ਇਕਬਾਲ ਸਿੰਘ ਸ਼ਾਂਤ
ਲੰਬੀ: ਫ਼ਸਲ ਖਰਾਬੇ ਸੰਬੰਧੀ ਪਿੰਡ ਬਾਦਲ ’ਚ ਹਜ਼ਾਰਾਂ ਕਿਸਾਨਾਂ ਵੱਲੋਂ ਪੱਕੇ ਮੋਰਚੇ ਦੇ ਛੇ ਦਿਨ ਬਾਅਦ ਵੀ ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਦੀ ਚੁੱਪੀ ਲੋਕ ਸਫ਼ਾਂ ਨੂੰ ਹੈਰਾਨ ਕਰ ਰਹੀ ਹੈ। ਖੁਦ ਨੂੰ ਬੜਾ ਸੰਜ਼ੀਦਾ ਅਤੇ ਸਾਦਾ ਦੱਸਣ ਵਾਲੇ ਮਨਪ੍ਰੀਤ ਸਿੰਘ ਬਾਦਲ ਵੱਲੋਂ ਹੁਣ ਤੱਕ ਉਨਾਂ ਦੇ ਘਰ ਮੂਹਰੇ ਡਟੇ ਬੈਠੇ ਕਿਸਾਨਾਂ ਦਾ ਸਾਰ ਨਾ ਲੈਣ ਨਾਲ ਲੋਕ ਕਚਿਹਰੀ ’ਚ ਉਨਾਂ ਦੀ ਜਵਾਬਦੇਹੀ ਖੜੀ ਹੋ ਗਈ ਹੈ। ਸ੍ਰੀ ਬਾਦਲ ਬਠਿੰਡਾ ਸੀਟ ਤੋਂ ਵਿਧਾਇਕ ਹਨ। ਨਰਮਾ ਪੱਟੀ ਦਾ ਸਿਰਤਾਜ ਬਠਿੰਡਾ ਜ਼ਿਲਾ ਗੁਲਾਬੀ ਸੁੰਡੀ ਦੀ ਭਾਰੀ ਮਾਰ ਹੇਠਾਂ ਹੈ। ਆਗਾਮੀ ਚੋਣਾਂ ’ਚ ਮਾਲਵਾ ਅਤੇ ਖਾਸਲ ਨਰਮਾ ਪੱਟੀ ’ਚ ਮਨਪ੍ਰੀਤ ਬਾਦਲ ਦੀ ਚੁੱਪੀ ਕਈ ਹਲਕਿਆਂ ’ਚ ਕਾਂਗਰਸ ਉਮੀਦਵਾਰਾਂ ਲਈ ਜਨਤਕ ਮੁਸ਼ਕਿਲਾਂ ਵਧਾ ਸਕਦੀ ਹੈ। ਸਿਆਸੀ ਮਾਹਰਾਂ ਦਾ ਮੰਨਣਾ ਹੈ ਕਿ ਵਿੱਤ ਮੰਤਰੀ ਨੂੰ ਲੋਕ ਨੁਮਾਇੰਦੇ ਦੇ ਨਾਤੇ ਇਸ ਮਸਲੇ ਦੇ ਹੱਲ ਲਈ ਮੂਹਰੇ ਆਉਣਾ ਚਾਹੀਦਾ ਸੀ। ਇਸ ਚੁੱਪੀ ਦਾ ਕਾਰਨ ਜਾਣਨ ਬਾਰੇ ਵਿੱਤ ਮੰਤਰੀ ਦਾ ਪੱਖ ਜਾਣਨ ’ਤੇ ਵਾਰ ਵਾਰ ਫੋਨ ’ਤੇ ਉਨਾਂ ਕਾਲ ਰਸੀਵ ਨਹੀਂ ਕੀਤੀ।
No comments:
Post a Comment