ਭਾਜਪਾ ਆਗੂ ਦੇਵ ਕੁਮਾਰ ਸ਼ਰਮਾ, ਅਦਿੱਤਿਆ ਦੇਵੀ ਲਾਲ, ਬਲਦੇਵ ਸਿੰਘ ਮਾਂਗੇਆਣਾ ਅਤੇ ਵਿਜੈ ਵਧਵਾ ਵਗੈਰਾ ਪ੍ਰਮੁੱਖ ਦਾਅਵੇਦਾਰਾਂ ਵਿੱਚ ਸ਼ਾਮਲ ਹਨ। ਮੇਜਰ ਕੋਲ 'ਬਾਦਲ' ਵਾਲਾ ਵੱਡਾ ਸਿਆਸੀ ਬਰਾਂਡ ਅਤੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਉੱਚ ਭਾਜਪਾ ਲੀਡਰਸ਼ਿਪ ਨਾਲ ਗੂੜ•ੀ ਸਾਂਝ ਬਾਕੀ ਦਾਅਵੇਦਾਰੀਆਂ 'ਤੇ ਭਾਰੀ ਪੈ ਸਕਦੀ ਹੈ। ਉਂਝ ਡੱਬਵਾਲੀ ਤੋਂ ਪਿਛਲਾ ਵਿਧਾਨਸਭਾ ਚੋਣ ਲੜ ਚੁੱਕੇ ਦੇਵ ਕੁਮਾਰ ਸ਼ਰਮਾ ਦੀ ਵੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਸੰਘ ਨਾਲ ਨੇੜਤਾ ਜੱਗਜਾਹਰ ਹੈ। ਜਦਕਿ ਸਾਬਕਾ ਉਪ ਪ੍ਰਧਾਨ ਮੰਤਰੀ ਚੌਧਰੀ ਦੇਵੀ ਲਾਲ ਦੇ ਪੋਤਰੇ ਅਦਿੱਤਿਆ ਦੇਵੀ ਲਾਲ ਦੇ ਸਿਰ 'ਤੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦਾ ਹੱਥ ਮੰਨਿਆ ਜਾਂਦਾ ਹੈ। ਅਦਿੱਤਿਆ ਨੂੰ ਲੋਕਸਭਾ ਚੋਣਾਂ ਤੋਂ ਐਨ ਪਹਿਲਾਂ ਹਰਿਆਣਾ ਸਹਿਕਾਰੀ ਖੇਤੀਬਾੜੀ ਅਤੇ ਵਿਕਾਸ ਬੈਂਕ ਦਾ ਚੇਅਰਮੈਨ ਬਣਾਇਆ ਗਿਆ ਸੀ। ਅੱਜ ਗੁਰੂ ਨਾਨਕ ਕਾਲਜ ਮੰਡੀ ਕਿੱਲਿਆਂਵਾਲੀ ਵਿਖੇ ਮੇਜਰ ਭੁਪਿੰਦਰ ਸਿੰਘ ਢਿੱਲੋਂ ਨੇ ਪ੍ਰੈਸ ਕਾਨਫਰੰਸ ਵਿੱਚ ਆਖਿਆ ਕਿ ਉੁਨ•ਾਂ ਡੱਬਵਾਲੀ ਹਲਕੇ 'ਚ ਉਨ•ਾਂ ਦੇ ਸਮਰਥਕਾਂ ਤੇ ਸ਼ਹਿਰ ਵਾਸੀਆਂ ਵੱਲੋਂ ਉਨ•ਾਂ ਨੂੰ ਚੋਣ ਲਈ ਆਖਿਆ ਜਾ ਰਿਹਾ ਹੈ। ਪਰ ਉਹ ਅਕਾਲੀ ਦਲ (ਬ) ਦੇ ਵਫ਼ਾਦਾਰ ਸਿਪਾਹੀ ਹਨ। ਜੇਕਰ ਅਕਾਲੀ-ਭਾਜਪਾ ਹਾਈਕਮਾਂਡ ਵੱਲੋਂ ਡੱਬਵਾਲੀ ਹਲਕੇ ਤੋਂ ਉਨ•ਾਂ ਨੂੰ ਆਪਣਾ ਉਮੀਦਵਾਰ ਬਣਾਇਆ ਤਾਂ ਉਹ ਤੀਹ ਹਜ਼ਾਰ ਵੋਟਾਂ ਨਾਲ ਸੀਟ ਜਿੱਤਣਗੇ। ਉਨ•ਾਂ ਆਖਿਆ ਕਿ ਡੱਬਵਾਲੀ ਵਿੱਚ ਮੁੱਖ ਮੁਕਾਬਲਾ ਕਾਂਗਰਸ ਨਾਲ ਹੋਵੇਗਾ। ਇਨੈਲੋ ਦੁਫਾੜ ਹੋਣ ਕਰਕੇ ਉਹ ਵੋਟਾਂ ਗਿਣਤੀ 'ਚ ਕਮਜੋਰ ਪੈ ਗਈ ਹੈ। ਇਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦੀਆਂ ਕਾਰਜਪ੍ਰਣਾਲੀ ਨੂੰ ਲੋਕਪੱਖੀ ਅਤੇ ਵਿਕਾਸ ਪੱਖੀ ਦੱਸਿਆ। ਉਨ•ਾਂ ਹਰਿਆਣੇ ਨੂੰ ਵਿਕਾਸ ਪੱਖੋਂ ਅਤੇ ਸਰਕਾਰੀ ਨੀਤੀਆਂ ਪੱਖੋਂ ਪੰਜਾਬ ਨਾਲੋਂ ਕਾਫ਼ੀ ਬਿਹਤਰ ਦੱਸਿਆ। ਮੇਜਰ ਅਨੁਸਾਰ ਉਹ ਡੱਬਵਾਲੀ ਦੀਆਂ ਸਮੱਸਿਆਵਾਂ ਅਤੇ ਵਿਕਾਸ ਦੀਆਂ ਜ਼ਰੂਰਤਾਂ ਤੋਂ ਭਲੀ-ਭਾਂਤ ਜਾਣੂ ਹਨ। -93178-26100

'ਆਲਸੀ ਮਹਾਰਾਜੇ' ਦੇ ਸੂਬੇ 'ਚ ਸੁਣਵਾਈ ਜਾਂ ਇਨਸਾਫ਼ ਲਈ ਧਰਨਾ ਜਾਂ ਸੜਕੀ ਜਾਮ ਬਣਿਆ ਇਕਲੌਤੀ ਰਾਹ

* ਮੁੱਖ ਮੰਤਰੀ ਦੀ ਆਲਸੀ ਕਾਰਗੁਜਾਰੀ ਕਾਰਨ ਪੰਜਾਬ 'ਚ ਸਲੀਪ ਮੋਡ 'ਤੇ ਚੱਲ ਰਿਹਾ ਪ੍ਰਸ਼ਾਸਨਕ ਕੰਮਕਾਜ਼
* ਜਵਾਹਰੇਵਾਲਾ ਗੋਲੀ ਕਾਂਡ 'ਚ ਮੁਲਜਮਾਂ ਦੀ ਗ੍ਰਿਫਤਾਰੀ ਲਈ ਸੜਕਬੰਦੀ ਲਈ ਲਾਮਬੰਦੀ ਸ਼ੁਰੂ

                                                ਇਕਬਾਲ ਸਿੰਘ ਸ਼ਾਂਤ

        ਸ੍ਰੀ ਮੁਕਤਸਰ ਸਾਹਿਬ/ਲੰਬੀ/ਡੱਬਵਾਲੀ: ਪੰਜਾਬ ਦੀ ਆਲਸੀ ਸਰਕਾਰ ਜਾਂ ਪੁਲਿਸ-ਸਿਵਲ ਪ੍ਰਸ਼ਾਸਨ ਤੋਂ ਸੁਣਵਾਈ ਕਰਵਾਉਣ ਜਾਂ ਇਨਸਾਫ਼ ਲਈ ਆਮ ਅਤੇ ਪੀੜਤ ਲੋਕਾਂ ਕੋਲ ਧਰਨੇ-ਮੁਜਾਹਰੇ ਅਤੇ ਸੜਕੀ ਜਾਮ ਵਾਲਾ ਸੰਘਰਸ਼ ਇੱਕੋ-ਇੱਕ ਰਾਹ ਰਹਿ ਗਿਆ ਹੈ। ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਕਾਂਗਰਸ ਸਰਕਾਰ ਦੀ ਸ਼ਹਿ ਕਾਰਨ ਜਵਾਹਰੇਵਾਲਾ ਕਾਂਡ ਦੇ ਮੁਲਜਮਾਂ ਦੀ ਗ੍ਰਿਫ਼ਤਾਰੀ ਨਾ ਹੋਣ ਕਾਰਨ ਐਕਸ਼ਨ ਕਮੇਟੀ ਵੱਲੋਂ ਜਾਰੀ ਸੰਘਰਸ਼ ਦਾ ਤਾਅ ਵਧਾਉਣ ਲਈ  22 ਜੁਲਾਈ ਨੂੰ 24 ਘੰਟਿਆਂ ਲਈ ਮੁਕਤਸਰ ਵਿਖੇ ਸੜਕੀ ਆਵਾਜਾਈ ਠੱਪ ਕਰਨ ਦਾ ਸੱਦਾ ਦਿੱਤਾ ਗਿਆ ਹੈ। ਜਿਸ ਵਿੱਚ ਹਲਕਾ ਲੰਬੀ ਵਿਚੋਂ ਵੀ ਵੱਡੀ ਗਿਣਤੀ 'ਚ ਖੇਤ ਮਜ਼ਦੂਰ ਮਰਦ-ਔਰਤਾਂ ਸ਼ਾਮਲ ਹੋਣਗੇ। 

       22 ਜੁਲਾਈ ਨੂੰ ਸੜਕ ਬੰਦੀ ਲਈ ਲਾਮਬੰਦੀ ਸਬੰਧੀ ਸਬੰਧੀ ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਦੀ ਬਲਾਕ ਕਮੇਟੀ ਵੱਲੋਂ ਸਿੰਘੇਵਾਲਾ ਵਿਖੇ ਕੀਤੀ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਯੂਨੀਅਨ ਦੇ ਸੂਬਾ ਜਨਰਲ ਸਕੱਤਰ ਲਛਮਣ ਸਿੰਘ ਸੇਵੇਵਾਲਾ ਨੇ ਦੋਸ਼ ਲਾਇਆ ਕਿ ਪਿੰਡ ਜਵਾਹਰੇਵਾਲਾ ਵਿਖੇ ਮਜ਼ਦੂਰ ਕਿਰਨਦੀਪ ਸਿੰਘ, ਉਸਦੀ ਭਰਜਾਈ ਮਿੰਨੀ ਰਾਣੀ ਨੂੰ ਕਤਲ ਕਰਨ ਅਤੇ ਕਈ ਹੁਰਾਂ ਨੂੰ ਜ਼ਖਮੀ ਕਰਨ ਵਾਲੇ ਦੋਸ਼ੀਆਂ ਨੂੰ ਹੁਕਮਰਾਨ ਕਾਂਗਰਸ ਪਾਰਟੀ ਦੀ ਸ਼ਹਿ ਹੋਣ ਕਾਰਨ ਇੱਕ ਹਫ਼ਤਾ ਬੀਤ ਜਾਣ ਦੇ ਬਾਵਜੂਦ ਅਜੇ ਵੀ ਦੋਸ਼ੀਆਂ ਨੂੰ ਪੁਲਿਸ ਗ੍ਰਿਫਤਾਰ ਨਹੀਂ ਕਰ ਰਹੀ। ਇਸ ਮੌਕੇ ਮੈਂਗਲ ਸਿੰਘ, ਕਾਲਾ ਸਿੰਘ, ਗੁਰਤੇਜ ਸਿੰਘ, ਜਸਵਿੰਦਰ ਸਿੰਘ, ਰਾਮਪਾਲ ਸਿੰਘ ਗੱਗੜ, ਜਸਵੀਰ ਸਿੰਘ ਮਹਿਣਾ, ਗੁਰਮੇਲ ਕੌਰ ਨੇ ਮਜ਼ਦੂਰਾਂ ਦੇ ਕਾਤਲਾਂ ਨੂੰ ਗ੍ਰਿਫਤਾਰ ਕਰਵਾਉਣ, ਪੀੜਤ ਪਰਿਵਾਰ ਨੂੰ ਅਜੇ ਵੀ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇਣ ਵਾਲਿਆਂ 'ਤੇ ਕੇਸ ਦਰਜ ਕਰਵਾਉਣ ਅਤੇ ਪੀੜਤ ਪਰਿਵਾਰਾਂ ਨੂੰ ਮੁਆਵਜ਼ਾ ਤੇ ਨੌਕਰੀ ਦੀ ਮੰਗ ਕੀਤੀ । 

       ਜ਼ਿਕਰਯੋਗ ਹੈ ਕਿ ਸੂਬੇ ਵਿੱਚ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੀ ਆਲਸੀ ਕਾਰਗੁਜਾਰੀ ਕਾਰਨ ਸੂਬੇ ਦਾ ਪ੍ਰਸ਼ਾਸਨ ਕੰਮਕਾਜ਼ ਸਲੀਪ ਮੋਡ ਜਾਂ ਮੱਠੀ ਰਫ਼ਤਾਰ ਨਾਲ ਚੱਲ ਰਿਹਾ ਹੈ। ਮੁੱਖ ਮੰਤਰੀ ਦੇ ਪੱਦਚਿੰਨ•ਾਂ 'ਤੇ ਵੇਲਾ ਲੰਘਾਊ ਨੀਤੀ ਤਹਿਤ ਪ੍ਰਸ਼ਾਸਨਕ ਤਾਣਾ-ਬਾਣਾ ਆਪਣੀ ਫਰਜ਼ਾਂ ਨੂੰ ਰਾਜਸੀ ਅਹੁਦੇਦਾਰੀਆਂ ਵਾਂਗ ਵਿਹਾਅ ਰਿਹਾ ਹੈ ਅਤੇ ਆਮ ਜਨਤਾ ਖੱਜਲ ਖੁਆਰ ਹੋ ਰਹੀ ਹੈ। ਸ੍ਰੀ ਮੁਕਤਸਰ ਸਾਹਿਬ ਜ਼ਿਲ•ੇ 'ਚ ਖਾਕੀ ਤੰਤਰ ਦੀ ਕਾਰਜਪ੍ਰਣਾਲੀ ਸਿੱਧੇ-ਅਸਿੱਧੇ ਤੌਰ 'ਤੇ ਮੁਲਜਮਾਂ ਪੱਖੀ ਜਾਪ ਰਹੀ ਹੈ। ਪੁਲਿਸ ਵੱਲੋਂ ਕਾਗਜ਼ਾਂ ਦਾ ਢਿੱਡ ਭਰਨ ਅਤੇ ਪੀੜਤਾਂ ਦੀਆਂ ਅੱਖਾਂ ਪੂੰਝਣ ਲਈ ਹਲਕੀਆਂ ਧਾਰਾਵਾਂ ਲਗਾ ਦਿੱਤੀਆਂ ਜਾਂਦੀਆਂ ਹਨ ਅਤੇ ਮੁਕੱਦਮਾ ਦਰਜ ਕਰਨ ਮਗਰੋਂ ਮੁਲਜਮਾਂ ਨੂੰ ਗ੍ਰਿਫ਼ਤਾਰ ਕਰਨ 'ਚ ਮਹੀਨੇ ਲਗਾ ਦਿੱਤੇ ਜਾਂਦੇ ਹਨ। 

        ਆਮ ਜਨਤਾ ਆਖਦੀ ਹੈ ਕਿ ਪ੍ਰਸ਼ਾਸਨ ਸਿਰਫ਼ ਕਾਹਲੀ ਨਾਲ ਉਨ•ਾਂ ਮਾਮਲਿਆਂ ਵਿੱਚ ਹੀ ਛੇਤੀ ਕਾਰਵਾਈ ਕਰਦਾ ਹੈ ਜਿਨ•ਾਂ 'ਚ ਹੁਕਮਰਾਨ ਧਿਰ ਅਤੇ ਪ੍ਰਸ਼ਾਸਨਕ ਅਧਿਕਾਰੀਆਂ ਦੇ ਨਿੱਜੀ ਮੁਫ਼ਾਦ ਜਾਂ ਸਿਆਸੀ ਸਿੱਝਦੇ ਹੋਣ। ਇਸੇ ਤਰ•ਾਂ ਕਰੀਬ ਦੋ ਹਫ਼ਤੇ ਪਹਿਲਾਂ ਲੰਬੀ ਅਤੇ ਸ੍ਰੀ ਮੁਕਤਸਰ ਸਾਹਿਬ ਦੇ ਵਿਚਕਾਰਲੇ ਸ਼ਹਿਰ ਵਿੱਚ ਦੋ ਦੁਕਾਨਦਾਰਾਂ ਦੇ ਆਪਸੀ ਝਗੜੇ 'ਚ ਤਿੰਨ ਖਾਕੀ ਸਰਕਾਰੀ ਸਾਨ• 95 ਹਜ਼ਾਰ ਰੁਪਏ ਖਾ ਗਏ ਸਨ। ਸਰਕਾਰੀ ਸਾਨ•ਾਂ ਨੇ ਰੁਪਏ ਹਜ਼ਮ ਕਰਨ ਉਪਰੰਤ 95 ਹਜ਼ਾਰੀ ਆਸਾਮੀ ਨੂੰ ਵਿਰੋਧੀ ਪਾਰਟੀ ਤੋਂ ਗਲਤੀ ਮੰਨਣ ਲਈ ਆਖ ਦਿਤਾ ਗਿਆ ਸੀ। ਜਿਸ 'ਤੇ ਮਾਮਲਾ ਭੜਕ ਗਿਆ ਅਤੇ ਮੀਡੀਆ ਦੇ ਦਬਾਅ ਸਦਕਾ ਪੈਸੇ ਵਾਪਸ ਕਰਕੇ ਸਰਕਾਰੀ ਸਾਨ•ਾਂ ਨੇ ਆਪਣੀ ਜਾਨ ਛੁਡਵਾਈ। 13 ਜੁਲਾਈ ਨੂੰ ਵਾਪਰੇ ਜਵਾਹਰੇਵਾਲਾ ਕਾਂਡ ਦੇ 12 ਨਾਮਜਦ ਮੁਲਜਮਾਂ ਵਿਚੋਂ ਤਿੰਨ ਮੁੱਖ ਮੁਲਜਮ ਸਮੇਤ ਸੱਤ ਦੀ ਗ੍ਰਿਫ਼ਤਾਰੀ ਨਾ ਹੋਣ ਪਿੱਛੇ ਵੀ ਪੁਲਿਸ ਦੀ ਮਨਸ਼ਾ ਜਥੇਬੰਦਕ ਸੰਘਰਸ਼ ਦਾ ਤਾਰਪੀਡੋ ਕਰਨ ਦੀ ਜਾਪਦੀ ਹੈ। ਸਾਰੇ ਮੁਲਜਮ ਗ੍ਰਿਫ਼ਤਾਰ ਨਾ ਹੋਣ ਕਰਕੇ ਪਿਛਲੇ ਸੱਤ ਦਿਨਾਂ ਤੋਂ ਦੋਵੇਂ ਮ੍ਰਿਤਕਾਂ ਦੀ ਦੇਹਾਂ ਸਿਵਲ ਹਸਪਤਾਲ ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਰੁਲ ਰਹੀਆਂ ਹਨ। ਐਕਸ਼ਨ ਕਮੇਟੀ ਦੇ ਆਗੂਆਂ ਦਾ ਕਹਿਣਾ ਹੈ ਕਿ ਜ਼ਿਲ•ਾ ਪੁਲਿਸ ਵੱਲੋਂ ਆਪਣੇ ਫਰਜ਼ ਨਿਭਾਉਣ ਦੀ ਬਜਾਇ ਪੀੜਤ ਪਰਿਵਾਰ ਨੂੰ ਲਾਸ਼ਾਂ ਦੀ ਬੇਅਦਬੀ ਦਾ ਦੋਸ਼ ਠਹਿਰਾ ਕੇ ਕਾਨੂੰਨੀ ਕਾਰਵਾਈ ਦੀਆਂ ਗੁੱਝੀਆਂ ਧਮਕੀਆਂ ਦਿੱਤੀਆਂ ਹਨ। ਜਥੇਬੰਦੀਆਂ ਦਾ ਕਹਿਣਾ ਹੈ ਕਿ ਇਸ ਮਾਮਲੇ 'ਚ ਬਲਾਕ ਯੂਥ ਕਾਂਗਰਸ ਦਾ ਪ੍ਰਧਾਨ ਨਾਮਜਦ ਹੋਣ ਅਤੇ ਮੁਲਜਮਾਂ ਦੀ ਸਿਆਸੀ ਅਤੇ ਆਰਥਿਕ ਪਹੁੰਚ ਕਰਕਕੇ ਕਾਂਗਰਸ ਸਰਕਾਰ ਕਾਰਵਾਈ ਤੋਂ ਪਾਸਾ ਵੱਟ ਰਹੀ ਹੈ। ਸਰਕਾਰਾਂ ਅਤੇ ਪ੍ਰਸ਼ਾਸਨ ਦੀ ਮਾੜੀ ਕਾਰਗੁਜਾਰੀ ਕਾਰਨ ਆਮ ਜਨਤਾ ਦਾ ਰੁਝਾਨ ਸਿਆਸੀ ਪਾਰਟੀਆਂ ਨਾਲੋਂ ਵੱਧ ਜਥੇਬੰਦਕ ਘੋਲਾਂ ਦੇ ਮੁੱਦਈ ਸੰਗਠਨਾਂ ਵੱਲ ਵਧੇਰੇ ਹੋ ਰਿਹਾ ਹੈ। ਲੋਕਾਂ ਅਨੁਸਾਰ ਹੁਣ ਹੱਕ ਅਤੇ ਸੁਣਵਾਈ ਲਈ ਸੰਘਰਸ਼ ਹੀ ਜੀਵਨ ਵਾਲੀ ਰਾਹ ਸੁਵੱਲੀ ਜਾਪਦੀ ਹੈ । M. No. 93178-26100

ਹੁਕਮ ਵੀ ਆਪਣੇ ਅਤੇ ਅਦੂਲੀ ਵੀ, ਫਿਰ ਡਰ ਕਾਹੇ ਕਾ....

                               ਇਕਬਾਲ ਸਿੰਘ ਸ਼ਾਂਤ

ਲੰਬੀ/ਡੱਬਵਾਲੀ: ਪੰਜਾਬ ’ਚ ਸੱਤਾ ਪੱਖੀ ਪਰਛਾਵੇਂ ਵਾਲੇ ਲਿਫ਼ਟਿੰਗ ਠੇਕੇਦਾਰਾਂ ਵੱਲੋਂ ਖਰੀਦ ਏਜੰਸੀਆਂ ਨਾਲ ਕਥਿਤ ਮਿਲੀਭੁਗਤ ਤਹਿਤ ਗੈਰ-ਕਮਰਸ਼ੀਅਲ ਟਰੈਕਟਰ-ਟਰਾਲੀਆਂ ’ਤੇ ਕਣਕ ਲਿਫ਼ਟਿੰਗ ਕਰਵਾ ਕੇ ਮਾਣਯੋਗ ਹਾਈਕੋਰਟ ਦੇ ਨਿਰਦੇਸ਼ਾਂ ਅਤੇ ਸਰਕਾਰੀ ਨੋਟੀਫਿਕੇਸ਼ਨ ਦੀ ਜਾਣ-ਬੁੱਝ ਕੇ ਉਲੰਘਣਾ ਕੀਤੀ ਜਾ

ਰਹੀ ਹੈ। ਗੈਰ-ਕਮਰਸ਼ੀਅਲ ਟਰੈਕਟਰ-ਟਰਾਲੀਆਂ ’ਤੇ ਨਿਯਮਾਂ ਤੋਂ ਦੁੱਗਣਾ ਵਜ਼ਨ ਕਣਕ ਲੱਦ ਕੇ ਓਵਰ ਲੋਡਿੰਗ ਸਬੰਧਤ ਅਦਾਲਤੀ ਕਾਇਦੇ ਨੂੰ ਛਿੱਕੇ ਟੰਗਿਆ ਜਾ ਰਿਹਾ ਹੈ। ਗੈਰ-ਕਮਸ਼ਰੀਅਲ ਟਰੈਕਟਰ-ਟਰਾਲੀਆਂ ਰਾਹੀਂ ਖਰੀਦ ਕੇਂਦਰਾਂ ਤੋਂ ਵੇਅਰ ਹਾਊਸ ਅਤੇ ਹੋਰਨਾਂ ਏਜੰਸੀ ਗੋਦਾਮਾਂ ’ਚ ਧੜੱਲੇ ਨਾਲ ਕਣਕ ਲਿਫ਼ਟ ਕੀਤੀ ਜਾ ਰਹੀ ਹੈ। ਨਿਯਮਾਂ ਅਨੁਸਾਰ ਕਮਰਸ਼ੀਅਲ ਟਰੈਕਟਰ-ਟਰਾਲੀ ’ਚ 70 ਗੱਟੇ ਕਣਕ ਲਿਫ਼ਟ ਕੀਤੀ ਜਾ ਸਕਦੀ ਹੈ ਪਰ ਗੈਰ ਕਮਰਸ਼ੀਅਲ ਟਰੈਕਰ-ਟਰਾਲੀਆਂ ’ਚ 150 ਤੋਂ 200 ਗੱਟੇ ਲੱਦੇ ਜਾ ਰਹੇ ਹਨ। ਠੇਕੇਦਾਰਾਂ ਵੱਲੋਂ ਖਰੀਦ ਅਮਲੇ ਦੀ ਆਪਸੀ ਮਿਲੀਭੁਗਤ ਸਦਕਾ ਉਲੰਘਣਾਵਾਂ ਖਿਲਾਫ਼ ਸਮੁੱਚੇ ਕਾਨੂੰਨੀ ਦਾਅ ਖੇਰੰੂ-ਖੇਰੂੰ ਹੋ ਰਹੇ ਹਨ। ਖਰੀਦ ਏਜੰਸੀਆਂ ਨੇ ਕਾਗਜ਼ੀ ਬੁੱਤਾ ਸਾਰਨ ਲਈ ਅਦਾਲਤੀ ਨਿਰਦੇਸ਼ਾਂ ਦੇ ਹਵਾਲੇ ਤਹਿਤ ਲਿਫ਼ਟਿੰਗ ਠੇਕੇਦਾਰਾਂ ਨੂੰ ਗੋਲ-ਮੋਲ ਪੱਤਰ ਲਿਖ ਦਿੱਤੇ ਹਨ, ਜਿਨ੍ਹਾਂ ਦਾ ਜ਼ਮੀਨੀ ਹਕੀਕਤ ਨਾਲ ਕੋਈ ਵਾਅ-ਵਾਸਤਾ ਨਹੀਂ। ਪੰਜਾਬ ’ਚ ਕਣਕ ਲਿਫ਼ਟਿੰਗ ਵਗੈਰਾ ਦੇ ਬਹੁਗਿਣਤੀ ਟੈਂਡਰ ਸੱਤਾ ਪੱਖੀ ਕਾਂਗਰਸੀਆਂ ਕੋਲ ਹਨ। ਕਾਨੂੰਨੀ ਨਿਯਮਾਂ ਨਾਲ ਖਿਲਵਾੜ ਸਿਰਫ਼ ਮੰਡੀ ਕਿੱਲਿਆਂਵਾਲੀ (ਹਲਕਾ ਲੰਬੀ) ’ਚ ਵੇਅਰ ਹਾਊਸ ਦੇ ਗੋਦਾਮਾਂ ’ਚ ਨਹੀਂ ਚੱਲ ਰਿਹਾ ਬਲਕਿ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ, ਮਲੋਟ, ਬਠਿੰਡਾ, ਮਾਨਸਾ, ਗਿੱਦੜਬਾਹਾ ਸਮੇਤ ਸਮੁੱਚੇ ਪੰਜਾਬ ’ਚ ਖੁੱਲ੍ਹੇਆਮ ਕੀਤਾ ਰਿਹਾ ਹੈ।

         ਹੈਰਾਨੀ ਵਾਲੀ ਗੱਲ ਹੈ ਕਿ ਕਣਕ ਲੋਡਿੰਗ ’ਚ ਜੁਟੀਆਂ ਗੈਰ-ਕਮਸ਼ਰੀਅਲ ਟਰੈਕਟਰ-ਟਰਾਲੀਆਂ ਟਰਾਂਸਪੋਰਟ ਨਿਯਮਾਂ ਤਹਿਤ ਬੁਨਿਆਦੀ ਰਜਿਸਟਰੇਸ਼ਨ ਨੰਬਰ, ਨੰਬਰ ਪਲੇਟ, ਬੀਮਾ ਅਤੇ ਹੋਰਨਾਂ ਲੋੜੀਂਦੇ ਦਸਤਾਵੇਜ਼ ਵੀ ਨਹੀਂ ਹੁੰਦੇ। ਬਹੁਤ ਗਿਣਤੀ ਡਰਾਈਵਰਾਂ ਕੋਲ ਲੋੜੀਂਦੇ ਡਰਾਈਵਿੰਗ ਲਾਇਸੰਸ ਵੀ ਨਹੀਂ ਹਨ। 

ਇਨ੍ਹਾਂ ਸਬੰਧੀ ਸਰਕਾਰੀ ਨੋਟੀਫਿਕੇਸ਼ਨ ਅਤੇ ਅਦਾਲਤੀ ਹੁਕਮਾਂ ਨੂੰ ਲਾਗੂ ਕਰਵਾਉਣ ’ਚ ਪੰਜਾਬ ਸਰਕਾਰ, ਟਰਾਂਸਪੋਰਟ ਵਿਭਾਗ, ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਪੁਲਿਸ ਵਿਭਾਗ ਦੀਆਂ ਅੱਖਾਂ ਬੰਦ ਹਨ। 

      ਸਰਕਾਰੀ ਨਿਯਮਾਂ ਮੁਤਾਬਕ ਟਰੈਕਟਰ-ਟਰਾਲੀ ਨੂੰ ਕਮਰਸ਼ੀਅਲ ਕੰਮਕਾਜ਼ ਲਈ ਨਹੀਂ ਵਰਤਿਆ ਜਾ ਸਕਦਾ ਹੈ। ਉਸ ਕੋਲ ਗੁਡਜ਼ ਕੈਰੀਅਰ ਪਰਮਿਟ ਹੋਣ ਦੀ ਸੂਰਤ ’ਚ ਦਾਣਾ ਮੰਡੀ/ਖਰੀਦ ਕੇਂਦਰਾਂ ਤੋਂ ਗੋਦਮਾਂ ਤੱਕ ਫ਼ਸਲ ਲਿਫ਼ਟਿੰਗ ਕਰ ਸਕਦੇ ਹਨ। ਜਿਸਦੀ ਦੂਰੀ ਕਿਸੇ ਵੀ ਸੂਰਤ ਵਿੱਚ 25 ਕਿਲੋਮੀਟਰ ਤੋਂ ਵੱਧ ਨਹੀਂ ਹੋ ਸਕਦੀ। ਜਦੋਂਕਿ ਸਟੇਟ ਹਾਈਵੇ/ਨੈਸ਼ਨਲ ਹਾਈਵੇ ’ਤੇ ਇਹ ਦੂਰੀ ਦਾਇਰਾ ਮਹਿਜ਼ 12 ਕਿਲੋਮੀਟਰ ਤੱਕ ਹੈ। ਪੀਲੀ ਨੰਬਰ ਪਲੇਟ ਲਗਾਉਣਾ ਲਾਜਮੀ ਹੈ। ਜ਼ਿਕਰਯੋਗ ਹੈ ਕਿ ਟਰੈਕਟਰ-ਟਰਾਲੀ ਕੋਲ ਪੰਜਾਬ ਮੋਟਰ ਵਹੀਕਲ ਨਿਯਮ-1989 ਤਹਿਤ ਰਜਿਸਟਰਡ ਹੋਵੇ ਅਤੇ ਉਸਦੇ ਕੋਲ ਮੋਟਰ ਵਹੀਕਲ ਨਿਯਮ-1988 ਦੇ ਗੁਡਜ ਕੈਰਿਜ਼ ਦਾ ਪਰਮਿਟ ਹੋਣਾ ਚਾਹੀਦਾ ਹੈ। ਇਸ ਸਬੰਧੀ ਪੰਜਾਬ ਸਰਕਾਰ ਵੱਲੋਂ ਨੋਟੀਫਿਕੇਸ਼ਨ ਨੰਬਰ 10/11/2017-1ਟੀ2 (ਪੀ.ਐਫ਼.)/1219673/1 ਮਿਤੀ 25-04-2018 ਜਾਰੀ ਕੀਤਾ ਹੋਇਆ ਹੈ। ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ ਵੀ ਇੱਕ ਪਟੀਸ਼ਨ ’ਤੇ ਫੈਸਲੇ ’ਚ ਬੀਤੀ 8 ਮਾਰਚ 2019 ਨੂੰ ਟਰੈਕਟਰ-ਟਰਾਲੀਆਂ ਨੂੰ ਕਾਰੋਬਾਰੀ ਵਰਤੋਂ ਲਈ ਨਿਯਮਾਂ ਬਾਰੇ ਪੰਜਾਬ ਸਰਕਾਰ ਨੂੰ ਉਸਦੇ ਨੋਟੀਫਿਕੇਸ਼ਨ ਸਬੰਧੀ ਪ੍ਰਚਾਰ ਕਰਨ ਲਈ ਆਖਿਆ ਹੈ, ਤਾਂ ਜੋ ਕਿਸਾਨ ਵਗੈਰਾ ਇਸਦਾ ਲਾਹਾ ਲੈ ਸਕਣ। 

         ਪਤਾ ਲੱਗਿਆ ਹੈ ਕਿ ਪੰਜਾਬ ’ਚ ਵੱਖ-ਵੱਖ ਜਗ੍ਹਾ ਪਾਬੰਦੀਸ਼ੁਦਾ ਟਰੱਕ ਯੂਨੀਅਨਾਂ ’ਤੇ ਕਾਬਜ਼ ਤੰਤਰ ਵੱਲੋਂ ਅਦਾਲਤੀ ਹੁਕਮਾਂ ਦਾ ਦਬਾਅ ਬਣਾ ਕੇ ਲਿਫ਼ਟ ਠੇਕੇਦਾਰ ਨਾਲ ਅੰਦਰੂਨੀ ਤੌਰ ’ਤੇ ਆਰਥਿਕ ਸੈਟਿੰਗਾਂ ਹੋ ਚੁੱਕੀਆਂ ਹਨ। ਜਿਸ ਮਗਰੋਂ ਗੈਰ-ਕਮਰਸ਼ੀਅਲ ਟਰੈਕਟਰ-ਟਰਾਲੀਆਂ ’ਤੇ ਓਵਰਲੋਡ ਕਣਕ ਲਦਵਾ ਕੇ ਲੱਖਾਂ ਰੁਪਏ ਦੇ ਵਾਰੇ-ਨਿਆਰੇ ਕੀਤੇ ਜਾ ਰਹੇ ਹਨ। 

           ਵੇਅਰ ਹਾਊਸ ਸ੍ਰੀ ਮੁਕਤਸਰ ਦੇ ਜ਼ਿਲ੍ਹਾ ਪ੍ਰਬੰਧਕ ਪੁਸ਼ਪਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਖਰੀਦ ਏਜੰਸੀਆਂ ਦਾ ਕਾਰਜ ਫ਼ਸਲ ਦੀ ਖਰੀਦ ਕਰਨਾ ਹੈ। ਮੰਡੀਆਂ ’ਚੋਂ ਲਿਫ਼ਟਿੰਗ ਦੀ ਜੁੰਮੇਵਾਰੀ ਠੇਕੇਦਾਰ ਦੀ ਹੈ। ਕਣਕ ਲਿਫ਼ਟਿੰਗ ’ਚ ਗੈਰ ਕਮਰਸ਼ੀਅਲ ਟਰੈਕਟਰ-ਟਰਾਲੀਆਂ ਦੀ ਵਰਤੋਂ ਰੋਕਣ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਸਮੱਰਥ ਹੈ। ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਡਿਪਟੀ ਕਮਿਸ਼ਨਰ ਐਮ. ਕੇ ਅਰਵਿੰਦ ਦਾ ਕਹਿਣਾ ਸੀ ਕਿ ਪਹਿਲਾਂ ਮਾਮਲਾ ਉਨ੍ਹਾਂ ਦੇ ਧਿਆਨ ਵਿੱਚ ਨਹੀਂ ਸੀ, ਉਹ ਹੁਣੇ ਕਾਰਵਾਈ ਕਰਵਾਉਂਦੇ ਹਨ। 

ਸੁਆਲ ਪੁੱਛਣ 'ਤੇ ਮਾਰ-ਕੁੱਟ ਦੇ ਸ਼ਿਕਾਰ ਸਹਾਇਕ ਪ੍ਰੋਫੈਸਰ ਦੀ ਸ਼ਿਕਾਇਤ ਪਈ ਵੱਟੇ ਖਾਤੇ !

* ਪੁਲਿਸ ਅਨੁਸਾਰ ਕੋਈ ਪੱਗ ਨਹੀਂ ਲੱਥੀ, ਨਾ ਰਾਜੇ ਨੇ ਧੱਕਾ ਮਾਰਿਆ, ਸਿਰਫ਼ ਮਾਮੂਲੀ ਤਕਰਾਰ ਹੋਈ

* ਇਨਸ਼ਾਫ਼ ਨਾ ਮਿਲਣ ’ਤੇ ਸਹਾਇਕ ਪ੍ਰੋਫੈਸਰ ਵੱਲੋਂ ਡੀ.ਸੀ. ਦਫ਼ਤਰ ਮੂਹਰੇ ਧਰਨੇ ਦੀ ਚਿਤਾਵਨੀ 

                                                                                              ਇਕਬਾਲ ਸਿੰਘ ਸ਼ਾਂਤ

ਲੰਬੀ: ਬੀਤੇ ਕੱਲ੍ਹ ਪਿੰਡ ਕੋਲਿਆਂਵਾਲੀ ’ਚ ਰਾਜਾ ਵੜਿੰਗ ਤੋਂ ਸੁਆਲ ਪੁੱਛਣ ਸਮੇਂ ਕਾਂਗਰਸੀਆਂ ਵੱਲੋਂ ਕੁੱਟੇ ਗਏ ਸਹਾਇਕ ਪ੍ਰੋਫੈਸਰ ਗੁਰਜੀਤ ਸਿੰਘ ਦੀ ਸ਼ਿਕਾਇਤ ਵੱਟੇ ਖਾਤੇ ਪੈਂਦੀ ਦਿਸ ਰਹੀ ਹੈ। ਪੁਲਿਸ ਨੇ ਇਸ ਨੂੰ ਮਾਮੂਲੀ ਤਕਰਾਰਬਾਜ਼ੀ ਦੱਸਣ ਦੇ ਨਾਲ ਵਿਧਾਇਕ ਵੱਲੋਂ ਧੱਕੇ ਮਾਰਨ ਅਤੇ ਦਸਤਾਰ ਲੱਥਣ ਦੇ ਦੋਸ਼ਾਂ ਨੂੰ ਬੇਬੁਨਿਆਦ ਦੱਸਿਆ ਹੈ। ਕਬਰਵਾਲਾ ਪੁਲਿਸ ਨੇ ਚੋਣ ਕਮਿਸ਼ਨ ਨੂੰ ਰਿਪੋਰਟ ਭੇਜ ਦਿੱਤੀ ਹੈ। ਉਂਝ ਇਸ ਮਾਮਲੇ ’ਚ ਪੀੜਤ ਸਹਾਇਕ ਪ੍ਰੋਫੈਸਰ ਵੱਲੋਂ ਲਿਖਤੀ ਸ਼ਿਕਾਇਤ ’ਚ ਖੁਦ ਨੂੰ ‘ਪੱਤਰਕਾਰ’ ਦੱਸਣ ਕਰਕੇ ਪੁਲਿਸ ਉਸਤੋਂ ਬਤੌਰ ਪੱਤਰਕਾਰ ਸ਼ਨਾਖ਼ਤ ਪੁੱਛ ਰਹੀ ਹੈ। ਸੂਤਰਾਂ ਅਨੁਸਾਰ ਪੁਲਿਸ ਨੇ ਇਸ ਮਾਮਲੇ ਨੂੰ ਲਗਪਗ ਬੇਬੁਨਿਆਦ ਕਰਾਰ ਦੇ ਕੇ ਦਫ਼ਤਰ ਦਾਖਲ ਕਰ ਦਿੱਤਾ ਹੈ। ਹਾਲਾਂਕਿ ਇਸਦੀ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ। ਇਸ ਮਾਮਲੇ ਬਾਰੇ ਥਾਣਾ ਕਬਰਵਾਲਾ ਦੇ ਮੁਖੀ ਗੁਰਦੀਪ ਸਿੰਘ ਨੇ ਆਖਿਆ ਕਿ ਸ਼ਿਕਾਇਤਕਰਤਾ ਗੁਰਜੀਤ ਜੇਕਰ ਪੱਤਰਕਾਰ ਹੈ ਤਾਂ ਉਹ ਸਬੂਤ ਪੇਸ਼ ਕਰੇ। ਤਾਂ ਜੋ ਮੀਡੀਆ ਦੇ ਹਿਸਾਬ ਬਣਦੀ ਕਾਰਵਾਈ ਕੀਤੀ ਜਾ ਸਕੇ। ਜਦੋਂ ਉਹ ਪੱਤਰਕਾਰ ਹੀ ਨਹੀਂ ਤਾਂ ਕਾਹਨੂੰ ਪੰਗਾ ਲੈਂਦਾ ਹੈ ਬਿਨ੍ਹਾਂ ਗੱਲ ਤੋਂ। ਥਾਣਾ ਮੁਖੀ ਨੇ ਆਖਿਆ ਕਿ ਚੋਣ ਕਮਿਸ਼ਨ ਨੂੰ ਰਿਪੋਰਟ ਬਣਾ ਕੇ ਭੇਜ ਦਿੱਤੀ ਹੈ। ਪੜਤਾਲ ’ਚ ਸਾਹਮਣੇ ਆਇਆ ਹੈ ਥੋੜ੍ਹੀ-ਬਹੁਤ ਤਕਰਾਰ ਹੋਈ ਸੀ, ਹੋਰ ਕੋਈ ਗੱਲਬਾਤ ਨਹੀਂ ਹੋਈ। ਨਾ ਉਸਦੀ ਕੋਈ ਪੱਗ ਲੱਥੀ ਹੈ ਨਾ ਹੋਰ ਐ। ਥਾਣਾ ਮੁਖੀ ਨੇ ਆਖਿਆ ਕਿ ਮੁੱਦਈ ਅਕਾਲੀ ਦਲ ਨਾਲ ਸਬੰਧ ਰੱਖਦਾ ਹੈ। ਖਰਲ ਪਾਉਣ ਬਾਬਤ ਗਿਆ ਸੀ। ਥਾਣਾ ਮੁਖੀ ਅਨੁਸਾਰ ਗੁਰਜੀਤ ਸਿੰਘ ਵੱਲੋਂ ਲਿਆਂਦੇ ਗਵਾਹਾਂ ਨੇ ਲਿਖਵਾਇਆ ਕਿ ਉਨ੍ਹਾਂ ਉਥੇ ਕੋਈ ਧੱਕਾ ਮਾਰਦੇ ਨਹੀਂ ਵੇਖਿਆ ਰਾਜੇ ਵੜਿੰਗ ਨੂੰ। ਉਹ ਆਏਂ ਨਹੀਂ ਆਖ ਸਕਦੇ ਕਿ ਕਿਹੜੇ ਬੰਦੇ ਨੇ ਕੁੱਟ-ਮਾਰ ਕੀਤੀ ਹੈ। ਥਾਣਾ ਮੁਖੀ ਅਨੁਸਾਰ ਗਵਾਹਾਂ ਨੇ ਇਹ ਗੱਲ ਬਿਆਨ ਕੀਤੀ ਕਿ ਇਹਦੀ ਕੋਈ ਪੱਗ ਨਹੀਂ ਲੱਥੀ। ਦੋ ਨੇ ਕੋਈ ਬਿਆਨ ਲਿਖਾਇਆ ਨਹੀਂ। ਇੱਕ ਨੇ ਦੋ-ਤਿੰਨ ਬੰਦਿਆਂ ਬਾਰੇ ਲਿਖਵਾਇਆ ਹੈ।

     ਦੂਜੇ ਪਾਸੇ ਗੁਰਜੀਤ ਸਿੰਘ ਨੇ ਪੁਲਿਸ ’ਤੇ ਦਬਾਅ ਪਾਉਣ ਦੇ ਦੋਸ਼ ਲਾਉਂਦੇ ਆਖਿਆ ਕਿ ਅੱਜ ਸਵੇਰੇ ਥਾਣਾ ਕਬਰਵਾਲਾ ਦੇ ਮੁਖੀ ਦਾ ਫੋਨ ਆਇਆ ਸੀ। ਉਹ ਕਹਿ ਰਹੇ ਸਨ ਕਿ ਤੁਸੀਂ ਸ਼ਿਕਾਇਤ ’ਚ ਪੱਤਰਕਾਰ ਲਿਖਿਆ ਹੈ। ਤੁਸੀਂ ਪੱਤਰਕਾਰ ਨਹੀਂ ਹੋ। ਤੁਹਾਡੇ ’ਤੇ 420 ਦੀ ਕਾਰਵਾਈ ਹੋ ਸਕਦੀ ਹੈ। ਗੁਰਜੀਤ ਸਿੰਘ ਨੇ ਆਖਿਆ ਕਿ ਉਹ ਧਰਮ ਵਿਸ਼ੇ ਦਾ ਸਹਾਇਕ ਪ੍ਰਫੈਸਰ ਹੈ ਅਤੇ ਮੁਹਾਲੀ ਤੋਂ ਛਪਦੇ ਇੱਕ ਅਖ਼ਬਾਰ ’ਚ ਪੱਤਰਕਾਰੀ ਕਰ ਰਿਹਾ ਹੈ ਪਰ ਕੁਝ ਸਮੇਂ ਤੋਂ ਖ਼ਬਰਾਂ ਨਹੀਂ ਭੇਜ ਪਾ ਰਿਹਾ। ਉਸਦੇ ਕੋਲ ਸ਼ਨਾਖ਼ਤੀ ਕਾਰਡ ਅਤੇ ਅਥਾਰਿਟੀ ਲੈਟਰ ਵੀ ਹੈ। ਉਸਨੇ ਬਤੌਰ ਪਿੰਡ ਵਾਸੀ ਅਤੇ ਧਰਮ ਦੇ ਪ੍ਰੋਫੈਸਰ ਵਜੋਂ ਰਾਜਾ ਵੜਿੰਗ ਤੋਂ ਮਰਿਆਦਾ ਨਾਲ ਸੁਆਲ ਪੁੱਛਿਆ ਸੀ। ਉਸਨੇ ਕਿਹਾ ਕਿ ਜੇਕਰ ਪੁਲਿਸ ਅਤੇ ਪ੍ਰਸ਼ਾਸਨ ਨੇ ਉਸਦੀ ਕੋਈ ਸੁਣਵਾਈ ਨਾ ਕੀਤੀ ਤਾਂ ਉਹ ਡਿਪਟੀ ਕਮਿਸ਼ਨਰ ਸ੍ਰੀ ਮੁਕਤਸਰ ਸਾਹਿਬ ਦੇ ਦਫ਼ਤਰ ਮੂਹਰੇ ਧਰਨੇ ’ਤੇ ਬੈਠੇਗਾ ਅਤੇ ਇਨਸਾਫ਼ ਲਈ ਸਿਖ਼ਰ ਤੱਕ ਅਵਾਜ਼ ਉਠਾਏਗਾ। ਗੁਰਜੀਤ ਸਿੰਘ ਨੇ ਕਿਹਾ ਕਿ ਉਸਨੇ ਕਦੇ ਪਾਰਟੀਬਾਜ਼ੀ ’ਚ ਹਿੱਸਾ ਨਹੀਂ ਲਿਆ ਅਤੇ ਨਾ ਕਿਸੇ ਪਾਰਟੀ ਨਾਲ ਉਸਦਾ ਸੰਬੰਧ ਹੈ। ਜ਼ਿਕਰਯੋਗ ਹੈ ਕਿ ਬੀਤੇ ਕੱਲ੍ਹ ਕੋਲਿਆਂਵਾਲੀ ਪਿੰਡ ’ਚ ਰਾਜਾ ਵੜਿੰਗ ਤੋਂ ਸੁਆਲ ਪੁੱਛਣ ਦੌਰਾਨ ਮਾਰ-ਕੁੱਟ ਦਾ ਸ਼ਿਕਾਰ ਹੋ ਗਿਆ ਸੀ। ਉਸਨੇ ਥਾਣਾ ਕਬਰਵਾਲਾ ’ਚ ਸ਼ਿਕਾਇਤ ਕਰਕੇ ਪੱਗ ਲੱਥਣ, ਮਾਰ-ਕੁੱਟ ਸਬੰਧੀ ਦੋਸ਼ ਲਗਾਏ ਸਨ। 

ਦੂਲੋ ਨੂੰ ਕਾਂਗਰਸ ਅਤੇ ਰਾਜ ਸਭਾ ਮੈਂਬਰੀ ਤੋਂ ਲਾਂਭੇ ਹੋਣ ਲਈ ਆਖਿਆ

* ਦੂਲੋ ਦੀ ਖੁੱਲੇਆਮ ਬਗਾਵਤ ਨੇ ਪਾਰਟੀ ਦੇ ਹਿੱਤਾਂ ਨੂੰ ਸੱਟ ਮਾਰੀ

ਚੰਡੀਗੜ: ਸ਼ਮਸ਼ੇਰ ਸਿੰਘ ਦੂਲੋ ਦੀ ਬਗਾਵਤ ਦੀਆਂ ਰਿਪੋਰਟਾਂ ਦੌਰਾਨ ਪੰਜਾਬ ਕਾਂਗਰਸ ਚੋਣ ਮੁਹਿੰਮ ਕਮੇਟੀ ਦੇ ਚੇਅਰਮੈਨ ਲਾਲ ਸਿੰਘ ਨੇ ਸ੍ਰੀ ਦੂਲੋ ਨੂੰ ਕਾਂਗਰਸ ਅਤੇ ਰਾਜ ਸਭਾ ਮੈਂਬਰ ਵਜੋਂ ਅਸਤੀਫਾ ਦੇਣ ਲਈ ਆਖਿਆ ਹੈ। ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਸ੍ਰੀ ਦੂਲੋ ਦੀ ਪਤਨੀ ਤੇ ਪੁੱਤਰ ਆਮ ਆਦਮੀ ਪਾਰਟੀ (ਆਪ) ਵਿੱਚ ਸ਼ਾਮਲ ਹੋ ਗਏ ਹਨ। 

ਦੂਲੋ ਨੂੰ ਕਾਂਗਰਸ ਪਾਰਟੀ ’ਤੇ ਧੱਬਾ ਕਰਾਰ ਦਿੰਦਿਆਂ ਲਾਲ ਸਿੰਘ ਨੇ ਕਿਹਾ ਕਿ ਉਸ ਦੇ ਜਾਣ ਨਾਲ ਪਾਰਟੀ ਨੂੰ ਫਾਇਦਾ ਹੋਵੇਗਾ। ਉਨਾਂ ਕਿਹਾ ਕਿ ਸੰਸਦ ਮੈਂਬਰ ਲਈ ਪਾਰਟੀ ਵਿੱਚ ਕੋਈ ਥਾਂ ਨਹੀਂ ਹੈ ਜਿਸ ਦੀ ਪਤਨੀ ਅਤੇ ਪੁੱਤਰ ਆਪ ਵਿੱਚ ਸ਼ਾਮਲ ਹੋ ਗਏ ਜਦਕਿ ਉਸ ਨੇ ਖੁਦ ਵੀ ਐਲਾਨ ਕੀਤਾ ਹੈ ਕਿ ਉਹ ਕਾਂਗਰਸ ਦੇ ਹੱਕ ਵਿੱਚ ਪ੍ਰਚਾਰ ਨਹੀਂ ਕਰੇਗਾ। 

ਦੂਲੋ ਨੇ ਮੀਡੀਆ ’ਚ ਦਿੱਤੇ ਬਿਆਨ ਦਾ ਹਵਾਲਾ ਦਿੱਤਾ ਗਿਆ ਹੈ ਜਿਸ ਉਹ ਕਹਿ ਰਿਹਾ ਹੈ ਕਿ ਨਾ ਤਾਂ ਉਸ ਨੂੰ ਇਹ ਪਤਾ ਹੈ ਕਿ ਫਤਹਿਗੜ ਸਾਹਿਬ ਤੋਂ ਕਾਂਗਰਸੀ ਉਮੀਦਵਾਰ ਕੌਣ ਹੈ ਅਤੇ ਨਾ ਹੀ ਉਹ ਉਸ ਲਈ ਪ੍ਰਚਾਰ ਕਰੇਗਾ।

ਦੂਲੋ ਦੇ ਸਟੈਂਡ ਨੂੰ ਸ਼ਰਮਨਾਕ ਅਤੇ ਜਾਬਰ ਕਦਮ ਦੱਸਦਿਆਂ ਲਾਲ ਸਿੰਘ ਨੇ ਕਿਹਾ ਕਿ ਕਾਂਗਰਸ ਨੇ ਉਸ ਨੂੰ ਬਹੁਤ ਕੁਝ ਦਿੱਤਾ ਪਰ ਉਹ ਘਟੀਆ ਸਲੂਕ ਕਰ ਰਿਹਾ ਹੈ। ਲਾਲ ਸਿੰਘ ਨੇ ਕਿਹਾ ਕਿ ਦੂਲੋ ਸਾਲ 1992 ਅਤੇ 1999 ਵਿੱਚ ਬੇਅੰਤ ਸਿੰਘ ਦੀ ਸਰਕਾਰ ਦੇ ਮੰਤਰੀ ਮੰਡਲ ’ਚ ਮੈਂਬਰ ਸੀ ਅਤੇ ਕੈਪਟਨ ਅਮਰਿੰਦਰ ਸਿੰਘ ਨੇ ਉਸ ਨੂੰ ਲੋਕ ਸਭਾ ਦੀ ਟਿਕਟ ਦਿੱਤੀ ਜਿਸ ਤੋਂ ਉਸ ਨੇ ਜਿੱਤ ਹਾਸਲ ਕੀਤੀ। ਉਸ ਵੇਲੇ ਉਸ ਨੂੰ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦਾ ਪ੍ਰਧਾਨ ਬਣਾਇਆ ਪਰ ਇਹ ਹੋਰ ਗੱਲ ਹੈ ਕਿ ਉਹ ਇਸ ਨੂੰ ਸਹਿਜੇ ਹੀ ਭੁੱਲੀ ਬੈਠਾ ਹੈ।

ਇੱਥੋਂ ਤੱਕ ਪਾਰਟੀ ਨੇ ਵਿਧਾਨ ਸਭਾ ਚੋਣਾਂ ਲਈ ਉਸ ਦੀ ਪਤਨੀ ਨੂੰ ਸਾਲ 2002, ਅਤੇ ਮੁੜ ਸਾਲ 2007 ਅਤੇ 2012 ਵਿੱਚ ਟਿਕਟ ਦਿੱਤੀ। ਉਸ ਨੂੰ ਸੰਸਦੀ ਸਕੱਤਰ ਵੀ ਬਣਾਇਆ।

ਲਾਲ ਸਿੰਘ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਨੂੰ ਸਾਲ 2007 ਦੀਆਂ ਵਿਧਾਨ ਸਭਾ ਚੋਣਾਂ ’ਚ ਵੀ ਦੂਲੋ ਕਰਕੇ ਹਾਰ ਦਾ ਮੰੂਹ ਦੇਖਣਾ ਪਿਆ ਸੀ ਜਿਸ ਨੇ ਇਕ ਵਿਸ਼ੇਸ਼ ਭਾਈਚਾਰੇ ਖਿਲਾਫ ਬੁਰਾ-ਭਲਾ ਕਿਹਾ ਸੀ ਜਿਸ ਕਰਕੇ ਉਸ ਨੂੰ ਆਪਣੀ ਖੁਦ ਦੀ ਹਾਰ ਦੇ ਨਾਲ-ਨਾਲ ਪਾਰਟੀ ਨੂੰ ਹਾਰ ਸਹਿਣੀ ਪਈ ਸੀ। ਇਸ ਦੇ ਬਾਵਜੂਦ ਉਸ ਨੂੰ ਪਾਰਟੀ ਨੇ ਰਾਜ ਸਭਾ ਦਾ ਮੈਂਬਰ ਬਣਾਇਆ।

ਲਾਲ ਸਿੰਘ ਨੇ ਕਿਹਾ ਕਿ ਇਨਾਂ ਸਾਰੀਆਂ ਗੱਲਾਂ ਦੇ ਬਾਵਜੂਦ ਹੁਣ ਉਹ ਆਪਣੇ ਪੁੱਤ ਲਈ ਟਿਕਟ ਭਾਲਦਾ ਸੀ ਅਤੇ ਜਦੋਂ ਇਸ ਲਈ ਇਨਕਾਰ ਕੀਤਾ ਤਾਂ ਉਸ ਨੇ  ਪਾਰਟੀ ਦੇ ਵਫ਼ਾਦਾਰ ਸਿਪਾਹੀ ਵਜੋਂ ਕੰਮ ਕਰਨ ਦੀ ਬਜਾਏ ਪਾਰਟੀ ਵਿਰੁੱਧ ਖੁੱਲੇਆਮ ਬਗਾਵਤ ਕਰ ਦਿੱਤੀ।

ਚੋਣ ਕਮੇਟੀ ਦੇ ਚੇਅਰਮੈਨ ਨੇ ਦੂਲੋ ਦੇ ਰਵੱਈਏ ’ਤੇ ਗੁੱਸਾ ਜ਼ਾਹਰ ਕਰਦਿਆਂ ਕਿਹਾ ਕਿ ਸੰਸਦ ਮੈਂਬਰ ਪਾਰਟੀ ਵਿੱਚ ਰਹਿਣ ਦਾ ਹੱਕ ਗਵਾ ਚੁੱਕਾ ਹੈ ਅਤੇ ਉਹ ਪਾਰਟੀ ਨਾਲ ਮਾੜਾ ਸਲੂਕ ਕਰ ਰਿਹਾ ਰਿਹਾ ਹੈ। ਉਨਾਂ ਕਿਹਾ ਕਿ ਇਕ ਪਾਸੇ ਪਾਰਟੀ ਵੱਲੋਂ ਇਨਾਂ ਲੋਕ ਸਭਾ ਚੋਣਾਂ ਵਿੱਚ ਆਪਣੇ ਉਮੀਦਵਾਰਾਂ ਦੀ ਜਿੱਤ/ਹਾਰ ਲਈ ਮੰਤਰੀਆਂ ਅਤੇ ਵਿਧਾਇਕਾਂ ਸਮੇਤ ਸੀਨੀਅਰ ਨੇਤਾਵਾਂ ਦੀ ਜੁਆਬਦੇਹੀ ਤੈਅ ਕੀਤੀ ਜਾ ਰਹੀ ਹੈ ਤਾਂ ਦੂਜੇ ਪਾਸੇ ਦੂਲੋ ਵਰਗੇ ਲੋਕ ਹਨ ਜੋ ਕਾਂਗਰਸੀ ਉਮੀਦਵਾਰਾਂ ਦੇ ਯਤਨਾਂ ਅਤੇ ਹਿੱਤਾਂ ਨੂੰ ਨੁਕਸਾਨ ਪਹੁੰਚਾਉਣ ਦੇ ਯਤਨਾਂ ਵਿੱਚ ਲੱਗੇ ਹੋਏ ਹਨ।

ਲਾਲ ਸਿੰਘ ਨੇ ਮੰਗ ਕੀਤੀ ਕਿ ਦੂਲੋ ਨੂੰ ਸਿਆਸੀ ਪੈੜਾਂ ਪਾਉਣ ਲਈ ਰਸਤਾ ਦਿਖਾਉਣ ਵਾਲੀ ਪਾਰਟੀ ਵਿਰੁੱਧ ਭੁਗਤਣ ਦੀ ਬਜਾਏ ਤੁਰੰਤ ਲਾਂਭੇ ਹੋ ਜਾਣਾ ਚਾਹੀਦਾ ਹੈ।

‘ਰਾਜੇ’ ਨੂੰ ਦੇਣਾ ਪੈ ਰਿਹਾ ‘ਮਹਾਰਾਜੇ’ ਦੀਆਂ ਅਣਦੇਖੀਆਂ ਦਾ ‘ਹਿਸਾਬ’

* ਵੱਡੀਆਂ-ਵੱਡੀਆਂ ਸਹੁੰਆਂ ਖਾ ਕੇ ਦਰਸਾਉਣੀ ਪੈ ਰਹੀ ਭਵਿੱਖੀ ਵਫ਼ਾਦਾਰੀ

                                                          ਇਕਬਾਲ ਸਿੰਘ ਸ਼ਾਂਤ

ਲੰਬੀ: ‘ਮਹਾਰਾਜੇ’ ਦੀਆਂ ਅਣਦੇਖੀਆਂ ਦਾ ਹਿਸਾਬ ਲੰਬੀ ਦੀਆਂ ਸੱਥਾਂ ’ਚ ਰਾਜਾ ਵੜਿੰਗ ਨੂੰ ਦੇੇਣਾ ਪੈ ਰਿਹਾ ਹੈ। ਰਾਜਾ ਵੜਿੰਗ ਲੰਬੀ ਹਲਕੇ ਵਿੱਚ ਵੋਟਾਂ ਮੰਗਣ ਤੋਂ ਪਹਿਲਾਂ ਜਨਤਕ ਤੌਰ ’ਤੇ ਭਵਿੱਖੀ ਵਫ਼ਾਦਾਰੀ ਦਰਸਾਉਣ ਲਈ ਮਜ਼ਬੂਰ ਹਨ। ਬਾਦਲਾਂ ਦੀ ਸਿਆਸੀ ਰਾਜਧਾਨੀ ਲੰਬੀ ਵਿੱਚ ਬਾਦਲਾਂ ਖਿਲਾਫ਼ ਸ਼ਬਦੀ ਤੋਪ ਦਾ ਮੂੰਹ ਖੋਲ੍ਹਣ ਤੋਂ ਮਾਯੂਸ ਕਾਂਗਰਸੀਆਂ ਦੇ ਡਿੱਗੇ-ਢਹੇ ਮਨਾਂ ਨੂੰ ਖੜ੍ਹਾਉਣ ਲਈ ਰਾਜਾ ਵੜਿੰਗ ਚੋਣ ਜਲਸਿਆਂ ’ਚ ਵੱਡੀਆਂ-ਵੱਡੀਆਂ ਸਹੁੰਆਂ ਖਾ ਰਹੇ ਹਨ। ਪਿੰਡ-ਪਿੰਡ ਚੋਣ ਜਲਸਿਆਂ ਮੌਕੇ ਵੜਿੰਗ ਦੀ ਤਕਰੀਰ ਦਾ 40 ਫ਼ੀਸਦੀ ਸਮਾਂ ਲੰਬੀ ਦੇ ਵੋਟਰਾਂ ਪ੍ਰਤੀ ਆਪਣੀ ਵਫ਼ਾਦਾਰੀ ਨੂੰ ਜਤਾਉਣ ’ਤੇ ਲੱਗ ਰਿਹਾ ਹੈ। ਉਹ

ਕਾਂਗਰਸ ਪੱਖੀ ਵੋਟਰਾਂ ਦੇ ਸ਼ੰਕਿਆਂ ਅਤੇ ਖਦਸ਼ਿਆਂ ਦਾ ਹਾਂ-ਪੱਖੀ ਬਣਾਉਣ ਲਈ ਵਚਨ ਦਿੰਦਿਆਂ ਆਖ ਰਹੇ ਹਨ ਕਿ ਜੇਕਰ ਬੰਦੇ ਦਾ ਪੁੱਤ ਹੋਇਆ ਤਾਂ ਕਦੇ ਤੁਹਾਡਾ ਅਹਿਸਾਨ ਨਹੀਂ ਮੋੜ ਸਕਣਾ, ਜੇਕਰ ਬੰਦੇ ਦਾ ਪੁੱਤ ਹੋਇਆ ਤੁਹਾਨੂੰ ਕਦੇ ਛੱਡ ਕੇ ਨਹੀਂ ਭੱਜਣਾ। ਉਹ (ਰਾਜਾ) ਮੰਨਦੇ ਹਨ ਕਿ ਇੱਥੇ ਪਹਿਲਾਂ ਚੋਣਾ ਲੜੇ ਲੀਡਰ ਤੁਹਾਡੇ ਤੋਂ ਵੋਟਾਂ ਲੈ ਕੇ ਚਲੇ ਜਾਇਆ ਕਰਦੇ ਹਨ ਅਤੇ ਫਿਰ ਕਦੇ ਬਾਤ ਨਹੀਂ ਪੁੱਛਦੇ ਅਤੇ ਮਗਰੋਂ ਬਾਦਲ ਵਾਲੇ ਤੁਹਾਨੂੰ ਭਜਾਉਂਦੇ ਹਨ। ਤੁਹਾਨੂੰ ਸ਼ੱਕ ਹੈ ਕਿ ਜਿਵੇਂ ਹੋਰਨਾਂ ਲੀਡਰ ਆਉਂਦੇ ਹਨ ਅਤੇ ਵੋਟਾਂ ਲੈ ਕੇ ਤੁਹਾਡੇ ਲੰਬੀ ਵਾਲਿਆਂ ਦੀ ਬਾਤ ਨਹੀਂ ਪੁੱਛਦੇ। ਰਾਜਾ ਵੜਿੰਗ ਆਪਣੀ ਭੱਲ ਬਣਾਊ ਸ਼ਬਦਾਂ ’ਚ ਵੋਟਰਾਂ ਨੂੰ ਭਾਵੁਕ ਕਰਦਿਆਂ ਆਖਦੇ ਹਨ ਕਿ ‘ਜੇਕਰ ਮੈਂ ਲੰਬੀ ਦੇ ਲੋਕਾਂ ਨੂੰ ਧੋਖਾ ਦਿਆਂ ਤਾਂ ਮੇਰਾ ਜ਼ਿੰਦਗੀ ’ਚ ਕੱਖ ਨਾ ਰਹੇ ਅਤੇ ਮੇਰੀਅ ਅੱਖਾਂ ਮਿਚ ਜਾਣ।’ ਆਮ ਵੋਟਰਾਂ ’ਚ ਚਰਚਾ ਹੈ ਕਿ ਰਾਜਾ ਵੜਿੰਗ ਤਾਂ ਸਹੁੰਆਂ ਖਾਣ ਵਿੱਚ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੂੰ ਵੀ ਪਿਛਾਂਹ ਛੱਡ ਰਿਹਾ ਹੈ। ਦੱਸਣਯੋਗ ਹੈ ਕਿ ਕਾਂਗਰਸੀ ਉਮੀਦਵਾਰ ਹਰੇਕ ਲੋਕਸਭਾ ਚੋਣਾਂ ’ਚ ਬਠਿੰਡਾ ਤੋਂ ਅਕਾਲੀ ਦਲ ਦੀ ਯਕੀਨੀ ਜਿੱਤ ’ਚ ਅਹਿਮ ਨੁਸਖੇ ਲੰਬੀ ਹਲਕੇ ਦੇ ਵੋਟ ਵਜ਼ਨ ਦੀ ਅਹਿਮੀਅਤ ਤੋਂ ਜਾਣੂ ਹੈ। ਇਸੇ ਕਰਕੇ ਉਹ ਕੈਪਟਨ ਅਮਰਿੰਦਰ ਸਿੰਘ ਦੇ ਅਣਦੇਖੀਆਂ ਵਾਲੇ ਗੁਨਾਹ ਅਸਿੱਧੇ ਸ਼ਬਦਾਂ ’ਚ ਬਖਸ਼ਵਾ ਕੇ ਲੰਬੀ ਦੇ ਚੋਣ ਪਲੜੇ ਦਾ ਮੁਹਾਂਦਰਾ ਆਪਣੇ ਵੱਲ ਕਰਨ ਦੇ ਰੌਂਅ ਵਿੱਚ ਹੈ। ਜ਼ਿਕਰਯੋਗ ਹੈ ਕਿ ਬੀਤੇ ਵਿਧਾਨਸਭਾ ਚੋਣਾਂ ਵਿੱਚ ਕੈਪਟਨ ਅਮਰਿੰਦਰ ਸਿੰਘ ਨੇ ਲੰਬੀ ਤੋਂ ਚੋਣ ਲੜਨ ਬਾਅਦ ਇੱਧਰ ਨੂੰ ਕਦੇ ਤੱਕਿਆ ਤੱਕ ਨਹੀਂ। ਉਦੋਂ ਮਹਾਰਾਜਾ ਅਮਰਿੰਦਰ ਸਿੰਘ ਦੇ ਵਾਅਦਿਆਂ ਦੇ ਇਲਾਵਾ ਯੁਵਰਾਜ ਰਣਇੰਦਰ ਸਿੰਘ ਨੇ ਪਟਿਆਲਾ ਮਹਿਲ ਦੇ ਵੱਡੇ ਬੂਹਿਆਂ, ਦਰਜਨਾਂ ਕਮਰਿਆਂ ਅਤੇ ਮਹਾਰਾਜੇ ਦੇ ਵੱਡੇ ਦਿਲ ਦੀ ਖੂਬ ਸਿਫ਼ਤਾਂ ਕੀਤੀਆਂ ਸਨ। ਸਵਾ ਦੋ ਸਾਲਾਂ ਬਾਅਦ ਵੀ ਮਹਾਰਾਜੇ ਦਾ ਵੱਡਾ ਦਿਲ ਲੰਬੀ ਹਲਕੇ ਲਈ ਸੁੰਗੜਿਆ ਹੋਇਆ ਹੀ ਸਾਬਤ ਹੋਇਆ ਹੈ। ਪਲ-ਪਲ ’ਤੇ ਹਾਈਕਮਾਂਡ ਦੀ ਗੈਰ-ਸੁਣਵਾਈ ਅਤੇ ਬੇਰੁੱਖੀ ਕਾਰਨ ਲੰਬੀ ਹਲਕੇ ਦੇ ਕਾਂਗਰਸੀ ਮਨੋਬਲ ਪੱਖੋਂ ਢਹਿ-ਢੇਰੀ ਹੋ ਚੁੱਕੇ ਹਨ। ਮੌਜੂਦਾ ਲੋਕਸਭਾ ਮੌਕੇ ਵੀ ਲੰਬੀ ਹਲਕੇ ਦੇ ਪ੍ਰਮੁੱਖ ਕਾਂਗਰਸ ਆਗੂ ਗੁਰਮੀਤ ਸਿੰਘ ਖੁੱਡੀਆਂ ਅਤੇ ਜਗਪਾਲ ਸਿੰਘ ਅਬੁੱਲਖੁਰਾਣਾ ਬਠਿੰਡਾ ਲੋਕਸਭਾ ਤੋਂ ਟਿਕਟ ਦੇ ਦਾਅਵੇਦਾਰ ਸਨ ਪਰ ਹਾਈਕਮਾਂਡ ਨੇ ਰਾਜਾ ਵੜਿੰਗ ’ਤੇ ਦਾਅ ਖੇਡਣਾ ਮੁਨਾਸਿਬ ਸਮਝਿਆ। ਇਸੇ ਕਰਕੇ ਬਾਦਲਾਂ ਦੇ ਗੜ੍ਹ ਵਿੱਚ ਰਾਜਾ ਵੜਿੰਗ ਨੂੰ ਕਾਂਗਰਸ ਕਾਡਰ ਅਤੇ ਵੋਟ ਬੈਂਕ ਦੇ ਮਨ ਠਾਰ੍ਹਣ ਲਈ ਖਾਸਾ ਜ਼ੋਰ ਲਗਾਉਣਾ ਪੈ ਰਿਹਾ ਹੈ। ਬੀਤੇ ਦਿਨ੍ਹੀਂ ਸਹਿਕਾਰਤਾ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਵੱਲੋਂ ਵੜਿੰਗ ਦੇ ਹੱਕ ਵਿੱਚ ਚੋਣ ਜਲਸੇ ਮੌਕੇ ਪਿੰਡ ਕਰਮ ਪੱਟੀ ਦੇ ਕਾਂਗਰਸੀ ਸਰਪੰਚ ਕੁੰਦਨ ਸਿੰਘ ਨੇ ਸਟੇਜ ਤੋਂ ਲੰਬੀ ਦੇ ਕਾਂਗਰਸੀਆਂ ਦੀ ਗੈਰ-ਸੁਣਵਾਈ ਦੀ ਦੁਖੜਾ ਸੁਣਾਇਆ ਸੀ। ਪਿਛਲੇ ਲੋਕਸਭਾ ਚੋਣਾਂ ਮੌਕੇ ਲੰਬੀ ਹਲਕੇ ’ਚ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੂੰ ਕਰੀਬ 35 ਹਜ਼ਾਰ ਵੋਟਾਂ ਦੀ ਬੜ੍ਹਤ ਮਿਲੀ ਸੀ। ਜਦੋਂਕਿ 2017 ਦੇ ਵਿਧਾਨਸਭਾ ਚੋਣਾ ’ਚ ਮੁੱਖ ਅਮਰਿੰਦਰ ਸਿੰਘ ਨੂੰ 22770 ਦੇ ਫ਼ਰਕ ਨਾਲ ਪ੍ਰਕਾਸ਼ ਸਿੰਘ ਬਾਦਲ ਹੱਥੋਂ ਹਾਰ ਮਿਲੀ ਸੀ।